Fleiri fréttir

Reykjavíkurborg greiði Brimborg 135 milljónir

Héraðsdómur Reykjavíkur dæmdi í dag Reykjavíkurborg til að greiða bílaumboðinu Brimborg 135 milljónir króna með dráttarvöxtum gegn því að Brimborg skilaði lóð við Lækjarmel í Reykjavík og byggingarrétti sem fylgdi lóðinni.

Kaupþing selur Lehman Brothers bréfin

Skilanefnd Kaupþings hefur selt skuldabréf gefin út af Lehman Brothers og fékkst a.m.k. 30% af nafnverði bréfanna í sölunni. Bréfin fékk skilanefndin í hendur eftir samkomulag við viðskiptavini Acta Kapitalforvalting í Svíþjóð sem keyptu bréfin upphaflega með lánum frá Kaupþingi í Svíþjóð.

Samtals 500 hafa misst vinnuna í hópuppsögnum í ár

Á árinu 2011 hafa Vinnumálastofnun alls borist 16 tilkynningar um hópuppsagnir, þar sem sagt hefur verið upp samtals 500 manns. Tvær bárust í janúar, þrjár í febrúar, ein í mars, tvær í apríl, fjórar í maí og fjórar í júní.

Fjórar hópuppsagnir í júnímánuði

Alls bárust Vinnumálastofnun fjórar tilkynningar um hópuppsagnir í júnímánuði 2011. Samtals er sagt upp 123 einstaklingum, sem koma til með að missa vinnuna á tímabilinu ágúst 2011 til janúar 2012, eftir lengd uppsagnarfrests.

Fundu 2.300 milljarða fjársjóð í indversku hofi

Talið er að fjársjóður sem nýlega fannst í hindúahofi í suðurhluta Indlands gæti verið 20 milljarða dollara virði eða um 2.300 milljarða kr. Þetta samsvarar hálfri annarri landsframleiðslu Íslands.

Fyrsta Dreamliner þotan lendir í Japan

Fyrsta Dreamliner 787 farþegaþotan sem lendir í Japan kom þangað eftir flug frá verksmiðjum Boeing í Seattle á sunnudagmorgun. Þotan er máluð í litum All Nippon Airways flugfélagsins og var mikil viðhöfn á flugvellinum í Tokyo við komu hennar.

Capacent í Svíþjóð sameinast UnitedLog

Capacent í Svíþjóð hefur sameinast ráðgjafafyrirtækinu UnitedLog Consulting sem hefur verið leiðandi ráðgjafafyrirtæki á Norðurlöndunum á sviði rekstrarráðgjafar og aðfangastjórnunar.

Skuldir sjávarútvegsins svipaðar og 2005

Skuldir sjávarútvegsins mældar í evrum eru nú svipaðar og þær voru árið 2005 en þær nema rúmlega 3 milljörðum evra eða rúmlega 500 milljörðum kr.

Skuldatryggingaálag Íslands lækkar áfram

Skuldatryggingaálag Íslands heldur áfram að lækka og mældist 229 punktar í morgun samkvæmt vefsíðunni keldan.is sem sækir sínar upplýsingar til Bloomberg og CMA gagnaveitunnar.

S&P ógnar Grikklandi með gjaldþrotseinkunn

Matsfyrirtækið Standard & Poor´s (S&P) hefur lækkað lánshæfiseinkunn Grikklands enn frekar niður í ruslið eða úr B og niður í CCC. Jafnframt segir S&P að fyrirtækið muni líta á endurskipulagningu á skuldum Grikklands sem ígildi greiðslufalls og lækka einkunn sína í samræmi við það.

Ný vatnsverksmiðja að rísa á Rifi

Fyrir nokkrum dögum byrjuðu framkvæmdir við byggingu nýs vatnsverksmiðjuhúss í Rifi, eftir að nýir vatnsréttarhafar töldu sig hafa fullreynt að ná samningum við eigendur vatnsverksmiðjuhússins sem þar er fyrir og var byggt að félaginu Iceland Glacier Product.

Einstakur atburður í Reykjavíkurhöfn

Það hefur aldrei gerst áður að þrjú skemmtiferðaskip frá sama félaginu komi til Reykjavíkur á sama deginum. Þetta gerðist síðan í fyrsta sinn um helgina.

Enn töluvert líf á fasteignamarkaðinum

Enn er töluvert líf á fasteignamarkaðinum. Fjöldi þinglýstra kaupsamninga á höfuðborgarsvæðinu í síðustu viku var 95. Þetta er 10 samningum yfir meðaltalsfjöldanum á síðustu 12 vikum sem er 85 samningar á viku.

Hundruð milljóna í arð þrátt fyrir lakan rekstur

Eigendur Olís greiddu sér sex hundruð tuttugu og fimm milljónir í arð vegna ársins 2008 þótt félagið hafi skilað tapi upp á sex milljarða. Eigið fé Olís er einn komma sjö milljarðar króna en fyrirtækið skuldar alls sextán milljarða.

AGS: Íslenskum stjórnvöldum hefur tekist vel

Alþjóðagjaldeyrissjóðurinn og íslensk stjórnvöld hafa nú hafið formlegar viðræður vegna sjöttu og síðustu endurskoðunar efnahagsáætlunar í samstarfi við sjóðinn sem á að fara fram í ágúst, en sjóðurinn telur að íslenskum stjórnvöldum hafi tekist vel upp við framkvæmd efnahagsáætlunar til þessa.

Yfirfara kröfur ESA um ólöglega aðstoð

Stjórnvöld fara nú yfir úrskurð ESA um að kaup Íbúðalánasjóðs á fasteignalánum sparisjóðanna hafi verið ólögleg. Stofnunin mat þau sem ólögmæta ríkisaðstoð. Kaupin nema 29 milljörðum króna en endurkrafan verður lægri.

Rétt að sporna við verðbólgu

Efnahagslífið hér er að taka við sér og má búast við að fjárfestingar og aukin einkaneysla muni skila því að hagvöxtur verði 2,5 prósent á árinu. Þetta kemur fram í tilkynningu frá Alþjóðagjaldeyrissjóðnum (AGS) í gær.

Ný stjórn tekur við félaginu

Fjármálaeftirlitið, Samkeppniseftirlitið og Eignasafn Seðlabankans hafa samþykkt kaup sjóðsins SF1 á 52,4 prósenta hlut í Sjóvá. Hluturinn sem SF1 kaupir er hluti af 73 prósenta eign Eignasafnsins í tryggingafélaginu.

Verðbólga ógnar stöðugleika

Líkur eru taldar á að Evrópski seðlabankinn hækki stýrivexti sína um 0,25 prósentustig á næsta vaxtaákvörðunarfundi sínum í næstu viku. Verði það raunin fara stýrivextir á evrusvæðinu í 1,5 prósent.

Kaupin á Sjóvá samþykkt

Kaup SF1 á meirihluta í Sjóvá (Sjóvá-Almennum tryggingum hf) hafa hlotið samþykki Fjármálaeftirlits, Samkeppniseftirlits og stjórnar ESÍ (Eignasafns Seðlabanka Íslands ehf). Í tilkynningu frá félaginu segir að þar með séu kaupin lögformlega frágengin og ný stjórn verður formlega skipuð á næsta hluthafafundi félagsins. Fulltrúar SF1 í stjórn Sjóvá verða Ingi Jóhann Guðmundsson, Tómas Kristjánsson og Erna Gísladóttir, sem mun verða formaður nýrrar stjórnar.

Sænski seðlabankinn í slæmum málum

Sænski seðlabankinn og fjármálaeftirlit landsins eru í slæmum málum eftir að embætti sænska ríkisendurskoðunar hefur sent ríkisstjórninni þar í landi skýrslu um hlutverk seðlabankans og fjármálaeftirlitsins varðandi starfsemi sænskra viðskiptabanka í Eystarslatsríkjunum á árunum 2005-2007.

Rúgbrauð frá 1963 seldist á 25 milljónir

Volkeswagen rúgbrauð af árgerðinni 1963 stal senunni á bílauppboði í Kaliforníu í vikunni og seldist á 218 þúsund dollara eða tæpar 25 milljónir króna.

Helmingur vinnufærra á Vopnafirði hjá HB Granda

Ríflega helmingur allra vinnufærra manna í Vopnafjarðarhreppi hefur nú atvinnu í nýendurbyggðu fiskiðjuverið HB-Granda á staðnum. Endurbyggingin hefur kostað um það bil fimm milljarða króna.

Mesta verðhrun á korni í 15 ár

Mesta verðhrun á korni á síðustu fimmtán árum varð í gærdag þegar landbúnaðarráðuneyti Bandaríkjanna sendi frá sér skýrslu um að kornbændur þar í landi hefðu sáð óvenjumiklu magni af korni í akra sína í ár og von væri á metuppskeru í haust.

Samherjafrændi fær Björgun

Dótturfélag Landsbankans hefur selt fyrirtækið Björgun til hóps fjárfesta fyrir 306 milljónir króna. Einn kaupenda er Þorsteinn Vilhelmsson, fyrrverandi stjórnarformaður Atorku Group sem átti fyrirtækið áður. Björgun sérhæfir sig meðal annars í hafnardýpkun.

Sjá næstu 50 fréttir

Mest lesið