Gaf ömmu sinni viagra

Sjónvarpskokkurinn frægi Jamie Oliver er líka mikill brandarakarl að eigin sögn og nýtir jólagjafirnar til að ganga fram af fólki. Á síðustu jólum gaf hann ömmu sinni Viagra, eða því sem næst. Hann keypti viagra í apóteki en skipti bláu pillunum út fyrir Smarties.

Að sögn Olivers varð amma hans svo frekar vonsvikin þegar hún áttaði sig á því að þar var um að ræða sælgæti. Oliver hefur jafnframt gefið pabba sínum, sem er sköllóttur, krem til að örva hárvöxt og læðir yfirleitt dónabröndurum með í pakkann til tengdamóður sinnar, sem að hans sögn er nokkur tepra.