Pearce áhugasamur

Stuart Pearce, stjóri Manchester City, hefur viðurkennt að hafa átt spjall við enska knattspyrnusambandið um að taka við ungmennaliði Englendinga. Peter Taylor sagði af sér sem þjálfari U-21 árs liðsins á dögunum vegna anna með félagsliði sínu Crystal Palace.

Samba til Blackburn

Enska úrvalsdeildarfélagið Blackburn gekk í dag frá kaupum á kongóska landsliðsmanninum Christopher Samba frá Hertha Berlín í Þýskalandi. Hinn 22 ára gamli varnarmaður hefur skrifað undir samning til ársins 2010, en hann er fæddur í París í Frakklandi.

Taylor hættur með enska U-21 árs liðið

Peter Taylor sagði í dag af sér sem þjálfari U-21 árs liðs Englendinga í knattspyrnu. Taylor er líka knattspyrnustjóri 1. deildarliðsins Crystal Palace og segist vilja einbeita sér að því að stýra liði Palace.

Drogba viðurkennir titring í herbúðum Chelsea

Fílstrendingurinn Didier Drogba hjá Chelsea segir að vissulega hafi verið titringur í herbúðum félagsins að undanförnu, en segist styðja knattspyrnustjórann sinn í einu og öllu.

Hleb verður frá keppni í mánuð

Miðjumaðurinn Alexander Hleb verður ekki með liði Arsenal næstu vikurnar eftir að hann tognaði á læri í leiknum við Tottenham í gærkvöld. Þá er talið að Robin Van Persie gæti þurft allt að tíu vikur til að jafna sig af ristarbroti sínu, en ekki sex eins og talað var um í fyrstu.

United er betra lið en Chelsea

Eric Cantona, fyrrum leikmaður Manchester United, segir að United sé með betra lið en Chelsea í dag og verði það næstu árin. Cantona vann sjálfur fjóra meistaratitla með United á sínum tíma og segir Alex Ferguson vera rétta manninn til að tryggja góðan árangur liðsins næstu ár.

Parlour og Ehiogu farnir frá Middlesbrough

Gareth Southgate, stjóri Middlesbrough, hefur leyst þá Ray Parlour og Ugo Ehiogu undan samningi sínum við félagið. Parlour er 33 ára og hefur átt við þrálát meiðsli að stríða, en hann er nú að leita sér að nýju félagi og ekki er talið útiloka að hann fari til Bandaríkjanna. Ehiogu er í viðræðum við Rangers í Skotlandi.

Taylor hættir sem þjálfari ungmennaliðs Englendinga

Peter Taylor hefur sagt starfi sínu lausu sem þjálfari 21 árs landsliðs Englendinga til þess að einbeita sér að þjálfun enska fyrstu deildar liðsins Crystal Palace. Taylor hefur þjálfað ungmennaliðið í nærri þrjú ár en hann þjálfaði það einnig á árabilinu 1996-1999.

Real sagt reiðubúið að borga 4,5 milljarða fyrir Cristiano Ronaldo

Spænskir miðlar greina frá því í morgun að Real Madrid sé reiðubúið að greiða Manchester United 50 milljónir evra, jafnvirði um 4,5 milljarða króna, fyrir portúgalska landsliðsmanninn Cristiano Ronaldo.

Kewell vonast til að verða klár fyrir leikina gegn Barcelona

Harry Kewell, hin meiðslum hráði leikmaður Liverpool vonast til að vera orðinn heill heilsu fyrir leikina gegn Barcelona í sextán liða úrslitum Meistaradeildar Evrópu. Kewell hefur ekkert spilað á yfirstandandi leiktíð eftir að hann meiddist á heimsmeistaramótinu í Þýskalandi í fyrra.

Villidýrið gekk laust á White Hart Lane

Brasilíumaðurinn Julio Baptista setti á svið sýningu í kvöld þegar Tottenham og Arsenal skildu jöfn í fyrri undanúrslitaleik sínum í enska deildarbikarnum. Dimitar Berbatov kom Tottenham yfir í leiknum, en það var Baptista sem sá um tilþrifin eftir það - ekki ósvipað og gegn Liverpool í 8-liða úrslitunum á dögunum.

Engar breytingar fyrirhugaðar hjá Wenger

Arsene Wenger var að vonum ánægður með baráttuanda varaliðs síns í kvöld sem var óheppið að fara ekki með öll stigin frá White Hart Lane þegar Tottenham og Arsenal skildu jöfn í fyrri leik sínum í undanúrslitum deildarbikarsins. Hann segir ungliða sína hafa unnið sér inn að spila síðari leikinn á heimavelli.

Við vorum þreyttir

Martin Jol, stjóri Tottenham, sagði að þreyta leikmanna hefði verið helsta ástæða þess að hans menn misstu niður 2-0 forystu gegn varaliði Arsenal í enska deildarbikarnum í kvöld. Tottenham var yfirspilað á heimavelli í kvöld og mátti þakka fyrir að halda jöfnu gegn spræku liði gestanna.

Hasselbaink sektaður fyrir ummæli í ævisögu sinni

Hollenski framherjinn Jimmy Floyd Hasselbaink hjá Charlton hefur verið sektaður og gefin ströng viðvörun af enska knattspyrnusambandinu fyrir ummæli sín í garð fyrrum félaga sinna í Chelsea í nýútkominni ævisögu sinni.

Tottenham hefur yfir gegn Arsenal

Tottenham hefur yfir 2-0 þegar flautað hefur verið til leiklés í fyrri leik liðsins gegn grönnunum í Arsenal í enska deildarbikarnum. Dimitar Berbatov kom Tottenham yfir snemma leiks og síðara mark liðsins á White Hart Lane var sjálfsmark Julio Baptista. Leikurinn er sýndur beint á Sýn í lýsingu Harðar Magnússonar.

Diaby í liði Arsenal í fyrsta sinn í 8 mánuði

Nú er fyrri undanúrslitaleikur Tottenham og Arsenal í enska deildarbikarnum að hefjast í beinni útsendingu á Sýn. Abu Diaby er kominn í byrjunarlið Arsenal eftir átta mánaða fjarveru vegna meiðsla og þeir Didier Zokora og Aaron Lennon koma inn í lið Tottenham á ný.

Man City á eftir Mido

Breska sjónvarpið greinir frá því nú síðdegis að enska úrvalsdeildarfélagið Manchester City sé að íhuga að bjóða í framherjann Mido hjá Tottenham. Mido er ekki í náðinni hjá Martin Jol knattspyrnustjóra og hefur óstöðugt form hans og vandræði utan vallar orðið til þessa að hann er væntanlega á leið frá félaginu. Mido hefur einnig verið orðaður við félög á Spáni, en verðmiðinn sem settur hefur verið á hann hefur fælt hugsanlega kaupendur frá.

Ballack hefði átt að fara til United

Frans "Keisari" Beckhenbauer, forseti Bayern Munchen, hefur aldrei setið á skoðunum sínum og í dag sagði hann að Michael Ballack hefði aldrei átt að fara til Chelsea heldur hefði verið nær fyrir hann að ganga í raðir Manchester United.

Terry framlengir ef Mourinho verður áfram

Jose Mourinho, knattspyrnustjóri Chelsea, staðfesti í gærkvöld að verið væri að leggja lokahönd á nýjan samning handa fyrirliðanum John Terry. Nýr samningur hans er talinn verða einhver sá stærsti í sögu úrvalsdeildarinnar, en því er haldið fram að Terry vilji aðeins framlengja ef hann fái tryggingu fyrir því að Jose Mourinho verði áfram knattspyrnustjóri Chelsea.

Rocky veitti leikmönnum Watford innblástur

Adrian Boothroyd, stjóri Watford í ensku úrvalsdeildinni, segir að það hafi verið nýja myndin um Rocky sem veitti leikmönnum sínum innblástur í gærkvöld þegar liðið vann afar sjaldgæfan og mikilvægan sigur. Boothroyd segist vonast til að lið Watford nái að setja á svið endurkomu á borð við þá sem hnefaleikahetjan Rocky hefur nú boðið áhorfendum á hvíta tjaldinu upp á í þrjá áratugi.

Del Piero afþakkaði að fara til Man Utd í sumar

Framherjinn Alessandro Del Piero hjá Juventus sagði í viðtali við breska blaðið The Sun í dag að honum hefði boðist að ganga í raðir Manchester United í sumar. "United hafði samband við mig og ég hefði geta farið til Englands, en ég ákvað að vera áfram í Torinu. Ég var upp með mér yfir áhuga United, en ég hef verið 13 ár í Tórínó og hér vil ég ljúka ferlinum, "sagði Del Piero og sagðist búast ivð því að Sir Alex Ferguson myndi skilja ákvörðun sína.

Baros var nálægt því að ganga í raðir Chelsea

Tékkneski framherjinn Milan Baros hefur viðurkennt að hann hafi verið hársbreidd frá því að ganga í raðir Englandsmeistara Chelsea á dögunum, en ekkert hafi orðið af viðskiptunum eftir að Shaun Wright-Phillips vildi ekki fara til Aston Villa í skiptum félaganna.

Barcelona hefur boðið í Rossi

Umboðsmaður framherjans Giuseppe Rossi hjá Manchester United segir að Barcelona hafi fyrir nokkru gert 4,1 milljón punda tilboð í leikmanninn. Rossi er nú sem lánsmaður hjá gamla liðinu sínu Parma á Ítalíu og fór á kostum þar í sínum fyrsta leik um helgina.

Simon Davies til Fulham

Kantmaðurinn Simon Davies hefur gengið í raðir Fulham frá Everton fyrir óuppgefna upphæð, en Davies hefur ekki átt sæti í liði Everton undanfarið. Hann er 27 ára landsliðsmaður Wales og sló í gegn hjá Tottenham á sínum tíma.

Martin Jol ögrar liði sínu

Martin Jol, knattspyrnustjóri Tottenham, hefur nú sent leikmönnum sínum skýr skilaboð í fjölmiðlum fyrir leikina gegn erkifjendunum í Arsenal í enska deildarbikarnum. Fyrri leikur liðanna verður sýndur beint á Sýn í kvöld.

Savage fótbrotinn

Blackburn varð fyrir miklu áfalli í gær þegar miðjumaðurinn Robbie Savage þurfti að fara af velli í fyrri hálfleik í tapinu gegn Watford og í ljós kom að hann er fótbrotinn. Líklegt þykir að hann muni því ekki koma meira við sögu á leiktíðinni.

Sagan ekki á bandi Tottenham

Ef tekið er mið af sögunni á Tottenham ekki mikla möguleika á að vinna granna sína í Arsenal í undanúrslitum enska deildarbikarsins, en liðin mætast í fyrri leik sínum á White Hart Lane annað kvöld. Tottenham hefur ekki unnið sigur í 15 leikjum gegn grönnum sínum.

Einvígi Davíðs og Golíats á Sýn í kvöld

Síðari undanúrslitaleikur Chelsea og Wycombe í enska deildarbikarnum verður sýndur beint sjónvarpsstöðinni Sýn í kvöld og hefst útsending klukkan 19:35. Öskubuskulið Wycombe náði 1-1 jafntefli í fyrri leiknum á heimavelli sínum og leitast við að gera hið ómögulega á Stamford Bridge í kvöld.

Wenger hefur fulla trú á kjúklingunum

Arsene Wenger ætlar ekki að breyta út af vananum annað kvöld þegar Arsenal sæki granna sína í Tottenham heim á White Hart Lane í fyrri viðureign liðanna í undanúrslitum enska deildarbikarsins, en þar mun Arsenal tefla fram svipuðu liði og burstaði Liverpool í keppninni á dögunum.

Tilboði West Ham neitað

1. deildarlið Birmingham neitaði í dag nýju og endurbættu 6 milljón punda tilboði West Ham í varnarmanninn Matthew Upson. Steve Bruce knattspyrnustjóri er staðráðinn í að halda í Upson til loka leiktíðar, en Birmingham er í ágætri aðstöðu til að komast upp um deild í vor.

Tottenham kaupir Ricardo Rocha

Tottenham gekk í dag frá kaupum á portúgalska landsliðsmanninum Ricardo Rocha frá Benfica. Rocha er 28 ára gamall miðvörður og fréttir herma að hann hafi kostað enska félagið um 4 milljónir punda.

Reyna á heimleið

Claudio Reyna, fyrirliði bandaríska landsliðsins, hefur verið leystur undan samningi sínum við Manchester City og er á leið til heimalandsins. Reyna hefur átt við meiðsli að stríða undanfarið og hefur ekki náð að vinna sér sæti í liði City í vetur. Hann er 33 ára gamall og gekk í raðir City frá Sunderland í ágúst árið 2003 fyrir 2,5 milljónir punda.

Blanco lánaður til West Ham

Framherjinn Kepa Blanco hjá Sevilla hefur verið lánaður til Íslendingaliðsins West Ham á Englandi til loka leiktíðar. Blanco er 23 ára gamall og vitað er að Manchester City, Charlton og Everton voru á höttunum eftir honum. Blanko hefur skorað 3 mörk í 9 leikjum fyrir Sevilla á leiktíðinni.

Neill til West Ham - Warnock til Blackburn

Enska úrvalsdeildarfélagið Blackburn gekk í dag frá sölu á varnarmanninum Lucas Neill til West Ham og hefur nú fyllt skarð hans með kaupum á Stephen Warnock frá Liverpool. Warnock hafði aðeins spilað sjö leiki með Liverpool í vetur og var fyrir aftan þá John Arne Riise og Fabio Aurelio í goggunarröðinni.

Henry er besti leikmaður í sögu úrvalsdeildarinnar

Enski landsliðsmaðurinn Michael Owen segir í viðtali við tímarit Sky sjónvarpsstöðvarinnar að Thierry Henry hjá Arsenal sé besti leikmaður í sögu ensku úrvalsdeildarinnar. "Ég er alltaf jafn gáttaður á hæfileikum Henry," segir Owen í blaðinu sem kemur út í næsta mánuði. Owen hefur sett stefnuna á að snúa aftur úr meiðslum sínum í apríl í vor.

Carew á leið til VIlla í skiptum fyrir Baros

Eins og greint var frá í morgun er tékkneski landsliðsmaðurinn Milan Baros nú búinn að ganga frá félagaskiptum sínum frá Aston Villa til franska liðsins Lyon. Félögin hafa í hyggju að skipta á leikmönnum og ef allt gengur að óskum mun norski framherjinn John Carew fara til Villa í staðinn.

Erfiðast að venjast veðrinu

Ekki eru allir útlendingar í ensku úrvalsdeildinni lengi að smella inn í knattspyrnuna þar í landi og á meðan hvorki gengur né rekur hjá framherjanum Andriy Shevchenko hjá Chelsea, hefur Ítalinn Vincenzo Montella farið á kostum í fyrstu leikjum sínum með Fulham.

Shay Given verður frá í mánuð

Írski markvörðurinn Shay Given verður frá keppni í að minnsta kosti mánuð eftir að hann tognaði á nára í leiknum við West Ham um helgina sem lauk með jafntefli 2-2. Þetta er í annað sinn sem Given meiðist gegn West Ham á þessari leiktíð. Liðið er þó ekki á flæðiskeri statt, því varamarkvörðurinn Steven Harper hefur þegar náð sér af sínum meiðslum.

Anelka vill fara aftur til Arsenal

Franski framherjinn Nicolas Anelka viðurkenndi í samtali við fjölmiðla í heimalandi sínu um helgina að hann væri vel til í að fara aftur til Arsenal, þar sem hann hóf feril sinn á Englandi á sínum tíma. Þessi ummæli hans fara eflaust öfug ofan í knattspyrnustjóra hans Sam Allardyce hjá Bolton.

Fernandes í læknisskoðun hjá Everton

Enska úrvalsdeildarfélagið Everton er nú í viðræðum við miðjumanninn Manuel Fernandes hjá Benfica og gengur væntanlega frá lánssamningi við hann í dag ef hann stenst læknisskoðun sem stendur yfir nú í hádeginu. Fernandes er tvítugur og ef hann stendur sig vel fram á vor mun hann væntanlega ganga formlega í raðir Everton í sumar. Hann var áður hjá Portsmouth og spilaði þar 12 leiki.

Baros á leið til Lyon

Forráðamenn Lyon í Frakklandi segja að nú sé aðeins klukkutímaspursmál hvenær liðið landi tékkneska framherjanum Milan Baros frá Aston Villa. Félögin hafa verið í viðræðum síðan á föstudag og forseti franska félagsins er mjög bjartsýnn á að ná að klára viðskiptin fljótlega.

10 milljón punda tilboð í Bale væntanlegt

Breska sjónvarpið greindi frá því í morgun að ónefnt félag væri að íhuga að gera 10 milljón punda kauptilboð í velska ungstirnið Gareth Bale hjá Southampton. Félagið hefur tekið það fram að Bale verði ekki seldur fyrr en í fyrsta lagi í sumar og hefur þegar neitað tilboðum á bilinu 6-8 milljónir punda frá félögum eins og Tottenham og Manchester United.

United mun halda velli

Arsene Wenger segir að titilvonir Manchester United hafi ekki beðið hnekki í gær þrátt fyrir tapið fyrir Arsenal. "United er mjög sigurstranglegt í deildinni og þó tapið fyrir okkur hafi verið þeim mikið áfall, veit ég að liðið mun taka sig saman í andlitinu og halda áfram að vinna. Það er hinsvegar fínt fyrir deildina að allir séu enn inni í myndinni," sagði Wenger.

Johnson slapp við brot

Framherjinn skæði Andy Johnson hjá Everton er ekki ökklabrotinn eins og óttast var í fyrstu þegar hann meiddist illa í leik Wigan og Everton í dag. Johnson var borinn af velli og færður á sjúkrahús, en þar leiddi rannsókn í ljós að hann er óbrotinn. Enn er þó ekki víst hvenær hann getur spilað á ný.

Van Persie úr leik í sex vikur

Jöfnunarmark hollenska framherjans Robin Van Persie hjá Arsenal gegn Manchester United reyndist honum dýrt, því í myndatöku eftir leikinn kom í ljós að hann er með brákað bein á ristinni og verður því frá keppni í að minnst sex vikur.