Liz 75 ára

Elísabet Taylor var að vanda demöntum prýdd þegar hún mætti í 75 ára afmælisveislu sína, í Las Vegas síðastliðinn þriðjudag. Hún kom í hjólastól, vegna bakveikinda. Stjarnan blikkaði sínum frægu fjólubláu augum þegar ljósmyndararnir sungu fyrir hana afmælissönginn. Þegar hún var spurð um ástæður langlífis síns svaraði hún; "Maður bara hangir."

Leyndarmál hraunanna - elstu dýr Íslands

Jörundur Svavarsson, prófessor við Háskóla Íslands og Bjarni K. Kristjánsson, frá Hólaskóla, munu halda erindi í fyrirlestraröðinni Undur Veraldar laugardaginn 3. mars. Ber erindið heitið Leyndarmál hraunanna - elstu dýr Íslands. Er það Raunvísindadeild Háskóla Íslands sem stendur fyrir fyrirlestrarröðinni.

Hljómsveitin Roof Tops snýr aftur

Það hefur verið rífandi stemning á æfingum hjá hljómsveitinni Roof Tops að undanförnu, en þeir félagar hafa æft af kappi fyrir dansleiki á Kringlukránni nú um helgina, á föstudags- og laugardagskvöld, 2. og 3. mars.

Victoria og Naomi með raunveruleikaþætti

Fyrrum Kryddpían Victoria Beckham hefur skrifað undir samning við NBC upp á tíu milljón dollara. Mun hún verða með sinn eigin raunveruleikasjónvarpsþátt sem sagður er eiga að fjalla um flutning fjölskyldu hennar frá Evrópu til Bandaríkjanna. Fyrirsætan Naomi Campbell er einnig sögð vera að fara af stað með sinn eigin þátt á sjónvarpsstöðinni MTV.

Ráðstefna um verndun Skerjafjarðar

Föstudaginn 2. mars verður haldin ráðstefna um verndun náttúrufars Skerjafjarðar. Dagskrá ráðstefnunnar hefst með ávarpi Ólafs Ragnars Grímssonar, forseta Íslands og Jónínu Bjartmarsdóttur, umhverfisráðherra. Munu ýmsir aðilar með sérfræðiþekkingu á málefninu flytja erindi.

Undarleg hegðun Tom og Katie

Mörgum þykir hjónaband leikarana Toms Cruise og Katie Holms vera heldur undarlegt. Þótti hegðun þeirra á sunnudagskvöld styðja þær hugmyndir. Þau Tom og Katie fóru í Óskarsverðlaunapartí Vanity Fair eftir verðlaunahátíðna. Þar þótti Katie hlédræg og óframfærin.

Þungarokk á Hróarskeldu

Hátíðin tilkynnir með stolti nokkrar þungarokkhljómsveitir til leiks. Hljómsveitirnar eru: Mastodon (US), Pelican (US), Cult of Luna (S) og mikla þungavigtarvini Roskilde hátíðarinnar: SLAYER (US).

Rúni Júl upp að altarinu

Rokkarinn landsfrægi Rúnar Júlíusson gengur í dag upp að altarinu. Rúnar segir giftinguna eiga sér fjörtíu og þriggja ára aðdraganda en svo langt er síðan að hann kynntist Maríu Baldursdóttur ástinni í lífi hans. Rúnar hafði lofað henni að giftast henni þegar hún yrði sextug og sá dagur er nú runninn upp.

Eddie Murphy tapsár

Það virðast ekki allir hafa verið ánægðir eftir Óskarsverðlaunaafhendinguna sem fram fór síðasta sunnudagskvöld. Eddie Murphy var tilnefndur sem besti leikari í aukahlutverki fyrir hlutverk sitt í Dreamgirls. Þótti hann nokkuð sigurstranglegur en verðlaunin höfnuðu hjá Alan Arkin fyrir hlutverk hans í Little Miss Sunshine.

Ég heiti Manchester United

Búlgarskur aðdáandi breska knattspyrnuliðsins Manchester United hefur fagnað hálfum sigri í baráttu fyrir að breyta nafni sínu í Manchester United. Maðurinn heitir Marin Levidzhev og hefur staðið í tveggja ára málaferlum til að fá að breyta nafninu. Dómur var felldur á þá leið að honum væri heimilt að kalla sig Manchester Levidzhev.

GusGus á Nasa

Hljómsveitin GusGus fagnar útgáfu breiðskífunnar FOREVER með útgáfutónleikum á NASA, laugardagskvöldið 24. mars. Þá verður ár liðið frá því sveitin spilaði síðast í Reykjavík á eftirminnilegum tónleikum sem fóru einmitt fram á NASA. Tónleikarnir eru jafnframt útgáfutónleikar hljómsveitar Petter Winnberg úr Hjálmum, Petter & The Pix, sem í lok síðasta árs gáfu út skífuna Easily Tricked.

Móðir kærir djöfullegt fæðingarnúmer

Rússnesk kona hefur kært yfirvöld fyrir að gefa nýfæddri dóttur hennar fæðingarnúmerið 666. Móðirin, Natalia Serepova, er 33 ára frá Stavropol í Rússlandi. Hún mótmælti númerinu sem Marianna dóttir hennar fékk og sagði það vera djöfullegt. Þegar bæjaryfirvöld neituðu að breyta númerinu, sem öllum börnum í Rússlandi er gefið við fæðingu, ákvað Natalia að kæra.

Þekktu sjálfan þig: Innsýn í jógafræðin

Í byrjun mars kemur út ný bók eftir Guðjón Bergmann rithöfund, fyrirlesara og jógakennara. Bókin ber titilinn Þekktu sjálfan þig: Innsýn í jógafræðin. Í bókinni leitast höfundur við að veita lesendum innsýn í heim jógaheimspekinnar og kynna hugmyndafræðina sem býr að baki. Öll framsetning er á almennu máli og gagnast því jafnt byrjendum og lengra komnum.

PS3 í öðru sæti

Leikjatölvan PlayStation 3, nýjasta leikjatölvan frá Sony sem kom á markað í Bandaríkjunum og í Japan um miðjan nóvember í fyrra, er í öðru sæti yfir mest seldu leikjatölvur fyrirtækisins í Bandaríkjunum í síðasta mánuði. Stefnt er á að tölvan komi á markað í Evrópu undir lok næsta mánaðar

Ben Stiller spenntur fyrir að leika á móti Tom Cruise

Leikarinn skemmtilegi Ben Stiller kveðst vera spenntur fyrir að leika á móti Tom Cruise í kvikmynd sem áætlað er að fara í framleiðslu með á næsta ári. Kvikmyndin mun verða byggð á bókunum um The Hardy Boys og bera heitið Hardy Men. Hún fjallar um bræðurna Frank og Joe Hardy á fullorðinsárum sínum þar sem þeir reyna að leysa ráðgátur.

Basic Instinct 2 versta kvikmyndin

The Golden Raspberry Awards eru verðlaun sem árlega velja verstu Hollywood kvikmyndirnar. Fara verðlaunin fram á sama tíma og Óskarsverðlaunin eru afhent. Hreppti kvikmyndin Basic Instinct 2 aðalverðlaunin að þessu sinni.

Segir Britney eiga við eiturlyfjavanda að stríða

Fyrsti eiginmaður söngkonunnar Britney Spears, Jason Alexander, hefur greint frá því að hún eigi við fíkniefnavandamál að stríða. Jason og Britney eru æskuvinir en þau giftu sig þegar þau voru að skemmta sér í Vegas árið 2004. Hjónabandið varð þó ekki lífseigt, enda var það ógilt eftir aðeins 55 klukkustundir.

Spilavíti í Flensborg

Þessa vikuna eru vakningardagar í Flensborgarskólanum í Hafnarfirði. Vakningardagar eru haldnir árlega og í hvert sinn er valið þema og skólinn skreyttur að innan í samræmi við það. Í ár er þemað spilavíti. Nemendur hafa um helgina unnið hörðum höndum að því að skreyta skólann og í gærmorgun var verkið svo afhjúpað.

Dagur tónlistarskólanna

Nú um helgina, dagana 3.-4. mars stendur mikið til hjá Tónlistarskólanum á Akureyri og Sinfóníuhljómsveit Norðurlands. Tónlistarskólinn heldur hátíðlegan dag tónlistarskólanna með tónleikum í Ketilhúsinu laugardaginn 3. mars þar sem verða tónleikar í gangi allan daginn, nemendur á öllum stigum koma fram og mikil fjölbreytni í tónlist og hljóðfærum sem leikið er á.

Kjólarnir á Óskarnum

Það var mikið um dýrðir í gærkvöld þegar Óskarsverðlaunin voru afhent. Eins og alltaf skörtuðu stjörnurnar sínu fínasta og voru kjólarnir hver öðrum glæsilegri þó aðrir minna glæsilegir leyndust inn á milli. Þeir litir sem voru áberandi á rauða dreglinum voru ljósir náttúrulegir litir og oft málmlitaðir.

Helstu vinningshafar Óskarsverðlaunanna

Óskarsverðlaunin voru afhent í 79. sinn í gærkvöldi og var verðlaunaafhendingin glæsileg að vanda. Ellen DeGeneres var kynnir hátíðarinnar í ár og þótti standa sig afar vel en þetta var í fyrsta sinn sem hún kynnir hátíðina.

Gleypti tennur elskhuga síns

Rúmensk kona þurfti aðstoð lækna eftir að hún gleypti óvart tennur elskhuga síns í ástarleik. Konan er 38 ára og er frá Galati héraði í austurhluta Rúmeníu. Hún sagði læknum á sjúkrahúsi að hún hefði gleypt ókunnan hlut, en sagði ekki hvað. Það kom því læknum á óvart að sjá á röngtenmynd falskar tennur í maga konunnar.

Ögrar ímyndunaraflinu

Sverrir Norland er tvítugur nemi við Háskóla Íslands og FÍH og situr jafnframt í ritstjórn vefsíðunnar dindill.is. Sverrir hlýtur að vera upptekinn ungur maður því ásamt þessu heldur hann úti vefsíðunni http://www.nyttljodahverjumdegi2007.blogspot.com/

Líf og fjör í Kattholti

Emil í Kattholti er kominn á Hvammstanga með öllum sínum skammarstrikum. Að sjálfsögðu fylgir öll fjölskyldan úr Kattholti honum og þau taka líka á móti gestum.

Raggi Bjarna og Eivör á stórtónleikum

Stórsöngvarinn Ragnar Bjarnason, sem er öllum kunnur sem Raggi Bjarna, syngur á tónleikunum Heyr mitt ljúfasta lag í Háskólabíói 3. mars næstkomandi.Með honum verður Eivör Pálsdóttir, og hundrað manna föruneyti.

Skandall að aflýsa ráðstefnunni

„Greiðslan var ekki kominn í gegn og ég varð því ekki fyrir neinu fjárhagslegu tjóni vegna þessa,“ segir Sigurður Valdimar Steinþórsson, eigandi vefsíðunnar klam.is. Sigurður hugðist sækja Snowgathering-ráðstefnuna sem halda átti í Reykjavík í mars en var aflýst fyrir helgi eftir að ráðstefnugestum var meinað að gista á Hótel Sögu.

Álfaálög á dansflokknum

Hvert áfallið á fætur öðru hefur riðið yfir Íslenska dansflokkinn undanfarnar vikur, á meðan hann stóð í æfingum fyrir sýninguna Í okkar nafni, sem frumsýnd var á föstudaginn. „Það eru nokkrir eftir heilir, við skulum orða það þannig,“ sagði Valgerður Rúnarsdóttir, dansari.

Ástin og gleymskan

Æfingar eru hafnar á nýju leikriti eftir Eric-Emmanuel Schmitt í Þjóðleikhúsinu. Verkið „Hjónabandsglæpir“ verður frumsýnt í leikstjórn Eddu Heiðrúnar Backman þann 18. apríl næstkomandi.

Bræður setja svip sinn á Meistarann

„Þetta er skemmtiþáttur og menn verða að haga sér eftir því," segir Gísli Ásgeirsson, bróðir Páls Ásgeirs Ásgeirssonar sem sýndi vægast sagt stórskemmtileg tilþrif í síðasta Meistaraþætti. Páll Ásgeir lagði allt undir, sama hver staðan var og spennan var mögnuð í lokin þegar keppinautur hans, Svanborg Sigmarsdóttir, gat stolið sigrinum í síðustu spurningu eftir að Páll hafði leitt keppnina allan tímann. „Ég held að það toppi enginn þessa frammistöðu," bætir Gísli við.

Dagný í formannstólinn

Dagný Ósk Aradóttir var á fimmtudaginn kjörinn formaður Stúdentaráðs á árlegum skiptafundi. Dagný leiddi lista Röskvu í nýafstöðnum kosningum til Stúdentaráðs þar sem fylkingunni tókst að hafa sigur, í fyrsta sinn síðan 2002 þegar Röskva tapaði naumlega. Fram að því hafði Röskva verið stærsta fylkingin í háskólapólítikinni í ellefu ár.

Skemmtir 50 milljónum jarðarbúa í viku hverri

Hannibal Rising - ein stjarna

Rétt eins og Hannibal Lecter gerir við fórnarlömb sín, smjattar rithöfundurinn Thomas Harris á frægustu mannætu síns tíma. Hannibal Rising er fimmta myndin um Lecter (tvær byggja reyndar á sömu bók) og í þetta sinn er ljósinu brugðið á uppvaxtarár Hannibals og leitað skýringa á annarlegum matarsmekk hans.

Hitti Stallone á flugvellinum

Magnús Ver Magnússon lék nýverið í bandarískri bjórauglýsingu. Hann segir að sér hafi liðið eins og Hollywood-stjörnu meðan á tökunum stóð. „Þetta er herferð fyrir Coors,“ segir Magnús Ver Magnússon, kraftajötuninn góðkunni sem lék nýlega í bandarískri bjórauglýsingu.

Klaxons á Hróarskeldu

Bresku hljómsveitirnar Klaxons, sem spilaði á síðustu Airwaves-hátíð, og Basement Jaxx hafa bæst hóp þeirra sem koma fram á Hróarskelduhátíðinni í byrjun júlí.

Krumminn á skjánum á ný

Eins og þjóð þekkir rífur Ingvi Hrafn kjaft yfir hverju sem er, hvenær sem er og við hvern sem er. ÍNN er að fara í loftið í dag og Hrafnaþing, sem margir sakna, er fyrsti þáttur á dagskrá nýrrar sjónvarpsstöðvar.

The Abbatoir Blues Tour - fjórar stjörnur

Þessi tvöfaldi DVD-mynddiskur hefur að geyma lög sem Nick Cave tók upp með hljómsveit sinni The Bad Seeds á tvennum tónleikum í London 2003 og 2004. Þeir fyrri voru haldnir til að fylgja eftir tvöföldu plötunni Abbatoir Blues/The Lyre of Orpheus en hinir síðari til að fylgja eftir Nocturama.

Richards í bílslysi

Leikkonan Denise Richards lenti í bílslysi á dögunum þegar hún ætlaði að hjálpa tveggja ára dóttur sinni út úr bíl sínum. Kom þá annar bíll aðvífandi og ók á hurðina á bíl Richards þannig að hún fór af. Munaði engu að Richards léti lífið.

Ungir spreyta sig

Ekki verður sýningum fyrr lokið á Flagara í framsókn í Íslensku óiperunni í Ingólfsstræti en það koma nýjar sviðsetningar upp. Það er tveir ástsælir einþáttungar eftir meistarann Giacomo Pucchini sem Óperustúdíó Íslensku óperunnar stendur fyrir: Systur Angelicu og Gianni Schicchi. Er frumsýning fyrirhuguð 21. mars. Æfingar eru komnar vel á veg og taka yfir þrjátíu söngnemendur og fjörtíu nemendur í hljóðfæraleik þátt í verkefninu.

Stofna hollvinasamtök

Fimmtíu ár eru liðin síðan tvíhliða samningur á milli Íslands og Bandaríkjanna um Fulbright-stofnunina á Íslandi var undirritaður. Af því tilefni var boðað til móttöku í Háskóla Íslands síðastliðinn föstudag. Heiðursgestur var frú Harriet Fulbright, ekkja J. Williams Fulbrights, stofnanda samtakanna, sem er stödd hér á landi í fyrsta sinn.

James Blunt viðriðinn yfirkeyrslu

Það er nóg um að vera hjá söngvararanum Jame Blunt þessa dagana. Ekki var hann þó eins heppinn og á afmælisdaginn í þetta sinnið. Rétt eftir miðnætti á föstudagskvöld var lögregla kölluð út vegna umferðarslyss fyrir utan eitt af mörgum Óskarsverðlaunapartýum sem nú eru haldin í Hollywood.

Ævar snýr aftur

Útvarpsmaðurinn og glæpasagnahöfundurinn Ævar Örn Jósepsson snýr aftur á Rás 2 í dag og sest fyrir framan hljóðnemann. Ævar verður að venju með puttana á púlsinum og hyggst kryfja aðdraganda alþingiskosninga með sínum hætti í þættinum Korter fyrir kosningar strax á eftir hádegisfréttum.

Yngsti klerkur landsins

Það verður stór stund í lífi Ólafs Jóhanns Borgþórssonar þegar hann verður vígður til prests. Auk þess markar vígsl-an önnur tímamót, því Ólafur Jóhann er aðeins á 26. aldursári og verður því yngsti prestur landsins. „Ekki þó frá upphafi,“ áréttar hann. „En þetta er sannarlega skemmtilegt þótt það sé auðvitað aukaatriði í sjálfu sér.“

Tónaflóð

Franski orgelsnillingurinn Vincent Warnier heldur tónleika á vegum Listvinafélags Hallgrímskirkju í dag og þenur hið stórfenglega Klais-orgel Hallgrímskirkju á franska vísu.

Öllu tjaldað fyrir hið fullkomna útlit

Hollywoodstjörnurnar spara ekki aurana þegar kemur að því að líta sem best út í kvöld en þá verða Óskarsverðlaunin afhent. Eru þær óhræddar við að fara í dýrindis spa meðferðir til að öðlast hið fullkomna útlit.

Í góðum hópi

Guðlaugur Kristinn Óttarson tónskáld og gítarleikari með meiru heldur tónleika í Hafnarborg, menningar- og listastofnun Hafnarfjarðar í kvöld kl. 20.