Erlent

Enn mótmælt í Tælandi

Fjölmenn mótmæli hófust í morgun í Tælandi, þriðja daginn í röð. Þúsundir mótmælenda haf umkringt helstu stjórnarbyggingar höfuðborgarinnar Bangkok.

Erlent

Smita sig viljandi af HIV veirunni

Á Grikklandi hefur það færst í vöxt að fólk smiti sig viljandi af HIV veirunni, til þess að komast á bætur. Þetta kemur fram í skýrslu frá Alþjóðaheilbrigðisstofnuninni sem rannsakaði áhrif fjármálakreppunnar á löndin í Evrópu.

Erlent

Kallað eftir aðgerðum í Miðafríkulýðveldinu

Aðstoðarframkvæmdastjóri Sameinuðu þjóðanna kallaði í gær eftir viðbrögðum frá öryggisráðinu vegna ástandsins í Miðafríkulýðveldinu. Jan Eliasson hvatti öryggisráðið til þess að efla sveitir friðargæsluliða í landinu þar sem til stendur að halda kosningar í næstu viku.

Erlent

Stórstjörnur á leiðinni til landsins

Tökur á fyrstu seríu af sjónvarpsþáttunum Fortitude munu hefjast hér á landi í febrúar á næsta ári en þættirnir eru samstarfsverkefni sjónvarpsstöðvanna Sky Atlantic í Bretlandi og Starz í Bandaríkjunum. Alls verða teknir upp þrettán þættir og fara tökur aðallega fram á Reyðarfirði og Eskifirði.

Erlent

Öflugur skjálfti undan ströndum Falklandseyja

Öflugur jarðskjálfti sem mældist sjö stig, reið í morgun yfir á Suður-Atlantshafi, undan ströndum Falklandseyja. Bandaríska jarðfræðistofnunin segir að skjálftinn stóri hafi komið í kjölfarið á fjórum öðrum skjálftum sem allir mældust um fimm stig. Skjálftarnir urðu á litlu dýpi, eða um tíu kílómetrum. Engar fregnir hafa borist af skemmdum af völdum skjálftana í höfuðborg Falklandseyja, Stanley.

Erlent

Öfgamaður til valda í Slóvakíu

Hægrisinnaður öfgamaður var í gær kjörinn héraðsstjóri í Banska Bystrica héraði í Slóvakíu. Marian Kotleba fékk 55 prósent atkvæða en hann er fyrrverandi formaður öfga-hægriflokks sem hefur verið bannaður í Slóvakíu.

Erlent

Spenna í Hondúras

Mjótt virðist vera á munum í forsetakosningunum í Hondúras sem fram fóru í gær en báðir frambjóðendurnir hafa lýst yfir sigri. Þegar búið var að telja 42 prósent atkvæða var hægrimaðurinn Juan Orlando Hernandez þó með forskot, eða 34 prósent atkvæða á móti 28 prósentum sem fallið höfðu í skaut Xiomara Castro.

Erlent

Dauðföllum af völdum eiturlyfja fækkar í Danmörku

Fjöldi Dana sem létust af völdum eiturlyfja árið 2012 var sá minnsti í tæpa tvo áratugi. Samkvæmt tölum frá dönskum heilbrigðisyfirvöldum létust 210 manns af þessum völdum í fyrra en árið þar áður voru þeir 285 og árið 2010 urðu 276 fíkninni að bráð.

Erlent

Obama mun funda með Netanyahu

Barack Obama, forseti Bandaríkjanna, mun funda með Benjamin Netanyahu, forsætisráðherra Ísraels, á næstunni til að ræða um það samkomulag sem stórveldin gerðu með sér um kjarnorkuátætlanir ríkjanna.

Erlent

Mest lesið