Fleiri fréttir

Seattle 2 - Sacramento 1

Lið Sacramento Kings kann alltaf best við sig á heimavelli, þar sem þeir eiga eina öflugustu stuðningsmenn allra liða í NBA deildinni. Eftir að hafa tapað tveimur fyrstu leikjum sínum gegn Seattle Supersonics á útivelli, náðu þeir að rétta úr kútnum og sigra í þriðja leiknum, 116-104.

Phoenix 3 - Memphis 0

Þeir sem efuðust um að stórskotalið Phoenix Suns gæti leikið harðan leik fengu að sjá nýja hlið á liðinu í nótt, þegar þeir rúlluðu yfir Memphis Grizzlies 110-90 og komust í þægilega 3-0 forystu í einvígi efsta og neðsta liðs vesturdeildarinnar í úrslitakeppninni.

Detroit 2 - Philadelphia 1

Larry Brown, þjálfari Detroit Pistons, þekkir Allen Iverson hjá Philadelphia betur en flestir, eftir að hann þjálfaði hann í sex ár og gat því varað leikmenn sína við því að Iverson kæmi ákveðinn til leiks í nótt. Þeir áttu hinsvegar engin svör við stórleik hans og Iverson leiddi sína menn til sigurs 115-104.

Walker dæmdur í eins leiks bann

Antoine Walker, framherji Boston Celtics, var í gærkvöldi dæmdur í eins leiks bann, eftir að hafa stjakað við dómara í þriðja leik Boston og Indiana í fyrrakvöld og verður því ekki með liði sínu í kvöld þegar það sækir Indiana heim í fjórða leik einvígisins.

SA meistari fimmta árið í röð

Skautafélag Akureyrar varð í gærkvöld Íslandsmeistari í íshokkíi fimmta árið í röð þegar liðið sigraði Skautafélag Reykjavíkur 7-1 og samanlagt 3-1 í úrslitarimmu liðanna. Þetta er í tólfta sinn á 14 árum sem Skautafélag Akureyrar vinnur sigur á Íslandsmótinu.

Birgir Leifur lék vel á öðrum degi

Birgir Leifur Hafþórsson, Íslandsmeistari í golfi, náði sér ágætalega á strik á áskorendamóti á Spáni í gær. Hann lék annan hringinn á 71 höggi eða á einu höggi undir pari. Birgir Leifur er samtals á tveimur undir pari í 14.-21. sæti og á þokkalega möguleika á góðu sæti, þ.e.a.s. leiki hann vel í dag og á morgun.

Guðmundur byrjar vel í Kína

Guðmundur E. Stephensen, Íslandsmeistari í borðtennis, byrjaði vel á heimsmeistaramótinu í borðtennis sem hófst í Kína í nótt. Guðmundur vann þrjá leiki í undankeppninni en Tryggvi Áki Pétursson beið lægri hlut fyrir Bandaríkjamanni.

Sunderland sigraði í fyrstu deild

Sunderland tryggði sér í gær sigur í ensku fyrstu deildinni í knattspyrnu þegar liðið lagði West Ham 2-1. Sunderland með 91 stig í efsta sæti fyrstu deildar en Wigan er í öðru sæti, átta stigum á eftir. West Ham vermir sjöunda sætið eftir leikinnn í gær.

Róbert sá rautt gegn Gummersbach

Róbert Sighvatsson skoraði eitt mark þegar Wetzlar tapaði á heimavelli fyrir Gummersbach, 31-23, í þýsku úrvalsdeildinni í handknattleik. Róbert var útilokaður frá leiknum þegar 10 mínútur voru til leiksloka þegar hann fékk sína þriðju brottvísun.

Atwal efstur á Zurich Classic

Indverjinn Arjun Atwal hefur eins höggs forystu á eftir tvo hringi á Zurich Classic mótinu í golfi sem fram fer í Bandaríkjunum. Atwal er á 11 höggum undir pari  en JJ Henry frá Bandaríkjunum kemur næstur á 10 höggum undir pari. Vijay Singh, stigahæsti kylfingur heims, er í 6. sæti á 6 höggum undir pari.

Els með örugga forystu í Kína

Á Opna Asíumótinu í Shanghai í Kína er Suður-Afríkumaðurinn Ernie Els með fimm högga forskot eftir þrjá hringi og er á 19 höggum undir pari. Simon Wakefield frá Englandi er í öðru sæti á 14 höggum undir pari og hinn danski Tomas Björn þriðji á 12 höggum undir pari.

Loeb efstur eftir fyrsta dag

Frakkinn Sebastian Loeb, heimsmeistari í ralli, er í fyrsta sæti eftir fyrsta keppnisdag í Ítalíurallinu sem fram fer á Sardínu. Hann er rúmlega hálfri mínútu á undan Norðmanninum Petter Solberg sem er í öðru sæti en keppni heldur áfram í dag.

Eiður meistari með Chelsea

Eiður Smári Guðjohnsen er orðinn Englandsmeistari í knattspyrnu, fyrstur Íslendinga. Þetta varð ljóst nú síðdegis þegar lið hans, Chelsea, sigraði Bolton með tveimur mörkum engu. Frank Lampard skoraði bæði mörk Chelsea sem fagnar nú Englandsmeistaratitli í fyrsta sinn í 50 ár.

Hjarta mitt á heima hjá Chelsea

Eiður Smári Guðjohnsen varð í gær fyrsti Íslendingurinn til að vinna enska meistaratitilinn í knattspyrnu eftir að úrvalsdeildin var sett á laggirnar. Þá vill knattspyrnustjórinn Jose Mourinho vera hjá Chelsea eins lengi og mögulegt er vegna þess að hann elskar félagið.

Ekkert gengur hjá Liverpool

Það á ekki af Liverpool að ganga í ensku úrvalsdeildinni og í gær kastaði liðið svo gott sem frá sér möguleikanum á fjórða sæti deildarinnar með því að ná aðeins jafntefli gegn Middlesbrough á heimavelli, 1-1.

Tók Man. Utd fram yfir Chelsea

Þrátt fyrir að Chelsea sé óumdeilanlega með sterkasta liðið í enskri knattspyrnu í dag þurfti liðið í gær að lúta í lægra haldi fyrir erkifjendunum í Manchester United í slagnum um þjónustu eins eftirsóttasta tánings veraldar, hins nígeríska John Obi Mikel sem er til mála hjá Lyn í Noregi.

Ísland er dásamlegt land

Fréttablaðið hitti einn besta skíðagöngumann allra tíma, Björn Dæhlie, í vikunni og ræddi við hann um fortíðina og framtíð, Ísland og afreksmenn.

Tveir hörkuleikir í Egilshöllinni

Fréttablaðið fékk Leif Garðarsson til að spá í undanúrslitaleiki deildabikars karla í knattspyrnu sem fara fram í dag í Egilshöllinni. Skaginn mætir Þrótti og Breiðablik spilar við KR.

Landsliðsfyrirliði í læknisleik

Einari Logi Vignisson skrifar alltaf um boltann í suður-Evrópu í Fréttablaðinu á sunnudögum. Að þessi fjallar hann um dópið á Ítalíu sem er leikmönnum enn hættulegri en samkvæmisdópið.

Haukasigur með minnsta mun

Haukar unnu fyrsta úrslitaleikinn gegn ÍBV í handbolta karla með minnsta mögulega mun, 31-30, og það stefnir í jafnt og spennandi úrslitaeinvígi sem fer næst til Eyja á þriðjudaginn.

Barcelona og Magdeburg unnu

Barcelona hefur vænlega stöðu fyrir síðari leikinn í úrsliteinvígi Meistarakeppni Evrópu í handbolta gegn Ólafi Stefánssyni og félögum í Ciudad Real eftir aðeins eins marks tap í Madríd í gær.

18 ára landsliðið vann A-liðið

Fjögur íslensk unglingalandslið eru á leið á Norðurlandamót unglinga í körfubolta í næstu viku og hafa liðin fjögur verið að leggja lokahönd á undirbúning sinn. Meðal þessa hafa verið æfingaleikir og 18 ára landslið kvenna gerði sér þannig lítið fyrir og vann A-landsliðið í æfingaleik í Keflavík í gær, 68-65.

Ég stefndi alltaf að þessu

Jón Arnór Stefánsson er enn í skýjunum eftir að hafa orðið Evrópumeistari með liði sínu Dynamo St. Petersburg á fimmtudaginn. Hann segir að með sigrinum hafi langþráð markmið nást.

Eiður sakaður um leikaraskap

Leikmenn enska knattspyrnuliðsins Liverpool saka Eið Smára Guðjónsen um að hafa látið sig detta viljandi til þess að Spánverjinn Xabi Alonso í liði Liverpool myndi fá gult spjald í leik Chelsea og Liverpool á miðvikudaginn. Vegna spjaldsins verður Alonso í leikbanni í seinni leik liðanna í Meistaradeild Evrópu sem fram fer á þriðjudaginn.

Boston 1 - Indiana 2

Lurkum lamið lið Indiana Pacers er að koma nokkuð á óvart í úrslitakeppninni, eins og reyndar nokkrir sérfræðingar voru búnir að spá fyrir einvígi þeirra við Boston. Indiana er komið yfir 2-1, eftir stórsigur á Boston í nótt, 99-76.

Miami 3 - New Jersey 0

Þrátt fyrir hetjulega baráttu og mikla dramatík í þriðja leik liðanna í gærkvöldi, eru New Jersey Nets komnir ofan í djúpa holu í einvíginu við Miami Heat. Engu liði í sögu NBA hefur tekist að vinna sjö leikja seríu eftir að hafa lent undir 3-0, en Nets eru komnir í þá stöðu eftir 108-105 tap í tvöfaldri framlengingu.

Dallas 1 - Houston 2

Lið Dallas Mavericks virtist vera á leið í sumarfrí þegar liðið lenti 10 stigum undir í þriðja leikhluta gegn Houston Rockets í nótt. Dirk Nowitzki var þó ekki á því að gefast upp og lenda undir 3-0 í einvíginu og leiddi lið Dallas á 20-0 sprett undir lokin sem nægði til 106-102 sigurs.

Birgir Leifur byrjaði illa

Birgir Leifur Hafþórsson, kylfingur úr GKG, lauk leik á þremur höggum yfir pari á fyrsta keppnisdegi á áskorendamóti í golfi sem fram fer á Spáni. Birgir Leifur er í 56.-72. sæti, en aðeins 11 kylfingar náðu að leika undir pari á fyrsta hring.

Mætir Spánverjum og Þjóðverjum

Íslenska landsliðið í handknattleik skipað leikmönnum 21 árs og yngri leikur í riðli með Evrópumeisturum Þjóðverja, Spánverjum, Kongóbúm og Kínverjum á heimsmeistaramótinu sem fram fer í Ungverjalandi 15.-28. ágúst í sumar. Þrjár efstu þjóðirnar í riðlinum komast áfram í milliriðla.

Osasuna lagði Villareal

Einn leikur var í spænsku fyrstu deildinni í knattspyrnu í gær. Osasuna vann Villareal með þremur mörkum gegn tveimur. Villareal er í 5. sæti í deildinni með 52 stig en stigin sem liðið tapaði í gær eru dýrmæt í baráttunni um Meistaradeildarsæti. Osasuna er í 13. sæti með 43 stig.

Vålerenga lagði Brann

Í Skandinavíudeildinni í knattspyrnu vann FC Kaupmannahöfn Malmö FF 2-1 og Vålerenga sigraði Brann 1-0. Árni Gautur Arason var ekki í liði Vålerenga í gær en Ólafur Örn Bjarnason og Kristján Örn Sigurðsson voru báðir í liði Brann. Það verða IFK Gautaborg og FC Kaupmannahöfn sem leika til úrslita í keppninni 26. maí.

Loeb með forystu á Ítalíu

Sebastian Loeb frá Frakklandi hefur forystu í Ítalíurallinu að loknum þremur sérleiðum. Hann er 8,7 sekúndum á undan Petter Solberg frá Noregi sem er í öðru sæti.

Els efstur á Opna Asíumótinu

Ernie Els frá Suður-Afríku hefur fjögurra högga forskot á Opna Asíumótinu í golfi sem fram fer í Shanghai. Hann lék í morgun á 62 höggum eða á 10 höggum undir pari og setti vallarmet. Ernie Els er á 15 höggum undir pari að loknum tveimur hringjum.

Þolinnmæði Ferguson á þrotum

Sir Alex Ferguson, knattspyrnustjóri Manchester United, er orðinn óþolinmóður að bíða eftir svari frá varnarmanninum Rio Ferdinand, varðandi framlengingu á samningi hans við félagið.

Jöfn keppni í New Orleans

Chris DiMarco frá Bandaríkjunum og Arjun Atwal frá Indlandi eru efstir og jafnir á sjö höggum undir pari að loknum fyrsta hring á PGA-stórmóti í New Orleans. Fjórir kylfingar koma næstir á fimm höggum undir pari, þar á meðal Fídjieyingurinn Vijay Singh.

Defoe framlengir við Spurs

Hinn smái en knái markaskorari hjá Tottenham Hotspurs, Jermain Defoe, hefur framlengt samning sinn við félagið til ársins 2010, en hann hafði meðal annars verið orðaður við Chelsea.

Dómari í ævilangt keppnisbann

Þýski knattspyrnudómarinn Robert Hoyser hefur verið dæmdur í ævilangt keppnisbann, eftir að hafa orðið uppvís að því að þyggja mútur í nokkrum knattspyrnuleikjum, en hann er talinn hafa þegið í kring um 67.000 evrur fyrir að hagræða úrslitum leikjanna með dómgæslu sinni.

Dómarar neikvæðir í garð Eyjamanna

Sigurður Bragason, fyrirliði ÍBV í handbolta, er ekki sáttur við dómgæslunni í leikjum liðsins að undanförnu. Telur hann meðal annars að dómarar byrji leiki í Vestmannaeyjum neikvæðir í garð heimaliðsins. Þetta segir Sigurður í Fréttaljósi, þætti á sjónvarpsstöðinni Fjölsýn, sem sýndur verður á sunnudag en greint er frá því á <em>Eyjafréttum.is</em> í dag.

Beckham í bakvörðinn

Knattspyrnumaðurinn David Beckham hjá Real Madrid mun leysa nýja stöðu þegar lið hans mætir Real Sociedad í spænska boltanum um helgina.

Keflvíkingar með nýtt stuðningslag

Keflvíkingar, sem búa sig nú af kappi undir komandi leiktíð í Landssímadeildinni í knattspyrnu, kynna á næstu dögum nýtt stuðningslag sem hljóma mun á knattspyrnuvellinum í sumar. Vísir tekur forskot á sæluna og færir notendum sínum þetta nýjasta fótboltalag.

NBA á Sýn um helgina

Enginn körfuknattleiksunnandi má láta leiki helgarinnar í NBA framhjá sér fara, en tveir þeirra verða sýndir á sjónvarpsstöðinni Sýn. Á laugardagskvöldið klukkan 21:50 verður útsending frá leik Washington Wizards og Chicago Bulls, en þar má eiga von á frábærum leik.

Hlaupum ekki frá þessu verkefni

Samkvæmt heimildum Fréttablaðsins munu Finnbogi Sigurðsson og Júlíus Jónasson eiga hlutverkaskipti hjá ÍR fyrir næsta tímabil DHL-deildarinnar í handknattleik.

Íslendingar í sviðsljósinu

Fyrri úrslitaleikir Evrópukeppni félagsliða í handboltanum fara fram í dag og eru íslenskir handboltamenn í sviðsljósinu að þessu sinni.

Sjá næstu 50 fréttir

Mest lesið