GOG í annað sætið í Danmörku

GOG Svendborg vann sinn fjórða sigur í röð í dönsku úrvalsdeildinni í handbolta er liðið lagði Kolding á útivelli í gær, 30-28.

Þar með komst liðið í annað sæti deildarinnar og er nú tveimur stigum á eftir toppliði FC Kaupmannahafnar. Eftir slæma byrjun á mótinu hafa leikmenn GOG náð sér vel á strik en liðið er ríkjandi meistari í deildinni.

Snorri Steinn Guðjónsson skoraði fimm mörk fyrir GOG í gær og Ásgeir Örn Hallgrímsson þrjú.

Sex umferðum er lokið í dönsku úrvalsdeildinni.