Táknræn en gagnslaus aukning

Fyrirheit stjórnvalda í Sádi-Arabíu um að auka olíuframleiðslu sína munu að áliti sérfræðinga ekki hafa áhrif til lækkunar olíuverðs á mörkuðum. Ástæðan er sú að aukningin nær eingöngu til hráolíu en ekki olíu sem fer beint á neytendamarkað. Eftir að olíuverð náði sögulegu hámarki á þriðjudag, þegar tunnan fór yfir 50 dali, lýsti olíumálaráðherra Sádi-Arabíu því yfir að olíuframleiðsla yrði aukin úr 9,5 milljónum tunna á dag í 11 milljónir. Þetta hafði lítil sem engin áhrif á markaðinn í gær, því verðið var um og yfir 50 dali á tunnu. Nú þegar er of mikið framboð af hráolíu á mörkuðum sem nemur 2 milljónum tonna á dag. Olíuhreinsistöðvar í Bandaríkjunum, Evrópu og Asíu hafa ekki undan að hreinsa olíuna og því vantar sárlega hreinsaða olíu á markaðinn. Sérfræðingar segja að framleiðsluaukning sé þannig fyrst og fremst táknræn en ekki til þess að fallin að lækka olíuverð. Henni sé fyrst og fremst ætlað að senda pólitísk skilaboð um að samstarfsvilja Sádi-Araba.