Menn eru svona og svona

Í kvöld verður fyrsti flutningur á Landnámssetrinu í Borgarnesi á dagskrá – söngatriði með spjalli eða eintali með innskotum og tónlist – þar sem KK og Einar Kárason rifja upp feril þess fyrrnefnda. Þar byggja þeir á samstarfi sínu fyrir nokkrum misserum þegar Einar skráði sögu KK, Þangað sem vindurinn blæs.

Lítil sál týnd í tveim heimum

Leikfélag Reykjavíkur frumsýnir í kvöld leikinn Ófagra veröld eftir skoska leikskáldið Antony Neilson en hann hefur á undanförnum misserum átt nokkrum vinsældum að fagna meðal leikhúsfólks.

Kæru vísað á bug

Kæru bandarísks hermanns gegn heimildarmyndaleikstjóranum Michael Moore hefur verið vísað á bug af bandarískum dómstólum. Maðurinn, sem missti báðar hendur í Írak, segir að Moore hafi notað án leyfis viðtal sem hann gaf sjónvarpsstöðinni NBC, í heimildarmynd sína vinsælu Fahrenheit 9/11. Sagði maðurinn að Moore hafi ranglega látið líta út fyrir að hann væri andvígur stefnu Bush Bandaríkjaforseta í Íraksmálinu.

Ástarsorg, hjónabönd og drykkjuskapur

Stjörnurnar úti í heimi héldu slúðurblöðunum vel við efnið á árinu sem er að líða enda þrífast þær á umtali, hvort sem það er gott eða slæmt. Fréttablaðið rifjaði upp tíu eftirminnilegustu fréttamálin.

Árið 2007 lofar góðu

Árið er liðið í aldanna skaut eins og gömul klisja segir. Nýtt tónlistarár fer því brátt að hefjast og þess vegna fór Steinþór Helgi Arnsteinsson á stúfana og athugaði komandi útgáfur.

Kyssti Gisele

Leikarinn Josh Hartnett sást kyssa brasilísku ofurfyrirsætuna Gisele Bündchen á veitingastað í New York fyrir skömmu. Um það bil viku áður hafði sést til hans kyssa leikkonuna Scarlett Johansson en þau hafa verið saman og sundur að undanförnu.

So Divided - þrjár stjörnur

Sveitin með eitt lengsta nafn rokksögunnar, ...And You Will Know Us By the Trail of Dead (hér eftir eingöngu kölluð Trail of Dead), hefur undanfarin ár sent frá nokkrar af ferskustu plötum sem bandarískt rokk hefur boðið upp á.

Gyllenhaal til hjálpar

Leikarinn Jake Gyllenhaal er góður maður að hafa við hendina þegar kviknar í hótelinu þínu. Hann var ásamt fjölskyldu sinni á litlu lúxushóteli við San Francisco flóann, um jólin. Hótelið var tveggja hæða timburhús og þegar kviknaði í því var ekki við neitt ráðið.

Harry Potter feigur

Líkurnar á að skáldsagnapersónan Harry Potter lifi af í nýjustu bókinni eru hverfandi að mati veð-mangara. Talið er nær öruggt að Potter láti lífið í Dauðaköllunum og er illmennið Voldemort talinn líklegasti morðinginn. Margir hafa einnig veðjað á að Harry verði sjálfum sér að bana í því skyni að tortíma Voldemort.

Dætur Stallones varasamar

Bósar framtíðarinnar sem langar til þess að fara á fjörurnar við dætur Sylvesters Stallone, ættu að fara varlega í sakirnar. Pabbi gamli veit allt um bósa og hann ætlar að búa dætur sínar undir að taka á móti þeim.

Gæðin tryggð á Grænu ljósi

Ísleifur B. Þórhallsson hefur ákveðið að setja aukinn kraft í dreifingarfyrirtæki sitt Græna ljósið, sem sérhæfir sig í óháðum kvikmyndum. Á nýju ári stefnir hann á að sýna eina til tvær slíkar myndir í hverjum mánuði.

Gaf ömmu sinni viagra

Sjónvarpskokkurinn frægi Jamie Oliver er líka mikill brandarakarl að eigin sögn og nýtir jólagjafirnar til að ganga fram af fólki. Á síðustu jólum gaf hann ömmu sinni Viagra, eða því sem næst. Hann keypti viagra í apóteki en skipti bláu pillunum út fyrir Smarties.

Fimm stjörnu útgáfutónleikar

Í kvöld mun hiphop-hljómsveitin Forgotten Lores halda upp á útgáfu annarrar plötu sinnar, Frá heimsenda, með útgáfutónleikum í Þjóðleikhúskjallaranum. Gleðskapurinn byrjar kl. 22.00 og munu Earmax og DJ Magic sjá um að koma mannskapnum í stuð, áður en kónarnir í Forgotten Lores stíga á svið.

Fjórfaldur Sveinn í kvöld

Tónleikarnir Hreinn JólaSveinn fara fram í Stúdentakjallaranum í kvöld. Þar verður bassaleikarinn Sveinn Helgi Halldórsson í nokkru aðalhlutverki því hann leikur með öllum fjórum hljómsveitunum sem fram koma. Sveinn er bassaleikari ekki óþekktari sveita en Ælu, Jan Mayen, Rými og Tokyo Megaplex.

Eldur í trommum

Eldur kom upp í trommusetti rokksveitarinnar Guns N"Roses á tónleikum í Los Angeles í síðustu viku. Eldurinn kviknaði í laginu November Rain. Talið er að neisti hafi komist í settið en auðveldlega tókst að slökkva eldinn og engum varð meint af.

Stútur við stýrið

Leikstjórinn Gus Van Sant sem þekktastur er fyrir kvikmyndina Good Will Hunting var tekinn af lögreglunni rétt fyrir jól. Gus var drukkinn undir stýri og hafði hvorki kveikt á framljósum bílsins né heldur virti hann stöðvunarskyldu. „Augu hans voru rauð og þrútin, hann var þvoglumæltur og lyktaði alveg hræðilega,“ sagði talsmaður lögreglunnar í Oregon, þar sem Van Sant var handtekinn.

Lúðrar í Firðinum

Jólatónleikar Lúðrasveitar Hafnarfjarðar eru í kvöld í Hafnarfjarðarkirkju og hefjast kl. 20. Á tónleikunum málmblásarakór og kvintett úr sveitinni leika verk eftir Bruckner, Gabrieli og Händel í bland við jólasálma. Stjórnandi lúðrasveitarinnar er Þorleikur Jóhannesson.

Dulir um efnistök Skaupsins

„Ég var bara í einu atriði, svona grínatriði,“ segir Pétur Jóhann Sigfússon leikari, en mikil leynd hvílir yfir efnistökum og innihaldi Áramótaskaups Ríkissjónvarpsins. „Þetta er ekkert leggjast-í-gólfið fyndið atriði, en ég hef ekki séð nein önnur svo að ég veit ekkert. Ég bara mætti þarna klukkan tíu um morguninn og við Ilmur Kristjánsdóttir lékum hjón.“

Þorði ekki út úr húsi

Söng- og leikkonan tindilfætta Jessica Simpson þjáðist af víðáttufælni eftir að hún skildi við eiginmann sinn Nick Lachey. Fjölskylda Jessicu óttaðist að hún myndi einangrast því þá sjaldan tókst að draga hana út fyrir hússins dyr fékk hún kvíðaköst.

Vínarvalsar hljóma

Það er komið að árlegum æsingi og eftirvæntingu hjá þeim þúsundum aðdáenda Vínartónlistar sem þyrpast í Háskólabíó á fyrstu viku nýja ársins og heyra Sinfóníuhljómsveit Íslands skella sér í sína árlegu Vínartónleika. Þeir verða þann 3.–6. janúar næstkomandi. Ekki duga færri en fernir tónleikar til að svala löngun Íslendinga í Vínartónlist í þetta sinn og ef litið er til reynslu fyrri ára má reikna með að uppselt verði á alla tónleikana.

Uppselt á styrktartónleikana í kvöld

Uppselt er á tónleikana til styrktar krabbameinssjúkum börnum sem fram fara í Háskólabíói í kvöld. Tónleikarnir eru árlegur viðburður og eru nú haldnir í áttunda skipti. Síðustu miðarnir seldust um hádegið í gær, en aldrei áður mun hafa orðið uppselt á tónleikana svo snemma.

Tónleikahald á Þorláki

Þorláksmessa er dagur hefða hjá mörgum landsmönnum. Fólk safnast saman til að borða skötu eða flykkist í bæinn um kvöldið til að versla síðustu jólagjöfina og njóta stemningarinnar. Hefð hefur einnig skapast fyrir ýmsum tónlistaruppákomum í höfuðborginni á Þorláksmessu.

Köld slóð forsýnd í kvöld

Þær Kristín Jónsdóttir og Guðrún Guðmundsdóttir duttu heldur betur í lukkupottinn þegar þær unnu tvo miða á sérstaka gala forsýningu á stórmyndinni Köld slóð sem verður í Smárabíói í kvöld kl 18.

Söngur á Valhúsahæð

Jólatónleikar Sönghópsins Hljómeykis verða í kvöld kl. 20 í Seltjarnarneskirkju á Valhúsahæð. Á tónleikum mun Sönghópurinn Hljómeyki flytja jólasálma frá 15. og 16. öld en einnig tónlist tengda jólunum eftir tónskáld 20. og 21. aldar.

Endurrómur upphafsins - Tvær stjörnur

Metnaðarfull ljóðabók en mjög óþroskaður skáldskapur. Skáldið leitar hinstu raka og þráspyr sjálft sig um eðli veruleikans.

Sendir þér steikina heim

Þeim sem eru orðnir þreyttir á gourmet-veislum hátíðanna stendur ýmislegt annað til boða í kringum áramótin. Vefsíðan justeat.is gerir notendum sínum auðvelt að panta sér mat frá veitingahúsum í borginni, og býður jafnframt upp á heimsendingarþjónustu.

Skáldað íslenskt sakamál

Spennumyndin Köld slóð verður frumsýnd á morgun. Myndin er fyrsta kvikmynd leikstjórans Björns Brynjúlfs Björnssonar í fullri lengd en hún fjallar um blaðamann sem flækist óvænt í morðmál sem snertir fortíð hans. Björn samdi söguna en Kristinn Þórðarson skrifaði handritið og þeir félagar unnu verkið náið saman og tóku sér fjögur ár í handritsvinnuna.

Rocky slær frá sér

Þrátt fyrir hrakspár, háð og spott getur Sylvester Stallone vel við unað með gengi sjöttu myndarinnar um boxarann sjónumhrygga Rocky Balboa, sem ekki aðeins laðar fjöldann að heldur fær fína dóma ofan í kaupið.

Sögur af konum - Ein stjarna

Eru Selma og Hansa poppstjörnur? Selma var það vissulega. Báðar eru þær kraftmiklar söngkonur, ráða við blæbrigði í túlkun, geta auðveldlega tekist á við flutninginn í flóknum línum, falla ágætlega saman í tvísöng. Það safn sem hér er á ferðinni er sett saman á svipuðum nótum og diskur Ásgerðar Júníusdóttur fyrir fáum árum: lög kvenna við ljóð kvenna. Ekki slæm endurtekning á góðri hugmynd.

Minning um James Brown

James Brown - dægurlagasöngvari, hljómsveitarstjóri og áhugamaður um framgang og þróun tónlistar svartra Bandaríkjamanna um áratugaskeið, lést snemma á jóladag eftir hjartaáfall á Emory Crawford Long-sjúkrahúsinu í Atlanta. Brown var lagður inn á laugardag með lungnabólgu.

Meistari í snörun

Leikarinn Kiefer Sutherland, sem hefur farið á kostum í þáttaröðinni 24, varð tvívegis Bandaríkjameistari í kúrekasnörun árið 1998. Á þessum tíma hafði hann tekið sér frí frá kvikmyndaleik og ákvað að rifja upp gamla takta á hestbaki.

Lyginni líkast

Kvikmyndin Stranger Than Fiction með Will Ferell, Emmu Thompson og Dustin Hoffman í aðalhlutverkum verður frumsýnd hér á landi á nýársdag. Hér segir frá skattheimtumanninum Harold Cricket (Ferrell) hvers tilveru er kollvarpað þegar hann byrjar að heyra kvenmannsrödd lýsa öllum hans gjörðum í minnstu smáatriðum og til að bæta gráu ofan á svart lýsir hún því að dauði hans sé yfirvofandi.

Kate Moss og Doherty gifta sig á morgun

Líklegt er talið að fyrirsætan Kate Moss muni loksins ganga að eiga vandræðagemsann Pete Doherty í þessari viku. Breska blaðið Daily Mail greinir frá því að Doherty, sem er 27 ára, hafi sagt félögum sínum í hljómsveitinni Babyshambles að taka frá dag til að geta mætt í brúðkaupið. Hjónavígslan fer fram á borgarskrifstofunni í Fulham.

Dætur hússins - Tvær stjörnur

Thérése og Léonie hittast aftur eftir tuttugu ára aðskilnað. Mæður þeirra voru systur sem bjuggu undir sama þaki eftir að móðir Thérése veiktist af sjúkdómi sem dró hana á endanum til dauða. Þá var móðir Léonie þegar orðin ekkja. Ytri rammi sögunnar fjallar um þann tíma, einkum unglingsárin, áður en Thérése gengur í klaustur. Ekki þó þannig að þær rifji upp þann tíma, heldur gerir sögumaður það.

Framtíð mannkyns í húfi

Kvikmyndin Children of Men, eða Mannanna börn, með Clive Owen og Julianne Moore í aðalhlutverkum verður frumsýnd annað kvöld í Sambíóunum. Um er að ræða spennutrylli sem gerist í náinni framtíð, árið 2027 nánar tiltekið.

Enginn saknar áramótaávarpsins

„Ég hef ekki orðið var við þann söknuð,“ segir Páll Magnússon útvarpsstjóri. Í stjórnartíð hans í Efstaleiti hefur hið umdeilda áramótaávarp verið lagt af og þykir sumum það miður.

Trump er miiiikill ættjarðarvinur

Auðkýfingurinn Donald Trump hefur höfðað mál á hendur bænum Palm Beach í Florida vegna stefnu sem hann fékk fyrir að hafa of stóran bandarískan fána við klúbb sem hann á í bænum. Trump krefst tíu milljóna dollara í skaðabætur.

Ekki enn smitast af fálkaveikinni

Þorkell Harðarson og Örn Marinó Arnarson vinna þessa dagana að heimildarmynd um samskipti manns og fálka í gegnum aldirnar. „Í meira en fjögur þúsund ár hefur maðurinn látið heillast af fálkum.

Bubbi syngur með ungum rappara

„Hann sýndi á sér skemmtilega hlið, það er engin spurning. Ég er allavega ánægður með útkomuna og býst við að þetta eigi eftir að vekja nokkra athygli," segir Sævar Daníel Kolandavelu, rapparinn Poetrix, sem fékk sjálfan Bubba Morthens til að syngja í einu lagi á væntanlegri plötu sinni.

Berbrjósta í viðtali

Það er erfitt að vera stjarna og vera stöðugt undir smásjá fjölmiðla, eins og Britney Spears fékk að reyna um daginn eftir að hún fór nærbuxnalaus á djamm-ið. Stjörnurnar þurfa yfirleitt að passa vel upp á klæðaburðinn, því eitthvað jafn venjulegt og smávægilegir svitablettir verða að heimsfréttum í þeirra tilfelli.

Alvarlega hipp í Safni

Haldið er áfram á þeirri braut sem Safn á Laugaveginum í Reykjavík lagði inn á fyrir nokkru að halda gerninga/sýningar í gluggum gamla Faco á Laugaveginum. Á morgun verður fluttur metnaðarfullur dansgjörningur Safns þar og verður aðeins fluttur einu sinni, kl. 18.

Hemmi víkur fyrir Loga

„Við erum ekki að blása af Hermann Gunnarsson og Í Sjöunda himni. Logi Bergmann Eiðsson og spurningaþáttur hans Meistarinn mæta til leiks í febrúar og taka við af þættinum,“ segir Heimir Jónasson, dagskrárstjóri Stöðvar 2.

Bakkynjur - Þrjár stjörnur

Gefum okkur að tvö þúsund og fimm hundruð ára leiktexti rati beint í hjarta okkar tíma, álitaefni um uppreisn kvenna gegn valdi karla gildi enn; ölvun og æði kvenna á opinberum svæðum við borgarmúrana eigi sér einhverja samsvörun í okkar tíðaranda; gamlir menn láti enn heillast af tískubylgjum og gangi á fjöll skreyttir blómum; sterkir valdsmenn láti heillast af ungum stæltum skrokkum karlmanna jafnt sem mjúkum línum þeirra óreyndu; í heimi okkar takist enn á sundrungaröfl lausungarinnar og ábyrg afstaða hlýðni og heilinda.

Rowling afhjúpar titilinn

Sjöunda og síðasta bókin um galdrastrákinn Harry Potter mun heita Harry Potter and the Deathly Hallows. Þykir titillinn vísa í myrkt umfjöllunarefni lokabókarinnar. Enn á eftir að finna íslenskan titil á bókina.

Söknuður - 4 stjörnur

Söknuður hefur að geyma nýjar upptökur af nokkrum af þekktustu lögum Jóhanns Helgasonar. Ágæt plata sem sýnir að Jóhann er ekki bara öndvegis lagasmiður. Hann er líka frábær söngvari.