Fréttir

Ráða hverjum hleypt inn í landið

"Við fylgjumst með þegar svona atvik eiga sér stað og berist kvartanir tökum við þær alltaf alvarlega," segir Illugi Gunnarsson, aðstoðarmaður utanríkisráðherra.

Innlent 13.10.2005 19:33

Einn staðfestur slasaður

Enn hefur aðeins verið staðfest að einn sé slasaður eftir „atvikin“, eins og það hefur verið nefnt, í London. Sá var staddur á Warren Street lestarstöðinni. Ekki er ljóst hversu alvarleg meiðslin kunna að vera.

Erlent 13.10.2005 19:33

Úttekt frá Ríkisendurskoðun

Samstaða náðist um það á fundi félagsmálanefndar Alþingis í dag að óska eftir því að Ríkisendurskoðun geri úttekt á 80 milljarða lánasamningi Íbúðalánasjóðs við banka og sparisjóði.

Innlent 13.10.2005 19:33

Pakistanar stöðvi öfgamenn

Pervez Musharraf, hershöfðingi og forseti Pakistans, skoraði á landa sína í gær að setja trúarofstopamönnum í landinu stólinn fyrir dyrnar. Ennfremur sögðu talsmenn Pakistanstjórnar í gær að leit stæði yfir að aðstoðarmanni herskás múslimaklerks sem bjó í Bretlandi, í tengslum við rannsókn sprengjutilræðanna í Lundúnum þann 7. júlí síðastliðinn.

Erlent 13.10.2005 19:33

Kona stjórnandi í arabalandi

Íslenskur hjúkrunarfræðingur, Kolbrún Kristjánsdóttir, stjórnar daglegri starfsemi á stærsta sjúkrahúsi Sameinuðu arabísku furstadæmanna þegar hún er á vakt.

Innlent 13.10.2005 19:33

Brotthvarfinu hugsanlega flýtt

Hugsanlegt er að brotthvarfi Ísraelsmanna frá hernumdum svæðum Palestínumanna frá Gaza-ströndinni verði flýtt. Þetta segir Ehud Olmert, varaforsætisráðherra Ísraels.

Erlent 13.10.2005 19:33

2 létust í sprengingu í Danmörku

Karlmaður og barn týndu lífi og fjórir slösuðust, þar af einn alvarlega, þegar kraftmikil sprenging varð í húsi í Óðinsvéum í morgun. Sprengingin var svo mikil að þakið lyftist af og þaksteinar flugu í allar áttir.

Erlent 13.10.2005 19:33

Krabbameinslyf gefur góðar vonir

Vonir lækna um að lyfið Herceptin vinni vel á brjóstakrabbameini á fyrstu stigum sjúkdómsins eru svo miklar að heilbrigðisráðherra Breta vill að veitingu leyfis til notkunar þess verði hraðað.

Erlent 13.10.2005 19:33

Lúðvík gagnrýnir forsætisráðherra

Lúðvík Bergvinsson, þingmaður Samfylkingarinnar, segir að Halldór Ásgrímsson eigi að dvelja annars staðar en í forsætisráðuneytinu. Guðni Ágústsson segir Samfylkinguna líta viljandi fram hjá staðreyndum og málið skaði KB banka.

Innlent 13.10.2005 19:33

Hátt gengi ástæða lokunar

Fiskvinnslufyrirtækið Suðurnes hefur hætt störfum, en uppsagnir 45 starfsmanna taka þó ekki gildi fyrr en sumarleyfum þeirra, sem voru að hefjast, er lokið. Starfsfólki þess var tilkynnt um það á fundi á miðvikudaginn.

Innlent 13.10.2005 19:33

Tveir með 300 kíló af mat

Mikið af matvælum fannst í erlendum rútubíl sem kom með Norrænu til Seyðisfjarðar í morgun en aðeins einn ökumaður og einn farþegi voru skráðir þar um borð. Við fyrstu athugun fundust hátt í 300 kíló af ýmsum mat og er verið að leita nánar í bílnum og yfirheyra ferðalangana tvo.

Innlent 13.10.2005 19:33

Spurður út í fjármagnið

Aðalsteinn Á. Baldursson vissi ekki hvaðan á sig stóð veðrið á fundi norrænna verkalýðsleiðtoga í matvælaiðnaði á dögunum, en þegar hann hafði lokið máli sínu var lítið spurt út í skýrslu hans, heldur höfðu norrænir verkalýðsleiðtogar mestan áhuga á því hvaðan íslenskir fjárfestar fengju fjármagnið.

Innlent 13.10.2005 19:33

Sprenging í bakpoka

Götum í nánd við Warren Street neðanjarðarlestarstöðina í London hefur verið lokað og lögregla segir fólki að yfirgefa svæðið. Sömu sögu er að segja í nánd við Oval-stöðina og þar hafa byggingar í grennd einnig verið rýmdar. Sjónarvottur greinir frá því að sprenging hafi orðið í bakpoka hjá manni í einum neðanjarðarlestarvagninum en hún er sögð hafa orðið minniháttar.

Erlent 13.10.2005 19:33

Ósátt við starfsmatið

Félagar í Starfsmannafélagi Kópavogs felldu kjarasamning við bæinn með 55 prósentum atkvæða í kosningu þar sem 160 af 766 félagsmönnum greiddu atkvæði.

Innlent 13.10.2005 19:33

Fá tæpar 300 krónur á tímann

Verkalýðsfélag Akraness leggur í dag fram kæru á hendur Sputnikbátum vegna starfa fimm Pólverja sem formaður félagsins segir að fái tæpar 300 krónur í laun á tímann. Ágreiningur er um hvort mennirnir stundi hefðbundna launavinnu eða starfi samkvæmt samningi um þjónustuviðskipti.

Innlent 13.10.2005 19:33

Jón forstjóri Landbúnaðarstofnunar

Landbúnaðarráðherra hefur ákveðið að skipa Jón Gíslason í starf forstjóra Landbúnaðarstofnunar til fimm ára, frá og með 1. ágúst næstkomandi. Jón starfaði sem forstöðumaður Hollustuverndar ríkisins í sjö ár. Frá árinu 2000 hefur hann starfað hjá eftirlitsstofnun EFTA í Brussel.

Innlent 13.10.2005 19:33

Hungurverkfall á Guantanamo

Um 180 afganskir fangar í Guantanamo eru komnir í hungurverkfall til að mótmæla illri meðferð í fangelsinu og knýja á um lausn sína segja tveir fangar sem var sleppt í gær.

Erlent 13.10.2005 19:33

Dýralæknar ósáttir við Selfoss

Allir starfsmenn embættis yfirdýralæknis eru andvígir því að ný Landbúnaðarstofnun verði staðsett á Selfossi. Landbúnaðarstofnun er ný stofnun sem heyrir undir Landbúnaðarráðuneytið og mun taka til starfa í ársbyrjun 2006.

Innlent 13.10.2005 19:33

Freista þess að komast til Nablus

"Það er óvíst að við komumst til Nablus vegna ástandsins sem hér ríkir," segir Margrét Scheving Thorsteinsson, ein sex íslenskra ungmenna sem stödd eru í Palestínu. Vaxandi spennu hefur gætt í samskiptum Ísraela og Palestínumanna.

Innlent 13.10.2005 19:33

Framtíðin skýrist hjá starfsfólki

Starfsmannafundur hjá fiskvinnslufyrirtækinu Suðurnesjum, þar sem skýrt verður frá framtíð fyrirtækisins og starfsfólks þess, hófst klukkan eitt. Fundurinn er aðeins fyrir starfsfólk og hefur fyrirtækinu verið lokað til klukkan þrjú vegna fundarins.

Innlent 13.10.2005 19:33

Atvinnuþátttaka Íslendinga eykst

Konur sækja í sig veðrið á vinnumarkaðnum sem sést af því að litlu fleiri konur eru nú atvinnulausar en karlar, en voru nær tvöfalt fleiri í fyrra. Atvinnuþátttaka Íslendinga er sú langmesta á Vesturlöndum og ef til vill í heiminum. Hún er núna 83,5 prósent eða u.þ.b. einu prósentustigi meiri en á sama tíma í fyrra.

Innlent 13.10.2005 19:33

Eftirlit á innra svæðinu

Dóms- og kirkjumálaráðuneytið vekur athygli á því að Frakkar og Ítalir hafa ákveðið að taka upp landamæraeftirlit á innri landamærum aðildarríkja Schengen-samningsins. Ferðamenn sem og aðrir geta því vænst þess að þurfa að sæta vegabréfaeftirliti við komu og brottför frá Frakklandi og Ítalíu.

Erlent 13.10.2005 19:33

Roberts í hæstarrétt

George Bush Bandaríkjaforseti hefur tilnefnt íhaldsmanninn John Roberts sem hæstaréttardómara. Ef öldungadeild Bandaríkjaþings samþykkir tillöguna, sem ætti að vera formsatriði, tekur Roberts við af Söndru Connor sem hefur oft verið á móti meirihluta hæstaréttar þegar kemur að fóstureyðingum og málefnum minnihlutahópa.

Erlent 13.10.2005 19:32

Þrír látast úr fuglaflensu

Yfirvöld í Indónesíu staðfestu í morgun að þrír Indónesar hefðu látist úr fuglaflensu. Rannsókn á líkum mannanna þriggja í Hong Kong staðfesti dánarorsökina. Þetta eru fyrstu Indónesarnir sem látast úr fuglaflensu.

Erlent 13.10.2005 19:33

Sjálfsmorðsárás á Indlandi

Sex manns féllu og sextán særðust í sjálfsmorðsárás í Kasmír á Indlandi í morgun. Árásarmaðurinn keyrði bíl sínum utan í herjeppa og sprengdi sig svo í loft upp með fyrrgreindum afleiðingum.

Erlent 13.10.2005 19:32

Grímulausar áfengisauglýsingar

"Ég skil ekki hvað fólki gengur til með því að setja áfengisauglýsingar á bloggsíður barna eins og gert er á blogcentral.is," segir Árni Guðmundsson æskulýðs- og tómstundarfulltrúi í Hafnarfirði.

Innlent 13.10.2005 19:33

Íslenskir jeppar í friðargæslu

Íslenskir fjallajeppar verða notaðir við friðargæslu í Afganistan. Bandaríkjamenn vilja að íslenskir friðargæsluliðar og kollegar þeirra taki við störfum í Suður-Afganistan þar sem talíbanar eru skæðir og drepi menn, þurfi þess.

Innlent 13.10.2005 19:33

Mótmælendur skotnir af lögreglu

Að minnsta kosti ellefu mótmælendur voru drepnir í átökum lögreglu og mótmælenda í Jemen í dag. Verið var að mótmæla hækkun bensínverðs í landinu sem tvöfaldaðist í verði nýverið í kjölfar aðgerða ríkisstjórnar Jemens í efnahagsmálum.

Erlent 13.10.2005 19:33

Ellefu hringtorg í Vallarhverfi

Sennilega geta fá hverfi á landinu státað af jafn mörgum hringtorgum og Vallahverfið í Hafnarfirði en í og við hverfið eru ein ellefu hringtorg. Dýrleif Ólafsdóttir sem býr á Blómvöllum segist þurfa að fara um sex hringtorg þegar hún aki börnum sínum á æfingavöllinn sem þó er stutt frá.

Innlent 13.10.2005 19:33

Forskot kristilegra minnkar

Kristilegu flokkarnir í Þýskalandi halda miklu forskoti á stjórnarflokkana, jafnaðarmenn og græningja, í nýjustu skoðanakönnuninni sem niðurstöður voru birtar úr á miðvikudag. Kosið verður til þings í Þýskalandi í september.

Erlent 13.10.2005 19:33