Enn samdráttur í verslun

Tæplega níu prósent samdráttur varð á veltu í dagvöruverslun miðað við sama mánuð í fyrra. Þetta kemur fram í tölum sem Rannsóknasetur verslunarinnar hefur tekið saman. Um er að ræða tölur á föstu verðlagi en miðað við breytilegt verðlag jókst velta dagvöruverslunar um 19,1% miðað við sama mánuð í fyrra. Samdráttur í verslun miðað við sömu mánuði í fyrra hefur nú varað í fjóra mánuði. Talið er líklegt að jólaverslunin muni einnig dragast saman.

Góður árangur ef stöðug króna næst á tveimur mánuðum

Poul Thomsen forstöðumaður aðstoðar Alþjóðagjaldeyrissjóðsins við Ísland, segir að það verði metið sem góður árangur ef tekst að koma stöðugleika á gengi krónunnar á næstu tvéimur mánuðum. Thomsen reiknar með að eftir það verði dregið úr þeim hömlum sem nú eru á viðskipti með erlendan gjaldeyri.

Christie Hefner hættir sem forstjóri Playboy

Christie Hefner hefur ákveðið að hætta sem forstjóri og stjórnarformaður Playboy-veldisins en þessum störfum hefur hún gengt undanfarin 20 ár.

ILS lánaði 4,3 milljarða kr. í nóvember

Alls námu heildarútlán Íbúðalánasjóðs (ILS) rúmlega 4,3 milljörðum króna í nóvember. Þar af voru tæplega 3,2 milljarðar kr. vegna almennra lána og tæpir 1,1 milljarður kr. vegna leiguíbúðalána.

Nóbelsjóðurinn hefur tapað 10 milljörðum króna

Nóbelsjóðurinn, sem stendur á bakvið Nóbelsverðlaunin, hefur tapað 650 milljónum norskra kr, eða um 10 milljörðum kr. á þessu ári. Þetta kemur fram´í Finansavisen sem reiknaði út tapið miðað við hluta- og verðbréfaeign sjóðsins í upphafi ársins.

Krónan heldur áfram að styrkjast

Gengi krónunnar hélt áfram að styrkjast fjórða daginn í röð. Gengisvísitalan hefur lækkað um 1,30% í morgun og stendur í 191 stigi.

Trichet segir Ísland verða að ganga í ESB til að taka upp evruna

Jean-Claude Trichet seðlabankastjóri Evrópubankans segir að Ísland verði að ganga í Evrópusambandið ef þjóðin ætlar að taka upp evruna. Þetta kom fram í máli Trichet á fundi með efnahagsnefnd ESB í gærdag.

Exista á 10 aura og - Straumur á rúman túkall

Gengi hlutabréfa í Existu hrundi um 97,8 prósent og bréf Straums 64,7 prósent við upphaf viðskiptadagsins í Kauphöllinni. Viðskipti með bréf beggja félaga hafa verið á salti í rúma tvö mánuði.

Fjárfestingasjóður kaupir Wyndeham prentsmiðjuna

Afskiptum Íslendinga af Wyndeham prentsmiðjunni er endanlega lokið en fjárfestingasjóðurinn Walstead Investments hefur fest kaup á prentsmiðjunni að mestu með yfirtöku á skuldum.

Bakkavör í samningum við 17 banka með aðstoð Rothschild

Bakkavör á nú í samningum um sambankalán hjá 17 bönkum og nýtur til þess ráðgjafar frá Rothschild fjárfestingarbankanum. Að sögn Financial Times eru samningar þessir tilkomnir vegna þess að innistæða Bakkavarar upp á 150 milljón pund, eða um 26 milljarða kr., brann inni í gamla Kaupþingi er bankinn hrundi.

Lán til bílaframleiðenda í sjónmáli

Ekki er útilokað að bílaframleiðendurnir General Motors og Chrysler fái 15 milljarða dollara neyðarlán um miðjan mánuðinn til framdráttar í efnahagslægðinni.

Efnahagsáætlanir Obama hækka heimsvísitöluna

Hlutabréf á Asíumörkuðum hækkuðu í verði í morgun og telja greiningaraðilar að það megi þakka áætlunum nokkurra ríkisstjórna allt frá Bandaríkjunum til Indlands um örvun efnahagslífsins með ýmsum hætti.

Stofna eignarhaldsfélag

Nýja Kaupþing stofnar fjárfestingar- og fasteignafélag til að halda utan um eignir sem bætast kunna í safn bankans á næstu mánuðum vegna erfiðleika í rekstri stærri fyrirtækja sem eru í viðskiptum við bankann.

Ekki aðhafst vegna kaupa Birnu í Glitni

Fjármálaeftirlitið (FME) telur ekki tilefni til aðgerða af hálfu eftirlitsins gagnvart Birnu Einarsdóttur, forstjóra Nýja Glitnis, eða Melkorku ehf., fjárestingarfélagi hennar.

Búist við betri þátttöku núna

Útboð verður haldið á nýjum flokki ríkisbréfa klukkan tvö á morgun, miðvikudag. Um er að ræða óverðtryggð ríkisbréf sem bera 13,75 prósenta vexti sem greiddir eru árlega.

Vilja setja 1700 milljarða króna í bílaiðnaðinn

Demókratar í fulltrúadeild Bandaríkjaþings vilja verja 15 milljörðum bandaríkjadala, eða 1700 milljarða íslenskra króna, til að styðja við bílaframleiðendur í Bandaríkjunum. Heimildarmenn AFP fréttastofunnar segja óvíst að Bush forseti samþykki hugmyndina.

Obama kætir bandaríska fjárfesta

Bandarísk hlutabréf hækkuðu almennt í verði í dag en fjárfestar þykja afar bjartsýnir á að átak Baracks Obama, verðandi forseta landsins, til endurreisnar á bandarísku efnahagslífi muni ganga eftir.

Nýja Kaupþing unir ekki kaupum Bakkabræðra í Exista

Stjórn Nýja Kaupþings banka hf. unir ekki sölu stjórnar Exista hf. á nýjum hlutum í félaginu til Kvakks ehf./BBR ehf., eignarhaldsfélags í eigu stjórnarformanns Exista og bróður hans.

New York Times tekur risalán

Bandaríska dagblaðið New York Times ætlar að taka að láni allt að 225 milljónum dollara til þess að létta lausafjárstöðu sína.

Bakkabræður eignast megnið af Exista fyrir milljarð króna

Lýður og Ágúst Guðmundssynir, eigendur Bakkavarar, hafa ákveðið að leggja Existu til 1 milljarð kr. í reiðufé í flóknum viðskiptum með tvö óskráð félög í eigu þeirra bræðra, Kvakki ehf/BBR ehf. Í framhaldinu eignast þeir 88% af Exista.

FME: Birna keypti í Glitni í góðri trú

Fjármálaeftirlitið hefur lokið rannsókn sinni á viðskiptum Birnu Einarsdóttur, núverandi forstjóra Nýja Glitnis, þegar hún, eða félag hennar Melkorka ehf., keypti hlutabréf í bankanum. Kaupin gengu aldrei í gegn og því slapp Birna við tap sem varð þegar bréf í Glitni misstu verðgildi sitt. FME kemst að þeirri niðurstöðu að gögn málsins sýni að viðskiptin hafi ekki náð fram að ganga vegna vanrækslu af hálfu gamla Glitnis. „Ekkert í gögnum málsins bendir til annars en að Birna Einarsdóttir hafi verið í góðri trú og að vanefnd stafi af ástæðum sem eru óviðkomandi henni,“ segir í frétt á heimasíðu FME.

Century Aluminum hækkar um fimmtung

Gengi hlutabréfa í Century Aluminum, móðurfélagi Norðuráls, stökk upp um 19,85 prósent í Kauphöllinni á miklum uppsveifludegi í dag. Á eftir fylgdu bréf Atlantic Petroleum, sem hækkaði um 9,65 prósent, Bakkavör, sem fór upp um 8 prósent, Marel Food Systems, sem hækkaði um 4,66 prósent og Össur, en gengi bréfa í félaginu hækkaði um 4,17 prósent. Þá hækkaði gengi bréfa Eimskips um 0,76 prósent.

Ekkert lát á styrkingu krónunnar

Ekkert lát er á styrkingu krónunnar síðan hún var sett á flot með kút og korki í síðustu viku. Gengið styrktist um 5,8% í dag og hefur því styrkst um 25% frá flotinu.

Fréttaskýring: Var símtal Árna dýrasti misskilningur Íslandssögunnar?

Það er athyglisvert að hvorki Árni Mathiesen fjármálaráðherra eða Björgvin G. Sigurðsson bankamálaráðherra eiga til minnismiða í fórum sínum um Icesave fundi sína og samtöl við breska ráðamenn. Vitað er að bresk stjórnvöld höfðu mikinn áhuga á að setja Icesave inn í breskt dótturfélag í haust þegar vitað var að hverju stefndi með íslenska bankakerfið.

Eyrir tapaði engu á bönkunum, NBI orðinn hluthafi

Eyrir Invest varð ekki fyrir skakkaföllum af völdum bankahrunsins í byrjun október. Félagið hefur náð samkomulagi um að taka yfir hlut Nýja Landsbankans (NIB) í London Acquisition í hollensku iðnsamsteypunni Stork. Félagið er í eigu Landsbankans, Eyris og breska fjárfestingafélagsins Candover.

Nýja Kaupþing ræður umboðsmann viðskiptavina

Stjórn Nýja Kaupþings banka hefur ákveðið að auglýsa eftir umboðsmanni viðskiptavina. Þetta er í samræmi við tillögur sem vinnuhópur á vegum ríkisstjórnarinnar kynnti þann 2. desember síðastliðinn. Umboðsmaðurinn verður óháður og starfar í umboði stjórnar bankans.

Harvard háskólinn tapar miklum fjárhæðum í kreppunni

Hinn þekkti Harvard háskóli í Bandaríkjunum fer ekki varhluta af fjármálakreppunni. Fjárfestingarsjóður skólans hefur tapað nær 900 milljörðum kr. á síðustu fjórum mánuðum.

Omnis fær gullvottun hjá Microsoft

Fyrirtækið Omnis hefur hlotið gullvottun sem Microsoft-samstarfsaðili, sem þýðir að Omnis og starfsmenn þess hafi staðist ítrustu kröfur Microsoft og séu í hópi þeirra sem mesta þekkingu hafa á lausnum fyrirtækisins.

Vilja kanna kosti á einhliða upptöku annars gjaldmiðils

Stjórn Samtaka fiskvinnslustöðva skorar á stjórnvöld að kanna nú þegar kosti þess að taka einhliða upp annan gjaldmiðil í stað krónunnar. Þetta var tekið til umræðu og afgreiðslu á stjórnarfundi SF. 5. desember og samþykkt einróma.

Actavis selur eina af verksmiðjum sínum í Búlgaríu

Actavis skrifaði í morgun undir viljayfirlýsingu um sölu á einni af lyfjaverksmiðjum félagsins í Búlgaríu og gerir um leið framleiðslusamning við nýja eigendur.

Söluferli Kaupþings í Lúxemborg í biðstöðu

Söluferli Kaupþings banka í Lúxemborg er í biðstöðu vegna lagalegra vandkvæða, en náist ekki að selja bankann fljótlega verður hann tekinn til gjaldþrotaskipta. Við sögðum frá því í fréttum okkar í gærkvöldi að Líbýskur fjárfestingarbanki í ríkiseigu vilji fjárfesta í bankanum.

Bankarnir eru aðalsökudólgar fjármálakreppunnar

Bankarnir bera sjálfir sökin á því hvernig fyrir þeim er komið í fjármálakreppunni. Þetta er álit formanns Fjármálaráðsins danska (Finansrådet).

Vélar Sterlings settar á flugvélakirkjugarð

Fjórar af flugvélum Sterling hafa endað feril sinn á flugvélakirkjugarði í Bandaríkjunum. Þegar Sterling varð gjaldþrota var félagið með 24 vélar í rekstri en allar voru þær á leigu.

Engin samdráttur í jólaversluninni þrátt fyrir kreppuna

Kaupmenn segjast, þrátt fyrir kreppu, ekki finna fyrir samdrætti í jólaverslun. Skýringu á því gæti verið að finna í að Íslendingar kaupa nú gjafir í verslunum hérna heima í stað þess að ferðast í stórum flokkum erlendis til að kaupa gjafirnar eins og tíðkaðist fyrir kreppu.

Raungengi krónunnar í sögulegum lægðum

Raungengi krónu náði sögulegum lægðum í nóvember og var það ríflega fimmtungi lægra en þegar krónan stóð sem veikust í árslok 2001. Verðlag hérlendis er þannig orðið afar lágt miðað við helstu viðskiptaþjóðir okkar, og það sama gildir um kaupmátt Íslendinga erlendis.

Gunnar nýr forstjóri Opinna kerfa

Gunnar Guðjónsson hefur verið ráðinn forstjóri Opinna kerfa og tekur hann við starfinu af Agnari Má Jónssyni sem hefur látið af störfum.

Marel rýkur upp í morgunsárið

Gengi hlutabréfa í Marel Food Systems hefur rokið upp um 4,14 prósent í byrjun dags í Kauphöllinni. Þetta er mesta hækkun dagsins. Á eftir fylgir gengi bréfa í stoðtækjafyrirtækinu Össur, sem hefur hækkað um 1,67 prósent. Þá hefur gengi Bakkavarar hækkað um 0,67 prósent.

Viðskipti með bréf í Straumi hefjast ekki í dag

Viðskipti með hlutabréf í Straumi mun ekki hefjast í kauphöllinni í dag. Í tilkynningu frá Straumi segir að þegar sú ákörðun verði tekin muni Fjármálaeftirlitið tilkynna Kauphöllinni það samdægurs.

Atlantic Petroleum úthlutað stóru olíuleitarsvæði

Atlantic Petroleum hefur fengið úthlutað stóru nýju olíuleitarsvæði fyrir utan Færeyjar en þetta var í þriðja sinn sem færeysk stjórnvöld úthluta leitarsvæðum við eyjarnar.

Gengisvísitalan komin niður fyrir 200 stig

Gengi íslensku krónunnar heldur áfram að styrkjast í dag. Gengisvísitalan er nú komin niður fyrir 200 stig og stendur í rétt rúmum 199 stigum.

Skuldabréfamarkaður aðeins að taka við sér

Heildarviðskipti með skuldabréf námu alls 94 milljörðum kr. í nóvember, og eru þá orðin samtals 5.047 milljarðar kr. það sem af er árinu. Viðskiptin voru umtalsvert minni í október en nóvember.

Árni með titilinn versti bankamaður heims í hendi sér

Árni Mathiesen fjármálaráðherra er nú með titilinn versti bankamaður heimsins í hendi sér. Hann er með örugga forystu í netkosningu vefsíðunnar The Huffington Post um titilinn.

Lánatryggjendur spá í framtíð Bakkavarar í Bretlandi

Nokkrir af lánatryggjendur hjá byrgjum Bakkavarar í Bretlandi eru hættir að veita þeim tryggingar fyrir vörukaupum sínum. Sökum þessa eru uppi vangaveltur um framtíð Bakkavarar meðal þessara lántryggjenda en fyrirtækið er stærsti söluaðili á ferskum matvælum til veitingastaða og stórmarkaða í Bretlandi.

Nettóskuldir þjóðarinnar eru nú 2.300 milljarðar kr.

Hrein skuldastaða þjóðarbúsins við útlönd var neikvæð um 2.302 milljarða kr. í lok þriðja ársfjórðungs og versnaði um 184 milljarða kr. á ársfjórðungnum.

Straumur í viðskipti í kauphöllinni í vikunni

Það vakti nokkra undrun í morgun að hlutabréf með Straum voru ekki tekin til viðskipta í kauphöllinni. Það mun hinsvegar gerast fyrr en síðar í þessari viku samkvæmt heimildum visir.is.