Bakdyramegin inn í Íslandsbanka?

Fjárfestingarbankinn Straumur hefur eignast um fjórtán og hálfs prósents hlut í Íslandsbanka eftir að bréf Burðaráss, Landsbankans og bréf sem voru á nafni Helga Magnússonar runnu inn í Straum í miklum umskiptum á markaði í gærkvöld. Sérfræðingar á markaði ræða þann möguleika að með þessu séu Landsbankamenn að fara bakdyramegin inn í Íslandsbanka.

6,1 milljarðs halli á ríkissjóði

6,1 milljarðs króna halli varð á rekstri ríkissjóðs á síðasta ári samanborið við 8,1 milljarðs króna halla árið á undan. Þetta kemur fram í niðurstöðutölum ríkisreiknings fyrir árið 2003 sem birtar voru í dag. Tekjur ársins urðu 275 milljarðar króna en gjöldin námu 281 milljarði króna.

Innflutningur á bílum eykst

Ríflega 30 prósenta aukning varð á innflutningi á fólksbílum í janúar til ágúst, sé miðað við sama tímabil árið 2003. Þetta kemur fram í nýjum tölum frá Hagstofu Íslands.

Þarf samþykki Fjármálaeftirlitsins

Samþykki Fjármálaeftirlitsins þarf til þess að kaup Straums á ríflega fjórtán prósenta hlut í Íslandsbanka standist. Deilt er um hvað liggur að baki viðskiptunum, ýmist er talað um að Landsbankamenn ætli sér bakdyrameginn inn í Íslandsbanka eða að þeir séu að breiða yfir vandræðagang vegna misheppnaðra tilrauna til að ná þar yfirráðum. 

Íslandsbanki með 90%

Íslandsbanki hefur fengið samþykki yfir nítíu prósenta hluthafa í norska bankanum Kredittbanken. Þetta þýðir að innlausnarskylda hefur myndast og aðrir hluthafar þurfa að ganga að yfirtökutilboði Íslandsbanka.

20 milljarða hækkun

Burðarás, Landsbanki, Íslandsbanki og Straumur hækkuðu í verði um tuttugu milljarða króna í viðskiptum í Kauphöll Íslands í gær. Þessi félög koma við sögu í samningum sem gerðir voru í fyrradag og tryggðu Burðarási, Landsbankanum og Landsbankanum Luxembúrg, stóran hlut í Straumi og Straumi tæplega fimmtán prósent hlut í Íslandsbanka.

Algengt gigtarlyf tekið af markaði

Í ljós hefur komið að gigtarlyfið Vioxx getur valdið aukinni hættu á hjarta- og æðabilun. Framleiðandi lyfsins tilkynnti í gær að hætt yrði að selja lyfið. Á bilinu eitt þúsund og fimm hundruð og tvö þúsund Íslendingar taka lyfið Vioxx reglulega.

Engin ógn af uppgreiðslu lána

Uppgreiðsla lána Íbúðalánasjóðs ógnar ekki stöðu sjóðsins, að sögn Halls Magnússonar, sérfræðings hjá Íbúðalánasjóði.

Kaupin á FIH endanlega frágengin

KB banki eignast danska bankann FIH í dag. Þar með eru orðin að veruleika stærstu fyrirtækjakaup Íslendinga frá upphafi.

Halli vöruskipta 6,7 milljarðar

Halli á vöruskiptum við útlönd heldur áfram að vaxa hröðum skrefum og nam 6,7 milljörðum króna í síðasta mánuði en var aðeins átta hundruð milljónir í sama mánuði í fyrra. Hann er því um það bil sjö sinnum meiri núna. 

KB hefur eignast FIH

KB banki hefur eignast danska bankann FIH og þar með meira en tvöfaldað stærð efnahagsreiknings síns. Í tilkynningu til Kauphallarinnar segir að kaupverðið, 7292 milljónir danskra króna, hafi verið greiddar Swedbank, seljanda bankans.

Methalli á vöruviðskiptum

Greinileg þenslueinkenni koma fram í nýjum tölum Hagstofu Íslands um vöruskiptajöfnuð. Á fyrstu átta mánuðum ársins fluttu Íslendingar inn vörur fyrir 156,5 milljarða króna en útflutningur nam 129,5 milljörðum. Halli á vöruviðskiptum er nú meiri en hann var árið 2000 þegar síðasta góðæri náði hámarki.

Markaður með stofnfé

Frá og með deginum í dag geta stofnfjáreigendur í Sparisjóði Reykjavíkur og nágrennis (SPRON) selt bréf sín á sérstökum markaði. Aðalfundur SPRON samþykkti í lok mars að kanna grundvöll fyrir starfsemi slíks markaðar.

Þjóðverjar setja met í lántöku

Stjórnvöld í Þýskalandi ætla að taka jafnvirði 1.200 milljarða íslenskra króna að láni þar sem skatttekjur ríkisins hafa ekki aukist, þrátt fyrir aukinn hagvöxt í Þýskalandi.

Táknræn en gagnslaus aukning

Fyrirheit stjórnvalda í Sádi-Arabíu um að auka olíuframleiðslu sína munu að áliti sérfræðinga ekki hafa áhrif til lækkunar olíuverðs á mörkuðum. Ástæðan er sú að aukningin nær eingöngu til hráolíu en ekki olíu sem fer beint á neytendamarkað.

Björgólfsfeðgar treysta stöðuna

Eigendur Landsbankans eignuðust á ný kjölfestuhlut í Straumi fjárfestingarbanka í gær eftir árs hlé. Straumur verður stærsti hluthafinn í Íslandsbanka. Sameining viðskiptabankanna líklegt langtímamarkmið. </font /></b />

Vilja meiri heimildir

Þrátt fyrir að hlutur Íbúðalánasjóðs í útlánum vegna íbúðakaupa hafi minnkað í september er þessi mánuður samt einn stærsti í sögu sjóðsins. Aðeins einu sinni áður, í fyrra, voru útlán meiri í septembermánuði.

Stórsamningur um fjarskipti

Kenneth Peterson hefur fyrir hönd fyrirtækis síns, Columbia Ventures, undirritað samning við Industria, íslenskt fyrirtæki, um uppbyggingu á stafrænu fjarskiptakerfi á Írlandi.

Meiri bjartsýni

Bjartsýni neytenda um horfur í efnahagslífinu eykst enn. Væntingavísitala Gallup hækkaði um níu stig á milli mánaða og hefur tekið snöggan kipp upp á við á síðustu mánuðum.

Dregin af dönskum skandal

Tillaga viðskiptaráðuneytis um að heimildir hlutafélaga til að hafa starfandi stjórnarformunn verði þrengdar gengur þvert á þróun annars staðar um stjórnarhætti hlutafélaga að mati Lögmanna Mörkinni sem unnu skýrslu um þessar tillögur fyrir KB banka.

Hagnaðurinn yfir tíu milljarðar

Íslandsbanki birti óvænt í dag tölur yfir hagnað sinn fyrstu átta mánuði ársins. Hagnaður bankans var 10,6 milljarðar króna samkvæmt óendurskoðuðu uppgjöri. Bankaráð Íslandsbanka ákvað á fundi sínum í gær að auka hlutafé bankans um 200 milljónir króna að nafnvirði, ríflega tvo milljarða að markaðsvirði.

Bankar sækja á Íbúðalánasjóð

Fasteignasalar segja að það heyri nú orðið til algjörra undantekninga ef kaupendur stórra eigna taki lán hjá Íbúðalánasjóði. Bankarnir sjá nú alfarið um fjármögnun slíkra eigna. Fasteignaviðskipti hafa glæðst mjög að undanförnu og verðið hækkar þótt það hafi ekki komið fram í vísitölu húsnæðisverðs.

Sjónvarpsstjóra í hvern sófa

Íslenska fjarskiptafyrirtækið Industria stendur fyrir ráðstefnu um fjarskiptamál í næstu viku. Í sjónmáli eru miklar breytingar á því hvernig fólk getur notfært sér sjónvarp, síma og Internet. Spádómar tæknifrömuða í lok síðustu aldar eru handan við hornið. </font /></b />

Reglum Kauphallarinnar breytt?

Forstjóri Kauphallar Íslands segir að samkvæmt verklagsreglum hafi verið opnað á ný fyrir viðskipti með hlutabréf Kaldbaks á fimmtudag, þrátt fyrir að endanleg niðurstaða lægi ekki fyrir um sameiningu fyrirtækisins og Burðaráss.

Útvörður Norðlendinga farinn

Norðlendingar stýra ekki lengur neinu stóru fjárfestingarfélagi eftir að Kaldbakur rann inn í Burðarás í gær, en Kaldbakur hafði verið einskonar útvörður Norðlendinga á þessu sviði.

Líflegt á hlutabréfamarkaði

Líflegt var á hlutabréfamarkaði í dag en veltan nam 13,8 milljörðum króna. Þar af voru stór viðskipti með bréf Kaldbaks og Samherja sem tengjast sameiningu Burðaráss og Kaldbaks að því er segir í tilkynningu greiningardeildar Landsbankans.

Samson hagnaðist um 600 milljónir

Samson Holding, eignarhaldsfélag í eigu Björgólfsfeðga, hagnaðist um tæpar sex hundruð milljónir króna í viðskiptum með bréf í Kaldbaki í gær. Kaupfélag Eyfirðinga varð um leið af hagnaði sem nam sömu fjárhæð.

Stjórnin einhuga um Símann

Jón Sveinsson, formaður einkavæðingarnefndar, segir stjórnarflokkana einhuga um hvernig standa skuli að sölu Símans. Hann lítur svo á að sú ákvörðun, að heppilegast sé að selja fyrirtækið í einu lagi, standi óhögguð. Auglýst verður eftir ráðgjafa vegna sölunnar um eða eftir helgi.

Stimpilgjald hvergi eins og hér

Samtök atvinnulífsins hafa látið kanna stimpilgjöld í nágrannalöndum okkar. Íslendingar eru í sérflokki þegar litið er til þessa skatts og bitnar gjaldið á einstaklingum og smærri fyrirtækjum.

Íslendingar vinna lengi

Hærra hlutfall karlmanna á aldrinum 55 til 64 ára er á vinnumarkaði á Íslandi en nokkurs staðar annars staðar í OECD-ríkjunum. Um 95 prósent manna í þessum hópi eru þátttakendur í atvinnulífinu hér en næstmest er atvinnuþátttakan í Japan, tæplega 85 prósent.

Handbók um sérleyfisfyrirtæki

Út er komin handbók um stofnun og rektur sérleyfisfyrirtækja. Emil B. Karlsson, verkefnastjóri hjá Samtökum verslunar og þjónustu, ritaði bókina og afhenti Valgerði Sverrisdóttur, iðnaðar- og viðskiptaráðherra, fyrsta eintakið á þriðjudag.

Augnbotnamælitæki verðlaunað

Þrír fræðimenn í Háskóla Íslands, hver á sínu sviði, hlutu í gær verðlaun fyrir sameiginlegt verkefni sem miðar að því að útbúa tæki sem greint getur ýmsa augnsjúkdóma án þess að nemar séu settir inn í augað.

Baugur og Samherji með Björgólfi

Burðarás, fjárfestingarfélag undir stjórn Björgólfsfeðga og Kaldbakur sem er undir stjórn Baugs og Samherja munu sameinast. Gengið var frá samningum þess efnist síðdegis í gær. Með viðskiptunum eru Björgólfsfeðgar komnir í samstarf við Jón Ásgeir Jóhannesson og Þorstein Má Baldvinsson í fjárfestingarfélagi með um 40 milljarða í eigið fé og markaðsvirði upp á 80 milljarða.

Norðurljós með lyklavöldin

Skarphéðinn Steinarson, stjórnarformaður Norðurljósa, var kjörinn stjórnarformaður Og fjarskipta á aðalfundi í gær. Norðurljós og tengdir aðilar ráða för í félaginu eftir kaup á 35 prósenta hlut Kenneth Peterson í félaginu.

Söluferlið komið í gang

Framkvæmdanefnd um einkakvæðingu ákvað í gærmorgun að auglýsa eftir ráðgjafa vegna sölu á hlut ríkisins í Símanum. Líklegast er að Síminn verði ekki seldur í einu lagi heldur í áföngum.

Bréf Big Food Group féllu

Hlutabréf í bresku verslanakeðjunni Big Food Group, sem Baugur íhugar að kaupa, féllu um 4,25 pens á markaði í gær eða niður í 98,5 pens. Bréfin höfðu hækkað í verði vegna fyrirhugaðra kaupa Baugs á 110 pens fyrir hvern hlut.

Kærir mbl.is fyrir samkeppnisbrot

Frétt ehf. sem á og rekur vefsetrið visir.is hefur sent Samkeppnisstofnun formlegt erindi vegna meintra brota Morgunblaðsins á samkeppnislögum. Frétt ehf. telur að fullyrðingar í auglýsingum sem birst hafa í Morgunblaðinu vegna vefseturs blaðsins, brjóti í bága við 21. grein samkeppnislaga.

Kvartað til Samkeppnisstofnunar

Fréttavefurinn vísir.is sendi í gær formlega kvörtun til Samkeppnisstofnunar vegna auglýsinga mbl.is, þar sem fullyrt er að mbl.is "sé stærsti smáauglýsingavefurinn". Visir.is telur að með fullyrðingunni sé brotið í bága við 21. gr. samkeppnislaga, enda sé villt um fyrir neytendum með fullyrðingu sem ekki eigi við rök að styðjast.

Fjárfestar trúa á OZ

Fyrirtækið Oz gekk í gær frá samningi um kaup Vantagepoint Venture Partners á hlutabréfum í OZ fyrir um tvo milljarða króna. Oz er afsprengi Oz.com sem miklar vonir voru bundnar við, en fyrirtækið varð gjaldþrota eftir að netbólan sprakk.

Verðbólga étur laun

Tólf mánaða hækkun launa nemur nú 5,2 prósentum samkvæmt launavísitölu Hagstofunnar, en í gær var launavísitala fyrir ágúst birt. Á sama tímabili var verðbólga 3,7 prósent og því jókst kaupmáttur launa um 1,5 prósent.

Evran blóraböggull

Tímasetning á upptöku evrunnar var óheppileg þar sem innleiðing hennar kom samtímis almennri niðursveiflu í efnahagslífi í Evrópu. Fyrir vikið hefur evran orðið að blóraböggli fyrir slaka í efnahagslífi aðildarríkjanna. Þetta segir Paul van den Noord hagfræðingur hjá OECD.

Ekki starfandi stjórnarformenn

Helstu tillögur úr skýrslu viðskiptaráðherra um viðskiptalífið verða að lögum ef frumvarp ráðherra nær fram að ganga. Drög að frumvörpunum voru kynnt á vefsíðu ráðuneytisins í gær.

Vaxtahækkun vestra

Bandaríski Seðlabankinn hækkaði stýrivexti um fjórðung úr prósentustigi í gær. Stýrivextir í Bandaríkjunum hafa verið hækkaðir þrisvar í ár en eru þó enn mjög lágir í sögulegum samanburði. Þeir standa nú í 1,75 prósent.

Hækkar vexti óverðtryggðra lána

KB banki hefur ákveðið að hækka vexti óverðtryggðra inn- og útlána frá og með deginum í dag. Vaxtabreytingin er gerð í kjölfar tilkynninga Seðlabankans um hækkun stýrivaxta að því er segir í tilkynningu frá KB banka.

Lækka verðtryggða vexti

Landsbankinn hefur ákveðið að lækka verðtryggða útláns- og innlánsvexti sína frá og með morgundeginum. Verðtryggðir útlánsvextir bankans lækka um 0,25 prósentustig.