Ronaldo vill fara til Real Madrid

Cristiano Ronaldo segist dreyma um að fara til Real Madrid þó svo að félag hans, Manchester United, hafi engan áhuga á að selja hann.

Glen Little til Portsmouth

Portsmouth hefur keypt vængmanninn Glen Little frá Reading. Little átti við meiðsli að stríða síðasta tímabil og lék aðeins tvo leiki.

Bocanegra kominn í Rennes

Bandaríski varnarmaðurinn Carlos Bocanegra hefur fundið sér nýtt lið. Hann er kominn til franska liðsins Rennes á frjálsri sölu.

Clichy framlengir við Arsenal

Arsenal hefur tilkynnt að vinstri bakvörðurinn Gael Clichy hafi skrifað undir nýjan langtímasamning við félagið. Þessi 22 ára leikmaður kom til Arsenal frá Cannes í heimalandi sínu, Frakklandi, árið 2003.

Aghahowa farinn frá Wigan

Julius Aghahowa hefur fengið sig lausan frá Wigan Athletic. Hann lék 20 leiki með Wigan án þess að ná að skora. Aghahowa er nígerískur og hefur skrifað undir samning við liðið Kayserispor í Tyrklandi.

Man City leikur á Oakwell

Knattspyrnusamband Evrópu hefur staðfest að Manchester City muni leika heimaleik sinn í forkeppni UEFA-bikarsins á Oakwell vellinum. Oakwell er heimavöllur Barnsley.

Samskipti eigenda Liverpool orðin betri

George Gillett, annar eiganda Liverpool, segir að samskipti sín við hinn eiganda félagsins, Tom Hicks, séu orðin mun betri en þau voru. Þeir tveir töluðust varla við um tíma eftir ágreining sem kom upp fyrr á þessu ári.

Átta ensk félög keypt á 244 milljarða frá 2003

Á undanförnum fimm árum hafa erlendir aðilar keypt átta ensk úrvalsdeildarfélög fyrir samtals 244 milljarða króna. Það gera 1541 milljónir punda.

McClaren ráðinn til Twente

Hollenska úrvalsdeildarliðið Twente hefur ráðið Steve McClaren sem þjálfara liðsins. McClaren er fyrrverandi landsliðsþjálfari Englands en hann skrifaði undir samning til tveggja ára.

Markmið West Ham að lækka launakostnað

Ásgeir Friðgeirsson, varaformaður enska úrvalsdeildarfélagsins West Ham, segir í samtali við Vísi að það sé markmið félagisns að minnka hlutfall launakostnaðar af heildarútgjöldum félagsins.

United ítrekar að Ronaldo sé ekki til sölu

Manchester United hefur ítrekað að Cristiano Ronaldo sé ekki til sölu. Ronaldo er í fyrirsögnum um allan heim þar sem Real Madrid sækist hart eftir þjónustu hans.

Aukinn launakostnaður þungur baggi á West Ham

Þó svo að tekjur West Ham hafi minnkað um nærri tvær milljónir punda á milli ára jókst launakostnaður félagsins um tæpar þrettán milljónir.

Ronaldo enn óákveðinn

Cristiano Ronaldo er enn óákveðinn með framtíð sína en hann sagði frekari frétta að vænta eftir nokkra daga.

Ince tekur við Blackburn

Paul Ince verður ráðinn knattspyrnustjóri Blackburn eftir því sem heimildir fréttastofu BBC herma.

Engin sjónvarpstæki hjá varamannaskýlunum

Stjórn ensku úrvalsdeildarinnar hefur ákveðið að banna notkun sjónvarpstækja við varamannaskýlin í leikjum deildarinnar.

Beðið eftir Ronaldo

Forráðamenn Real Madrid segjast bíða eftir því að Ronaldo lýsi yfir áhuga sínum að leika með félaginu áður en það fer í samningaviðræður við Manchester United.

Milan: Adebayor eða enginn

Adriano Galliani, varaforseti AC Milan, segir að félagið sé aðeins á höttunum eftir Emmanuel Adebayor hvað sóknarmenn varðar. Ef ekki hann þá mun félagið ekki kaupa sóknarmann í sumar.

Diarra vill vera áfram hjá Portsmouth

Lassana Diarra hefur sagt að hann vilji vera áfram í herbúðum Portsmouth en hann hefur vakið áhuga annarra liða, til að mynda Manchester City.

Barcelona staðfestir áhuga sinn á Hleb

Barcelona hefur staðfest að félagið eigi í viðræðum við Arsenal um kaup á Hvítrússanum Alexander Hleb.

Nasri búinn að semja við Arsenal

Samir Nasri hefur náð samkomulagi við Arsenal um fjögurra ára samning. Nasri er tvítugur franskur leikmaður og kemur frá Marseille í heimalandinu.

Riise kominn til Roma

Vinstri bakvörðurinn John Arne Riise er genginn til liðs við ítalska liðið Roma. Frá þessu er greint á vefsíðu félagsins en Roma kaupir Riise á fjórar milljónir punda frá Liverpool.

Jo í eigu þriðja aðila

Það verður flóknara fyrir Manchester City að krækja í brasilíska sóknarmanninn Jo en ráð var gert fyrir. Ástæðan er sú að Jo er að hluta í eigu Kia Joorabchian, mannsins sem átti Carlos Tevez.

Galliani segir ómögulegt að keppa við City

Adriano Galliani segir ómögulegt að geta boðið jafn vel og Manchester City hefur boðið Ronaldinho í laun.

Hicks: Torres er ómissandi

Tom Hicks, annar eiganda Liverpool, segir að Fernando Torres sé algjörlega ómissandi í liði félagsins.

Kaka vill ekki fara til Chelsea

Kaka segist engan áhuga á að yfirgefa herbúðir AC Milan en hann hefur sterklega verið orðaður við Chelsea.

Sidwell á leið til Aston Villa

Aston Villa hefur samþykkt að greiða 4,5 milljónir punda fyrir Steve Sidwell, leikmann Chelsea.

Portsmouth ætlar að byggja nýjan leikvang

Enska úrvalsdeildarfélagið Portsmouth ætlar á næsta ári hefja framkvæmdir á nýjum leikvangi sem mun taka 36 þúsund manns í sæti.

United fylgist með miðjumanni Schalke

Jermaine Jones, miðjumaður Schalke, hefur verið undir smásjá Manchester United samkvæmt þýskum fjölmiðlum. Jones er 26 ára og segist mjög stoltur af áhuga United.

Porto fær að vera með

Porto, portúgölsku meistararnir, munu fá að taka þátt í Meistaradeild Evrópu næsta tímabil. Þetta staðfesti UEFA, knattspyrnusamband Evrópu, í fréttatilkynningu.

Tjáir sig eftir EM

Cristiano Ronaldo ætlar ekkert að tjá sig um framtíð sína fyrr en eftir EM. Hann hefur verið sterklega orðaður við Real Madrid sem hyggst gera Manchester United risatilboð.

Park missir af Ólympíuleikunum

Park Ji-Sung, miðjumaður Manchester United, mun ekki vera með Suður-Kóreu á Ólympíuleikunum vegna meiðsla á hné. Þessi 27 ára leikmaður átti að vera einn af þremur yfir 23 ára mönnum í hópi Suður Kóreu.

Muamba til Bolton

Bolton hefur keypt miðjumanninn Fabrice Muamba frá Birmingham og hefur hann gert fjögurra ára samning við félagið. Muamba er U21 árs landsliðsmaður og lék með Birmingham síðasta vetur.

Lampard efstur á óskalista Inter

Ítalíumeistarar Inter hafa gefið út að miðjumaðurinn Frank Lampard sé efstur á óskalista félagsins í sumar. Þetta staðfesti Massimo Moratti, forseti Inter.

FIFA ætlar ekki að bregðast við

FIFA, alþjóða knattspyrnusambandið, staðfestir að hafa fengið kvörtun frá Manchester United vegna Real Madrid. FIFA segist þó ekki hafa nokkrar sannanir um að Real Madrid hafi brotið einhver lög og mun því ekki bregðast við.

Hættir Ferguson ef United selur Ronaldo?

The Telegraph heldur því fram í dag að Sir Alex Ferguson, knattspyrnustjóri Manchester United, gæti hætt ef félagið ákveður að selja Cristiano Ronaldo.

Riise sagður á leið til Roma

Breska blaðið Guardian fullyrðir að ítalska stórliðið Roma hafi komist að samkomulagi við Liverpool um kaup á norska landsliðsmanninum John Arne Riise.

United hefur titilvörn gegn Newcastle

Englandsmeistarar Manchester United hefja titilvörn sína á komandi keppnistímabili gegn Newcastle á Old Trafford. Þetta var kunngjört í morgun í kjölfar þess að dregið var í umferðir næsta vetrar.

Bentley vill fara í stærra félag

David Bentley segir í samtali við Sky fréttastofuna að hann vilji fara frá Blackburn og í stærra félag. Bentley hefur verið í herbúðum Blackburn síðan 2005.

Stóri-Sam vill snúa aftur

Sam Allardyce vill ólmur snúa aftur í boltann og biðlar til stjórnarformanna í ensku úrvalsdeildinni að gefa honum tækifæri. Allardyce hefur verið án starfs síðan hann var rekinn frá Newcastle í janúar.

Boston getur tryggt sér titilinn

Boston getur tryggt sér NBA-meistaratitilinn í kvöld takist liðinu að sigra LA Lakers í fimmtu úrslitaviðureign liðanna. Staðan í einvíginu er 3-1 fyrir Boston.

United reynir aftur við Berbatov

Sir Alex Ferguson hyggst gera nýja tilraun til að krækja í búlgarska sóknarmanninn Dimitar Berbatov sem leikur með Tottenham. Manchester United hyggst bæta sóknarmanni í hópinn í sumar.

Villa gæti vel hugsað sér að fara til Liverpool

Spænski sóknarmaðurinn David Villa segist vel geta hugsað sér að leika fyrir Liverpool. Villa hefur farið á kostum á Evrópumótinu og skorað fjögur mörk í tveimur fyrstu leikjum Spánar.

Drogba áfram hjá Chelsea

Didier Drogba segist ekki hafa áhuga á því að yfirgefa Chelsea. Þessi sterki sóknarmaður hefur sterklega verið orðaður við AC Milan og Inter en verður áfram á Englandi.

Liverpool blæs á kjaftasögur

Liverpool hefur neitað þeim sögusögnum að Fernando Torres gæti verið á leið til Chelsea. Þessi 24 ára spænski sóknarmaður var orðaður við þá bláu eftir að Luiz Felipe Scolari var ráðinn knattspyrnustjóri.

Deco sagður fara til Chelsea

Heimildamaður BBC á EM segir að miðjumaðurinn Deco hjá Barcelona muni ganga í raðir Chelsea fljótlega. Portúgalinn hefur fengið leyfi frá Barcelona til að ræða við önnur félög og mun að sögn BBC fylgja landsliðsþjálfara sínum Luiz Felipe Scolari til Lundúna eftir EM.