Fréttir

Fréttamynd

Samkeppniseftirlitið gerði húsleit hjá Visa

Samkeppniseftirlitið gerði húsleit hjá Visa Ísland í dag og lagði hald á ýmis gögn. Forsvarsmenn Visa hafa boðað til blaðamannafundar vegna atviksins í húsakynnum sínum að Laugavegi 77 klukkan 17 í dag.

Innlent
Fréttamynd

Góðar líkur á að Eiður Smári fari til Barcelona

Arnór Guðjónssen, umboðsmaður Eiðs Smára Guðjónsen, er nú á leið til Barcelona til fundar við forráðamenn Barcelona. Samkvæmt heimildum NFS eru góðar líkur á að samningar séu um það bil að takst um það að Eiður Smári spili á næstu leiktíð fyrir Barcelona.

Sport
Fréttamynd

Guðlaugur Þór nýr formaður stjórnar Orkuveitu Reykjavíkur

Nýr meirihluti í borgarstjórn Reykjavíkur kaus Guðlaug Þór Þórðarsson, þingmann Sjálfstæðisflokksins, í embætti formanns stjórnar Orkuveitu Reykjavíkur á fyrsta fundi nýrrar borgarstjórnar í dag. Björn Ingi Hrafnsson, oddviti Framsóknarmanna í borgarstjórn, var kjörin varaformaður.

Innlent
Fréttamynd

Dæmdur í fjögurra ára fangelsi fyrir fíkniefnasmygl

Karlmaður á þrítugsaldri var í dag dæmdur í fjögurra ára fangelsi í Héraðsdómi Reykjavíkur fyrir inndlutning á fíkniefnum. Maðurinn reyndi að smygla inn tæpum 3,8 kílóum af amfetamíni til landsins í ferðatösku í byrjun febrúar fyrr á þessu ári en hann var þá að koma með flugi frá París í Frakklandi.

Innlent
Fréttamynd

Barist um þýskan lyfjarisa

Bandaríska lyfjafyrirtækið Merck er komið í stöðu til að koma í veg fyrir yfirtökuáform þýska lyfjarisans Bayer á lyfjafyrirtækinu Schering. Merck keypti óvænt rúm 18 prósent í Schering rétt fyrir lokun markaða á föstudag.

Viðskipti erlent
Fréttamynd

Bjarni Ármanns nýr formaður háskólaráðs HR

Bjarni Ármannsson, forstjóri Glitnis, var kjörinn nýr formaður háskólaráðs Háskólans í Reykjavík á aðalfundi ráðsins sem haldinn var í dag. Sverrir Sverrisson lét af formennsku í ráðinu en hann hefur setið í háskólaráði frá stofnun skólans árið 1998, þar af síðustu sex árin sem formaður þess.

Innlent
Fréttamynd

Eldur kom upp í íbúðarhúsi

Eldur kom upp í íbúðarhúsi í Hæðargarði í Nesjum á Höfn í Hornafirði um klukkan eitt í dag. Fréttavefurinn Horn.is greinir frá því að mikinn reyk hafi lagt frá húsinu þegar Slökkvilið Hornafjarðar kom á staðinn.

Innlent
Fréttamynd

Stefnir í harkalega lendingu að mati Fitch Ratings

Íslenska hagkerfið stefnir á harkalega lendingu og Seðlabankinn þarf að hækka vexti enn frekar til að halda aftur af verðbólgu að mati forsvarsmanna Fitch Ratings á fundi í Lundúnum í dag. Greint er frá þessu í hálffimmfréttum KB banka.

Innlent
Fréttamynd

9 létust og 20 særðust í loftárás á Gaza

Níu létust, þar á meðal tvö börn, og tuttugu særðust í loftárás Ísraelshers á Gazaströndina í morgun. Ísraelsk stjórnvöld lýstu því yfir eftir árásina að henni hefði verið beint að bifreið sem notuð væri til eldflaugaárása á skotmörk hinum megin landamæranna.

Erlent
Fréttamynd

Mikil lækkun hlutabréfa í Japan

Gengi hlutabréfa lækkaði mikið í kauphöllinni í Tókýó í Japan í dag en Nikkei-225 hlutabréfavísitalan lækkaði um 4,14 prósent. Vísitalan hefur ekki lækkað jafn mikið á einum degi í tvö ár. Ástæða lækkunarinnar er ótti fjárfesta í Bandaríkjunum og Japan við hugsanlega hækkun stýrivaxta í Bandaríkjunum.

Viðskipti erlent
Fréttamynd

Vöruinnflutningur 35,7 milljarðar í maí

Vöruinnflutningur í maí nam 35,7 milljörðum króna virði ef marka má bráðabirgðatölur um innheimtu virðisaukaskatts. Í Vefriti fjármálaráðuneytisins segir að sé horft á hreyfingar á milli mánaða megi sjá að helstu drifkraftar innflutnings séu innfluttar hrá-, rekstrar- og fjárfestingarvörur. Aukninguna má að mestu rekja til stóriðjuframkvæmda.

Viðskipti innlent
Fréttamynd

Atlantsskip leigja gámaskip

Atlantsskip hafa tekið á leigu nýtt skip vegna mikillar aukningar í flutningum félagsins bæði á Evrópu- og Ameríkuleiðum. Hið nýja skip nefnist Camira. Fyrsta hlutverk þess verður að létta á miklum Evrópuflutningum sem eru í bígerð hjá Atlantsskipum en síðan fer það í siglingar fyrir félagið á milli Íslands og Ameríku.

Innlent
Fréttamynd

Landsframleiðsla jókst um 5 prósent

Landsframleiðsla er talin hafa aukist um 5 prósent að raungildi á fyrstu þremur mánuðum þessa árs frá sama tímabili í fyrra. Þá hafa þjóðarútgjöld vaxið talsvert, eða um 13,7 prósent, vegna mikillar aukningar í innflutningi og minni útflutningi.

Viðskipti innlent
Fréttamynd

Umferðartafir af völdum Roger Waters

Talsverðar tafir urðu á umferð á Vesturlandsvegi í gærkvöld vegna tónleika Rogers Waters, forsprakka hljómsveitarinnar Pink Floyd, í Egilshöll. Lögregla var með aukamannskap við umferðarstjórn í Grafarvogi en umferð gekk mjög hægt þar sem aðein ein akrein liggur frá Vesturlandsvegi og upp í Egilshöll.

Innlent
Fréttamynd

Sýknaður af líkamsárásarkæru

Karlmaður var í gær sýknaður af ákærum um líkamsárás á konu á skemmtistaðnum Players í Kópavogi í nóvember síðastliðnum. Maðurinn var ákærður fyrir að hafa veist að konunni inni á klósetti þannig að hún hlaut eymsli og bólgur hægra megin í andliti, glóðarauga og sprungu eða brot í augnbotni. Þar sem framburður vitna var misvísandi þótti sekt mannsins ekki hafin yfir allan vafa og var hann því sýknaður.

Innlent
Fréttamynd

Aðildarviðræður við Tyrki hafnar

Evrópusambandið hóf formlega fyrsta hluta aðildarviðræðna við Tyrkland í gær. Þetta er gert þrátt fyrir tilraunir ráðamanna á Kýpur til að reyna að koma í veg fyrir þær. Í gær var rætt um vísindi og rannsóknir og tókst að ljúka samningum um það svið. Enn standa þó eftir samningar um þrjátíu og fjögur svið.

Erlent
Fréttamynd

Hópferðabíll með 16 ferðamenn valt

Hópferðabíll með sextán erlenda ferðamenn innanborðs valt á Bláfellshálsi á Kjalvegi í gær. Enginn slasaðist alvarlega en ökumaðurinn var fluttur á Landspítalann. Lögreglu- og sjúkrabílar voru sendir á vettvang en þá var fólkið komið yfir í annan hópferðabíl. Að sögn lögreglu var vegurinn eitt forarsvað og djúpar rákir í honum, en ferðinni var heitið í snjósleðaferð á jökul. Samkvæmt hálendiskorti Vegageraðinnar virðist vegurinn þarna enn vera lokaður vegna aurbleytu.

Innlent
Fréttamynd

Slökkvistarf í fallgöngum Kárahnjúkavirkjunar

Slökkviliðsmenn á Héraði unnu afrek þegar þeir slökktu eld, sem logaði á vinnupöllum inni í lóðréttum fallgöngum Kárahnjúkavirkjunar undir kvöld í gær. Eldsins varð vart laust fyrir klukkan fimm og voru öll nálæg vinnusvæði rýmd þar sem reyk lagði frá eldinum.

Innlent
Fréttamynd

Borgarbúar muni finna þegar nýr meirihluti tekur við

Sjálfstæðismenn eru fullir tilhlökkunar yfir meirihlutassamstarfi sínu við Framsóknarmenn í borginni. Oddviti Framsóknarflokksins í Reykjavík segir að borgarbúar muni stax á næstu dögum sjá að nýr meirihluti sé tekinn við borginni.

Innlent
Fréttamynd

Kaup Barcelona á Eiði Smára frágengin?

Samkvæmt nýjustu fréttum hefur verið gengið frá kaupum spænska knattspyrnurisans Barcelona á Eiði Smára Guðjohnsen frá Chelsea. Frá þessu er greint á vefsíðunni Goal.com og segir að kaupverðið sé 12 milljónir evra, eða rúmlega 1,1 milljarður króna. Almanntengslafulltrúi Eiðs segir þetta ekki rétt

Innlent
Fréttamynd

Eldur í sportvöruverslun í Grafarvogi

Töluvert tjón varð í verslanamiðstöðinni Hverafold í Grafarvogi, þegar eldur kom þar upp í sportvöruverslun í nótt og reykur barst um allt húsið. Þegar slökkvilið kom á vettvang var svo mikill reykur að erfitt var að finna upptök eldsins og munaði minnstu að eldur næði að læsa sig í þak hússins, en eftir að reykkafarar fundu eldinn, gekk slökkvistarf vel. Tjón varð mest í sportvöruversluninni en víða urðu skemmdir af reyk. Slökkviliðsmenn voru fram á morgun að reykræsta húsið. Eldsupptök eru ókunn.

Innlent
Fréttamynd

Sporvagnaslys í Japan

Á þriðja tug manna slasaðist þegar tveir sporvagnar rákust saman í Tokyo í morgun. Enginn er þó talinn alvarlega slasaður en nokkur fjöldi manna var um borð í vögnunum þegar þeir rákust saman. Ekki er vitað á þessari stundu hvað olli slysinu en vagnarnir eru nokkuð skemmdir. Slysið varð í norðurhluta Tokyo. Lestarslys hafa verið fátíð í Japan enda mikil áhersla lögð á öryggismál á þessu sviði. Á síðasta ári léstust hins vegar rúmlega hundrað manns þegar lest fór út af teinunum og lenti á íbúðarhúsi.

Erlent
Fréttamynd

Mönnum bjargað úr Seley

Björgunarsveitarmenn voru sendir á björgunarskipi Landsbjargar frá Neskaupstað í gærkvöldi til að aðstoða tvo menn sem voru í erfiðleikum við Seley, sem er lítil eyja austur af Reyðarfirði, en þá var farið að brima við eynna.

Innlent
Fréttamynd

Bruni í Brautarholti

Allt tiltækt lið slökkviliðs höfuðborgarsvæðisins var kallað að gamla Hampiðjuhúsinu við Brautarholt um klukkan sex í morgun eftir að elds varð vart á efstu hæð hússins. Tilkynning um brunann kom klukkan átta mínútur í sex í morgun.

Innlent
Fréttamynd

Tíu ára stúlka missti sex fjölskyldumeðlimi

Houda Ghalia, tíu ára stúlka, missti föður sinn og fimm systkini í árásum Ísraela á Gazastrendur á föstudaginn. Fjölskylda Houdu hafði farið í lautarferð á ströndina til að fagna því að börnin höfðu lokið prófum. Þegar viðvörunarflautur Ísraelshers hljómuðu pakkaði fjölskyldan saman og þau voru að bíða eftir leigubíl þegar sprengjan lenti hjá þeim.

Erlent
Fréttamynd

Þykja hafa unnið töluvert afrek við slökkvistarf

Slökkviliðsmenn á Héraði þykja hafa unnið töluvert afrek í kvöld þegar þeir slökktu eld sem kviknað hafði í fallgöngum Kárahnjúkavirkjunar. Talið er að eldurinn hafi kviknað út frá rafmagni en ekki liggur fyrir hversu mikið tjónið er.

Innlent

Mest lesið