Ögmundur Kristinsson mun semja við Excelsior í Hollandi ef marka má frétt Expressen í Svíþjóð. Hann hefur verið að leita sér að nýju félagi síðustu vikurnar.
Samkvæmt frétt Expressen fer hann frítt frá Hammarby en hann missti sæti sitt í liðinu fyrr í sumar þegar að félagið fékk Johan Wiland frá Malmö.
Ögmundur var einnig orðaður við Bristol City í Englandi en auk þessa var áhugi á honum frá bæði Danmörku og Noregi.
Excelsior Rotterdam er í ellefta sæti hollensku úrvalsdeildarinnar með fjögur stig eftir þrjár umferðir.
Ögmundur var ekki valinn í íslenska landsliðið sem mætir Finnlandi og Úkraínu á næstu dögum. Heimir Hallgrímsson landsliðsþjálfari sagði að hann vildi gefa Ögmundi svigrúm til að finna sér nýtt félag.
Ögmundur fer til Hollands
Tengdar fréttir
Ögmundur gæti verið á leið frá Hammarby
Missti sæti sitt í liðinu eftir að sænska félagið samdi við nýjan markvörð.
Rúnar Alex í hópinn á kostnað Ögmundar
Heimir Hallgrímsson, þjálfari íslenska karlalandsliðsins í fótbolta, tilkynnti í dag leikmannahópinn sem mætir Finnlandi og Úkraínu í undankeppni HM 2018 í næsta mánuði.
