Erlent

Jafnaðarmenn enn stærsti flokkurinn í Danmörku

Jafnaðarmenn eru enn stærsti flokkurinn í sveitarstjórnum Danmerkur eftir kosningar gærdagsins. Flokkurinn fékk rétt tæp þrjátíu prósent atkvæða sem er þó heldur minna en í síðustu kosningum og sótti hægriflokkurinn Venstre aðeins í sig veðrið.

Erlent

Börnin í dag í verra formi en foreldrarnir voru á sama aldri

Ný rannsókn sem kynnt var á ársfundi Bandarísku hjartasamtakanna sýnir að börn í dag eru í verra formi en foreldrar þeirra voru þegar þeir voru á sama aldri. Rannsakendur notuðust við gögn sem ná fjörutíu og fimm ár aftur í tímann og ná til tuttugu og fimm milljóna barna í tuttugu og átta löndum.

Erlent

Obama biður þingmenn um að slaka á

Barack Obama Bandaríkjaforseti hvatti í gærkvöldi öldungadeildarþingmenn til þess að falla frá kröfum sínum um auknar refsiaðgerðir gegn Írönum, til þess að þær skemmi ekki fyrir samningaviðræðum sem nú eru í gangi um kjarnorkuáætlun landsins.

Erlent

Aftöku raðmorðingja frestað

Bandarískur alríkisdómari frestaði í gærkvöldi aftöku á raðmorðingja í Missouri ríki. Ákvörðun dómarans kom aðeins örfáum klukkustundum áður en lífláta átti manninn, en lögfræðingar hans höfðu gert alvarlegar athugasemdir við nýja tegund eiturs sem átti að sprauta í æðar hans.

Erlent

Fundu kviku undir Suðurskauti

Jarðvísindamenn hafa staðfest tilvist stórs kvikuhólfs undir Suðurskautslandinu. Þeir óttast að komi til eldgoss undir kílómetra þykkri íshellunni gæti það valdið svo mikilli bráðnun íss að yfirborð sjávar gæti hækkað.

Erlent

Fjórtán létust í fellibylnum Kleópötru á Sardiníu

Fjórtán eru látnir hið minnsta á ítölsku eyjunni Sardiníu eftir að fellibylurinn Kleopatra gekk þar á land í gærkvöldi. Nokkurra er enn saknað en hinar gríðarlegu rigningar sem fylgdu óveðrinu urðu til þess að ár á eyjunni flæddu yfir bakka sína þannig að bifreiðar fóru á kaf og brúarstólpar sópuðust burt.

Erlent

Allt á suðupunkti í Miðafríkulýðveldinu

Það stefnir í borgarastríð í Miðafríkulýðveldinu, verði ekkert að gert. Þetta segir Ban Ki Moon framkvæmdastjóri Sameinuðu þjóðanna sem vill að stofnunin sendi friðargæslulið til landsins til að koma í veg fyrir að ofbeldið fari algjörlega úr böndunum.

Erlent

Mikil leit gerð að byssumanni í París

Umfangsmikil leit er nú gerð að manni sem skaut á skrifstofur dagblaðsins Liberation og hleypti einnig af byssunni fyrir framan höfuðstöðvar stórbankans Societe Generale í París. Tuttugu og sjö ára gamall ljósmyndari slasaðist alvarlega í árásinni.

Erlent

Rob Ford sviptur völdum í Toronto

Borgarstjórnin í Toronto í Kanada ákvað í gær að svipta borgarstjórann Rob Ford nær öllum völdum sínum. Ford hefur verið mikið í sviðsljósinu síðustu daga en hann hefur meðal annars viðurkennt að hafa reykt krakk í borgarstjóratíð sinni auk þess sem myndband birtist af honum þar sem hann hótar manni kvalarfullum dauðdaga.

Erlent

Bandaríkjamenn skráðu 33 milljónir símtala í Noregi á einum mánuði

Bandaríska þjóðaröryggisstofnunin, NSA, skráði þrjátíu og þrjár milljónir símtala í Noregi á þrjátíu daga tímabili um áramótin 2012 til 2013. Þetta kemur fram í gögnum sem uppljóstrarinn Edward Snowden lak en hann er nú með tímabundið hæli í Rússlandi. Það er norska Dagbladet sem skýrir frá málinu sem hefur eðlilega vakið mikla athygli þar í landi.

Erlent

Flestir vilja fá slæmu fréttirnar fyrst

Þrír af hverjum fjórum vilja heldur fá slæmar fréttir fyrst og svo góðar fréttir, samkvæmt rannsókn sem vitnað er til á vef National Geographic. Ákvörðunin er þó í höndum þeirra sem færa fréttirnar, og þeir eru oft annarrar skoðunar.

Erlent

Youtube: Error

Myndbandavefsíðan vinsæla Youtube lá niðri um nokkurn tíma í kvöld.

Erlent

Banvænir skýstrókar á óvenjulegum tíma

Öflugir skýstrókar gengu í gærkvöldi yfir miðvesturríki Bandaríkjanna með tilheyrandi eyðileggingu. Að minnsta kosti fimm létust en verst var ástandið í Illinois, Kentucky og Indiana. Þá segir á fréttavef BBC að nokkur fjöldi fólks sé enn innilokaður í byggingum sem skemmdust þegar strókarnir gengu yfir.

Erlent

Mest lesið