Enski boltinn

Enski boltinn

Fréttir, myndbönd og tölfræði úr ensku deildinni.

Leikirnir


    Fréttamynd

    Madrid gerir tilboð í Robben

    Real Madrid hefur lagt fram tilboð hollenska vængmannin Arjen Robben hjá Chelsea, samkvæmt umboðsmanni leikmannsins. Spænsku meistararnir hafa verið mikið orðaðir við Robben í sumar, og nú hafa þeir boðið 13,5 milljónir punda í leikmanninn.

    Enski boltinn
    Fréttamynd

    Malouda byrjar vel hjá Chelsea

    Florent Malouda spilaði sinn fyrsta leik fyrir Chelsea í gær og óhætt er að segja að hann hafi staðið sig með prýði. Í æfingaleik gegn Club America lenti Chelsea undir áður en Malouda skoraði glæsilegt mark á 75 mínútu. Níu mínútum síðar átti Malouda ágæta fyrirgjöf á fyrirliðann John Terry, sem tryggði Chelsea sigur með skallamarki.

    Enski boltinn
    Fréttamynd

    Peter Crouch kostar 20 milljónir punda

    Forráðamenn Liverpool hafa gefið það út að liðið muni ekki selja Peter Crouch fyrir minna en 20 milljónir punda. Þetta kemur í kjölfar þess að Aston Villa, Newcastle og Manchester City hafa lýst yfir áhuga sínum á leikmanninum.

    Enski boltinn
    Fréttamynd

    Newcastle og Chelsea á eftir Cannavaro

    Ensku Úrvalsdeildarliðin Chelsea og Newcastle eru nú að berjast um þjónustu Fabio Cannavaro hjá Real Madrid, en þessar fréttir koma í kjölfar þess að nýr þjálfari Real, Bernd Schuster, hefur sagt að ekki væri þörf fyrir Cannavaro lengur hjá liðinu.

    Enski boltinn
    Fréttamynd

    Mancini orðaður við Liverpool

    Liverpool eru orðaðir við kaup á Alessandro Mancini, leikmann Roma samkvæmt umboðsmanni leikmannsins, Gilmar Veloz. Mancini átti frábært tímabil með Roma á síðasta tímabili. Veloz segir að hann hafi talað við Rafa Benitez, framkvæmdastjóra Liverpool, en tekur það fram að engar samningsviðræður hafi átt sér stað á milli liðanna.

    Enski boltinn
    Fréttamynd

    Æfingaleikir ensku Úrvalsdeildarliðanna

    Nokkur Úrvalsdeildarlið eru byrjuð að spila æfingaleiki til að stilla lið sín fyrir komandi átök í deildinni. West Ham, Arsenal, Liverpool, Portsmouth, Manchester City og Bolton sigruðu öll leiki sína í gær. Sven-Göran Erikson stjórnaði City til sigurs gegn Doncaster í fyrsta leik sínum sem framkvæmdastjóri.

    Enski boltinn
    Fréttamynd

    Mourinho býst ekki við að kaupa fleiri leikmenn

    José Mourinho segir að kaupin á Florent Malouda séu sennilega síðustu kaup Chelsea í sumar. Mourinho kvartaði sáran yfir að vera með of lítinn hóp á síðasta tímabili þegar mikið var um meiðsli innan liðsins, og því var búist við að hann myndi kaupa marga leikmenn í sumar.

    Enski boltinn
    Fréttamynd

    City kaupir Svisslending fyrir metupphæð

    Enska Úrvalsdeildarliðið Manchester City hefur landað hinum efnilega Gelson Fernandes, 20 ára svissneskum miðjumanni. City keypti leikmanninn frá Sion fyrir 3,8 miljónir punda sem er met í svissnesku deildinni.

    Enski boltinn
    Fréttamynd

    Fer Shevchenko aftur til A.C. Milan?

    Eigandi Chelsea, Roman Abramovich, ætlar að tala við Andriy Shevchenko áður en ákveðið verður hvort að leikmaðurinn verði seldur aftur til A.C. Milan með miklu tapi. Shevchenko var keyptur til Chelsea frá Milan fyrir síðasta tímabil fyrir 30 milljónri punda.

    Enski boltinn
    Fréttamynd

    Liverpool kaupir Babel

    Liverpool hefur klófest hollenska landsliðsmanninn Ryan Babel frá Ajax og hefur hann skrifað undir fimm ára samning við félagið. Talið er að Liverpool pungi út 11,5 milljónum punda fyrir leikmanninn.

    Enski boltinn
    Fréttamynd

    AZ Alkmaar býður Grétari Rafni nýjan samning

    Hollenska liðið AZ Alkmaar hefur boðið íslenska landsliðsmanninum Grétari Rafni Steinssyni nýjan samning við félagið. Þetta sýnir að félagið ætli sér að halda Grétari í herbúðum liðsins, en enska úrvalsdeildarliðið Middlesbrough hefur verið á eftir honum.

    Enski boltinn
    Fréttamynd

    Boulahrouz lánaður til Sevilla

    Varnarmaðurinn Khalid Boulahrouz hjá Chelsea hefur verið lánaður til Sevilla á Spáni. Boulahrouz var keyptur til Chelsea fyrir 7 miljónir punda á síðustu leiktíð en féll úr náðinni hjá Jose Mourinho knattspyrnustjóra. Talið er að þessi viðskipti Chelsea og Sevilla gætu orðið til að greiða leið bakvarðarins Daniel Alves til Chelsea frá Sevilla, en félögin eru í viðræðum um hann þessa dagana.

    Enski boltinn
    Fréttamynd

    Benayoun semur við Liverpool

    Enska úrvalsdeildarfélagið Liverpool gekk í dag frá kaupum á ísraelska miðjumanninum Yossi Benayoun frá West Ham fyrir um 5 milljónir punda og hefur hann skrifað undir fjögurra ára samning við félagið. Benayoun er 25 ára gamall og hefur Rafa Benitez stjóri Liverpool verið lengi með augun á honum.

    Enski boltinn
    Fréttamynd

    Ajax samþykkir tilboð Liverpool í Babel

    Hollenska félagið Ajax hefur nú loksins komist að samkomulagi við Liverpool um sölu á útherjanum Ryan Babel. Sagt er að kauvirðið sé 17 milljónir evra og að Babel muni skrifa undir fimm ára samning við enska félagið.

    Enski boltinn
    Fréttamynd

    Fowler í viðræðum við Sydney FC

    Framherjinn Robbie Fowler er nú kominn til Ástralíu þar sem hann mun funda með forráðamönnum Sydney FC með það fyrir augum að semja við félagið. Fowler er með lausa samninga eftir að hann var látinn fara frá Liverpool í vor og gæti fetað í fótspor Dwight Yorke sem spilaði með ástralska liðinu um nokkurt skeið.

    Enski boltinn
    Fréttamynd

    Sven-Göran lokkaði mig til City

    Ítalski framherjinn Rolando Bianchi segir að það hafi verið knattspyrnustjórinn Sven-Göran Eriksson sem náði að lokka sig til Manchester City frá Reggina á Ítalíu. Framherjinn er nú í læknisskoðun á Englandi og skrifar undir samning við félagið strax að henni lokinni.

    Enski boltinn
    Fréttamynd

    Alves vill ólmur fara til Chelsea

    Umboðsmaður bakvarðarins Daniel Alves hjá Sevilla hefur farið þess á leit við félagið að það lækki verðmiðann á leikmanninum svo hann geti farið til Chelsea eins og hann óski sér. Alves vill ólmur ganga til liðs við ensku bikarmeistarana en Sevilla er sagt heimta 20 miljónir evra fyrir hann.

    Enski boltinn
    Fréttamynd

    Sagna semur við Arsenal

    Arsenal gekk í dag frá kaupum á varnarmanninum Bakari Sagna frá franska félaginu Auxerre fyrir óuppgefna upphæð. Sagna hefur skrifað undir langtíma samning við Arsenal og er sagður geta spilað flestar stöður í vörninni sem og á miðjunni. Hann er 24 ára gamall og hefur unnið sér sæti í franska landsliðinu þó hann hafi enn ekki fengið að spila leik.

    Enski boltinn
    Fréttamynd

    Hertha samþykkir tilboð Tottenham í Boateng

    Þýska knattspyrnufélagið Hertha Berlín hefur samþykkt 5 milljón punda kauptilboð Tottenham í miðjumanninn Kevin-Prince Boateng. Boateng þessi hefur verið í herbúðum Hertha síðan hann var sjö ára gamall og er í U-21 árs liði Þjóðverja. Sevilla hefur einnig verið á höttunum eftir Boateng.

    Enski boltinn
    Fréttamynd

    Owen: Ég er ekki að fara frá Newcastle

    Framherjinn Michael Owen ítrekar að hann sé ánægður í herbúðum Newcastle og hefur lofað stuðningsmönnum félagsins að hann fari ekki frá því eins og skrifað hefur verið um í bresku blöðunum.

    Enski boltinn
    Fréttamynd

    Chris Baird til Fulham

    Norður-Írski landsliðsmaðurinn Chris Baird gekk í dag í raðir Fulham í ensku úrvalsdeildinni frá Southampton. Baird hafði verið á leið til liðs við Sunderland fyrir 3 milljónir punda, en hann kaus heldur að ganga í raðir Fulham þegar félagið hækkaði tilboð sitt á síðustu stundu. Baird mun því spila undir stjórn fyrrum landsliðsþjálfara síns Lawrie Sanchez á næstu leiktíð.

    Enski boltinn
    Fréttamynd

    Heinze stoltur yfir áhuga Liverpool

    Vinstri bakvörðurinn Gabriel Heinze hefur viðurkennt að hann sé stoltur yfir því að vera orðaður við Liverpool, en hann er líka spenntur yfir því að landsliðsfélagi hans hjá Argentínu, Carlos Tevez, sé hugsanlega á leið til Manchester United. Heinze skoraði í gær fyrsta mark Argentínu í 3-0 sigri á Mexíkó í undanúrslitum Suður-Ameríkukeppninni.

    Enski boltinn
    Fréttamynd

    Wilhelmsson á leið í ensku úrvalsdeildina?

    Sænski útherjinn Christian Wilhelmsson er nú sterklega orðaður við ensku úrvalsdeildina, en forseti Roma hefur tilkynnt að hann verði ekki áfram hjá félaginu. Wilhelmsson er leikmaður Nantes í Frakklandi en var í láni hjá Roma á síðustu leiktíð þar sem hann stóð sig prýðilega. Hann hefur nú verið orðaður við Manchester City á Englandi þar sem landi hans Sven-Göran Eriksson er orðinn knattspyrnustjóri.

    Enski boltinn
    Fréttamynd

    Ken Bates kaupir Leeds aftur

    Ken Bates verður áfram við stjórn hjá enska knattspyrnuliðinu Leeds United eftir að hafa unnið kapphlaupið um að kaupa liðið. Liðið féll úr næstefstu deild síðastliðið haust, eftir að hafa farið fram á greiðslustöðvun til að koma í veg fyrir gjaldþrot félagsins.

    Enski boltinn
    Fréttamynd

    Nugent til Portsmouth

    Enska úrvalsdeildarfélagið Portsmouth gekk í dag frá kaupum á enska landsliðsframherjanum David Nugent frá Preston fyrir 6 milljónir punda. Nugent hefur skrifað undir fjögurra ára samning við úrvalsdeildarfélagið og stóðst læknisskoðun í morgun. Hann er 22 ára gamall og vann sér sæti í enska landsliðinu á síðustu leiktíð þrátt fyrir að leika utan úrvalsdeildarinnar.

    Enski boltinn
    Fréttamynd

    Mourinho: Pressan er öll á United

    Jose Mourinho vill lítið tjá sig um vasklega framgöngu keppinauta hans í Manchester United á leikmannamarkaðnum í sumar en segir að aukin umsvif félagsins í sumar geri ekkert annað en að auka pressuna á þá rauðu.

    Enski boltinn
    Fréttamynd

    Sunderland að kaupa Chopra

    Nýliðar Sunderland í ensku úrvalsdeildinni eru nú að leggja lokahönd á að ganga frá kaupum á framherjanum Michael Chopra frá Cardiff fyrir um 5 milljónir punda. Chopra spilaði um hríð með Newcastle og er 23 ára gamall. Hann skoraði 22 mörk fyrir Cardiff í Championship deildinni á síðustu leiktíð.

    Enski boltinn

    Mest lesið