Fulltrúadeild samþykkir aðstoð til bílarisa

Samþykkt var í fulltrúadeild Bandaríkjaþings í gærkvöldi að veita General Motors, Ford og Chrysler 14 milljarða dollara aðstoð úr ríkissjóði Bandaríkjanna.

Dræm þátttaka í útboði ríkisbréfa

Tilboðum að upphæð 11,5 milljörðum króna að nafnverði var tekið í útboði á nýjum flokki ríkisbréfa sem fram fór í gærdag hjá Seðlabanka Íslands. Fyrirfram var búist við meiri þátttöku.

Bjarni hættur hjá N1 til að einbeita sér að stjórnmálum

Bjarni Benediktsson hefur látið af stjórnarformennsku í félögunum N1 og BNT til að geta helgað stjórnmálunum krafta sína. Þetta kemur fram í Viðskiptablaðinu sem kemur út á morgun. Bjarni hefur verið orðaður við framboð til forystu í Sjálfstæðisflokknum á landsfundi flokksins í janúar.

Kröfuhafar Kaupþings vilja ekki eignast banka á Íslandi

Erlendir kröfuhafar Kaupþings, sem nú funda hérlendis, eru tregir við að verða hluthafar bankans. Það sé ekki efst á óskalista þeirra að eiga fjármálastofnun á Íslandi.

Bílarisar bíða lengur eftir láni

Ríkisstjórn George W. Bush, fráfarandi forseta Bandaríkjanna, hefur ekki nægan stuðning öldungadeildarþingmanna vestanhafs til að búa til embætti aðgerða- eða skiptastjóra, sem muni knýja bílarisana General Motors og Chrysler í þrot nái stjórnendur fyrirtækjanna ekki að leggja fram nýja rekstraráætlun í mars á næsta ári.

Umboðsaðili Apple á Norðurlöndum gjaldþrota

Humac, umboðsaðli Apple á Norðurlöndum er gjaldþrota. Skuldirnar eru ekki undir einum milljarði króna en stærsti kröfuhafinn er Glitnir.

Fjármálaeftirlitið í Lúxemborg vill hjálpa

Fjármálaeftirlitið í Lúxemborg er reiðubúið að veita íslenskum yfirvöldum upplýsingar um Kaupþing þar ef það er í samræmi við lög og reglur. Þetta kom fram í kvöldfréttum Ríkisútvarpsins.

Exista fallið í fimm aura á hlut

Gengi hlutabréfa í Existu féll um 64,29 prósent í dag og endaði í fimm aurum á hlut. Gengi bréfa í félaginu, sem fór úr níu vikna salti Fjármálaeftirlitsins í gær og verður tekið af markaði á föstudag, hefur aldrei verið lægra.

Bílaframleiðendur vongóðir um fjárstuðning

Bandarískir þingmenn ákveða í dag hvort hið opinbera veiti bandarísku bílarisunum General Motors og Chrysler fimmtán milljarða dala til að komast yfir erfiðasta hjallann og forða þeim frá gjaldþroti.

Ernst & Young taki við Glitni

Eins og greint var frá fyrr í dag hefur endurskoðunarfyrirtækið KPMG sagt sig frá úttekt á framkvæmd reglna um innra eftirlit í tengslum við yfirtöku ríkisins á Glitni. Í tilkynningu frá skilanefnd Glitnis banka hf., segir að tekin hafi verið ákvörðun, í samráði við Fjármálaeftirlitið, um að taka upp viðræður við endurskoðunarfyrirtækið Ernst & Young hf. um að þeir taki verkið yfir og ljúki því eins fljótt og verða má.

Pundið aldrei lægra gagnvart evru

Íslenska krónan er ekkert eyland því gengi breska pundsins hefur lækkað talsvert upp á síðkastið. Er nú svo komið að það hefur aldrei verið lægra gagnvart evru og öðrum gjaldmiðlum.

KPMG segir sig frá rannsókn á Glitni

Endurskoðunarfyrirtækið KPMG hefur óskað eftir því við skilanefnd Glitnis að það verði leyst undan því verkefni að rannsaka gamla Glitni í aðdraganda bankahrunsins. Gagnrýni hefur komið fram um að KPMG sé vanhæft í rannsókninni þar sem margir af helstu eigendum Glitnis hafi verið í viðskiptum við KPMG. Þessu hafnar fyrirtækið en segir ljóst að vinnufriður verði aldrei nægjanlegur og hætta sé á að allar niðurstöður verði gerðar tortryggilegar.

Vatn Jóns í evrópskar einkaþotur

Fyrirtæki Jóns Ólafssonar, Icelandic Water Holdings, hefur gert þriggja ára samning við þotuleiguna NetJets Europe, um sölu á Iceland Glacial vatni sínu í vélar félagsins.

Stjórnvöld í Lúxemburg veiti aðgang að gögnum um bankahrunið

Björgvin G. Sigurðsson viðskiptaráðherra hefur óskað eftir því við stjórnvöld í Lúxemburg að þau veiti öllum þeim aðilum sem hafa með rannsókn á falli íslensku bankanna að gera og aðdraganda þess

Frumvarp um að félög geti gert upp í erlendri mynt í ár

Lagt hefur verið fram á Alþingi frumvarp um að félög geti sótt um heimild ársreikningaskrár til að gera upp í erlendri mynt á þessu ári fyrir 15. desember.

Alþjóðabankinn spáir mun minni hagvexti en áður

Alþjóðabankinn spáir því að hagvöxtur á heimsvísu verði 0,9% árið 2009 sem er talsvert minni hagvöxtur en stofnunin gerir ráð fyrir á þessu ári eða 2,5%.

Tesco finnur fyrir samkeppninni frá Iceland

Þekktasta stórmarkaðakeðja Bretlands, Tesco, finnur nú verulega fyrir samkeppninni við lágvörukeðjur á borð við Iceland og Aldi í Bretlandi. Söluaukningin hjá Iceland á síðustu þremur mánuðum nemur 11% en keðjan er að stórum hluta í eigu Baugs.

Bakkavör hækkar - Exista fellur

Gengi hlutabréfa í Bakkavör hækkaði um 2,27 prósent í byrjun dags í Kauphöllinni og Straums um 0,68 prósent. Á sama tíma féll verðmæti bréfa í Existu úr 14 aurum í 10, eða um rúm 28 prósent.

Rio Tinto dregur saman seglin um allan heim

Hið risastóra námafélag, Rio Tinto, sem meðal annars á álverið í Straumsvík er í miklum skuldavandræðum og hefur tilkynnt um uppsagnir á liðlega fjórtán þúsund starfsmönnum fyrirtækisins víðsvegar um heim. Tilkynnt var um aðgerðirnar í morgun en fyrirtækið hefur sett upp áætlun sem miðar að því að lækka gríðarlegar skuldirfélagsins sem eru taldar nema um 40 milljörðum bandaríkjadala.

Lánuðu sjálfum sér

Nítján svonefndar stórar áhættuskuldbindingar voru hjá stóru bönkunum þremur, um síðustu áramót. Heildarfjárhæð þessara skuldbindinga var ríflega 930 milljarðar króna og um 95 prósent af eiginfjárgrunni bankanna.

Sparisjóðabankinn fær frest til enda janúar

Seðlabankinn hefur frestað veðkalli á hendur Sparisjóðabankanum (áður Icebank) sem taka átti gildi í dag. Fresturinn er til 28. janúar á næsta ári.

Carnegie í mál við sænsk stjórnvöld, deilt um forsvarið

Hlutafjáreigendur í móðurfélagi Carnegie bankans í Svíþjóð ætla í mál við Lánastofnun sænska ríkisins (Riksgälden) og forstjóra hennar Bo Lundgren vegna yfirtöku sænska ríkisins á Carnegie fyrr í vetur.

Bretland á barmi kreppu

Breska hagkerfið dróst saman um eitt prósent frá september fram í enda nóvember, sam kvæmt nýbirtum gögnum bresku hagstofunnar. Dragist hagvöxtur saman tvo fjórðunga í röð má segja að samdráttarskeið sé runnið upp, samkvæmt þumalfingursreglum. Sú stund er nú næstum runnin upp í Bretlandi en hagkerfið dróst saman um hálft prósentustig á þriðja ársfjórðungi.

Bylgja af gjaldþrotum skellur á Danmörku

Bylgja af gjaldþrotum fyrirtækja skellur nú á Danmörku af miklum krafti og sjá því margir Danir fram á fremur döpur jól í ár.

Heimsmarkaðsverð á olíu fer aftur hækkandi

Heimsmarkaðsverð á olíu fer nú aftur hækkandi þar sem menn telja auknar líkur á að OPEC, samtök olíuframleiðsluríkja muni draga verulega úr framleiðslu sinni í þessum mánuði.

Töluverð uppsveifla á Asíumörkuðum

Töluverð uppsveifla varð á mörkuðunum í Asíu í nótt, þriðja daginn í röð í þessari viku.

Landsbankinn óskar eftir gjaldþroti í Bandaríkjunum

Landsbankinn hf. hefur óskað eftir gjaldþroti í Bandaríkjunum og hafa þá allir þrír stóru bankarnir hérlendis óskað eftir slíku.

Miðlað af reynslu Svía

„Lærdómur Svía af fjármálakreppu tíunda áratugarins – byrðunum dreift og nýjar vonir vaktar,“ nefnist fyrirlestur sem Göran Persson fyrrum forsætisráðherra Svíþjóðar, heldur í hátíðasal Háskóla Íslands klukkan 12 í dag.

Innlausn sjóða enn frestað

„Þar sem tímabundin stöðvun viðskipta með alla fjármálagerninga útgefna af SPRON er enn í gildi, er innlausnum hlutdeildarskírteina í tveimur sjóðum gamla Glitnis áfram frestað,“ segir í tilkynningu bankans.

Alþingi samþykkti upprunalega áætlun um Icesave

Alþingi samþykkti á föstudag þingsályktun sem heimilar ríkisstjórninni að ganga til samninga um Icesave málið. Forsenda þeirra viðræðna er að Íslendingar ábyrgist innistæður á reikningum upp að 20.887 evrum á hvern reikning. Málið tengist náið efnahagsaðstoð frá Alþjóðagjaldeyrissjóðnum og ýmsum þjóðum. En sem kunnugt er fékkst sú aðstoð ekki fyrr en Icesave málinu var landað.

Bakkabræður forðuðu þroti Existu

Allir núverandi hluthafar Existu fá að vera með í forgangsréttarútboði félagsins á næsta ári. Heimild til hlutafjáraukningar verður lögð fyrir hluthafafund félagsins fyrir áramót.

Heilræði Schraders eiga sérstakt erindi nú

Þýskættaður Bandaríkjamaður að nafni George H. F. Schrader eyddi hér síðustu þremur árum ævi sinnar áður en hann fyrirfór sér árið 1915, aðeins 57 ára gamall. Schrader bjó á Akureyri og sinnti margvíslegu menningar- og uppbyggingarstarfi. Hann skrifaði bók um hesta og aðra þar sem hann deildi fróðleik sínum úr heimi viðskiptanna í Bandaríkjunum. Sú bók heitir „Heilræði fyrir unga menn í verzlun og viðskiftum“ og er nýkomin út í þriðju útgáfu.

Lækkun í Bandaríkjunum

Gengi hlutabréfa lækkaði almennt í Bandaríkjunum í dag. Hlutabréf í Bandaríski póstþjónusturisinn FedEx Corp. féll um 10,8 prósent og versnar staða fyrirtækisins með degi hverjum.

KPMG vill fá óháðan aðila til að skoða störf sín fyrir Glitni

KPMG vill að fenginn verði sérstakur óháður aðili til að rannsaka störf sín fyrir Glitni. Fjármáleftirlitið fól skilanefndum gömlu bankanna að ráða óháðan aðila til að kanna ákveðin skilgreind atriði í aðdraganda bankahrunsins.

Illinois ríki í stríð við Bank of America

Fjölskyldufyrirtækið Republic Windows & Doors í Chicago tilkynnti með þriggja daga fyrirvara að fyrirtækinu yrði lokað vegna þess að Bank of America hefði lokað lánalínum.

Stendur sterkt og á 140 milljónir punda hjá Nýja Kaupþingi

Bakkavör á 140 milljónir punda hjá Nýja Kaupþingi banka og stendur sterkt samkvæmt tilkynningu frá stjórn Bakkavör Group. Þar kemur fram að rekstur félagsins sé arðbær, sjóðsmyndun sterk og félagið njóti góðra tengsla við bæði viðskiptavini og birgja og viðskiptakjör milli aðila séu eðlileg.

Úrvalsvísitalan komin aftur á miðjan síðasta áratug

Úrvalsvísitalan féll um rúm 40% í dag og er gildi hennar, 395 stig, því komið aftur á þær slóðir sem það var um miðjan síðasta áratug.

Kópavogsbær gerir ráð fyrir hallalausum rekstri á næsta ári

Í tillögu að fjárhagsáætlun Kópavogsbæjar fyrir árið 2009, sem verður lögð fram til fyrri umræðu í bæjarstjórn Kópavogs í dag, er gert ráð fyrir hallalausum rekstri.

Gengi krónunnar veiktist um eitt prósent í dag

Gengi krónunnar veiktist um eitt prósent í dag og stendur gengisvísitalan því í rúmlega 195 stigum eftir daginn.

Innlausn tveggja sjóða Glitnis enn frestað

Þar sem tímabundin stöðvun viðskipta með alla fjármálagerninga útgefnum af SPRON er enn í gildi, er innlausnum hlutdeildarskírteina í tveimur sjóðum gamla Glitnis áfram frestað.

Skattrannsóknarstjóri fékk allar tiltækar upplýsingar

Skilanefnd Kaupþings banka hf. hefur veitt skattrannsóknarstjóra allar þær upplýsingar sem henni eru tiltækar og óskað var eftir. Þetta kemur fram í tilkynningu frá nefndinni.

Kauphöllin fær undanþágu frá gjaldeyrisreglum SÍ

Seðlabanki Íslands (SÍ) hefur ákveðið að viðskipti með erlend verðbréf í kauphöllinni verði undanþegin takmörkunum á fjárfestingu. Þar með er framtíð færeysku félaganna fjögurra tryggð áfram í kauphöllinni.

Líbanon, landið sem lenti ekki í fjármálakreppunni

Íbúar Beirut í Líbanon hlægja nú alla leiðina í banka sína. Landið er nær það eina í heiminum sem ekki hefur lent í fjármálakreppunni. Það geta Líbanonbúar þakkað útsjónarsömum og framsýnum seðlabankastjóra sínum, Riad Salameh að nafni.

Siv heldur áfram að spyrja um Icesave á Alþingi

Siv Friðleifsdóttir þingmaður Framsóknarflokksins heldur áfram að spyrja ráðherra um Icesave-ábyrgðir á alþingi.

FME, SÍ og bankarnir rúnir trausti meðal almennings

Fjármálaeftirlitið (FME), bankakerfið og Seðlabankinn (SÍ) eru þær stofnanir sem flestir segjast bera lítið traust til. Þannig eru 80% sem setjast bera lítið traust til Fjármálaeftirlitsins og bankakerfisins en 74% segjast bera lítið traust til Seðlabankans.