Ungir fatasalar möluðu gull

Þetta kemur fram í nýjasta ársreikningi félagsins PS2 ehf., sem á Metta sport. Samkvæmt honum voru tekjur félagsins 733.415.156 krónur í fyrra og afkoma ársins 546.127.778 krónur. Til samanburðar var afkoma ársins 2024 tæplega helmingi minni eða 288.885.697 krónur. 

Í fréttinni hér að neðan er fjallað um ársreikning þess árs og ævintýralegan vöxt Metta sport árin þar á undan:

Í ársreikningi fyrir síðasta ár segir að eigið fé félagsins hafi í árslok numið 255 milljónum króna. Stjórn félagsins leggi til við aðalfund að greiddur verði arður til hluthafa að fjárhæð 100 milljónir króna á árinu 2026. Í fyrra greiddi félagið hluthöfum sínum tuttugu milljónir króna.

245 milljónir á þriðja ári

Fatamerkið Kenzen, sem framleiðir einnig íþróttaföt og er í beinni samkeppni við Metta sport, hagnaðist einnig vel á síðasta ári. Það er í jafnri eigu hinnar 23 ára Lönu Bjarkar Kristinsdóttir, sem stofnaði fyrirtækið aðeins tvítug árið 2023, og Mikaels Ársælssonar, sem er ári eldri en Lana Björk.

Í ársreikningi LBK17 ehf., sem rekur Kenzen, fyrir síðasta ár segir að félagið hafi selt vörur fyrir 245 milljónir króna króna í fyrra og hagnast um sextíu milljónir króna. Athygli  vekur að árið áður seldi félagið fyrir 77 milljónir króna og hagnaðist aðeins um 250 þúsund krónur.

Þá segir í ársreikningnum að eigið fé félagsins hafi verið 61 milljón króna í árslok, samanborið við 1.262.770 krónur árið áður.

Bergþór og Aron Kristinn sækja í sig veðrið

Þá hafa athafnamennirnir Aron Kristinn Jónasson, Benedikt Andrason og Bergþór Másson nýlega hafið innreið inn á fatamarkað með lífstílsmerkinu Takk Takk.

Það reka þeir í gegnum félagið Gunnar Huxley ehf., sem þeir eiga til jafns. Samkvæmt ársreikningi fyrir árið 2025, fyrsta heila rekstrarárs félagsins, seldu þeir vörur fyrir 13,6 milljónir króna og högnuðust um 5,4 milljónir.