Gyorgy Ligeti látinn

Gyorgy Ligeti, tónskáldið austurríska sem samdi meðal annars tónlistina við kvikmyndina 2001: A Space Odyssey, er látinn, 83 ára að aldri. Ligeti var talinn mikill frumkvöðull á sínu sviði og þótti tónlist hans afar framúrstefnuleg á sínum tíma.

Gárur á vegg

Ljósmyndasafn Reykjavíkur opnar sýningu á ljósmyndum Vigfúsar Birgissonar í Skotinu á fimmtudaginn kl.16. Ljósmyndunum, sem sýna yfirborð sjávar, verður varpað úr skjávarpa á 150x190 cm stóran vegg.

Eminem í vestra?

Bandaríski rapparinn Eminem mun hugsanlega taka að sér hlutverk í vestranum Have Gun, Will Travel.

Drengur í heiminn

Gamanleikarinn Jack Black og eiginkona hans Tanya Haden eignuðust sitt fyrsta barn á dögunum. Var það heilbrigður drengur sem kom í heiminn. „Ég ætla að vera besti pabbi í heimi og ég ætla að taka þátt í keppninni um besta pabbann í heiminum. Síðan ætla ég að vinna hana,“ sagði Black. „Konan er heima í rólegheitunum og ég get ekki beðið eftir því að koma heim,“ sagði hann á frumsýningu kvikmyndarinnar Nacho Libre.

Damon orðinn pabbi

Leikarinn góðkunni Matt Damon og eiginkona hans Luciana Bozan eignuðust sitt fyrsta barn á dögunum, stúlku sem hefur fengið nafnið Isabella. Nýbökuðu foreldrarnir giftu sig í desember árið 2005.

Fréttir af fólki

Um fimmtán þúsund manns skemmtu sér vel á tónleikum Roger Waters, fyrrum forsprakka Pink Floyd, í Egilshöll í fyrrakvöld. Í áhorfendaskaranum sást til söngkonunnar knáu Birgittu Haukdal, auk þess sem útvarpskonan Andrea Jónsdóttir, kokkurinn Siggi Hall, Jói í Idol og tónlistarspekúlantinn Skúli Helgason voru öll mætt til að hlýða á kappann. Má telja ólíklegt að þau hafi orðið fyrir vonbrigðum með það mikla sjónarspil sem boðið var upp á.

Tælandi taílensk hátíð

Taílendingar sem og Íslendingar lögðu leið sína í Ráðhús Reykjavíkur á laugardag í tilefni af 60 ára valdaafmæli Taílandskonungs, hans hátignar Bhumibol Adulayadej.

Todmobile á Nasa

Hljómsveitin Todmobile heldur tónleika á Nasa á föstudagskvöld. Todmobile er nú að undirbúa nýja plötu sem væntanleg er í haust. Verður það fyrsta plata sveitarinnar með nýju efni í tíu ár. Síðast gaf hún út plötu þar sem hún spilaði með Sinfóníuhljómsveit Íslands. Aðdáendur sveitarinnar fá forsmekk af nýju plötunni þegar lag af henni byrjar að hljóma á útvarpsstöðvum í júlí.

Skuggaleg fortíð eða lygi?

News of the World birti í sunnudagsblaði sínu frétt um að fyrrverandi eiginkona Paul McCartney, fyrirsætan Heather Mills, hefði verið vændiskona og þjónað arabískum prins og alræmdum vopnasala. Mills neitar staðhæfingum blaðsins í yfirlýsingu sem barst breskum fjölmiðlum í gær.

Sigur Rós heiðruð

Myndband við lag Sigur Rósar, Glósóli, var valið besta rokkmyndbandið á Sköpunar- og hönnunarverðlaununum sem voru afhent í Hammersmith Palais í London á dögunum.

Í Sviss með Zutons

Hljómsveitin Ampop er nýkomin heim úr tónleikaferðalagi þar sem hún hitaði meðal annars upp fyrir ensku sveitina The Zutons á tvennum tónleikum í Sviss.

Okkar rómantíska fortíð

Á sumarsýningu Minjasafnsins á Akureyri geta gestir fræðst um brúðkaup að fornu og nýju. Sýningin Ef þú giftist geymir forvitnilega muni og myndir, þar á meðal elstu áletruðu ástarjátninguna sem fundist hefur hérlendis.

Ham á Nasa

Rokksveitin Ham heldur tónleika á Nasa fimmtudaginn 29. júní ásamt hljómsveitinni 9/11"s. Ham lagðist í dvala eftir tónleika í Tunglinu árið 1994. Eftir það kom sveitin aftur saman þegar hún hitaði upp fyrir Rammstein í Laugardalshöllinni fyrir fimm árum auk þess sem hún spilaði á Hætta-tónleikunum í Höllinni þann 7. janúar síðastliðinn.

Getur ekki toppað Hótel Tindastól

Enski gamanleikarinn John Cleese er hættur að semja og leika í gamanþáttum vegna þess að hann telur sig ekki geta toppað hina vinsælu þáttaröð Fawlty Towers, eða Hótel Tindastóll.

Fjörugur bryggjudagur

Á laugardag buðu íbúar og fyrirtæki við Kópavogshöfn íbúum Kópavogs og öðrum nágrönnum sínum til mikillar bryggjuhátíðar. Hátíðin hófst á tónlistardagskrá með skólahljómsveit Kópavogs og ræðu sem bæjarstjórinn, Gunnari Birgisson, hélt.

Atriði klippt út í Kína

Kvikmyndaeftirlitið í Kína hefur klippt út nokkur atriði í hasarmyndinni Mission Impossible III vegna ofbeldis og menningarlegra tilvísana. Í myndinni er Shanghæ lýst sem niðurníddri og fátækri borg og það kunnu yfirvöld í Kína ekki að meta.

Allir geta lært að syngja

Söngkonan Ingveldur Ýr hefur kennt ungum sem öldnum að syngja og beita rödd sinni rétt. Í sumar heldur hún námskeið fyrir unglinga og fullorðna þar sem jafnvel þeir sem hljóma eins og laglausir gaularar geta lært að syngja.

Bætist við dagskrá Iceland Airwaves 2006

Fjöldi listamanna bætast við dagskrá Iceland Airwaves 2006. Má þar nefna Daníel Ágúst, Jagúar, Eberg, Seabear, Fræ, Jeff Who? og 15 aðra listamenn

Guðni, Einar Oddur og Helgi Hjörvar

Margt góðra gesta verður í þættinum Pressan á NFS á morgun, sunnudag. Róbert Marshall umsjónarmaður fær til sín Guðna Ágústsson, Einar Odd Kristjánsson og Helga Hjörvar. Ennfremur ræða blaðamennirnir Pétur Gunnarsson, Haukur Holm, Björg Eva Erlendsdóttir og Arna Schram tíðindi liðinnar viku.

Bryggjudagur í Kópavogi á morgun

Íbúar og fyrirtæki við Kópavogshöfn hafa ákveðið að bjóða Kópavogsbúum og öðrum nágrönnum sínum til bryggjuhátíðar á morgun laugardaginn 10. júní nk.

Góð garðsláttuþjónusta á Seltjarnarnesi

Þorgrímur Sólon Þorgrímsson, 15 ára Nesbúi hefur nú annað starfsár sitt við Garðsláttuþjónustu á Seltjarnarnesi. Hann hjólar um nesið með sláttuvél og orf í eftirdragi og býður garðslátt gegn vægri greiðslu.

Bryggjudagur við Kópavogshöfn á morgun

Svokallaður Bryggjudagur verður haldinn í fyrsta sinn í Kópavogi á morgun. Það eru íbúar og fyrirtæki sem eru í nágrenni hafnarinnar sem standa fyrir viðburðinum en markmiðið er að vekja athygli Kópavogsbúa og nágranna þeirra á höfninni og nágrenni hennar.

Ægisborg 25 ára í dag

Leikskólinn Ægisborg heldur uppá 25 ára afmælið sitt í dag 9. júní. Í tilefni dagsins verður efnt til hátíðar í skólanum sem hefst kl.15:00 og stendur til kl.17:00.

REYKJAVIK.COM og REYKJAVIKMAG

Föstudagsflipp í dag í miðborginni

Fyrsta Föstudagsflipp sumarsins hefst í dag í miðborg Reykjavíkur þar sem að Skapandi sumarhópar Hins Hússins munu bera á borð , listir menningu og önnur fíflalæti frá kl: 13:00.-15:00. Það er búið að panta sól og blíðu og því von á miklu stuði í miðbænum í dag.

Sirrý snýr aftur á skjáinn

Næstkomandi sunnudag, 11. júní, hefur göngu sína nýr viðtalsþáttur í umsjá Sigríðar Arnardóttur - eða Sirrýjar. Þátturinn hefur fengið nafnið Örlagadagurinn.

Ný útvarpsstöð í loftið á Akureyri

VOICE er ný útvarpsstöð sem fer í loftið klukkan 09:06 föstudaginn 9.júní. Markhópur stöðvarinnar er 18-35 ára og er útsendingarsvæðið Akureyri og nágrenni.

Dagur hinna villtu blóma

Þann 18. júní næstkomandi verður haldið upp á dag hinna villtu blóma á öllum Norður¬löndunum. Þá verður efnt til tveggja tíma blómaskoðunar á 13 stöðum vítt og breitt um landið, með leiðsögn plöntufróðra manna.

Mögnuð tónlistarveisla í Reykjavík

Hin nýafstaðna Reykjavík Trópík tónleikahátíð var með eindæmum skemmtileg og virkilega góð ára yfir hátíðinni. Hálf fasískir tilburðir lögreglunnar í Reykjavík til þess að bæla hana niður voru hins vegar skammarlegir, tilllits­lausir og hrokafullir.

Urtan Kobba kæpti í nótt

Í nótt kæpti urtan Kobba og heilsast móður og afkvæmi vel. Særún kæpti 5. júní síðast liðinn og er Kobba því önnur urtan í Húsdýragarðinum sem búin er að kæpa. Faðirinn er selurinn Snorri en fyrir á hann urtuna Esju sem mun ekki gegna neinu sérstöku hlutverki við uppeldi systkina sinna nema helst að kenna þeim skemmtileg sundtök í lauginni.

Tónleikar Sinfóníuhljómsveitar Íslands í kvöld

Sigrún Eðvaldsdóttir leikur nýjan fiðlukonsert eftir Áskel Másson Sjostakovitsj-hringurinn heldur áfram og nú er komið að 11. sinfóníunni

Silvía Nótt tekur upp plötu

"Já, ég get staðfest það að Silvía Nótt er að taka upp plötu en ég get ekki sagt mikið meira en það," segir Gaukur Úlfarsson, umboðsmaður Silvíu Nætur. Lítið hefur heyrst frá Silvíu eftir að hún fór fyrir Íslands hönd í Eurovision á dögunum en eftir það skellti hún sér í frí á eyjunni Mýkonos.

Ökukeppni á vinnutækjum

Í síðustu viku fór fram Norðurlandamót í ökuleikni á vinnutækjum sem notuð eru í álverum. Keppnin fór fram á lóð Álversins við Straumsvík og mættu starfsmenn níu álvera frá Íslandi, Svíþjóð og Noregi til leiks.

Ætlar að slá heimsmet

Englendingurinn Roger Field stefnir að því að verða sú persóna sem fær mesta umfjöllun í dagblöðum og tímaritum víðsvegar um heim. Roger fékk hugmyndina eftir að hann hitti Arnold Schwarzenegger árið 1968 í Munchen áður en hann fluttist til Bandaríkjanna og sló í gegn sem kvikmyndastjarna.

Þröngskífa frá Changer

Rokksveitin Changer hefur gefið út þröngskífuna Breed the Lies sem hefur að geyma fjögur lög. Changer hefur áður gefið út tvær breiðskífur og eina þröngskífu síðan hún var stofnuð árið 1999.

Veit hvað hann syngur

Paul Smith var aðeins 15 ára gamall þegar hann hóf störf í tískuheiminum. Smith byrjaði sem sendill í vöruhúsi en hefur jafnt og þétt unnið sig uppá við, svo hægt sé til orða tekið. Hann er í dag meðal fremstu hönnuða Bretlands, þekktur fyrir vandaða og flotta vöru.

Útrás íslenskra listamanna

Íslendingar eru áberandi bæði í Kaupmannahöfn og London um hvítasunnuhelgina. Fjöldi íslenskra hönnuða tekur þátt í hönnunarsýningu í London sem kallast Grand design.

Tvöfalt frá Mannakornum

Hljómsveitin Mannakorn gefur út plötuna Ekki dauðir enn á næstunni. Á plötunni, sem tvöföld, eru upptökur frá þrjátíu ára afmælistónleikum sveitarinnar í Salnum í Kópavogi þar sem fjögurra manna strengjasveit var henni til halds og trausts. Bæði eru gömul og ný lög með Mannakornum á plötunni. Þetta er fyrsta platan sem Sögur útgáfa gefur út.

Syndafall í stiganum

Nýjasti bar bæjarins, Barinn við Laugaveg 22, skartar skemmtilegum veggskreytingum sem vakið hafa ómælda eftirtekt gesta. Listamennirnir sem heiðurinn eiga af verkunum heita Guðmundur Hallgrímsson og Friðrik Svanur Sigurðarson, betur þekktir sem Mundi og Morri, en þeir nema báðir grafískra hönnun við Listaháskóla Íslands.

Sveitamarkaður í sláturhúsi

Í sumar verður starfræktur sveitamarkaður í gamla sláturhúsinu við Laxá í Leirársveit. Markaðurinn verður opinn alla sunnudaga í sumar frá kl. 13-18. Fyrsti opnunardagur er um helgina en hann lendir reyndar á laugardegi.

Sextíu aukalög frá Bubba

Í tilefni af fimmtugsafmæli Bubba Morthens þann 6. júní munu Íslenskir tónar gefa út níu af fyrstu sólóplötum Bubba í veglegum afmælisbúningi þennan sama dag.

Orðinn frískur

Keith Richards, gítarleikari Rolling Stones, hefur náð fullum bata eftir að hafa gengist undir heilaskurðaðgerð á dögunum. Stones hefja tónleikaferð sína um Evrópu í Mílan þann 11. júlí næstkomandi en ferðin átti upphaflega að hefjast í Barcelona fyrir viku síðan

Oasis á toppnum

Fyrsta plata ensku hljómsveitarinnar Oasis, Definitely Maybe frá árinu 1994, hefur verið kjörin besta plata allra tíma. Um 40 þúsund tónlistaráhugamenn tóku þátt í valinu sem tímaritin NME og British Hit Singles and Albums stóðu fyrir.

Ný myndasaga hefur göngu sína

Eins og glöggir lesendur Fréttablaðsins tóku eftir í morgun hefur myndasagan Pú&Pa verið kvödd. Í staðin er komin verðlaunasagan Handan við hornið eða Insanity Streak eftir Tony Lopes.

Lánað tónlist í fjörtíu ár

Í árslok verða fjörutíu ár ár liðin frá því að tónlistardeild Bókasafns Hafnarfjarðar hóf að lána út plötur. Deildin, sem sú stærsta sinnar tegundar, var lengi vel sú eina sem gerði slíkt á íslensku almenningsbókasafni.