Fimmtíu milljarða samdráttur

Heildarútlán Íbúðalánasjóðs drógust saman um 50 milljarða á seinni helmingi síðasta árs. Hlutdeild bankanna á fasteignalánamarkaði hefur aukist úr fimm prósentum í tæp 19 prósent á síðustu tveimur árum.

Krónan í fjórða sæti

Íslenska krónan er í fjórða sæti yfir þá gjaldmiðla heimsins sem mest hafa hækkað gagnvart dollarnum undanfarið ár. Frá þessu er greint í nýjasta tímariti <em>Economist</em>.

Iceland sækir ekki um einkaleyfi

Forráðamenn bresku matvælakeðjunnar Iceland hafa fallið frá hugmyndum um að sækja um einkaleyfi á notkun nafnsins í heiminum. Malcolm Walker, forstjóri Iceland Foods, sem nú er í eigu Íslendinga, sendi forsætisráðherra bréf þess efnis í gærkvöldi.

Ragnhildur ráðin forstjóri

Ragnhildur Geirsdóttir, framkvæmdastjóri rekstrarstýringar Icelandair og stjórnarmaður í Flugleiðum, var ráðin forstjóri Flugleiða í dag. Jón Karl Ólafsson var hins vegar ráðinn forstjóri Icelandair. Ragnhildur er þrjátíu og þriggja ára gömul.

Hagnaður Orkuveitunnar þrefaldast

Orkuveita Reykjavíkur hagnaðist um 3,7 milljarða á síðasta ári. Þetta er nærri þrefalt meiri hagnaður en árið 2003 þegar Orkuveitan hagnaðist um 1,3 milljarða. Ársreikningur fyrirtækisins var samþykktur á stjórnarfundi í dag.

Ríkulega lagt á búsið

Skýrsla, sem unnin var að ósk samgönguráðherra, sýnir að veitingamenn leggja á bilinu 170-250 prósent ofaná innkaupsverð algengra tegunda bjórs, léttvíns og sterkra vína. Af verðinu sem greitt er yfir barborðið renna á bilinu 50 til 60 prósent til veitingamanna.

KB banki bjóst við meiri hagnaði

Hagnaður Marels á síðasta ári var nokkuð undir væntingum greiningardeildar KB banka. Bankinn spáði 7,4 milljóna evru hagnaði en hagnaðurinn varð 6,6 milljónir evra.

Aðför gegn Íbúðalánasjóði

Ögmundur Jónasson, þingflokksformaður Vinstri grænna, segir Samtök banka og verðbréfafyrirtækja (SBV) reyna allar leiðir til að koma Íbúðalánasjóði fyrir kattarnef.

Tveir taka við af Sigurði

Ragnhildur Geirsdóttir, 33 ára verkfræðingur, var í dag ráðin forstjóri Flugleiða. Þá var Jón Karl Ólafsson, framkvæmdastjóri Flugfélags Íslands, ráðinn forstjóri dótturfélagsins Icelandair. 

Fallið frá einkaleyfi á Iceland

Forstjóri bresku verslunarkeðjunnar Iceland Food hefur sent Halldóri Ásgrímssyni forsætisráðherra svarbréf vegna umsóknar fyrirtækisins um einkaleyfi á vörumerkinu Iceland í löndum Evrópusambandsins þar sem hann segir að fallið verði frá umsókn um einkaleyfi á notkun nafnsins í öllum löndum utan Bretlands.

Dæmi um vanskil 100% íbúðalána

"Það eru farin að berast inn á borð til okkar nokkur dæmi um fólk sem hefur fengið hundrað prósent lán og nær ekki að standa í skilum," segir forstöðumaður Ráðgjafarstofu um fjármál heimilanna. Þau auknu lán sem almenningi bjóðast til húsnæðiskaupa nýtast illa þeim sem minnst hafa milli handanna enda húsnæðisverð víða um land margfaldast og engin endir á hækkununum í sjónmáli.

Góður hagnaður hjá Símanum

Rúmlega þriggja milljarða króna hagnaður varð af rekstri ríkishlutafélagsins Símans í fyrra, sem er um það bil einum milljarði króna meiri hagnaður en árið þar áður. Stjórn Símans ákvað í gær að leggja til við aðalfund að greiddur verði 90 prósenta arður af nafnvirði hlutafjár eða 3,3 milljarðar króna sem ríkissjóður fær í sinn hlut þar sem ríkið á Símann.

Hvatt til aukins aðhalds

Efnahags- og framfarastofnunin, OECD, hvetur íslensk stjórnvöld til að stuðla að vaxtahækkunum og auka aðhald í peningamálum til að sporna við þenslu.

Reynt að skýra verkaskiptingu

Gerð er tilraun til að draga úr óvissu um verkaskiptingu í eftirliti með verðbréfamarkaði með sameiginlegri yfirlýsingu Fjármálaeftirlitsins og Kauphallar Íslands. Yfirlýsingunni er ætlað að skýra betur verkaskiptinguna á milli þessarra tveggja stofnana og auka skilvirkni.

Eigendaskipti á Heklu

Eigendaskipti urðu á bílaumboðinu Heklu í dag. KB banki, Straumur og Tryggingamiðstöðin voru keypt út úr fyrirtækinu af Tryggva Jónssyni, forstjóra Heklu, Hjörleifi Jakobssyni, forstjóra Esso, Frosta Bergssyni, fyrrverandi stjórnarformanni Opinna kerfa, og Agli Ágústssyni, forstjóra Íslensk-Ameríska.

Auknar heimildir til rannsóknar

Fjármálaeftirlitið fær auknar heimildir til að rannsaka mál samkvæmt nýju lagafrumvarpi um verðbréfaviðskipti, þar á meðal til að kyrrsetja gögn og fá aðgang að gögnum um símtöl og fjarskipti. Má segja að með þessu sé verið að taka hálft skref því á meðan heimild til að beita sektum er enn takmörkuð er hætta á árekstrum við lögreglu.

Hagnaður Marels 6,6 milljónir evra

Marel hagnaðist um 6,6 milljónir evra á síðasta ári. Þetta er 76 prósenta aukning frá árinu áður, en niðurstaðan er engu að síður nokkuð undir spám greiningardeilda bankanna.

Meðalinnstæðan 250 þúsund

Heildarfjöldi reikninga einstaklinga í viðskiptabönkum og sparisjóðum var 1,1 milljón og var meðalinnstæðan tæpar 250 þúsund krónur.

250 milljónir bíða eigenda

Samtals 250 milljónir liggja nú hjá Íbúðalánasjóði og bíða þess að eigendur vitji þeirra. Þetta eru húsbréf sem búið er að draga út en eigendur hafa ekki innleyst, að sögn sviðsstjóra Íbúðalánasjóðs. </font /></b />

Síminn seldur kjölfestufjárfesti

Allt útlit er fyrir að meirihluti Símans verði seldur kjölfestufjárfesti. Í það minnsta tveir hópar innlendra fjárfesta eru taldir hafa áhuga en hann byggist á því að þeir geti keypt meirihluta í fyrirtækinu.

Uppgjör Marels og Atorku í dag

Tvö stór félög birta í dag uppgjör fyrir árið 2004. Marel og Atorka eru bæði í Úrvalsvísitölu hlutabréfa.

Stofna líftæknifyrirtæki á Íslandi

Bandarískt líftæknifyrirtæki er að setja á stofn rannsóknar- og þróunarfyrirtæki í stofnfrumurannsóknum á Íslandi. Fyrirtækið hyggst fjárfesta hér á landi á næstu mánuðum og ráða til sín nokkra starfsmenn. Fyrirtækið heitir Xytos og er verið að leggja lokahönd á hlutafjárútboð félagsins í Bandaríkjunum og skráningu á Nasdaq-markaðinn.

Viðunandi hagnaður sjávarútvegs

Sjávarútvegur er rekinn með viðunandi hagnaði, bæði á þessu ári og því síðasta, að mati fjármálaráðuneytisins. Það spáir því að tekjur greinarinnar í ár verði tuttugu milljörðum króna hærri en útgjöldin.

Somerfield á stórinnkaupalistann

Baugur tekur við völdum í Big Food Group í dag. Þar með hefst vinna við að skipta upp félögunum innan samstæðunnar og endurskipuleggja rekstur Iceland-keðjunnar. Þar er mikið verk óunnið. Baugur lætur ekki þar við sitja. Félagið hefur gert tilboð í verslunarkeðjuna Somerfield, sem rekur á þrettánda hundrað verslana undir merkjum Somerfield og Kwik Save

23 milljarða sambankalán

Norðurál hefur gert samning við Landsbankann og KB banka um endurfjármögnun fyrirtækisins og fjármögnun framkvæmdanna við stækkun álversins á Grundartanga. Bankarnir tveir undirrituðu samning um alþjóðlegt sambankalán til Norðuráls að upphæð 365 milljónir Bandaríkjadala, eða 23 milljarða íslenskra króna.

Iceland endurskoði umsóknina

Halldór Ásgrímsson forsætisráðherra hefur óskað eftir því að breska verslanakeðjan Iceland endurskoði umsókn sína um að fá einkaleyfi á vörumerkinu Iceland. Formlegt erindi þessa efnist barst stjórnarfomanni Iceland í dag, eða sama dag og Baugur tók við stjórnartaumum í fyrirtækinu.

Bjóða 119 milljarða króna

Baugur hefur tryggt sér fjármögnun og gert tilboð í bresku verslunarkeðjuna Somerfield. Tilboðið hljóðar upp á 190 pens á hlut eða 119 milljarða króna. Heildarfjármögnun kaupanna með skuldum er um 140 milljarðar króna.

Skutu Bretum ref fyrir rass

Yfirmaður breska fjárfestingafélagsins Wise Speke segir að íslensku víkingarnir hafi skotið breskum fjármálasérfræðingum ref fyrir rass með því að sjá rakið viðskiptatækifæri í breska viðskiptaheiminum sem þeir bresku sáu ekki.

Deilt um áhrif sterkari krónu

Deilt er um hvort styrking krónunnar að undanförnu hafi haft áhrif á verðlag hér á landi. Greiningardeild Landsbankans telur að það taki að jafnaði þrjá mánuði fyrir gengisbreytingar að koma fram í verði innfluttra mat- og drykkjarvara. Þannig megi ætla að haldi krónan áfram að vera sterk fari það að hafa áhrif á verðbólguna.

Deilt um áhrif krónu á efnahagslíf

Verðbólgan hefur rofið efri þolmörk peningastefnu Seðlabankans sem eru fjögur prósent. Miðað við verðbreytingar síðustu tólf mánaða telst verðbólgan nú vera 4,5 prósent. Deilt var um hátt gengi krónunnar og áhrif þess á efnahagslífið á Alþingi í dag.

Sprengidagur í Kauphöllinni í gær

Sprengidagur var í Kauphöllinni í gær, eins og sérfræðingar KB banka orða það, þar sem úrvalsvísitalan hækkaði um 2,5 prósent á einum degi í miklum viðskiptum. Úrvalsvísitalan hefur því hækkað um heil 15 prósent frá áramótum og ef litið er tólf mánuði aftur í tímann hefur hún hækkað um rösklega 64 prósent.

Össur í takti við væntingar

Hagnaður stoðtækjafyrirtækisins Össurar á síðsta ári nam 15,2 milljónum Bandaríkjadala. Það samsvarar um 1,1 milljarði íslenskra króna sé miðað við meðaltalsgengi Bandaríkjadals í fyrra.

Hagnaður 416 milljónir

Hagnaður Og fjarskipta var 416 milljónir króna í fyrra en árið áður var félagið rekið með 445 milljóna króna tapi. Tölurnar eru settar fram svo þær séu sambærilegar milli ára þrátt fyrir miklar breytingar í rekstri fyrirtækisins við kaup á fjölmiðlafyrirtækjunum sem áður heyrðu undir hatt Norðurljósa.

Stjórnvöld ýta undir þenslu

Uppsagnir í landvinnslu á Stöðvarfirði og í Þorlákshöfn koma Samtökum atvinnulífsins ekki á óvart. Framlegð landsvinnslunnar hefur lækkað úr níu prósentum 2003 í fjögur prósent nú. Taprekstur sé óumflýjanlegur. Þetta er meðal þess sem kemur fram í leiðara Ara Edwald, framkvæmdastjóra SA, á vef samtakanna

Tekist á um Toyota

Uppsögn níu lykilstarfsmanna Toyotaumboðsins P. Samúelssonar verður að teljast þungt högg fyrir fyrirtækið. Fyrir helgi var tilkynnt að forstjóri fyrirtækisins, Emil Grímsson, myndi hætta hjá fyrirtækinu og Úlfar Steindórsson kæmi í hans stað. Jafnframt var tilkynnt að Emil myndi kaupa Arctic Trucks. Í kjölfar þess að Emil hætti sögðu níu stjórnendur fyrirtækisins upp störfum.

Actavis kaupir indverskt fyrirtæki

Lyfjafyrirtækið Actavis hefur fest kaup á lyfjarannsóknafyrirtækinu Lotus á Indlandi. Kaupverðið er um 1,6 milljarðar íslenskra króna og gert er ráð fyrir að gengið verði frá kaupsamningi á næstu vikum.

Flugleiðir kaupa Bláfugl

Flugleiðir hafa gert samning um kaup á fraktflugfélaginu Bláfugli og flutningsmiðlunarfyrirtækinu Flugflutningum ehf.. Í frétt frá Flugleiðum segir að þetta sé liður í markaðri stefnu fyrirtækisins að vaxa á alþjóðlegum fraktflutningamarkaði þar sem langmestur hluti af starfsemi Bláfugls fer fram.

KB banki selur Lýsingu

KB-banki hefur selt Vátryggingafélagi Íslands dótturfélag sitt, Lýsingu, fyrir 6,1 milljarð króna en áætlaður söluhagnaður er 3 milljarðar. Lýsing er annað tveggja stærstu fjármögnunarfyrirtækja landsins og eru starfsmenn þess 40 talsins.

Varar við umfangsmiklu eftirliti

Björgólfur Thor Björgólfsson varaði við umfangsmiklum eftirlitsiðnaði í ræðu sinni á Viðskiptaþingi í gær. Hann sagði að kostnaður og fyrirhöfn sem fylgdu skráningu fyrirtækja á markaði drægju úr hvatanum til slíkrar skráningar.

Vilja 32 milljarða fyrir Eimskip

Forsvarsmenn Flugleiða voru tilbúnir til að greiða allt að 19 milljarða fyrir eigið fé Eimskipafélagsins og lýstu áhuga sínum á að kaupa skipafélagið. Burðarás móðurfélag Eimskipafélagsins vill samkvæmt heimildum fá um 25 milljarða króna fyrir eigið fé Eimskipafélagsins sem þýðir að heildarverð með skuldum er um 32 milljarðar.

BYKO í Bretlandi

Norvik sem á og rekur BYKO hefur keypt breskt fyrirtæki sem sérhæfir sig í framleiðslu og sölu á unnum timburvörum. Félagið heitir Wayland Timber Products og sérhæfir sig einkum í timburvörum fyrir garða og girðingar.

Viðskiptaþing í dag

Björgólfur Thor Björgólfsson athafnamaður og Halldór Ásgrímsson forsætisráðherra flytja aðalræðurnar á Viðskiptaþingi Verslunarráðs Íslands í dag. Þingið er haldið á Hótel Nordica og er búist við á fjórða hundrað þátttakenda.

Lánssamningur upp á 6,3 milljarða

Fulltrúar IFP Holdings Ltd., sem er eignarhaldsfélag um fjárfestingar SH í Bretlandi, Íslandsbanki og Landsbanki Íslands hafa undirritað sambankalánssamning að fjárhæð 53 milljónir punda, eða tæpir 6,3 milljarðar íslenkar krónur.

Sexfaldur hagnaður

Í ræðu sinni á aðalfundi Landsbankans á laugardaginn fór Björgólfur Guðmundsson, formaður bankaráðs, yfir þeir breytingar sem orðið hafa á rekstri bankans frá því hann var einkavæddur fyrir tveimur árum.

Samskip hyggja á landvinninga

Gríðarlegur vöxtur hefur verið í starfsemi Samskipa erlendis og jókst veltan um fjörutíu prósent á síðasta ári. Félagið hyggur á frekari landvinninga, meðal annars langt inn í Rússland og í Asíu.