365 lækkaði um 7% í dag

Fjölmiðlafyrirtækið 365, sem rekur meðal annars visir.is, lækkaði mest allra félaga í Kauphöllinni í dag eða um 7,01%. Gengi félagsins er nú í fyrsta sinn komið undir 2 en það endaði í 1,99.

Hannes seldi fyrir sjö milljarða í FL Group

Hannes Smárason, fyrrverandi forstjóri FL Group, hefur selt 4,51% af hlut sínum í FL Group. Vísir greindi fyrst frá þessu í morgun í tengslum við kaup Pálma Haraldssonar á 6,87% hlut í FL Group en FL Group flaggaði viðskiptin í Kauphöllinni nú fyrir skömmu.

365 hefur lækkað mest í dag

Það sem af er degi hafa átta félög lækkað í Kauphöllinni og sjö hækkað. Langmesta lækkunin er hjá 365 ehf, 7,94 prósent. FL FL Group hefur lækkað um 3,75 prósent og Teymi um 2,30 prósent.

Hvað eru þessir menn að tala um?

Orðabók viðskiptalífsins. Nú þegar umræðan um viðskiptalífið er í hámarki er ekki úr vegi að fara yfir tungumálið sem "þessir menn" tala. Alveg nákvæmlega eins menn mæta í fjölmiðla og tala alveg nákvæmlega sama tungumálið sem enginn skilur, nema þessir menn sem eru alveg nákvæmlega eins.

Óbreyttir stýrivextir á evrusvæðinu

Bankastjórn evrópska seðlabankans ákvað í dag að halda stýrivöxtum óbreyttum í fjórum prósentum. Flestir höfðu reiknað með þessari niðurstöðu þrátt fyrir að verðbólga hafi ekki mælst meiri í sex ár og gengi evrunnar með sterkasta móti. Á móti vegur yfirvofandi ótti manna við minnkandi hagvöxt í skugga lausafjárkreppunnar sem sett hefur skarð í afkomu fjölmargra banka í álfunni.

Tapa 1,9 milljörðum á sölu í FL Group

Athafnamennirnir Magnús Ármann, Kevin Stanford og Þorsteinn M. Jónsson töpuðu 1,9 milljarði á því að selja 2,31% hlut Sólmons ehf í FL Group í morgun á 3,4 milljarða. Kaupandi var, samkvæmt heimildum Vísis, athafnamaðurinn Pálmi Haraldsson.

Fitch lækkar NIBC og breytir horfum Kaupþings í neikvæðar

Alþjóðlega lánshæfismatsfyrirtækið Fitch Ratings hefur lækkað lánshæfiseinkunnir hollenska bankans NIBC fyrir langtímaskuldir, skammtímaskuldir og víkjandi lán um eitt þrep.

Óvænt stýrivaxtalækkun í Bretlandi

Englandsbanki, seðlabanki Bretlands, lækkaði óvænt stýrivexti í dag um 25 punkta og verða stýrivextir því eftirleiðis 5,5 prósent. Flestir fjármálasérfræðingar höfðu reiknað með því að bankinn myndi halda vöxtunum óbreyttum en höfðu í æ ríkari mæli hallast að því síðustu daga að bankinn myndi lækka þá í skugga fjármálakreppu og ótta við að dregið gæti úr einkaneyslu í stað þess að halda þeim óbreyttum og sporna gegn því að verðbólga aukist frekar.

Jólabónus fyrir lykilmenn Glitnis

Glitnir hefur keypt 500.000 hluti í bankanum og selt aftur til lykilmanna í bankanum. Hlutirnir voru keyptir á genginu 23,20 kr. en seldir til starfsmannanna á 15,5 kr.

Mosagræn byrjun í kauphöllinni

Viðskipti í kauphöllinni hófust með uppsveiflu í morgun ef FL Group er undanskilið en þar féllu bréfin um 2,1% í fyrstu viðskiptum dagsins.

Pálmi kaupir tæp 7% í FL Group

Vísir hefur heimildir fyrir því að athafnamaðurinn Pálmi Haraldsson í Fons hafi keypt rétt tæp 7% í FL Group á genginu 16,10 í morgun. Alls greiddi Pálmi 10,4 milljarða fyrir 6,8% hlut. Þar með er Pálmi orðinn fimmti stærsti hluthafinn í félaginu.

TM-hlutur Guðbjargar í FL Group og Glitni hefur rýrnað um þrjá milljarða

Athafnakonan Guðbjörg Matthíasdóttir hefur þurft að horfa upp á hluti þá sem hún fékk í FL Group og Glitni fyrir bréf sín í Tryggingamiðstöðinni rýrna um þrjá milljarða á þeim tæpum þremur mánuðum sem hún hefur átt bréfin.

Hluthafafundur hjá FL Group 14. desember

FL Group gaf frá sér tilkynningu í gærkvöld þar sem fram kom að hluthafafundur félagsins verður haldin 14. desember næstkomandi. Þar verður væntanlega nýleg hlutafjáraukning upp á 64 milljarða samþykkt sem og ný stjórn kjörin.

Roman fjárfestir í gullnámu

Fjárfestingarfélag í eigu Roman Abramovich hefur fest kaup á 40% hlut í námufélaginu Highland Gold fyrir 24 milljarða króna.

FL Group lækkaði um 26 milljarða

Gengi hlutabréfa í FL Group jafnaði sig lítillega við lokun viðskipta í Kauphöllinni í dag eftir 18,18 prósenta fall við upphaf dags. Lægst fór gengið í 15,65 krónur á hlut en endaði í 16,35 krónum. Lækkunin kemur í kjölfar mikilla hræringa innan veggja fyrirtækisins, svosem með brotthvarfi Hannesar Smárasonar, forstjóra FL Group, og hræringum með hlutabréf félagsins. Gengi annarra félaga féll sömuleiðis hratt.

Jón yngsti forstjórinn í Kauphöllinni

Jón Sigurðsson, nýráðinn forstjóri FL Group, er yngsti forstjórinn í Kauphöllinni. Hann er 29 ára gamall, einu ári yngri en Magnús Jónsson, forstjóri Atorku og tveimur árum yngri en Lárus Welding, forstjóri Glitnis.

Framleiðni umfram væntingar í Bandaríkjunum

Framleiðni jókst um 6,3 prósent í Bandaríkjunum á þriðja ársfjórðungi, þar af um 0,5 prósent í október, samkvæmt útreikningum bandaríska viðskiptaráðuneytisins. Þetta er talsvert meira en sérfræðingar á fjármálamarkaði höfðu reiknað með en flestir höfðu gert ráð fyrir lítilli sem engri breytingu á milli mánaða.

„Baugur ekki að bjarga okkur“

Jón Sigurðsson forstjóri FL Group var í hádegisviðtalinu á Stöð 2 rétt í þessu. Þar var hann meðal annars spurður hvort Baugur hefði komið fyrirtækinu til bjargar.

Íslensku bankarnir vanmetnir á alþjóðamörkuðum

Íslensku bankarnir eru vanmetnir á alþjóðamörkuðum og njóta því verri kjara en aðrir bankar á Norðurlöndum, segir í nýrri skýrslu um íslenska fjármálamarkaðinn.

Reglur í vinnslu um stöðvun viðskipta í kauphöllinni

Engar sérstakar reglur eru um hvenær stöðva ber viðskipti í kauphöllinni ef bréf lækka eða hækka umfram það sem eðlilegt getur talist. Þórður Friðjónsson forstjóri kauphallarinnar segir að slíkar reglur séu í vinnslu hjá OMX.

Hannes hefur tíu daga til að finna 6,3 milljarða

Æskilegt er Hannes Smárason ljúki fjármögnun á hlutafjárkaupum sínum í Geysi Green Energy á næstu dögum. Þetta kom fram í máli Jóns Ásgeirs Jóhannessonar, stjórnarformanns FL Group á fundi með fjárfestum í morgun.

Langversta byrjun í kauphöllinni frá upphafi

Upphaf viðskipta í kauphöllinni í morgun er það langversta í sögu kauphallarinnar. Þótt lækkanirnar frá í morgun hafi að hluta gengið til baka og markaðurinn sé að jafna sig hefur úrvalsvísitalan lækkað um rúm 3,5% nú undir hádegið. Er hækkun ársins þar með gengin til baka.

Rússar saka McDonalds aftur um skattsvik

Rússneska skattstofan hefur í annað sinn sakað McDonalds hamborgarakeðjuna um skattsvik í Rússlandi.

Bresk eign Baugs og FL Group niður um sextán prósent

Gengi hlutabréfa í bresku herrafatakeðjunni Moss Bros féll um rúm sextán prósent við upphaf viðskiptadagsins í bresku kauphöllinni í dag eftir að fyrirtækið greindi frá því að ólíklegt væri að félagið næði markmiðum sínum á árinu. Unity Investments, félag í eigu Baugs, FL Group og breska fjárfestisins Kevin Stanfords, á nærri 30 prósenta hlut í keðjunni.

FL Group niður um 18 prósent við opnun markaða

Gengi hlutabréfa í FL Group féll um 18,18 prósent skömmu eftir upphaf viðskiptadagsins í Kauphöll Íslands í dag. Þetta er ekkert einsdæmi því SPRON féll á sama tíma um rúm átta prósent, Exista um tæp sjö og Glitnir um tæp fjögur prósent.

Vöruskiptahalli minnkar áfram á milli ára

Vöruskiptahalli í nýliðnum nóvember reyndist 2,6 milljarðar króna samkvæmt bráðabirgðatölum sem Hagstofa Íslands birtir í dag.

Seðlabanki Kanada lækkar stýrivexti

Kanadíski seðlabankinn ákvað í gær að lækka stýrivexti um 25 punkta í 4,25 prósent vegna óvissuástands í efnahagslífinu. Þetta er fyrsta stýrivaxtalækkun bankans í fjögur og hálft ár.

Opnað fyrir viðskipti með bréf FL Group

Opnað hefur verið fyrir viðskipti með hlutabréf FL Group í kauphöllinni.

Stærstu hluthafar eru tólf milljarða í mínus

Ef þrír af fjórum stærstu hluthöfum FL Group seldu hluti sína í félaginu nú á gengi nýrrar hlutafjáraukningar 14,7 myndu þeir vera tæpa tólf milljarða í mínus. Hannes Smárason, Gnúpur og félagarnir Magnús Ármann og Þorsteinn M. Jónsson væru í virkilega vondum málum ef markaðurinn myndi meta gengi félagsins á sama hátt og gert var í hlutafjáraukningunni.

Danskar fasteignir til bjargar FL Group

"Danskar fasteignir til bjargar FL Group" er fyrirsögnin á dönsku vefsíðunni börsen.dk í morgun.

Stærsta stofnfjáraukning Íslandssögunnar

Aukning stofnfjár Byrs sparisjóðs stendur til 14. desember. Sóttir verða tæpir 24 milljarðar til stofnfjáreigenda. Töluverð viðskipti voru með bréfin fyrir lokun markaðarins.

Bankamenn sögðu verð FL Group hátt

„Við vonumst til þess að sjá einhver ný andlit í hluthafahópnum,“ segir Jón Ásgeir Jóhannesson, stjórnarformaður FL Group, um hlutafjáraukningu félagsins.

Bankahólfið: Fólk fer ekki í grænmetið

Með kaupunum á Stork Food Systems er Marel komið með öfluga stöðu í þjónustu við allar tegundir kjöts í matvælaiðnaði, sama hvort það er fuglakjöt, fiskmeti eða annað kjöt.

Hluthöfum fækkar

Eignarhald í skráðum félögum er þröngt. Eignarhlutur einstaklinga hefur lækkað. Virðingarleysi við reglur vandamál.

Undirbúa sókn á erlenda markaði

Fulltrúar frá tólf íslenskum fyrir­tækjum hittust á tveggja daga vinnufundi í London í síðustu viku. Markaði fundurinn upphafið á þátttöku fyrirtækjanna í Útstími, verkefnis á vegum Útflutningsráðs.

Al Gore ávarpaði gesti Landsbankans

Yfir fjögur hundruð fjárfestar, forstjórar og aðrir gestir hlýddu á orð Al Gore á orku- og umhverfisráðstefnu Merrion Capital, dótturfélags Landsbankans, í Dublin hinn 1. desember. Umhverfisvernd verður eitt af mikilvægustu verkefnum bankans á komandi árum, samkvæmt tilkynningu.

Óljóst hverjir eiga þrjátíu milljarða

Ákveðið var að slíta Eignarhaldsfélaginu Samvinnutryggingum í sumar. Til verður fjárfestingarsjóður með 30 milljarða króna í eigið fé. Sjálfseignarstofnunin Samvinnusjóðurinn verður stærsti hluthafinn. Um 50 þúsund aðilar eiga þar líka hlut, en óvíst er hversu mikið hver og einn á.

Farsíminn út á lífið

Sérstakir farsímar undir ákveðnum tískumerkjum þykja einkar vinsælir hjá konum þegar farið er út á lífið.

Sigur unninn í tveggja ára slag Marel eignast Stork Food Systems

Marel Food Systems samdi rétt fyrir mánaðamótin um yfirtöku á matvælavinnsluvélahluta iðnaðarsamstæðunnar Stork N.V. í Hollandi. Með yfirtökunni hefur Marel náð því marki sínu að verða leiðandi á sínu sviði í heiminum, á dreifðum markaði þar sem mikið samþættingarferli fer í hönd. Raunar verður félagið stærst í heimi.

489 milljónir króna fyrir kaupréttarsölu

Össur hf. hefur selt kauprétt að húsnæði félagsins að Grjóthálsi 5 fyrir 7,9 milljónir Bandaríkjadala. Það nemur rúmum 489 milljónum íslenskra króna. „Við höfum verið að leigja húsnæðið hér í tíu ár, frá því árið 1997. Í þeim leigusamningi var kaupréttarákvæði sem miðaðist við markaðsverð þess tíma. Síðan hefur það hækkað mjög í virði. Því var mjög hagstætt fyrir okkur að selja kaupréttinn,“ segir Sigurborg Arnarsdóttir, fjárfestatengill Össurar.

Hannes fær 60 milljónir í starfslokasamning

Hannes Smárason, fráfarandi forstjóri FL Group, fær 60 milljónir króna í starfslokasamning frá félaginu. Hannes hefur verið forstjóri félagsins síðan í október 2005 þegar Ragnhildur Geirsdóttir hætti. Þar á undan var hann starfandi stjórnarformaður frá árinu 2004.

Vilja slá á sögur um að allt sé að brenna

Jón Ásgeir Jóhannesson, stjórnarformaður FL Group, segir að stjórnendur fyrirtækisins muni velja nýjar fjárfestingar félagsins vandlega á næstunni. Hann telur vel hægt að bæta rekstur félagsins á næstunni. Inni í félaginu séu mjög góðar fjárfestingar. Til dæmis séu þar kjölfestueign í Glitni og félagið eigi TM tryggingar að fullu.

Hlutafjáraukning FL Group bæði jákvæð og neikvæð

Valdimar Svavarsson hagfræðingur sér bæði kosti og galla á 64 milljarða hlutafjáraukningu FL Group í dag á genginu 14,7 sem er 23,6% lægra en lokagengi bréfa í félaginu í Kauphöllinni í gær.

Hlutur Hannesar í FL Group þynnist um 7%

Hannes Smárason er ekki lengur stærsti hluthafi FL Group. Með nýju útgefnu hlutafé upp á 64 milljarða hefur Baugur Group tekið við þeirri stöðu og fer nú með 35,9% hlut í félaginu. hlutur Hannesar fer úr 20,52% í 13,7%.

SPRON lækkaði um 6,94% í dag

Það var rauður dagur í Kauphöllinni í dag. Úrvalsvísitalan lækkaði um 3,1%. Gengi hlutabréfa í SPRON lækkaði um 6,94%. Exista lækkaði um 5,69%, 365 hf lækkaði um 5,15%, Straumur-Burðarás um 4,29% og Glitnir um 3,65%.