Greining Landsbankans spáir lítilsháttar lækkun á verðbólgu

Greining Landsbankans spáir því að 12 mánaða verðbólga muni lækka í 14,3% í september samanborið við 14,5% í ágúst.

Greiningin telur að 12 mánaða verðbólga hafi náð hámarki í ágúst og að hratt muni draga úr verðhækkunum þegar útsölulok eru gengin yfir og krónan hefur brotist út úr gengislækkunarfasa síðustu mánaða.

Mikla hækkun í september má rekja til sömu áhrifaþátta og í síðasta mánuði þ.e. útsöluloka og veikingar krónunnar. Greining telur að verðbólgan muni lækka hratt strax á 4. ársfjórðungi.