Kauphöllin

Kauphöllin

Fréttir úr Kauphöllinni á Íslandi og af skráðum félögum á markaði.

Fréttir í tímaröð

Fréttamynd

„Grafalvarlegt á­stand sem skapast“

Verkfallsaðgerðir flugvirkja höfðu áhrif á um sex þúsund manns að sögn Boga Nils Bogasonar, forstjóra Icelandair. Hann biður farþega afsökunar og segist létt yfir því að verkfalli hafi verið aflýst. Grafalvarlegt ástand skapist þegar flugtengingar við landið rofni að miklu leyti.

Innlent
Fréttamynd

Fella niður 26 flug­ferðir

Icelandair hefur aflýst öllum brottförum frá Keflavík og Reykjavík á miðvikudagsmorgun, í dag, eftir að verkfall flugvirkja hófst á miðnætti. Um er að ræða 26 flugferðir frá Keflavík til Evrópu og til baka auk fimm flugferða innanlands frá Reykjavík og til baka.

Innlent
Fréttamynd

Flug­freyjur og flug­menn styðja flug­virkja

Flugfreyjufélag Íslands auk Félags íslenskra atvinnuflugmanna lýsa yfir fullum stuðningi við Flugvirkjafélag Íslands í yfirstandandi kjaraviðræðum við forsvarsmenn Icelandair. Félögin skora á samningsaðila að finna samningsgrundvöll svo afstýra megi verkfalli.

Innlent
Fréttamynd

Aukinn launa­kostnaður gæti kallað á enn frekara að­hald Seðla­bankans

Þrátt fyrir vaxandi merki um kólnun í hagkerfinu, meðal annars á fasteignamarkaði, er útlit fyrir þráláta verðbólgu á komandi mánuðum og er þróunin á vinnumarkaði sögð geta ráðið miklu um hvort peningastefnunefnd Seðlabankans sjái ástæðu til frekara aðhalds. Spár flestra greinenda gera ráð fyrir að tólf mánaða verðbólgan hækki í nærri sex prósent í lok þessa mánaðar.

Innherjamolar
Fréttamynd

Verk­fallið skaði orð­spor Ís­lands

Framkvæmdastjóri Samtaka ferðaþjónustunnar segir boðað verkfall flugvirkja ekki einungis hafa tímabundin áhrif á rekstur Icelandair og ferðaþjónustu landsins heldur gæti það haft töluverð áhrif á orðspor bæði fyrirtækisins og Íslands. Hann á von á því að stjórnvöld grípi í taumana ef kemur til verkfalls.

Viðskipti innlent
Fréttamynd

Flug­virkjar eigi að sýna vilja sinn í verki

Frestun verkfalls flugvirkja myndi ekki draga úr skaða heldur framlengja óvissutímabil og auka tjón allra aðila enn frekar. Þetta segja stjórnendur Icelandair um þá tillögu flugvirkja að fresta boðuðum verkfallsaðgerðum um sjö sólarhringa. Þær hefjast að óbreyttu á miðnætti aðfaranótt miðvikudags.

Innlent
Fréttamynd

Segja Icelandair hafa hafnað boði um frestun verk­falls

Flugvirkjar fullyrða að forsvarsmenn flugfélagsins Icelandair hafi hafnað tillögu flugvirkja um að fresta boðuðum verkfallsaðgerðum um sjö sólarhringa. Félag flugvirkja segir að tilgangurinn með tillögunni hafi verið að gefa aðilum tíma til að vinna áfram með innanhústillögu ríkissáttasemjara.

Innlent
Fréttamynd

Muni grípa til nauð­syn­legra að­gerða vegna verk­fallsins

Fjármála- og efnahagsráðherra segir boðað verkfall flugvirkja myndu hafa mikil áhrif á ferðaþjónustuna, fjölda annarra atvinnugreina og ferðafrelsi þjóðarinnar. Ríkisstjórnin fylgist vel með stöðunni og muni grípa til þeirra aðgerða sem nauðsynlegar eru á hverjum tíma.

Innlent
Fréttamynd

Í­hlutun SKE sögð „varpa skugga“ á vaxtará­form Ása

Óvissa um möguleg inngrip Samkeppniseftirlitsins vegna kaupa Ása á Öryggismiðstöð Íslands og Opnum kerfum varpar skugga á sókn félagsins, að mati greinenda IFS, sem segja íhlutun eftirlitsins koma á óvart. Verðmat á félaginu helst óbreytt og er það talið talsvert undirverðlagt á markaði.

Innherjamolar
Fréttamynd

Taki stöðuna al­var­lega og hækki ekki verð um­fram verðbólgumarkmið

Bera, móðurfélag Ölgerðarinnar, Danól, Gæðabaksturs, Kjarnavara og fleiri vörumerkja, hefur heitið því að hækka ekki verð framleiðsluvara sinna um áramótin, umfram verðbólgumarkmið Seðlabankans. Er skrefið stigið í von um að aðilar vinnumarkaðarins og stjórnvöld grípi til eigin aðgerða gegn verðbólgunni.

Neytendur
Fréttamynd

„Fyrir okkur eru flug­ferðir ekki lúxus heldur líf­æð“

Ásdís Eir Guðmundsdóttir, lögfræðingur Félags atvinnurekenda (FA),  segir stjórnvöld verða að skoða hvernig sé hægt að tryggja meiri sanngirni þegar ákveðnar stéttir geti með verkfallsréttinum valdið svo miklum samfélagslegum skaða. Hún segir það ekki samrýmast grundvallarsjónarmiðum samningsréttar að ferðaþjónustuaðilar, sem eigi enda aðild að kjarasamningum flugstétta, beri einir óskipta fjárhagslega áhættu af vinnudeilum flugvirkja. 

Viðskipti innlent
Fréttamynd

Segja kröfulista Icelandair tefja samninga

Sáttasemjari hefur hvatt fulltrúa Icelandair til að leggja áherslu á færri mál í kjaraviðræðum við flugmenn, að sögn samninganefndar Félags íslenskra atvinnuflugmanna. Nefndin telur umfangsmikinn kröfulista félagsins hindra framgang viðræðnanna.

Innlent
Fréttamynd

Fundað í flugvirkjadeilu

Samninganefndir í kjaradeilu Flugvirkjafélags Íslands og Icelandair hafa verið boðaðar til fundar í Karphúsinu á hádegi í dag. Þetta staðfestir Ástráður Haraldsson, ríkissáttasemjari við fréttastofu. Hann segist hafa verið í stöðugu sambandi og átt í samráði við báðar samninganefndir undanfarna daga. 

Innlent
Fréttamynd

Yfir þúsund hafa fært flug vegna yfir­vofandi verk­falls

Rúmlega þúsund farþegar Icelandair hafa nýtt sér boð félagsins um að færa flug vegna fyrirhugaðs verkfalls flugvirkja. Enginn sáttafundur hefur verið boðaður í deilunni en ótímabundið verkfall á að hefjast aðfaranótt miðvikudagsins 23. september.

Viðskipti

Mest lesið