Íþróttir

Úrslit í Coventry

Borgaleikunum 2005 í Coventry á Englandi verður slitið í kvöld. Reykvísku þátttakendurnir hafa staðið sig mjög vel og hér koma úrslit dagsins:

Sport 13.10.2005 19:29

Pieter Weening vann áttundu umferð

Hollendingurinn Pieter Weening vann í dag áttunda áfanga, Frakklandshjólreiðanna, Tour de France, en kappararnir hjóluðu 231 og hálfan kílómetra. Eftir áfangann í dag þá hefur Bandaríkjamaðurinn ótrúlegi, Lance Armstrong enn forystu.

Sport 13.10.2005 19:29

Auðunn vann "Suðurlandströllið"

Kópavogströllið Auðunn "Verndari" Jónsson varð hlutskarpastur í keppninni um titilinn "Suðurlandströllið" sem fram fór á Selfossi og í Hveragerði um helgina. Sigur Auðuns var mjög naumur, því hann og Kristinn Óskar Haraldsson "Boris" voru jafnir á stigum fyrir lokagreinina, Atlassteinana.

Sport 13.10.2005 19:29

Keppt um Suðurlandströllið 2005

Það verða hrikaleg átök á Selfossi og í Hveragerði í dag þegar öflugustu kraftajötnar landsins etja kappi um titilinn "Suðurlandströllið 2005".

Sport 13.10.2005 19:29

Lance Armstrong heldur forystu

í Tour De france hjólreiðunum heldur Lance Armstrong forystu eftir sjötta áfangann en hjólaðir voru 199 km. Ítalinn Lorenzo Bernucci var fljótastur að hjóla þessa rúmlegu 200 km en Armstrong varð 32. Armstrong hefur forustu í heildarkeppninni og er 55 sekúndum á undan liðsfélaga sínum George Hincapie.

Sport 13.10.2005 19:29

Arnar kominn á heimslista

Arnar Sigurðsson, tennisleikari úr Tennisfélagi Kópavogs, er kominn á heimslista atvinnumanna í einliðaleik fyrstur íslendinga. Þeim áfanga náði hann eftir mót sem hann lék á í Kassel í Þýskalandi . Arnar vann þar alla leiki sína í forkeppninni og tókst þar með komast inn í aðalkeppnina.

Sport 13.10.2005 19:29

Armstrong með gott forskot

Sexfaldur meistari Frakklandshjólreiðanna, Lance Armstrong, er kominn með tæplega mínútu forskot eftir fjóra áfanga í keppninni. Kapparnir hjóla rúmlega 180 kílómetra í dag frá Chambord til Montargis.

Sport 13.10.2005 19:28

París eða Lundúnir fær leikana

Ólympíuleikarnir verða haldnir í París eða Lundúnum árið 2012. New York, Moskva og Madríd, sem einnig sóttu um að halda leikana, koma ekki lengur til greina eftir fyrstu umferðir atkvæðagreiðslunnar í Singapúr í morgun.

Sport 13.10.2005 19:28

Ólympíuleikarnir 2012 í Lundúnum

Ólympíuleikarnir verða haldnir í Lundúnum árið 2012. Þetta var tilkynnt í Singapúr fyrir nokkrum mínútum. Gríðarleg gleði braust út í miðborg Lundúna þar sem tugþúsundir manna höfðu safnast saman þegar Jaques Rogge, formaður Alþjóða ólympíunefndarinnar, kynnti niðurstöðuna.

Sport 13.10.2005 19:28

Hver heldur Ólympíuleikana 2012?

Rétt fyrir hádegi verður tilkynnt hvar Ólympíuleikarnir árið 2012 fara fram. Borgirnar fimm sem keppa um að halda leikana héldu í nótt lokakynningu fyrir Alþjóða ólympíunefndina í Singapúr. Kynningarnar voru allar hinar glæsilegustu og var öllu tjaldað til.

Sport 13.10.2005 19:28

Nýtt heimsmet í stangarstökki

Rússneska stangarstökkkonan Yelena Isinbayeva sló í kvöld eigið heimsmet í á stigamóti alþjóða frjálsíþróttasambandsins í Brussel í Belgíu. Isinbayeva bætti heimsmetið um einn sentimetra og stökk 4,93 metra. Stacy Dragila varð önnur, hún stökk 4,60 m og Þórey Edda Elísdóttir varð þriðja á 4,40 m ásamt tveimur öðrum.

Sport 13.10.2005 19:28

Baráttan um Olympíuleikana

Öllu er tjaldað til í lokabaráttunni um hver fær að halda Olympíuleikanna árið 2012. Baráttan stendur á milli fimm borga, London, París, New York, Madríd og Moskvu og á morgun verður tilkynnt í Singapúr hver hreppir hnossið.

Sport 13.10.2005 19:28

Olympíumót æskunnar

Áttunda Olympíumót æskunnar hófst á Lignano á Ítalíu í gær. Íslendingar senda 21 keppanda á mótið og keppa þeir í fjálsum íþróttum, fimleikum, júdó og sundi.

Sport 13.10.2005 19:28

Hver fær ÓL 2012?

Mikil spenna ríkir nú vegna sumarólympíuleikanna 2012 en tilkynnt verður aðfararnótt miðvikudags hvaða borg hreppir leikana. Alþjóðaólympíunefndin er komin saman í Singapore í Malasíu þar sem kjörið fer fram. París og London þykja líklegustu borgirnar til að verða fyrir valinu en auk þeirra berjast Madrid, Moskva og New York um hituna.

Sport 13.10.2005 19:27

Bætti sveinamet í 200 metra hlaupi

Sveinn Elías Elíasson Fjölni í Grafarvogi bætti sveinametið í 200 metra hlaupi á Gautaborgarleikunum í gær þegar hann hljóp á 22,45 sekúndum. Þorsteinn Ingvarsson HSÞ bætti eigið drengjamet í þrístökki um 26 sentimetra þegar hann stökk 14 metra og 69 sentimetra. Þorsteinn sigraði í sínum aldursflokki.

Sport 13.10.2005 19:27

Sundfélagið Ægir vann bikarkeppni

Sundfélagið Ægir sigraði í bikarkeppni Sundsambandsins sem lauk í Laugardalslaug í gær. Ægir fékk 27,923 stig og varð tæpum þrjú þúsund stigum á undan Sundfélagi Hafnarfjarðar sem varð í öðru sæti.

Sport 13.10.2005 19:27

Andri og Arnar féllu úr keppni

Tennisköppunum Andra Jónssyni og Arnari Sigurðssyni tókst ekki að fylgja eftir góðum sigri í fjórðungsúrslitum í tvíliðaleik á tennismóti atvinnumanna í Trier í Þýskalandi á föstudag og urðu að láta í minnipokann í undanúrslitum í gær. Andri og Arnar kepptu á móti Jamaíkamanni og Þjóðverja og töpuðu í tveimur settum, 2-6 og 4-6.

Sport 13.10.2005 19:27

Þriðji sigur Williams á Wimbledon

Venus Williams frá Bandaríkjunum vann landa sinn, Lindsay Davenport, í úrslitum Wimbledon-mótsins í tennis í gær. Þetta var þriðji sigur hennar á Wimbledon en hún hafði tapað fimm úrslitaleikjum á risamóti áður en kom að sigri hennar í gær. Svisslendingurinn Roger Federer og Bandaríkjamaðurinn Andy Roddick mætast í úrslitum í karlaflokki í dag.

Sport 13.10.2005 19:27

Ægir með góða forystu

Ægir hefur góða forystu í bikarkeppninni í sundi fyrir lokadaginn í dag. Eitt Íslandsmet var sett í gær þegar Anja Ríkey Jakobsdóttir, Ægi, synti 100 metra baksund á einni mínútu 4, 91 sekúndu.

Sport 13.10.2005 19:27

Young Boys kjöldró Lokeren

Grétar Rafn Steinsson skoraði fyrir svissneska liðið Young Boys þegar liðið kjöldró Íslendingaliðið Lokeren, 4-1, á útivelli í annarri umferð Intertoto keppninnar í knattspyrnu í gærkvöld. Grétar Rafn, sem áður lék með Skagamönnum, skoraði fyrsta mark leiksins.

Sport 13.10.2005 19:27

Armstrong varð annar

Frakklandshjólreiðarnar, Tour de France, hófust í gær með 19 kílómetra tímaþraut. Bandaríkjamaðurinn Lance Armstrong varð annar, tveimur sekúndum á eftir landa sínum David Zabriskie. Armstrong freistar þess að vinna keppnina sjöunda árið í röð.

Sport 13.10.2005 19:27

Fjórði besti tími sögunnar

Fyrsta gullmótið í frjálsum íþróttum fór fram í París í gær. Kenenisa Bekele frá Eþíópíu náði fjórða besta tíma sögunnar og bestia tíma ársins í 5.000 metra hlaupi þegar hann kom langfyrstur í mark á tímanum 12 mínútur 40,18 sekúndur.

Sport 13.10.2005 19:27

Robinho sektaður fyrir að skrópa

Brasilíski landsliðsmaðurinn Robinho hjá Santos var sektaður af félagi sínu fyrir að mæta ekki á æfingu í gær. Framtíð hins stórefnilega sóknarmanns er í mikilli óvissu en hann kvaddi stuðningsmenn Santos í sjónvarpsviðtali í vikunni.

Sport 13.10.2005 19:27

Jón Símon fyrstur í 1500 m

Bikarkeppnin í sundi hófst í gærkvöldi með tveimur greinum í fystu deild en keppt er í nýju Laugardalslauginni. Jón Símon Gíslason, Ægi, kom fyrstur í mark í 1500 metra skriðsundi á 17 mínútum 13,23 sekúndum, Svavar Skúli Stefánsson, SH, var annar og Ólafur Marteinsson, Ægi, þriðji.

Sport 13.10.2005 19:27

Blikar sigla hraðbyri upp um deild

Breiðablik siglir hraðbyri í átt að Landsbankadeild karla í knattspyrnu eftir sjöunda sigurinn í átta leikjum í fyrstu deildinni. Kópavogsliðið vann dýrmætan 2-0 útisigur á KA í gærkvöldi. Víkingur Reykjavík er með 15 stig í öðru sæti, sjö stigum á eftir Blikum, eftir 3-0 sigur á Haukum á heimavelli í gærkvöld.

Sport 13.10.2005 19:27

Mest lesið