Haukar upp að hlið Stjörnunnar

Haukar eru komnir upp að hlið Stjörnunnar á toppi N1 deildar karla í handbolta eftir 26-23 sigur á HK í kvöld. Þá vann Akureyri öruggan útisigur á ÍBV í uppgjöri botnliðanna 35-26. Nánar verður fjallað um leikina í fyrramálið.

Stjarnan á toppnum í N1 deild kvenna

Tveir leikir fóru fram í N1 deild kvenna í handbolta í kvöld. Valur vann nauman sigur á Haukum 26-25 í Vodafone höllinni og Stjarnan lagði Gróttu 22-20 á útivelli. Valur og Fram eru jöfn að stigum í 2.-3. sæti deildarinnar með 12 stig, stigi minna en topplið Stjörnunnar. Grótta er svo í fjórða sætinu með 9 stig og Haukar hafa 6 stig í fimmta sætinu.

Valssigur í Safamýri

Valsmenn lögðu Framara á útivelli í kvöld 27-25 í stórleik í N1 deildinni. Góð stemning var í Safamýrinni og leikurinn fjörugur og skemmtilegur.

Frestað í Eyjum

Tveir leikir verða í N1 deild karla í handbolta í kvöld. Upphaflega áttu þeir að vera þrír en leik ÍBV og Akureyrar hefur verið frestað til morguns vegna ófærðar til Vestmannaeyja.

Bikarmeistararnir fengu HK

Í dag var dregið í sextán liða úrslit í karlaflokki í bikarkeppni HSÍ sem ber nú heitið Eimskipsbikarinn. Það verður stórleikur í Garðabænum þegar núverandi bikarmeistar Stjörnunnar fá HK í heimsókn.

Halldór Jóhann til Fram

Halldór Jóhann Sigfússon hefur samið við Fram til næstu þriggja ára eftir að hafa fengið sig lausan frá TuSEM Essen í Þýskalandi.

Fram á toppinn

Framstúlkur skelltu sér á toppinn í N-1 deild kvenna í handbolta í dag með sigri á Val 23-22 í æsilegum leik þar sem Sigurbjörg Jóhannsdóttir skoraði sigurmarkið nokkrum sekúndum áður en flautað var til leiksloka. Þá vann HK auðveldan sigur á Akureyri fyrir norðan 36-26.

Ísland vann nauman sigur á Ungverjum

Íslenska landsliðið í handknattleik lagði Ungverja í síðari æfingaleik liðanna í handbolta á Ásvöllum í dag. Sigurinn var naumur en það var Róbert Gunnarsson sem skoraði sigurmarkið skömmu fyrir leikslok.

Ísland tapaði fyrir Ungverjum

Ungverjaland vann Ísland, 23-17, í vináttulandsleik í Laugardalshöllinni í kvöld. Leikurinn var ekki upp á marga fiska eins og tölurnar gefa til kynna.

Níu mörk Snorra dugðu skammt

Snorri Steinn Guðjónsson skoraði níu mörk fyrir lið sitt GOG Svendborg í dönsku úrvalsdeildinni í gær, en það dugði liðinu ekki til sigurs gegn Silkeborg. GOG tapaði leiknum 35-31 og skoraði Ásgeir Örn Hallgrímsson 3 mörk fyrir GOG.

Ísland tapaði öllum leikjunum

Ísland tapaði í morgun fyrir Spáni, 29-20, í leik um 5. sætið á æfingamóti sem fór fram í Hollandi í vikunni.

22 marka sigur Ciudad Real

Ólafur Stefánsson skoraði sjö mörk þegar Ciudad Real vann risasigur á Teka Cantabria í spænsku úrvalsdeildinni í handbolta í gær.

Kastaði í andlit markvarðarins og fékk rautt

Sigurður Bragason, leikmaður ÍBV, fékk að líta rauða spjaldið í leik Vals og ÍBV í dag fyrir að kasta boltanum í andlit Pálmars Péturssonar, markvarðar Vals, í vítakasti.

Arnór og félagar á toppnum

FC Kaupmannahöfn kom sér í þriggja stiga forystu á toppi dönsku úrvalsdeildarinnar í handbolta með sigri á TMS Ringsted í dag.

Ísland tapaði fyrir Spáni

Íslenska kvennalandsliðið í handbolta tapaði sínum þriðja leik í röð á æfingamóti í Hollandi. Í þetta sinn fyrir Spáni, 30-19.

Stjörnusigur á Akureyri

Stjarnan vann þriggja marka sigur á Akureyri, 29-26, norðan heiða í fyrri leik dagsins í N1-deild karla.

Lemgo lagði Gummersbach

Lemgo gerði sér lítið fyrir og lagði Gummersbach á útivelli, 30-27, í þýsku úrvalsdeildinni í handbolta.

Sigurður með fimm og Sturla eitt

Tvö Íslendingalið mættust í dönsku úrvalsdeildinni í handbolta í gær. Århus vann fjögurra marka sigur á Skanderborg, 26-22.

Bjarni með fjögur í sigurleik

Bjarni Fritzson skoraði fjögur mörk fyrir St. Raphael í frönsku úrvalsdeildinni í handbolta í gær. Liðið bar sigurorð af Villefranche, 34-31.

Hreiðar með stórleik í Íslendingaslagnum

Hreiðar Levý Guðmundsson átti góðan leik í marki Sävehof sem vann sex marka sigur á HK Malmö, 29-23.

Þétt á toppnum í N1 deildinni

Þrjú lið eru efst og jöfn toppi N1 deildarinnar í handbolta eftir leiki kvöldsins. Haukar lögðu Aftureldingu 30-24 í Mosfellsbænum í kvöld og eru á toppnum ásamt Fram og HK, en Kópavogsliðið vann í kvöld góðan sigur á Fram 26-24 í hörkuleik í Digranesi.

Þórir skoraði tvö í tapleik

Þórir Ólafsson skoraði tvö mörk í kvöld þegar lið hans Lubbecke tapaði 32-26 fyrir Grosswallstadt í þýsku úrvalsdeildinni. Birkir Ívar Guðmundsson varði 7 skot í marki Lubbecke, þar af þrjú vítaköst. Liðið er í þriðja neðsta sæti deildarinnar með fimm stig.

HSÍ vildi fá Alfreð í fullt starf

Alfreð Gíslason landsliðsþjálfari sagði í samtali við þýska dagblaðið Kölner Express að HSÍ vilji ráða hann í fullt starf.

Ísland tapaði fyrir Japan

Íslenska kvennalandsliðið í handbolta tapaði fyrir því japanska á æfingamóti í Hollandi í dag, 31-24.

Björgvin og Magnús í landsliðið

Alfreð Gíslason landsliðsþjálfari í handbolta hefur valið landsliðshópinn sem mætir Ungverjum í tveimur æfingaleikjum að viku liðinni.

Halldór Jóhann tekinn af leikmannalista Essen

Þjálfari TuSEM Essen hefur tekið Halldór Jóhann Sigfússon af leikmannalista aðaliðs félagsins og æfir hann nú með varaliðinu.

Tveir leikir í N-1 deildinni í kvöld

Tveir leikir eru á dagskrá í N-1 deildinni í handbolta í kvöld. HK tekur á móti Fram í Digranesinu og þá eigast við Afturelding og Haukar í Mosfellsbæ. Fram er í efsta sæti deildarinnar með 9 stig og HK í þriðja með 7, svo það verður væntanlega hörkuleikur í Digranesinu í kvöld.

Enn tapar Elverum

Elverum tapaði í gær fyrir Runar, 35-30, í norsku úrvalsdeildinni í handbolta og Kragerö er enn stigalaust á botni deildarinnar.

GOG í annað sætið í Danmörku

GOG Svendborg vann sinn fjórða sigur í röð í dönsku úrvalsdeildinni í handbolta er liðið lagði Kolding á útivelli í gær, 30-28.

Ciudad Real enn með fullt hús stiga

Ólafur Stefánsson skoraði tvö mörk þegar Ciudad Real vann Granollers í Íslendingaslag í spænsku úrvalsdeildinni í gær.

Mikilvægur sigur Gummersbach

Róbert Gunnarsson skoraði átta mörk í tveggja marka sigri, 34-32, Gummersbach á Nordhorn í gær.

Loksins sigur hjá Íslandsmeisturunum

Valsmenn unnu í kvöld sinn fyrsta sigur í N-1 deild karla í handbolta þegar liðið skellti Akureyri 30-26 í Vodafonehöllinni. Valsmenn skutust upp fyrir Akureyri í töflunni með sigrinum og eru í 6. sæti með 3 stig eftir 5 umferðir.

Þriðji nýliðinn í hópinn

Breyting hefur orðið á landsliðshóp kvenna sem fer til Hollands nú í vikunni. Hanna G. Stefánsdóttir úr Haukum hefur dregið sig úr hópnum vegna meiðsla. Í stað hennar hefur Júlíus Jónasson landsliðsþjálfari valið Hildi Þorgeirsdóttur úr FH.

Róbert með þrjú í sigri Gummersbach

Þýska liðið Gummersbach vann í dag sigur á heimavelli sínum gegn Celje Lasko frá Slóveníu. Gummersbach hafði ágætis tök á leiknum allan tímann og vann á endanum 32-28.

Stjarnan vann Hauka örugglega

Haukar töpuðu sínum fyrsta leik í N1 deildinni í dag þegar þeir biðu lægri hlut fyrir Stjörnunni á heimavelli sínum. Stjarnan vann öruggan 37-30 sigur á Ásvöllum og komst upp í annað sæti deildarinnar.

Stórleikur á Ásvöllum í dag

Tveir leikir verða í N1 deild karla í handbolta í dag. Stórleikur verður á Ásvöllum þegar Haukar og Stjarnan eigast við. Í Vestmannaeyjum tekur ÍBV á móti HK og vonast til að ná í sín fyrstu stig. Báðir leikirnir hefjast klukkan 16.

Valur enn á toppnum

Valur er enn á toppi N-1 deildar kvenna í handbolta eftir leiki dagsins. Haukar lögðu Fylki í Árbænum 24-18, Grótta og Fram gerðu 21-21 jafntefli á Nesinu og Stjarnan lagði HK 24-18.

Valdimar með níu í naumum sigurleik

Valdimar Þórsson skoraði níu mörk þegar lið hans, HK Malmö, vann nauman útisigur á Lugi í sænsku úrvalsdeildinni í kvöld, 32-31.

Valur aftur á toppinn

Valur tyllti sér aftur á topp N1-deildar kvenna með fimmtán marka sigri á FH í kvöld, 35-20.

Fram á toppinn eftir öruggan sigur

Fram tyllti sér í toppsæti N1-deildar karla eftir öruggan sjö marka sigur á Aftureldingu, 28-21.

Flensburg tapaði óvænt á heimavelli

Þýska liðið Flensburg tapaði afar óvænt á heimavelli í kvöld fyrir Lublin, 33-32, í Meistaradeild Evrópu í kvöld.

Þrír frá ÍBV í bann og þjálfari áminntur

Aganefnd HSÍ hefur dæmt þrjá leikmenn ÍBV í mislöng leikbönn og áminnt Rúnar Sigtryggsson, þjálfara Akureyrar.

Snorri skoraði sjö mörk

Þrír leikir fóru fram í dönsku úrvalsdeildinni í handbolta í gærkvöld. Snorri Steinn Guðjónsson skoraði 7 mörk og Ásgeir Örn Hallgrímsson 4 þegar GOG vann auðveldan útisigur á botnliði Skandeborg. Sigurður Eggertsson skoraði eitt mark fyrir heimamenn.

Stjarnan vann Hauka í skrautlegum leik

Íslandsmeistarar Stjörnunnar unnu í kvöld Hauka í heldur skrautlegum leik í N1-deild kvenna.

Fjórða tap Gummersbach

Gummersbach tapaði sínum fjórða leik á tímabilinu í kvöld, í þetta sinn fyrir Hamburg. Leiknum lauk með fjögurra marka sigri Hamburg, 33-29.