Segist hafa fundið aflvélar Apollo 11 á hafsbotni

Jeff Bezos stofnandi vefsíðunnar Amazon segir að hann hafi fundið F-1 aflvélar Apollo 11 geimflaugarinnar sem kom geimförum til tunglsins í fyrsta sinn árið 1969.

Bezos segist hafa fundið allar fimm aflvélarnar á 4.3 kílómetra dýpi í Atlantshafinu en þær komu Satrún V geimflauginni út fyrir gufuhvolf jarðarinnar.

Bezos ætlar sér að bjarga að minnsta kosti einni af vélunum af hafsbotninum og jafnvel fleirum ef vel tekst til.

Aflavélar þessar keyrðu í aðeins nokkrar mínútur áður en þeim var kúplað frá geimflauginni og féllu síðan í Atlantshafið.