Stefán: Frábær vörn og markvarsla skilaði sigrinum

"Það er gríðarlega mikilvægt að byrja einvígið vel,“ sagði Stefán Arnarson, þjálfari Vals, eftir sigurinn í kvöld.

Sverrir: Vantaði að setja stóru skotin niður í seinni hálfleik

Sverrir Þór Sverrisson, þjálfari kvennaliðs Njarðvíkur, gerði Keflavíkurkonur að Íslandsmeisturum fyrir sex árum en í kvöld þurfti hann að sætta sig við 51-61 tap í þriðja leik í úrslitaeinvíginu í Iceland Express deild kvenna. Keflavík vann þar með úrslitaeinvígið 3-0.

Pálína: Tilfinningin er alltaf jafngóð

Pálína Gunnlaugsdóttir fór fyrir liði Keflavíkur þegar þær tryggðu sér Íslandsmeistaratitilinn með 61-51 sigri í þriðja leiknum á móti Njarðvík í úrslitaeinvíginu í Iceland Express deild kvenna.

Umfjöllun: Valur leiðir einvígið 1-0 eftir sigur á Fram

Valsstúlkur unnu virkilega mikilvægan sigur, 24-20, í kvöld gegn Fram í fyrsta leik liðanna um Íslandsmeistaratitilinn. Leikurinn var jafn stóra part af leiktímanum en Valur sleit sig frá gestunum undir lokin og unnu flottan sigur. Guðný Jenný Ásmundsdóttir, markvörður Vals, var hreint út sagt stórkostleg en hún varði 23 skot og lagði grunninn af sigri Vals í kvöld.

Birna: Ég er rosalega stolt af liðinu

Birna Valgarðsdóttir, fyrirliði Keflavíkur, varð Íslandsmeistari í sjötta sinn á ferlinum í kvöld þegar Keflavík vann 61-51 sigur í þriðja leiknum á móti Njarðvík í úrslitaeinvíginu í Iceland Express deild kvenna.

Valur vann fyrstu orrustuna

Valur er kominn í 1-0 í úrslitaeinvíginu gegn Fram í handbolta kvenna. Valur vann nokkuð sannfærandi sigur, 24-20, í Vodafonehöllinni í kvöld. Valsstúlkur voru lengstum með frumkvæðið í leiknum þó afar litlu hefði munað á liðunum í hálfleik.

Iverson: Taktu bara bílinn, ég á tíu í viðbót

Körfuboltakappinn Allen Iverson hellti sér yfir lögreglumann í Atlanta þegar hann var að drífa sig í mat. Lögreglan stöðvaði bíl Iverson fyrir litlar sakir og við það trylltist Iverson.

Hangeland: Ætlum ekki að vera túristar á Old Trafford

Norðmaðurinn stóri í vörn Fulham, Brede Hangeland, bíður afar spenntur eftir leiknum gegn Man. Utd um helgina enda segir hann það vera leik ársins hjá sér.

Ferguson: Ég vorkenni Mason dómara

Sir Alex Ferguson, stjóri Man. Utd, er ekki hættur að velgja enska knattspyrnusambandinu undir uggum þó svo hann sé að taka út fimm leikja bann og eigi að halda sig á mottunni.

Lið Jakobs og Hlyns byrjaði undanúrslitin vel

Íslendingaliðið Sundsvall Dragons byrjaði undanúrslitin í sænska körfuboltanum vel í kvöld er það vann sannfærandi sigur, 78-63, gegn Södertalje.

Bikarmeistararnir þurfa líka að byrja í fyrstu umferð

Það lið sem tryggir sér bikarmeistaratitilinn í fótboltanum í sumar fær ekki lengur farseðil í aðra umferðina í forkeppni Evrópudeildarinnar eins og áður. UEFA hefur ákveðið að breyta listanum sem segir á hvaða stigi keppninnar félög hefja leik í Evrópudeildinni fyrir keppnistímabilin 2012-2015. Þetta kemur fram á heimasíðu KSÍ.

Masters: Mickelson bætir stöðu sína

Það lítur út fyrir að spennan verði mikil á Mastersmótinu í golfi á Augusta vellinum í Georgíu en keppni á öðrum keppnisdegi hófst um hádegi að íslenskum tíma og verður leikið fram undir miðnætti. Rory McIlroy frá Norður-Írlandi og Spánverjinn Alvaro Quiros voru efstir á 7 höggum undir pari eftir fyrsta hringinn og þeir hafa báðir hafið leik í dag. McIlroy hefur leikið 2 holur þegar þetta er skrifað og fékk hann fugl á 2. Braut og er hann því á 8 höggum undir pari líkt og KJ Choi frá Suður-Kóreu en hann er einnig á 8 höggum undir pari.

Stelpurnar okkar spila fyrstu þrjá leikina á heimavelli

Nú er leikjadagskrá íslenska kvennalandsliðsins í fótbolta endanlega orðin ljós en stelpurnar spila sinn fyrsta leik í undankeppni EM 2013 á móti Búlgaríu á Laugardalsvellinum fimmtudaginn 19. maí. Þetta kemur fram á heimasíðu KSÍ.

Terry: Allt á móti okkur í Meistaradeildinni

John Terry, fyrirliði Chelsea, segir að tapið gegn Man. Utd í Meistaradeildinni hafi endanlega staðfest það fyrir sér að heimurinn sé á móti því að Chelsea vinni Meistaradeildina. Chelsea átti að fá víti undir lok leiksins en United slapp með skrekkinn og vann leikinn, 0-1.

Kristín: Ætlum að taka titilinn aftur

Kristín Guðmundsdóttir, skytta Vals, hefur marga fjöruna sopið á sínum ferli og hún segir að Valsliðið mæti vel stemmt til leiks í úrslitaeinvígið við Fram um Íslandsmeistaratitilinn í handbolta.

Marthe: Kominn tími á að klára dæmið

"Þetta leggst mjög vel í okkur. Við erum bara spenntar að spila þessa leiki enda búnar að bíða lengi," sagði Marthe Sördal, hornamaður Fram, um rimmuna sem fram undan er gegn Val í úrslitum N1-deildar kvenna. Fyrsti leikur liðanna er í kvöld.

Bale og Nasri geta unnið tvöfalt

Gareth Bale og Samir Nasri eru tilnefndir sem bestu leikmenn ensku úrvalsdeildarinnar í tveimur flokkum í kjöri sem samtök atvinnumanna standa fyrir á Englandi. Alls eru sjö leikmenn tilnefndir sem bestu leikmenn deildarinnar og aðrir sjö eru í kjöri sem besti ungi leikmaður deildarinnar. Bale og Nasri gætu því unnið til verðlauna í báðum þessum flokkum en það aðeins tveir leikmenn hafa náð þeim áfanga, Andy Gray árið 1977 og Cristiano Ronaldo árið 2007.

Masters: McIlroy vonast til þess að hafa lært af reynslunni

Rory McIlroy er ein "heitasta stjarnan“ í golfíþróttinni um þessar mundir og frægðarsól hans reis enn hærra í gær þegar Norður-Írinn tyllti sér í efsta sætið á Mastersmótinu á fyrsta keppnisdegi risamótsins. McIlroy, sem er aðeins 21 ár gamall lék á 7 höggum undir pari vallar eða 65 höggum og deilir hann efsta sætinu með Spánverjanum Alvaro Quiros.

Hörður Axel: Nýtt undirbúningstímabil hefst í dag

Hörður Axel Vilhjálmsson leikmaður Keflavíkur ætlar á æfingu í dag og hefja undirbúning fyrir næsta tímabil en hann leyndi ekki vonbrigðum sínum eftir 105-89 tap liðsins gegn KR í gær. Hörður Axel var í liði Keflavíkur í fyrra sem tapaði í úrslitum gegn Snæfelli um Íslandsmeistaratitilinn í Iceland Express deild karla og hann segir að mótlætið muni efla Keflavíkurliðið fyrir næsta tímabil.

Masters: Tiger er sex höggum á eftir efstu mönnum

Tiger Woods er bjartsýnn á að geta blandað sér í baráttuna um sigurinn á Mastersmótinu í golfi eftir að hafa leikið Augusta völlinn á einu höggi undir pari vallar á fyrsta keppnisdegi risamótsins. "Ég er aðeins sex höggum á eftir efstu mönnum og það er nóg eftir,“ sagði Woods í gær en hann hefur fallið hratt niður heimslistann að undanförnu og er hann í 7. sæti.

Fannar: Brynjar hefur sett niður risaskot frá því hann var 17 ára

"Það var bara eitthvað "hype“ í blaðamönnum fyrir leikinn að setja alla pressuna á okkur en við vissum að það var bara klaufaskapur að hafa ekki klárað þetta fyrr,“ sagði Fannar Ólafsson fyrirliði KR eftir 105-89 sigur liðsins gegn Keflavík í oddaleik í undanúrslitum Iceland Express deildarinnar í körfubolta í gærkvöldi. Fannar var ánægður með Brynjar Þór Björnsson félaga sinn hjá KR sem skoraði 34 stig.

Steven Gerrard úr leik út tímabilið hjá Liverpool

Steven Gerrard, fyrirliði Liverpool, mun ekki leika fleiri leiki á leiktíðinni í ensku úrvalsdeildinni. Enski landsliðsmaðurinn fór í aðgerð á nára fyrir skemmstu og meiðslin tóku sig upp á æfingu í síðustu viku. Gerrard hefur ekki leikið með Liverpool frá því að liðið lagði Manchester United í byrjun mars. Kenny Dalglish knattspyrnustjóri Liverpool greindi frá því á æfingu liðsins í morgun að liðið þyrfti að leika án fyrirliðans það sem eftir er tímabilsins.

Webber fljótastur á æfingum í Malasíu

Ástralinn Mark Webber á Red Bull var fljótastur á báðum æfingum keppnisliða í Formúlu 1 á æfingum á Sepang brautinni í Malasíu sem fram fóru í nótt samkvæmt fréttum á autosport.com.

Gary Neville fær kveðjuleik gegn Juventus á Old Trafford

Gary Neville, sem hætti að leika með Manchester United í vetur eftir 18 ára veru hjá félaginu, fær góða kveðjugjöf frá félaginu þann 24. maí þegar ítalska liðið Juventus mun mæta Man Utd á Old Trafford í kveðjuleik honum til heiðurs.

NBA: Chicago sendi sterk skilaboð með góðum sigri á Boston

Chicago Bulls sendi sterk skilaboð til mótherja sinn í Austurdeildinni í gær þegar liðið lagði Boston Celtics á heimavelli, 97-81, í NBA deildinni í körfubolta. Aðeins tveir leikir fóru fram í gær en Portland vann Utah á útivelli 98-87. Flest lið deildarinnar eiga 3-4 leiki eftir í deildarkeppninni og úrslitakeppnina er handan við hornið.

KR-ingar í lokaúrslitin í þriðja sinn á fimm árum - myndir

KR-ingar tryggðu sér sæti í úrslitaeinvígi Iceland Express deildar karla með öruggum 105-89 sigri á Keflavík í oddaleik í undanúrslitaeinvígi liðanna sem fram fór í troðfullri DHL-höll í gærkvöldi.

Masters: McIlroy og Quiros gáfu tóninn á Augusta

Rory McIlroy frá Norður-Írlandi og Spánverjinn Alvaro Quiros deila efsta sætinu að loknum fyrsta keppnisdegi á Mastersmótinu í golfi á Augustavellinum í Georgíu í Bandaríkjunum. Þeir léku báðir á 7 höggum undir pari eða 65 höggum á fyrsta risamóti ársins. Y.E Yang ig K.J. Choir eru þar á eftir á 5 höggum undir pari. Phil Mickelson hóf titilvörnina með því að leika á -2 eða 70 höggum og Tiger Woods er einu höggi þar á eftir.

Kristinn: Vorum bara klaufar í lokin

„Ég er bara svekktur því við ætluðum okkar að vinna þennan leik,“ sagði Kristinn Guðmundsson, annar þjálfari HK, eftir ósigurinn í kvöld.

Pavel: Teitur og Stjarnan eru að fara upp á píluspjaldið heima

"Við vorum búnir að tapa tvívegis fyrir þeim í framlengingu og það hefði verið skárra að tapa þeim leikjum með 20 stigum. Auðvitað vorum við mjög langt niðri eftir síðasta leik þar sem við vorum búnir að tapa niður 2-0 forystu. Það var góður karakter í liðinu að koma hér í kvöld og spila aftur okkar bolta,“ sagði Pavel Ermolinskij leikmaður KR eftir 105-89 sigur liðsins gegn Keflavík í kvöld. KR leikur til úrslita gegn Stjörnunni um Íslandsmeistaratitilinn eftir að hafa lagt Keflavík 3-2 samanlagt.

Brynjar Þór: Hrikalega stoltur af liðinu og áhorfendum

Brynjar Þór Björnsson fór á kostum í liði KR í kvöld þegar liðið tryggði sér sæti í úrslitum Íslandsmótsins í körfubolta karla með 105-89 sigri gegn Keflavík í kvöld. Brynjar skoraði alls 34 stig og tók 7 fráköst og hann var gríðarlega ánægður í leikslok.

Kristján Arason: Erum klárir í úrslitakeppnina

"Ég var bara mjög ánægður með liðið í kvöld,“ sagði Kristján Arason, annar þjálfari FH, eftir sigurinn í kvöld.

Fór heljarstökk er hann skoraði úr víti

Hinn ungi Finni, Joonas Jokinen, er orðinn Youtube-stjarna þar sem að ótrúleg vítaspyrna hans fer á ljóshraða um heiminn þessa dagana.

Hrafn: Við reyndum að vera glaðir

„Við reyndum að vera glaðir og litum á þessa seríu í samhengi. Við vorum búnir að vera með í þessu hverja einustu sekúndu. Það hélt okkur frá því að vera ekki búnir að klára þetta í síðustu tveimur leikjum var slæm ákvarðanataka,“ sagði Hrafn Kristjánsson þjálfari KR eftir 105-89 sigur liðsins gegn Keflavík í undanúrslitum Iceland Express deildar karla í körfuknattleik í kvöld.

Guðjón Skúla: Þeir voru einfaldlega betri en við

"Við höfðum ekki næga trú á því sem vorum búnir að gera í síðustu leikjum og fórum út úr okkar leik. KR-ingar voru bara sterkari en við, einfaldlega betri. Ég er auðvitað hundfúll og ég vil vinna, og það er svekkjandi að hafa ekki náð því,“ sagði Guðjón Skúlason þjálfari Keflavíkinga eftir 105-89 tap liðsins gegn KR í oddaleik í undanúrslitum Iceland Express deildar karla í körfuknattleik í kvöld.

Umfjöllun: FH vann HK í hörkuleik

FH-ingar unnu virkilega sterkan sigur gegn HK, 29-27, í sveiflukenndum leik í lokaumferð N1 deildar-karla. FH-ingar voru með frumkvæðið stóra part af leiknum og komust mest sex mörkum yfir í síðari hálfleik, en HK-ingar gefast aldrei upp.

Evrópudeildin: Stórsigrar hjá Villarreal, Porto og Benfica

Spænska liðið Villarreal og portúgölsku liðin Benfica og Porto eru í góðum málum eftir fyrri leikina í átta liða úrslitum Evrópudeildarinnar en þau fóru illa með hollenska og rússneska mótherja sína í kvöld.

Lokaumferðin í N1 deild karla: Fram hélt 3. sætinu

Fram hélt þriðja sætinu í N1 deild karla þrátt fyrir níu marka tap á Akureyri, 26-35, í lokaumferðinni í kvöld. HK átti möguleika á að ná Fram en tapaði með tveggja marka mun fyrir FH, 27-29 í Digranesi. Akureyri mætir HK í undanúrslitum úrslitakeppninnar en FH mætir Fram. Undanúrslitaeinvígin hefjast á fimmtudaginn eftir eina viku.

Schumacher telur að mótið í Malasíu verði eins og happdrætti ef rignir

Spáð er verulegri rigningu í Formúlu 1 mótinu á Sepang brautinni í Malasíu þegar ræsing mótsins fer frá á sunnudag. Ræsingin á að vera klukkan átta að morgni að íslenskum tíma, en klukkan fjögur síðdegis í Malasíu.

Liverpool-liðið fer til Asíu í sumar

Enska úrvalsdeildarliðið Liverpool hefur gefið það út að liðið fari til Asíu á undirbúningstímabilinu fyrir næsta tímabil. Liverpool mun spila æfingaleiki í Kína, Malasíu og Suður-Kóreu en ensku úrvalsdeildarliðin eru gríðarlega vinsæl í þessum hluta heimsins.

Umfjöllun: KR í úrslitin eftir sextán stiga sigur á Keflavík

Það verða KR og Stjarnan sem keppa til úrslita um Íslandsmeistaratitilinn í körfubolta í ár. KR vann öruggan sigur á Keflavík, 105-89, í oddaleik liðanna í Vesturbænum í kvöld. Brynjar Þór Björnsson átti frábæran leik fyrir KR og skoraði alls 34 stig í kvöld.

Stuðningsmaður kærir Sunderland vegna lélegs skots hjá Cisse

Stuðningsmaður Sunderland er búinn að kæra félagið þar sem hann rotaðist á æfingu eftir lélegt skot Djibril Cisse sem fór af afli upp í stúku.

Van der Sar er ekki meiddur

Edwin van der Sar, markvörður Man. Utd, segist vera í góðu lagi þó svo hann hafi kennt sér meins í leiknum gegn Chelsea í Meistaradeildinni í gær.

Böddi og Palli í stuði - mikil öryggisgæsla í DHL-höllinni

Böðvar Guðjónsson, formaður körfuknattleiksdeildar KR, og Páll Sævar Guðjónsson vallarkynnir, oftast kallaður Röddin, voru í gríðarlegri stemningu klukkutíma fyrir stórleik KR og Keflavíkur.

Slegist um sæti í DHL-höllinni

Það er rétt rúmur klukkutími í stórleik KR og Keflavíkur í undanúrslitum Iceland Express-deildar karla og stemningin þegar orðin mögnuð.

Masters: Mickelson heiðraði Seve Ballesteros

Phil Mickelson sá um hátíðarkvöldverð á Augusta golfvellinum í gærkvöld þar sem að fyrrum sigurvegurum mótsins er boðið. Spánverjinn Seve Ballesteros, sem tvívegis hefur sigrað á mótinu, gat ekki mætt að þessu sinni vegna veikinda eftir erfiða meðferð vegna heilaæxlis. Mickelson tileinkaði Ballesteros kvölverðaboðið og var spænskur matur í hávegðum hafður.