Arnar tryggði Fram mikilvægan sigur á Blikum

Framarar eru ekki búnir að gefast upp í fallbaráttu Pepsi-deildar karla því þeir náðu í þrjú mikilvæg stig með því að vinna 1-0 sigur á fráfarandi Íslandsmeisturum Breiðabliks á Laugardalsvellinum í dag. Arnar Gunnlaugsson skoraði eina mark leiksins um miðjan fyrri hálfleikinn.

Ferguson: Ég er viss um að Rooney slær markamet Booby Charlton

Manchester United bætti í gær eins árs gamalt markamet Chelsea í fyrstu fjórum leikjunum með því að vinna 5-0 útisigur á Bolton og vera þar með búið að skora 18 mörk í fyrstu fjórum umferðunum. Chelsea skoraði 17 mörk í fyrstu fjórum leikjum sínum í fyrra.

Fimmtán mörk og fullt hús hjá City en Mancini vill meira

Roberto Mancini, stjóri Manchester City, er ekki nógu sáttur með leik sinna manna þrátt fyrir að liðið sé með fullt hús eftir fjórar umferðir og hafi þegar skorað fimmtán mörk. City er í öðru sæti á eftir United sem er með aðeins betri markatölu.

Eiga Frakkar möguleika á að vinna fyrsta gullið sitt í körfunni?

Franska landsliðið í körfubolta hélt sigurgöngu sinni áfram á EM í körfubolta á föstudaginn þegar liðið vann sex stiga sigur á heimamönnum í Litháen, 73-67. Frakkar hafa unnið alla sjö leiki sína í keppninni til þessa og gera frábæra hluti undir stjórn Vincent Collet.

Bikar á loft upp á Skaga í gær - myndir

Skagamenn eru 1. deildarmeistarar í ár og þeir fengu bikarinn afhendan eftir 5-0 stórsigur á KA á Akranesi í gær. Skagamenn tryggðu sér sæti í Pepsi-deildinni fyrir 25 dögum og voru fyrir nokkru orðnir B-deildarmeistarar.

Reykjavíkurúrvalið vann KPMG-bikarinn og setti met

Reykjavíkurúrvalið vann öruggan sigur á Landsbyggðinni í KPMG bikarnum í golfi sem lauk í gær á Hvaleyrarvelli í Hafnarfirði. Lokatölur urðu 18 vinningar gegn 6 sem er stærsti sigurinn í keppninni til þessa en þetta er í fyrsta sinn sem Reykjavíkurúrvalið vinnur í þessari árlegu keppni.

Man United óttast það að Kevin Davies hafi fótbrotið Cleverley í gær

Sir Alex Ferguson, stjóri Manchester United, sagði það í viðtali við MUTV í gærkvöldi að hann óttist það að miðjumaðurinn Tom Cleverley hafi fótbrotnað í gær eftir ruddatæklingu frá Kevin Davies, fyrirliða Bolton.

Umfjöllun: FH-ingar fyrstir til að vinna KR-inga í sumar

FH varð í kvöld fyrsta liðið til að leggja KR-inga af velli í sumar, en þeir unnu bikarmeistarana ,2-1, á Kaplakrikavelli. FH-ingar léku líklega sinn besta leik í sumar og voru með undirtökin nánast allan leikinn.

Fyrsti sigur West Bromwich í höfn

West Bromwich Albion vann fínan sigur á Norwich, 1-0, en leikurinn fór fram á Carrow Road, heimavelli Norwich.

Miðstöð Boltavaktarinnar - allt á einum stað

Íþróttavefur Vísis býður lesendum sínum á að fylgjast með öllum leikjum dagsins í Pepsi-deild karla samtímis en þá fer fram 18. umferð deildarinnar.

Wenger: Arteta hefur allt til að verða fullkominn Arsenal-leikmaður

Arsene Wenger, stjóri Arsenal, fagnaði langþráðum sigri í dag þegar Arsenal vann 1-0 heimasigur á nýliðum Swansea. Þetta var fyrsti sigur Arsenal í ensku úrsvalsdeildinni á þessu tímabili. Wenger setti nýju mennina Per Mertesacker og Mikel Arteta beint í byrjunarliðið sitt.

Rússar með sjöunda sigurinn í röð á EM í körfu

Rússar héldu sigurgöngu sinni áfram á EM í körfubolta í Litháen í kvöld með því að vinna 16 stiga sigur á Grikkjum, 83-67. Grikkir eru samt þegar búnir að tryggja sér sæti í átta liða úrslitunum eftir að Slóvenar töpuðu í dag en Finnland og Slóvenía mætast í hreinum úrslitaleik um fjórða og síðasta sætið í lokaumferðinni.

Stjörnustelpur tóku við Íslandsbikarnum - myndir

Stjarnan tók í dag við Íslandsbikarnum í Pepsi-deild kvenna eftir 5-0 sigur á Breiðabliki í lokaleiknum sínum. Stjörnstúlkur voru búnir að tryggja sér titilinn fyrir ellefu dögum en fengu ekki bikarinn afhentan fyrr en eftir síðasta heimaleik sinn sem var í dag.

Snorri Steinn skoraði ellefu mörk í sigri AG - tuttugu íslensk mörk

Snorri Steinn Guðjónsson skoraði ellefu mörk fyrir AG Kaupmannahöfn í dag þegar liðið vann 37-29 útisigur á Århus Håndbold í dönsku úrvalsdeildinni í handbolta.

Vettel bjóst ekki við að verða fljótastur

Sebastian Vettel hjá Red Bull liðinu verður fremstur á ráslínu í Monza Formúlu 1 kappakstrinum á Ítalíu í morgun. Hann náði besta tíma í tímatökunni í dag, en Lewis Hamilton á McLaren verður annar á ráslínunni, Jenson Button þriðji á McLaren og Fernando Alonso á Ferrrari fjórði.

Kolbeinn ekki á skotskónum þegar Ajax vann 3-2

Kolbeinn Sigþórsson tókst ekki að skora í fjórða leiknum í röð með Ajax en það kom ekki að sök því Ajax tryggði sér toppsæti í hollensku úrvalsdeildinni með því að vinna 3-2 útisigur á Heracles Almelo.

Rooney: Hefðum getað skorað fleiri mörk

Wayne Rooney skoraði þrennu annan leikinn í röð þegar Manchester United vann 5-0 sigur á Bolton í ensku úrvalsdeildinni í kvöld og hefur þar með skorað átta mörk í fyrstu fjórum umferðunum.

Jóhann Berg lagði upp mark í stórsigri AZ

Jóhann Berg Guðmundsson var í byrjunarliði AZ Alkmaar sem vann 4-0 stórsigur á Vitesse í hollensku úrvalsdeildinni í kvöld. AZ fór á toppinn með þessum sigri þar sem að Twente tapaði fhyrir Roda JC fyrr í dag og Ajax er að spila sinn leik þessa stundina.

Real Madrid vann og hefur tveggja stiga forskot á Barca

Real Madrid vann 4-2 sigur á nágrönnum sínum í Getafe í spænsku úrvalsdeildinni í fótbolta í kvöld og náði þar með tveggja stiga forystu á erkifjendur sína í Barcelona sem gerðu 2-2 jafntefli við Real Sociedad fyrr í kvöld.

Stjörnustúlkur jöfnuðu stigamet Vals í dag

Stjarnan jafnaði stigamet Vals í úrvalsdeild kvenna í dag með því að vinna 5-0 sigur á Breiðabliki í lokaumferð Pepsi-deildar kvenna. Stjarnan náði í 51 af 54 mögulegum stigum og jafnaði met Vals frá árinu 2008.

Manchester-liðin búin að skora 36 prósent af öllum mörkum tímabilsins

Manchester United og Manchester City eru með fullt hús eftir fjórar umferðir í ensku úrvalsdeildinni eftir flotta sigra í leikjum sínum í dag. Manchester City byrjaði á því að vinna 3-0 heimasigur á Wigan en Manchester United gerði enn betur með því að vinna 5-0 útisigur á Bolton.

Dalglish: Allar stóru ákvarðanirnar hafa fallið á móti okkur

Kenny Dalglish, stjóri Liverpool, var allt annað en ánægður með ákvarðanir dómarans eftir 1-0 tap á móti Stoke í ensku úrvalsdeildinni í dag. Stoke skoraði sigurmark sitt úr víti en Liverpool fékk síðan ekki augljósa vítaspyrnu þegar Matthew Upson handlék boltann í vítateignum.

Grótta jafnaði í uppbótartíma á móti Leikni

Hafsteinn Bjarnason tryggði Gróttu gríðarlega mikilvægt 1-1 jafntefli við Leikni í fallbaráttuslag í kvöld. Hafsteinn skoraði jöfnunarmarkið sitt í uppbótartíma þegar allt stefndi í að Leiknismenn væru að vinna og senda Gróttu niður í fallsæti.

Viðar Örn skaut Selfossliðinu upp í Pepsi-deildina

Viðar Örn Kjartansson skoraði þrennu fyrir Selfoss þegar liðið vann 3-1 sigur á ÍR í 1. deild karla í kvöld og tryggði sér sæti í Pepsi-deild karla á næsta tímabili.

Draumabyrjun Barcelona dugði ekki - gerði jafntefli við Real Sociedad

Evrópu- og Spánarmeistarar Barcelona töpuðu óvænt stigum í spænsku úrvalsdeildinni í fótbolta í kvöld þegar liðið gerði 2-2 jafntefli við Real Sociedad á útivelli.

Ashley Bares: Mikið afrek að vinna deildina með þessu liði

Ashley Bares skoraði eitt marka Stjörnunnar í 5-0 sigri á Breiðabliki í dag og varð markadrottning deildarinnar með 21 mark í 18 leikjum. Hún var í viðtali á Sporttv í leikslok.

OB-liðið fór í gang þegar Rúrik fór útaf

OB frá Óðinsvéum vann 3-1 útisigur á Silkeborg í dönsku úrvalsdeildinni í fótbolta í kvöld. OB komst upp í þriðja sætið með þessum sigri en Silkeborg er áfram í þriðja neðsta sæti.

Mancini: Ég finn til með Carlos Tevez

Roberto Mancini, stjóri Manchester City, var að sjálfsögðu mjög ánægður með frammistöðu sinna manna í dag sem unnu sannfærandi 3-0 sigur á Wigan á heimavelli.

Þorlákur Árnason: Stjarnan er með langbesta liðið

Þorlákur Árnason, þjálfari Stjörnunnar, sá sínar stelpur enda Íslandsmótið með stæl og vinna 5-0 sigur á Breiðabliki í lokaumferð Pepsi-deildar kvenna í dag. Stjörnustelpur fengu Íslandsbikarinn afhentan í leikslok.

Mario Gomez með fernu í 7-0 sigri Bayern

Mario Gomez, framherji Bayern München, skoraði fernu í 7-0 stórsigri liðsins á Freiburg í þýsku úrvalsdeildinni í dag en Bayern fór á toppinn með þessum sigri.

Manchester United aftur á toppinn - þrenna hjá Rooney

Manchester United er komið aftur á toppinn í ensku úrvalsdeildinni eftir 5-0 stórsigur á Bolton á útivelli í kvöldleiknum í ensku úrvalsdeildinni. Nágrannarnir í Manchester City komust tímabundið á toppinn eftir 3-0 sigur á Wigan fyrr í dag.

Eyjastúlkur unnu upp þriggja marka forskot Vals - Grindavík fallið

Eyjastúlkur náðu ótrúlegu 4-4 jafntefli á móti Val í lokaumferð Pepsi-deild kvenna í dag en Valskonur náðu tvisvar þriggja marka forskoti í leiknum. Grindavíkurstúlkur náðu ekki að framkalla kraftaverk og eru fallnar úr Pepsi-deildinni en KR-stúlkur björguðu sæti sínu á markatölu.

Cleverly er þakklátur Martinez

Tom Cleverley hefur stimplað sig inn á miðjuna hjá Manchester United í fyrstu leikjum tímabilsins og hann þakkar Roberto Martinez, stjóra Wigan, fyrir framfarir sínar sem knattspyrnumanns.

Ragnar lagði upp sigurmark FCK - Sölvi og Ragnar lokuðu vörninni

Íslendingaliðið FC Kaupmannahöfn vann 1-0 útisigur á Lyngby í dönsku úrvalsdeildinni í fótbolta í dag og er eftir leikinn með sjö stiga forskot á Aalborg BK á toppnum sem á reyndar leik inni.

Fimmtándi sigur Stjörnunnar í röð - Harpa með tvö gegn gömlu félögunum

Íslandsmeistarar Stjörnunnar héldu sigurgöngu sinni áfram í Pepsi-deild kvenna í dag með því að vinna 5-0 sigur á nágrönnum sínum í Breiðabliki í lokaumferðinni. Stjörnustúlkur fengu síðan Íslandsbikarinn afhendan í leikslok en þetta var fimmtándi deildarsigur liðsins í röð.

Finnar unnu flottan sigur á Georgíumönnum á EM

Norðurlandameistarar Finna halda áfram að standa sig vel á EM í körfubolta í Litháen en þeir eiga enn möguleika á því að komast í átta liða úrslitin eftir fjórtán stiga sigur á Georgíu, 87-73, í dag.

Gerrard dauðþreyttur eftir fyrstu æfingarnar með Liverpool-liðinu

Það styttist óðum í endurkomu Steven Gerrard í Liverpool en fyrirliðinn er farinn að æfa á fullu með félögum sínum. Gerrard er alveg útkeyrður eftir fyrstu æfingarnar og mun ekki spila með Liverpool um helgina en liðið mætir þá Stoke City á útivelli.

Fara bæði liðin upp úr 1. deildinni á ÍR-vellinum?

Selfyssingar eiga möguleika á því í dag að endurheimta sæti sitt í Pepsi-deild karla en þá þurfa þeir að ná í stig á ÍR-vellinum í dag. Næstsíðasta umferð 1. deildar karla fer einmitt fram í dag.

Garðar Örn snýr aftur í Pepsi-deildina á morgun

Garðar Örn Hinriksson dæmir leik Grindavíkur og Stjörnunnar í Pepsi-deild karla á morgun og snýr því aftur í úrvalsdeild karla eftir rúmlega tveggja ára fjarveru.

Sara Björk skoraði og Þóra var rekin útaf - Malmö tapaði toppslagnum

Þóra Björg Helgadóttir var ein af þremur leikmönnum LdB Malmö sem fengu að líta rauða spjaldið þegar liðið tapaði 3-5 á heimavelli á móti Tyresö í toppslag sænsku kvennadeildarinnar í dag.

Vettel fremstur á ráslínu í tíunda skipti i ár

Sebastian Vettel hjá Red Bull náði besta tíma í tímatökum í dag fyrir ítalska Formúlu 1 kappaksturinn á Monza brautinni á Ítalíu. Hann er því búinn að ná besta tíma í tíu tímatökum af þrettán á árinu. Lewis Hamilton náði næst besta tíma á McLaren og Jenson Button á samskonar bíl þriðja besta tíma. Formúlu 1 mótið á Monza fer fram á morgun.

Agüero með þrennu í sigri City og Stoke vann Liverpool

Manchester City hélt sýningunni og sigurgöngu sinni áfram í ensku úrvalsdeildinni með því að vinna 3-0 sigur á Wigan þar sem að Argentínumaðurinn Sergio Agüero skoraði öll mörkin.

Sunderland búið að lána Asamoah Gyan til Al Ain

Asamoah Gyan hefur spilað sinn síðasta leik fyrir Sunderland í bili því félagið er búið að lána hann til Al Ain liðsins sem er frá Sameinuðu arabísku furstadæmunum.

Ekkert frí á miðvikudögum hjá Eggerti

Paulo Sergio, nýr stjóri Eggert Gunnþórs Jónssonar og félaga í Hearts, er þegar byrjaður að breyta hlutunum hjá félaginu. Portúgalinn ætlar nú að afnema frídag leikmanna í miðri viku því honum finnst skoskir leikmenn ekki leggja nógu mikið á sig.

Stjörnustelpurnar fá Íslandsbikarinn afhentan í dag

Það verður mikil hátíð í Garðabænum í dag þar sem Stjörnustúlkur fá Íslandsbikarinn afhentan eftir lokaleik sinn í Pepsi-deild kvenna sem er á móti Breiðabliki. Leikur Stjörnunnar og Breiðabliks hefst klukkan 13.00 en öll lokaumferðin fer á sama tíma.