Kauphöllin

Kauphöllin

Fréttir úr Kauphöllinni á Íslandi og af skráðum félögum á markaði.

Fréttir í tímaröð

Fréttamynd

Kviku­toppar fóru fýlu­ferð í Lands­rétt og borga tugi milljóna

Íslenska ríkið hafði betur gegn fjórum fyrrverandi og tveimur núverandi lykilstjórnendum Kviku banka og bankanum sjálfum fyrir Landsrétti í dag, í deilu sem snerist um skattlagningu hagnaðar af áskriftarréttindum sem nam á bilinu 30 til 95 milljónum króna. Landsréttur taldi að telja hefði átt hagnaðinn fram sem launatekjur frekar en fjármagnstekjur.

Viðskipti innlent
Fréttamynd

Mikið í húfi ef ekki dregur úr verð­bólgu og vaxtalækkun ekki í sjón­máli

Það eru mikil vonbrigði að verðbólga hafi ekki lækkað í febrúar og viðbúið að stýrivextir haldist óbreyttir við næstu vaxtaákvörðun að sögn hagfræðings. Ekki sé ólíklegt að möguleg vaxtahækkun komi til umræðu fyrir næstu vaxtaákvörðun, og ef ekki takist að ná verðbólgu nær markmiði gæti virkjun forsenduákvæðis kjarasamninga verið í húfi í haust. Þá sé áhyggjuefni að verðbólguþrýstingur virðist vera á uppleið.

Viðskipti innlent
Fréttamynd

Fjár­festar taka vel í nýja af­komu­spá Amaroq sem er um­fram væntingar

Miðað við núverandi heimsmarkaðsverð á gulli og helstu forsendur að baki nýrri afkomuspá Amaroq fyrir árið 2026 er útlit fyrir að rekstrarhagnaður auðlindafélagsins geti orðið eilítið meiri en síðustu spár greinenda hafa gert ráð fyrir. Hlutabréfaverðið hefur rokið upp eftir að félagið opinberaði nýjar áætlanir sínar. 

Innherji
Fréttamynd

Þá var hægt að lækka far­gjöld um 51 prósent

Þegar sérleyfiskerfi í innanlandsflugi var afnumið árið 1997 hóf Íslandsflug beina samkeppni við Flugfélag Íslands á öllum helstu leiðum innanlands. Flugfélagið svaraði samkeppninni með því að lækka fargjöldin um 51 prósent.

Innlent
Fréttamynd

Kemur „mjög á ó­vart“ að stjórn ISB treysti sér ekki til að standa við sam­komu­lagið

Stóru lífeyrissjóðirnir sem eru í þeirri stöðu að eignarhald þeirra þverast með svipuðum hætti í Íslandsbanka og Skaga eru fremur fámálir um þá ákvörðun að samrunaviðræðum hafi verið slitið, á meðan afstaða sumra annarra sjóða litast af því hvar hagsmunir þeirra vega hlutfallslega meira. Stærsti einkafjárfestir Skaga segir það koma „mjög á óvart“ að stjórn Íslandsbanka hafi ekki treyst sér til að standa við samkomulagið en hún fór fram á verulegar breytingar á fyrri verðskilmálum við samruna félaganna sem yrðu aðlagaðir með tilliti gengishækkunar á bréfum bankans og gagngjaldið að hluta greitt með reiðufé.

Innherji
Fréttamynd

Ís­lendingar gerðu það sem tröllunum mis­tókst

Færeysk þjóðsaga segir frá tveimur tröllum sem komu frá Íslandi til að reyna að draga Færeyjar til Íslands. En verkið reyndist þeim ofviða og þegar sólin kom upp urðu tröllin að steini og enduðu sem tveir drangar norðan Færeyja.

Innlent
Fréttamynd

Arion verð­lagður á „spott­prís“ þrátt fyrir sam­bæri­lega arð­semi og nor­rænir bankar

Þrátt fyrir að skila sambærilegri arðsemi og aðrir helstu bankar á hinum Norðurlöndunum þá er Arion verðlagður á markaði talsvert lægra með hliðsjón af afkomu og eigið fé. Í nýrri hlutabréfagreiningu er Arion því sagður vera „á spottprís“ en verðmat á bankanum er lækkað lítillega og gert er ráð fyrir minni efnahagsumsvifum samtímis háum grunnvöxtum.

Innherji
Fréttamynd

Nova kaupir Ofar

Nova klúbburinn hf. hefur undirritað samning um kaup á öllu hlutafé í Ofar hf. Heildarvirði kaupanna er 4,4 milljarðar króna.

Viðskipti innlent
Fréttamynd

Það sem far­þegarnir sjá ekki í innan­lands­fluginu

Það eru annir á Reykjavíkurflugvelli að vetrarmorgni, flugvélar að koma og fara. Áhöfn frá Norlandair, nýkomin úr sjúkraflugi, er að gera sjúkraflugvélina klára fyrir næsta útkall. Áhöfn Icelandair er að koma úr flugi frá Egilsstöðum og önnur að búa sig undir flug til Akureyrar. Fjær sjáum við aðra flugvél Norlandair aka frá Flugfélagsafgreiðslunni.

Innlent
Fréttamynd

Er­lendu sjóðastýringarrisarnir sem eru að byggja hratt upp stöðu í Ocu­lis

Erlendir fjárfestingarsjóðir, meðal annars sérhæfðir sjóðastýringarrisar með áherslu á líftækni- og heilbrigðisgeirann, eru að stækka hratt stöðu sína í Oculis og hafa sumir þeirra keypt í félaginu fyrir marga milljarða á allra síðustu vikum og mánuðum. Vaxandi eftirspurn meðal erlendra fjárfesta hefur skilað sér í meiri veltu og hækkun á hlutabréfaverði en Oculis er núna orðið fjórða verðmætasta félagið á íslenskum hlutabréfamarkaði.

Innherji
Fréttamynd

Dramadrottningar myndu líkja Tromsö-flugi við rýting í bakið

Ráðgjafi í ferðaþjónustu segir ákvörðun Icelandair um að fljúga til Trömsö í Noregi til marks um það hvernig Íslendingar hafi sofnað á verðinum, á sama tíma og Norðmenn hafi vaknað. Félagið leggi lóð á vogarskálar Norðmanna en viðbragð þess sé tilkomið vegna sinnuleysis íslenskra stjórnvalda.

Viðskipti innlent
Fréttamynd

Fjár­festar selja í Símanum eftir von­brigði með nýja af­komu­spá

Þótt rekstrarniðurstaðan á síðustu mánuðum ársins 2025 hafi verið ákveðin varnarsigur fyrir Símann eftir brotthvarf Enska boltans þá olli ný afkomuspá fyrir yfirstandandi ár, sem litast meðal annars af kostnaðarþrýstingi frá erlendum birgjum, nokkrum vonbrigðum meðal fjárfesta. Hlutabréfaverð félagsins lækkaði skarpt á markaði í dag.

Innherji
Fréttamynd

Skipta­stjóri Play þarf að víkja

Héraðsdómur hefur fallist á kröfu Birtu lífeyrissjóðs um að víkja beri Unni Lilju Hermannsdóttur lögmanni úr starfi skiptastjóra þrotabús Play. Eiginmaður Unnar Lilju er eigandi á sömu lögmannsstofu og lögmaður Play.

Viðskipti innlent
Fréttamynd

Taka Amaroq af markaði í Kanada

Amaroq hefur óskað eftir afskráningu hlutabréfa sinna úr TSX Venture-kauphöllinni í Kanada. Gert er ráð fyrir að afskráningin taki gildi við lok viðskipta þann 19. mars 2026. Þá stefnir félagið á skráningu á aðalmarkað kauphallarinnar í London í stað vaxtarmarkaðar þar í borg.

Viðskipti innlent
Fréttamynd

Amaroq ætlar að færa sig yfir á Aðal­markaðinn í London síðar á árinu

Amaroq hefur ráðið alþjóðlega fjárfestingabankann Citigroup til að undirbúa skráningu á Aðalmarkað Kauphallarinnar í London síðar á árinu í því skyni að auðvelda félaginu að fá fjármögnun frá stórum erlendum stofnanafjárfestum og vísitölusjóðum. Aðalmarkaðurinn í London hýsir í dag flest af helstu námufyrirtækjum heimsins.

Innherjamolar

Mest lesið