Kauphöllin

Kauphöllin

Fréttir úr Kauphöllinni á Íslandi og af skráðum félögum á markaði.

Fréttamynd

„Vonandi verður ein vaxta­hækkun nóg“

Aðalhagfræðingur Íslandsbanka segir betra fyrir Seðlabankann að bregðast við núna en að þurfa að grípa seinna til harkalegri ráðstafana. Verðbólga hefur þróast með allt öðrum hætti en Seðlabankinn og greiningaraðilar gerðu sér vonir um og stýrivaxtahækkun er nú spáð í næstu viku. 

Viðskipti innlent

Fréttir í tímaröð

Fréttamynd

Spá 0,25 prósenta hækkun stýrivaxta

Íslandsbanki spáir 0,25 prósenta hækkun stýrivaxta við næstu vaxtaákvörðun þann 18. mars. Versnandi skammtímaverðbólguhorfur og hækkandi verðbólguvæntingar eru taldar af bankanum munu þar ríða baggamuninn þótt talsverðar líkur séu á óbreyttum vöxtum og hertri framsýnni leiðsögn. Vaxtalækkunarferli verði síðar á ferð en áður var búist við.

Viðskipti innlent
Fréttamynd

Fylgjandi „meira frelsi“ í fjár­festingum líf­eyris­sjóða en vill efla kröfur og eftir­lit

Þrátt fyrir að segjast vera fylgjandi þeim „umfangsmiklu tilslökunum“ sem til stendur að gera á fjárfestingarheimildum lífeyrissjóðanna þá er Seðlabankinn nokkuð gagnrýninn á að ekki sé gengið lengra í því sem hann telur „brýnar“ mótvægisaðgerðir, meðal annars þegar kemur að því að efla kröfur um stjórnarhætti og innra eftirlit sjóðanna.

Innherji
Fréttamynd

Eld­rauð Kaup­höll

Gengi hlutabréfa í flestum félögum Kauphallarinnar hefur lækkað frá því að markaðir lokuðu á föstudag. Sjö félög standa í stað en ekkert félag hefur hækkað. Mest hafa hlutabréf í Amaroq og Skel fjárfestingafélagi lækkað, um 3,78 prósent og 3,59 prósent.

Viðskipti innlent
Fréttamynd

Loft­leiðir voru við það að kaupa tvær júmbó-þotur

Loftleiðir voru við það að kaupa tvær Boeing 747-þotur skömmu fyrir sameiningu flugfélaganna árið 1973. Andstaða eins stjórnarmanna Loftleiða sem og ákvörðun ríkisstjórnarinnar um að hafna ríkisábyrgð gerðu út um júmbó-draum Loftleiðamanna.

Innlent
Fréttamynd

Kallar eftir betri rök­stuðningi hvernig eigi að hífa arð­semina upp í 13 pró­sent

Áform Íslandsbanka að skila að lágmarki þrettán prósenta arðsemi innan fárra ára þýðir að stefnt er að umtalsverðum rekstrarbata og í nýrri greiningu, sem lækkar lítillega verðmatið á bankanum, er kallað eftir því að stjórnendur útskýri og rökstyðji betur hvernig eigi að ná því markmiði. Þá er varað við því að róðurinn gæti þyngst hratt í ár núna þegar er að teiknast upp umhverfi kreppuverðbólgu sem er „allt að því fjandsamlegt fyrir fjárfestingarbankastarfsemi.“

Innherji
Fréttamynd

Skipti ekki máli hvaðan olían er

Framkvæmdastjóri N1 segir mikilvægt að umræða um verðlag á eldsneyti og áhrif hækkandi heimsmarkaðsverðs olíu hér á landi byggi á staðreyndum. Olíufélögin hafa verið nokkuð gagnrýnd vegna verðhækkana í kjölfar árása á Íran, meðal annars af þingmanni og FÍB.

Viðskipti innlent
Fréttamynd

Hækka enn verðmöt sín og segja yfir­standandi ár vera „lykilár“ fyrir Oculis

Greinendur erlendra fjármálastofnana halda uppteknum hætti og hafa hækkað verðmöt sín á Oculis eftir uppgjör fjórða fjórðungs, sumir um meira en fimmtíu prósent. Yfirstandandandi ár er sagt vera „lykilár“ þegar kemur að niðurstöðum rannsókna á tveimur lyfjum og verði þær jákvæðar gæti það skilað sér í „verulegri“ hækkun á hlutabréfaverðinu.

Innherji
Fréttamynd

Skel metið á „hálf­virði“ í saman­burði við önnur fé­lög í smá­sölu og þjónustu

Markaðsgengi Skel er um þrjátíu prósent lægra en jafngildir innra virði þess, sem má meðal annars rekja til óvissu um virði óskráðra eigna, en í nýrri greiningu er fjárfestingafélagið sagt verulega vanmetið á markaði. Þar er þeirri spurningu velt upp hvort munurinn í verðlagningu á Skel borið saman við önnur skráð félög sem starfa í smásölu og þjónustu „eigi að vera svona gríðarlega mikill“ en fjárfestingafélagið er í þeim samanburði á tæplega „hálfvirði“ miðað við það sem reksturinn skilar hluthöfum í hagnað.

Innherji
Fréttamynd

„Ég verð að þakka þér fyrir að herma eftir mér“

Enginn lék Davíð Oddsson jafnoft í gegnum tíðina og grínistinn Örn Árnason. Þeir þekktust lítið en voru málkunnugir og hittust nokkrum sinnum. Davíð vissi að það þýddi ekki að reiðast hirðfíflinu og hafði gaman af eftirhermum Arnar. Ein ráðlegging Davíðs til Arnar er sérstaklega eftirminnileg.

Lífið
Fréttamynd

Andri Þór hættir sem for­stjóri Öl­gerðarinnar

Andri Þór Guðmundsson hefur ákveðið að láta af störfum eftir að hafa starfað sem forstjóri Ölgerðarinnar, sem mun nú heita Bera, í rúmlega tvo áratugi. Hann hyggst þó ekki fara langt enda býður hann sig fram til stjórnarformennsku í móðurfélaginu Beru.

Viðskipti innlent
Fréttamynd

Brim vill gera breytingar á verðmiðanum í fyrir­huguðum risa­kaupum á Lýsi

Fyrirhuguð kaup Brims á öllu hlutafé Lýsis fyrir samtals þrjátíu milljarða, sem tilkynnt var um síðasta haust, eru ekki enn komin á borð stjórnar en forstjóri sjávarútvegsfyrirtækisins segir að félögin séu „ekki alveg sammála um verðið“ í viðskiptunum. Hlutabréfaverð Brims hefur hækkað um nærri fimmtíu prósent á síðustu mánuðum samhliða því að afurðaverð hefur verið í hæstu hæðum, sem skilaði sér í feykilega sterku uppgjöri undir lok ársins, en forstjórinn telur samt gengi krónunnar vera „alltof sterkt“ um þessar mundir.

Innherji
Fréttamynd

Gjald­þrot Play nemur 21 milljarði króna

Heildarkröfur í þrotabú flugfélagsins Play sem varð gjaldþrota í september nema um 21 milljarði króna. Ólíklegt er að nokkuð fáist upp í almennar kröfur í búið en meðal þeirra er sekt frá Umhverfisstofnun upp á 2,2 milljarða króna. Skiptastjóri segir að skipti Play muni taka nokkur ár enda ljóst að einhverjir angar skiptanna munu rata til dómstóla.

Viðskipti innlent
Fréttamynd

„Það veit enginn af þessu, ég er að opna mig núna“

Fjórða þáttaröðin af Tónlistarmönnunum okkar verður frumsýnd á Sýn+ 12. apríl og er stikla úr þáttunum nú komin í loftið. Auðunn Blöndal ræðir þar við fimm tónlistarmenn og eina hljómsveit. Þrjá tónlistarmannanna reyndi hann að fá í fyrstu seríuna.

Lífið
Fréttamynd

Síðustu strandaglóparnir komust til Kefla­víkur í nótt

Síðustu farþegar Icelandair sem lentu í töfum vegna hríðarbyls við Keflavíkurflugvöll síðdegis í gær og var því lent á varaflugvöllum voru komnir til Keflavíkur um tvöleytið í nótt. Forstjóri segir leiðakerfi Icelandair hafa verið komið á réttan snúning í morgun og segir starfsfólk hafa unnið þrekvirki.

Innlent

Mest lesið