Erlent

Enn ekki nákvæmar upplýsingar um skotárásina

Skotárás varð við stúdentaíbúðir í Auburn í Alabama í Bandaríkjunum síðustu nótt. Fréttastofur af svæðinu hafa sagt að þrír hafi látið lífið og tveir aðrir slasast alvarlega. Það hefur ekki fengist staðfest með ótvíræðum hætti og lögregla hefur ekki gefið út yfirlýsingu vegna málsins.

Erlent

Sósíalistar og samherjar efstir

Útgönguspár frá Frakklandi benda til þess að Sósíalistaflokkur Francois Hollande fái svipað mikið fylgi og hægri flokkurinn UMP. Flokkarnir mælast nú með 35% hvor.

Erlent

Neyðarástand í Búrma

Forseti Búrma lýsti yfir neyðarástandi í vesturhluta landsins í dag. Yfirlýsingin kemur eftir árásir öfgahópa í landinu síðustu vikuna. Óeirðir blossuðu upp í síðasta mánuði í Búrma eftir að Búddatrúar kona var drepin. Síðan hafa 17 múslimar týnt lífinu og hundruðir bygginga eyðilagst. Frá þessu er greint á vefmiðli BBC.

Erlent

Rússneskar fótboltabullur til rannsóknar

UEFA mun beita agavaldi sínu vegna óviðeigandi hegðunar rússneskra stuðningsmanna á fótboltaleik landsliðsins gegn Tékkum síðasta föstudag. Fjórir starfsmenn á vellinum urðu fyrir árás stuðningsmannanna og voru sendir á spítala. Sömuleiðis voru þeir sakaðir um kynþáttafordóma sem beindust gegn tékkneska varnarmanninum Theodor Gebre Selassie, sem er svartur. Málið verður tekið til meðferðar næsta miðvikudag.

Erlent

Obama móðgaður vegna ásakana um leka

Barack Obama, forseti Bandaríkjanna, segir það móðgandi að gefa í skyn að Hvíta húsið sé á bak við leka um árásir mannlausra fjarstýrðra loftfara á bækistöðvar grunaðra hryðjuverkamanna í Mið-Austurlöndum en fréttir af þessum árásum að undanförnu hafa gert ríkisstjórn Obama berskjaldaða fyrir harðri gagnrýni frá bæði hægri og vinstri væng stjórnmálanna um leynd þessara aðgerða, sem þykja mjög umdeildar. Eric Holder, dómsmálaráðherra Bandaríkjanna, hefur skipað tvo lögmenn sem eiga að stýra rannsókn á því hvort leynilegum trúnaðargögnum stjórnvalda um þessar árásir hafi verið lekið til fjölmiðla, að því er fram kemur í Financial Times.

Erlent

Frakkar að kjörborðinu

Frakkar ganga að kjörborðinu í dag og kjósa neðri deild þingsins. Niðurstöður úr kosningunum munu ráða því hve hratt hinn nýkjörni formaður Francois Hollande mun koma umbótaáætlunum sínum í framkvæmd og hve umfangsmiklar þær verða.

Erlent

Mubarak þungt haldinn

Hosni Mubarak, fyrrverandi forseti Egyptalands, liggur þungt haldinn á fangelsissjúkrahúsi í Kaíró. Heilsu hans hefur hrakað mikið frá því hann var dæmdur í lífstíðarfangelsi fyrir um viku og segja egypskt yfirvöld hann nú einungis geta neytt matar í vökvaformi. Eiginkona Mubaraks og tvær tengdadætur heimsóttu hann í morgun eftir að orðrómur um andlát fyrrum forsetans fór á kreik.

Erlent

Skotárás við stúdentaíbúðir í Alabama

Nokkrir særðust í skotárás við stúdentaíbúðir í borginni Auburn í Alabamafylki í Bandaríkjunum. Skotárásin varð í nótt. Ekki er enn vitað um líðan fórnarlambanna né hve mörg þau voru, en lögregla hefur sagt að þau hafi verið fleiri en eitt.

Erlent

Ráðherra lést í þyrluslysi

George Saitoti, öryggismálaráðherra Kenía, lést ásamt sex öðrum þegar þyrla brotlenti í skógi skammt frá höfuðborginni Nairobi. Kenísk yfirvöld greindu frá þessu í morgun. Ekki er vitað hvað olli slysinu að svo stöddu. Saitoti hugðist bjóða sig fram til forseta en næstu forsetakosningar í Kenía fara fram í mars á næsta ári.

Erlent

Vill hernaðaríhlutun í Sýrlandi

Shaul Mofaz, forsætisráðherra Ísraels, sakaði sýrlensk yfirvöld um þjóðarmorð í útvarpsviðtali í morgun og hvatti alþjóðarsamfélagið til að grípa til hernaðaraðgerða í því skyni að stöðva blóðbaðið þar í landi. Hann gagnrýndi jafnframt helstu þjóðarleiðtoga heims fyrir aðgerðarleysi og var afar harðorður í garð Rússa fyrir að útvega Sýrlendingum vopn. Utanríkisráðherra Rússlands, ítrekaði í gær að hann væri mótfallið tilraunum öryggisráðs Sameinuðu þjóðanna um hernaðaríhlutun í Sýrlandi en kallaði eftir fundi með helstu leiðtogum heims til að ræða friðaráætlun Kofis Annans.

Erlent

Bjargað naumlega undan flóðum

Um 150 manns var bjargað naumlega í dag þegar mikil flóð gengu yfir bæi og sumarleyfisstaði á vesturströnd Wales snemma í morgun. Þyrlur voru sendar á svæðið í björgunaraðgerðum nálægt bænum Aberystwyth eftir að tæplega 13 sentímetrar af regni féllu síðastliðinn sólarhring. Enginn slasaðist í flóðunum í morgun en þónokkurt tjón varð eins og myndirnar bera með sér.

Erlent

Talíbanar drepa franska hermenn

Fjórir franskir hermenn létu lífið í sjálfsmorðstilræði í Afganistan í dag. Herskáir talíbanar hafa lýst yfir ábyrgð á árásinni sem átti sér stað á Kapisa-svæðinu í austurhluta landsins. Nú eru tæplega 3.300 franskir hermenn í Afganistan en stefnan er að franskar hersveitir hafi yfirgefið landið í lok þessa árs.

Erlent

Börnum bjargað úr ánauð níðinga

Átján börnum hefur verið bjargað úr ánauð níðinga í umfangsmikilli aðgerð bandarískra yfirvalda gegn barnaklámi. Hundrað og níutíu manns voru handteknir, flestir í Bandaríkjunum en handtökur áttu sér einnig stað á Spáni, Filippseyjum, Bretlandi, í Argentínu, Svíþjóð, Serbíu og Hollandi.

Erlent

Kínverjar út í geim

Kínverjar hafa ákveðið að senda mannað geimfar út í geim í þessum mánuði. Það yrði í fjórða sinn sem Kínverjar skjóta upp mönnuðu geimfari síðan árið 2008.

Erlent

Sprenging og átök í Sýrlandi

Sautján óbreyttir borgarar, þar á meðal tíu konur, féllu í sprengingu í suðurhluta sýrlensku borgarinnar Deraa í nótt. Átök brutust út á milli uppreisnarmanna og stjórnarherliða í kjölfarið og var aðalvegi frá Damascus höfuðborg landsins lokað með logandi dekkjum. Að minnsta kosti fjörutíu og fjórir sýrlenskir borgarar létust í gær og tuttugu og fimm hermenn.

Erlent

Vill endurræsa tvo kjarnaofna

Yoshihiko Noda, forsætisráðherra Japans, segir nauðsynlegt að endurræsa tvo af 50 kjarnorkuofnum landsins til þess að efnahagur landsins og landsmanna fari ekki á hliðina.

Erlent

Níðþunga bryggju rak á land

Íbúar í bænum Newport í Oregon á vesturströnd Bandaríkjanna ráku upp stór augu í vikunni þegar risastór flotbryggja úr stáli og steinsteypu var komin upp í fjöru.

Erlent

Flúði nakinn frá Kristjaníu

Blaðamaður varð fyrir líkamsárás í Kristjaníu í Kaupmannahöfn í fyrradag. Blaðamaðurinn var að taka ljósmyndir en slíkt er illa séð af sölumönnum í fríríkinu. Maðurinn var barinn, afklæddur og myndavélin tekin af honum. Hann náði að forða sér allsnakinn.

Erlent

Gleraugu sem hjálpa þér að grennast

Japanskir vísindamenn hafa búið til gleraugu sem eiga hjálpa fólki að grennast. Þetta hljómar eflaust svolítið furðulega en þeir eru alveg vissir um að gleraugun hjálpi fólki að borða minna af mat.

Erlent

73 ára kleif Mount Everest

Tamae Watanabe, sjötíu og þriggja ára fyrrum skrifstofukona frá Nepal, setti heimsmet met á dögunum þegar hún klifraði upp á toppinn á Mount Everest. Hún er nú elsta kona í heimi sem hefur náð upp á þennan hæsta tind veraldar.

Erlent

Samkynhneigðir fá að ganga í hjónaband

Danska þingið samþykkti með miklum meirihluta í gær frumvarp sem heimilar hjónabönd samkynhneigðra. Hingað til hafa samkynhneigðir í Danmörku ekki getað gengið í hjónaband, heldur aðeins haft möguleika á að skrá sig í sambúð.

Erlent

Emma Watson kemur hugsanlega til Íslands með Russel Crowe

Viðræður standa yfir við Emmu Watson um að hún taki að sér hlutverk í mynd Darren Aronofskys um Örkina hans Nóa. Myndin verður að hluta til tekin upp hér á Íslandi. Nú þegar hefur verið samið við Russel Crowe um að taka að sér hlutverk Nóa. Enn hefur ekki verið ráðið í hlutverk skúrksins né heldur í hlutverk eiginkonu Nóa. Búist er við því að Jennifer Connelly muni hampa hlutverki eiginkonunnar. Emma Watson er þekktust fyrir hlutverk sitt í myndunum um galdrastrákinn Harry Potter.

Erlent

Grænlendingum ráðlagt að nota pottlok gegn hvítabjörnum

Grænlensk stjórnvöld freista þess nú með öllum ráðum að koma í veg fyrir að ísbirnir séu skotnir að óþörfu. Umgengnisreglur hafa verið settar sem banna mönnum að fæða ísbirni og íbúar eru eindregið varaðir við því að elta þá uppi. Þetta kemur fram í fréttatilkynningu sjávarútvegs-, veiði- og landbúnaðarráðuneytis Grænlands í tilefni af því að hvítabjörn var skotinn við Nuuk síðastliðinn sunnudag.

Erlent

Engisprettufaraldur ógnar lífi íbúa í Malí og Niger

Engisprettufaraldur ógnar nú lífi íbúa í Afríkulöndunum Malí og Niger. Bæði þessi lönd glíma við hörmungar fyrir þar sem borgarastríð geisar í Malí og hungursneyð er í uppsiglingu í Niger. Samtökin Amnesty International segja að ástandið í Malí hafi ekki verið verra í fimmtíu ár.

Erlent

Líkamsárás í beinni

Ilias Kasidaris, þingmaður fasistaflokksins Gylltrar dögunar, réðst í gærmorgun í beinni sjónvarpsútsendingu á Liönu Kanelli, þingkonu gríska kommúnistaflokksins.

Erlent

Mest lesið