Atvinnulíf

Eftirsóttustu starfsmenn framtíðarinnar

Rakel Sveinsdóttir skrifar
Ljóst er að í framtíðinni munu fjölmargir starfa heimanfrá, að hluta til eða öllu leyti. Þá mun sjálfvirknivæðing aukast. Þessar breytingar kalla á nýja nálgun á hæfismati starfsfólks.
Ljóst er að í framtíðinni munu fjölmargir starfa heimanfrá, að hluta til eða öllu leyti. Þá mun sjálfvirknivæðing aukast. Þessar breytingar kalla á nýja nálgun á hæfismati starfsfólks. Vísir/Vilhelm

Aukinn sveigjanleiki í starfi hefur svo sannarlega fengið nýja merkingu í kjölfar Covid. Fjarvinna að öllu leyti eða að hluta er komin til að vera og nú er talað um „hybrid” fyrirkomulagið, eða hið blandaða fyrirkomulag, þar sem mörg störf verða unnin í bland: Í fjarvinnu og á vinnustaðnum. Þetta breytta vinnuumhverfi, auk aukinnar sjálfvirknivæðingar, kallar á nýjar hæfniskröfur.

Í skýrslu World Economic Forum „Future of Jobs Report” koma fram þrjú atriði sem talin eru skipta mestu máli þegar kemur að hæfismati fólks til framtíðar. Þessi þrjú atriði eru þeir eiginleikar sem talið er að muni einkenna eftirsóttasta starfsfólkið.

Hér er ekki verið að fjalla um menntun eða þekkingu, heldur eiginleika sem fólk býr sjálft yfir. Skýrslan var gefin út í lok árs í fyrra.

Þessi þrjú atriði eru:

1. Tilfinningagreind

Krafan um góða tilfinningagreind mun aukast á vinnumarkaði.

Það skýrist af því að nú þegar atvinnulífið verður sífellt meira og meira rafrænt, þurfum við að treysta á tilfinningagreind til þess að vega upp á móti því sem tæknin getur ekki leyst eða er að tapast vegna þess að við erum ekki lengur í sömu nærveru og áður.

Sem dæmi um hvernig tilfinningagreind getur hjálpað okkur í rafrænum heimi er næmnin okkar til að meta tóntegund og raddblæ fólks á fjarfundum.  Sömuleiðis hjálpar tilfinningagreind okkur til að meta betur innihald tölvupósta eða texta og þá þannig að skilaboðin séu síður mistúlkuð.

2. Leiðtoga- og félagsfærni

Eitt af því sem einkennir fólk sem náð hefur langt í starfsframa er hæfnin til að tala fyrir breytingum, hugsjónum og markmiðum og fá annað fólk í lið með sér. Þarna spilar inn í leiðtoga- og félagsfærni sem tæknin ræður ekki við.

Í skýrslu Word Econmic Forum er mælt með því að vinnustaðir þjálfi allt starfsfólk í aukinni leiðtoga- og félagsfærni. Ekki aðeins stjórnendur eða það fólk sem líklegt er til að enda í leiðtogastarfi.

Ástæðan er sú að í hinum rafræna heimi munu vinnustaðir þurfa að treysta enn betur á færni teymisins en áður því stór hluti fólks mun ekki lengur starfa á sama viðverustað.

Með aukinni færni allra, óháð störfum eða staðsetningum, byggist upp liðsheild þar sem samstarfsfólk er líklegra til að gefa hvort öðru innblástur og hvatningu. 

Þá er fjarvinnuumhverfið gera stjórnendunum erfiðari fyrir að fylgjast með á sama hátt og áður. Fyrir vikið er vinnustaðurinn háðari því en nokkru sinni að fólk sé fært um að vinna verkefni sjálfstætt, en þó sem hluti af liðsheild og fyrirtækjamenningu.

3. Hæfnin til að sýna frumkvæði

Loks er það frumkvæðnin því með fjarvinnu í rafrænum heimi, munu vinnustaðir þurfa að treysta enn betur en áður á þennan eiginleika hvers og eins.

Annars er hætta á stöðnun.

Mælt er með því að vinnustaðir hefji þessa þjálfun strax. Til dæmis með því að þjálfa starfsfólk til að spyrja gagnrýnna spurninga, þora að prófa sig áfram eða prófa nýjar leiðir, koma með nýjar og öðruvísi hugmyndir og svo framvegis.

Með því að þjálfa teymi strax í þessum eiginleika byggist upp geta og menning til að þjálfa nýliða innan frá. Því það að þora frumkvæðni verður teymum eðlislægt, sem aftur eykur líkurnar á að  fólk hugsi oftar út fyrir boxið, uppgötvar nýjar lausnir eða stuðlar að nýsköpun.

Stjórnun Starfsframi Faraldur kórónuveiru (COVID-19) Vinnumarkaður Vinnustaðamenning Vinnustaðurinn

Tengdar fréttir

„Ekki nóg að stilla stólinn rétt og hafa skrifborðið í réttri hæð“

Vinnan getur verið uppspretta andlegrar orku, ekkert ólíkt þeirri upplifun að ganga á fjöll eða sinna öðrum áhugamálum. Vinnustaðir þurfa að hanna sveigjanlegri kerfi sem hver og einn starfmaður getur aðlagað að sér og sínum verkefnum. Og íslensk fyrirtæki eru nú þegar að sjá vísbendingar um að fólk hugi að flutningum á milli landshluta eða jafnvel til annarra landa, nú þegar fjarvinna er orðin að veruleika til framtíðar.  Þetta er meðal þess sem fram kemur í svörum mannauðstjóra sem teknir voru tali í dag, í tilefni alþjóðlega mannauðsdagsins sem er í dag.

Fjarvinna vinsæl en fólk þarf líka að hittast í „alvörunni“

„Bretar eru til að mynda mun vanari fjarvinnufyrirkomulaginu en við Íslendingar og margir þar sem hafa unnið í því fyrirkomulagi í mörg ár,“ segir Erla Sylvía Guðjónsdóttir mannauðstjóri Valitor, en Valitor er eitt þeirra fyrirtækja sem hefur innleitt hjá sér fjarvinnustefnu fyrir starfsfólk, en stefnan gildir bæði fyrir starfsfólk Valitors á Íslandi og í Bretlandi. Að sögn Erlu sýndu kannanir á meðal starfsfólks strax í fyrra, að mikill áhugi væri á fjarvinnu til frambúðar.

„Við þurfum að vinna gegn útundanóttanum“

„Ég vinn meðal annars við að aðstoða og styðja fólk í að reyna að ná utan um þær óvelkomnu breytingar sem hafa orðið í Covid faraldrinum,“ segir Þórkatla Aðalsteinsdóttir sálfræðingur hjá Líf og sál og bendir á að vinnustaðir þurfi að huga vel að þeim áhrifum sem Covid er að hafa á fólk, því þeim áhrifum muni ekki ljúka með bólusetningum. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið