McDonalds valin versta hamborgarakeðjan í Bandaríkjunum

Bandarískir neytendur telja að McDonalds sé versta hamborgarakeðja landsins. Burger King er talin næstversta hamborgarakeðjan.

Þetta eru niðurstöður úr viðamikilli skoðanakönnun á vegum tímaritsins Consumer Reports en yfir 36.000 manns tóku þátt í henni. Keðjurnar voru metnar eftir fimm atriðum eins og hve vel maturinn bragðast, gæði hans og þjónustu við viðskiptavinina.

Það var hamborgarakeðjan In-N-Out sem hafnaði í fyrsta sæti en Five Guys og Burgerville lentu í öðru og þriðja sæti.