Henry Birgir svarar Roland Eradze

Roland Eradze sendi frá sér yfirlýsingu á alla helstu fréttamiðla landsins í dag þar sem hann sakar blaðamann Fréttablaðsins um að hafa rangt eftir sér í viðtali við hann í blaðinu á miðvikudag. Henry Birgir Gunnarsson, íþróttafréttamaður Fréttablaðsins, svarar ásökunum Rolands og bíður hann velkominn í kaffi til að hlusta á það sem hann sagði.

Barthez sakaður um hráka

Fabien Barthez, markvörður Marseille og fyrrum markvörður Manchester United, hefur verið ásakaður um að hrækja á dómarann Abdellah El Achiri, og ef fundinn sekur gæti átt yfir höfði sér langt bann, en atvikið átti sér stað í vináttuleik Marseille og Wydad.

Kewell með gegn Leverkusen?

Harry Kewell ætti að geta spilað í Meistaradeildinni gegn Bayer Leverkusen í næstu viku, en kantmaðurinn skæði spilaði klukkutíma með varaliði Liverpool í gær og kenndi sér einskins mein.

Boro gerði jafntefli í Austurríki

Middlesbrough er kominn með annan fótinn í næstu umferð Uefa keppninnar eftir 2-2 jafntefli við Grazer AK í kvöld. Boudewijn Zenden og Jimmy Floyd Hasselbaink skoruðu fyrir Boro en Mario Bazina og Roland Kollmann fyrir Grazer. Seinni leikur liðanna fer fram á Riverside Stadium eftir hálfan mánuð.

Bolton vill kaupa Diouf

Bolton Wanderers hafa staðfest að þeir vilja kaupa El Hadji Diouf frá Liverpool þegar tímabilið er búið en Senegalinn er á lánssamningi hjá Bolton frá þeim rauðu út tímabilið. Diouf hefur staðið sig vel á Reebok Stadium og eru forráðamenn Bolton farnir að huga að kaupsamning.

ÍBV sigraði Víking

Einn leikur var í 1. deild kvenna í handknattleik í kvöld er ÍBV sigraði Víking 29-23. Eftir sigurinn eru Eyjastúlkur aðeins tveimur stigum á eftir efsta liðinu, Haukum en Vikingar eru næst neðstir með átta stig.

Snæfell sigraði Njarðvík

Heil umferð fór fram í úrvaldsdeild karla í körfuknattleik í kvöld.

Úrslit úr Uefa keppninni í kvöld

Fyrri leikir í 16 liða úrslitum Uefa keppninnar í knattspyrnu fóru fram í kvöld. Newcastle eru í fínum málum eftir 2-1 sigur á Heerenveen í Hollandi og Real Zaragoza gerði góða ferð til Tyrklands og sigraði Fenerbahce 1-0.

Magnús í Grindavík

Magnús Þorsteinsson knattspyrnumaður, sem leikið hefur allan sinn feril með Keflavík, tilkynnti í morgun að hann myndi leika með Grindavík á næstu leiktíð í Landsbankadeildinni. Guðjón Þórðarson, þjálfari Keflavíkurliðsin, rak Magnús frá félaginu þar sem hann hafði ekki sinnt skyldum sínum gagnvart liðinu.

Níu mörk skoruð

Níu mörk voru skoruð á Nývangi í Barcelona í gærkvöldi þegar úrvalslið Ronaldinho frá Brasilíu og Andriy Shevchenko frá Úkraínu leiddu saman hesta sína í ágóðaleik fyrir þá sem eiga um sárt að binda vegna flóðanna í Asíu á annan í jólum. Ronaldinho og félagar sigruðu, 6-3.

Etoo knattspyrnumaður Afríku 2004

Kamerúninn Samuel Etoo var í gærkvöldi valinn knattspyrnumaður ársins í Afríku annað árið í röð. Etoo, sem leikur með Barcelona, er markahæstur í spænsku deildinni með 17 mörk. Didier Drogba, leikmaður Chelsea, sem kemur frá Fílabeinsströndinni, varð í öðru sæti og Jay Jay Okocha frá Nígeríu, leikmaður Bolton, varð þriðji.

FH sigraði Fram með sjö mörkum

FH sigraði Fram í 1. deild kvenna í handknattleik í Safamýrinni í gær, 32-25. Eva Harðardóttir skoraði átta mörk fyrir Fram og Dröfn Sæmundsdóttir skoraði níu fyrir FH. Haukar eru í efsta sæti deildarinnar með 29 stig, ÍBV í öðru með 26 og Stjarnan og Valur koma næst með 18 stig.

Selfoss vann óvæntan sigur

Selfoss vann óvæntan sigur á Fram í 1. deild karla í handknattleik í gær, 27-25. Grótta/KR lagði Stjörnuna, 28-24. FH er í efsta sæti með átta stig, Afturelding, Grótta/KR og Fram koma næst með fjögur stig og Selfoss og Stjarnan reka lestina með tvö stig.

Valur vann nauman sigur

Valur vann ÍS í 1. deild karla í körfuknattleik í gær, 98-94. Þór Akureyri er á toppnum í deildinni með 26 stig, Valur er í öðru sæti með 24 og Stjarnan vermir þriðja sætið með 20 stig. 

Kobe með 40 stig

Kobe Bryant skoraði 40 stig þegar Los Angeles Lakers sigraði Utah Jazz, 102-95, í NBA-körfuboltanum í nótt. Houston hélt áfram sigurgöngu sinni þegar liðið bar sigurorð af Washington, 123-93.

Fórum of mjúkum höndum um Roland

Átján daga bannið sem Roland Eradze, markvörður ÍBV, var dæmdur í af aganefnd HSÍ á þriðjudag hefur vakið furðu marga. Roland hefði samkvæmt lengd bannsins átt að missa af þremur leikjum en þar sem leik ÍBV og Þórs, sem fara átti fram í Vestmannaeyjum í gærkvöld, var frestað vegna ófærðar mun hann væntanlega missa af fjórum leikjum.

Magnús til Grindavíkur

Sóknarmaðurinn Magnús Þorsteinsson skrifaði í gær undir þriggja ára samning við Landsbankadeildarlið Grindavíkur en hann hefur leikið allan sinn feril með Keflavík. Magnús, sem er 22 ára gamall, var laus undan samningi við Keflavík en hafði reyndar verið gerður brottrækur af Guðjóni Þórðarsyni, þjálfara liðsins, sem fannst hann ekki leggja nógu hart að sér við að fá sig góðan af meiðslum sem hafa hrjáð hann.

Vignir á leið til Danmerkur

Vignir var með tilboð frá Skjern og frönsku félögunum Créteil og US Ivry. Eftir frekar stutta umhugsun ákvað hann að taka tilboði danska félagsins en þjálfari liðsins er fyrrum félagi Vignis hjá Haukum, Aron Kristjánsson.

Enn frestað í Eyjum

Tveimur handboltaleikjum sem fram áttu að fara í Vestmannaeyjum í kvöld hefur verið frestað vegna veðurs. Leikur ÍBV og Víkings í DHL deild kvenna hefur verið settur á á morgun en ekki hefur enn verið settur á nýr leiktími fyrir leik ÍBV og Þórs í DHL deild karla sem fram átti að fara í Eyjum í kvöld. Annars fara tveir leikir fram í kvöld í DHL deild karla.

Vignir yfirgefur Hauka

Landsliðsmaðurinn Vignir Svavarsson línumaður hjá Íslandsmeisturum Hauka í handboltanum skrifaði í dag undir 3 ára samning við danska úrvalsdeildarliðið Skjern sem Aron Kristjánsson þjálfar. Aron sem er fyrrverandi leikmaður Hauka bauð Vigni til sín um helgina og fer hann til Danmerkur í sumar.

32 liða úrslit UEFA Cup hafin

Fyrri umferð 32 liða úrslita Evrópukeppni félagsliða í knattspyrnu hófst í kvöld en 8 leikir eru á dagskrá. Panathinaikos frá Grikklandi vann 1-0 sigur á Sevilla frá Spáni, Ajax frá Hollandi vann 1-0 á franska liðinu Auxerre á meðan Parma og Stuttgart gerðu markalaust jafntefli á Ítalíu á meðan Shakhtar Donetsk frá Úkraínu gerði 1-1 jafntefli við þýska liðið Schalke.

Boxari framdi sjálfsmorð

Ungur hnefaleikakappi, þátttakandi í bandarískri raunveruleikasjónvarpsþáttaröð "The Contender" framdi sjálfsmorð á mánudaginn skömmu áður en þáttaröðin verður tekin til sýningar á NBC sjónvarpsstöðinni. Strákurinn þótti mjög efnilegur og líklegur til árangurs í keppni 16 boxara sem etja kappi gegn hvorum öðrum í þáttaröðinni en hann státaði af einstaklega góðri tölfræði.

Ísland enn númer 94

Ísland stendur í stað á nýjum styrkleikalista FIFA, alþjóðaknattspyrnusambandsins sem gefinn var út í dag og situr í 94. sæti. Sem kunnugt er hefur karlalandsliðið ekki spilað leik síðan 13. október þegar liðið lá fyrir Svíum en listinn er gefinn út mánaðarlega. Brasilíumenn eru sem fyrr á toppnum og eina breytingin á topp 12 er hjá Mexíkó.

HK á toppinn

HK tyllti sér á topp DHL deildar karla í handbolta í kvöld eftir öruggan sigur á ÍR í Austurbergi, 31-38. Valdimar Þórsson var markahæstur HK með 9 mörk en atkvæðamestur heimamanna var Hannes Jón Jónsson með 8 mörk. HK er efst í deildinni með 10 stig, einu stigi á undan Val sem tapaði stórt fyrir Haukum í Valsheimilinu, 23-33.

Snæfell enn í öðru sæti

Snæfell vann KFÍ 93-80 í Intersport-deild karla í körfuknattleik á Ísafirði í gærkvöldi. Michael Ames skoraði 21 stig fyrir Snæfell en Joshua Helm var langstigahæstur hjá KFÍ, en hann skoraði 37 stig og tók 16 fráköst. Snæfell er í öðru sæti deildarinnar með 26 stig, tveimur á eftir Keflavík sem hefur forystu en KFÍ er á botninum með 2 stig.

KA meistari eftir sigur HK

HK sigraði Þrótt Reykjavík 3-0 í 1. deild kvenna í blaki í gærkvöldi. Þar með er ljóst að KA er deildarmeistari en Þróttur og HK berjast um annað sætið.

Sigur hjá Guðmundi og félögum

Guðmundur E. Stephensen og félagar í Malmö gerðu í gær jafntefli við Söderhamns í sænsku úrvalsdeildinni í borðtennis. Leikar fóru 5-5. Guðmundur tryggði liði sínu þrjá vinninga, hann vann báða einliðaleikina og vann einnig tvíliðaleik með kínverskum félaga sínum, Zhao Peng. Malmö er sem fyrr í öðru sæti deildarinnar með 26 stig, stigi á eftir Eslövs.

Suns lagði Jazz

Fimm leikir voru í NBA-körfuboltanum í gærkvöldi. Phoenix Suns vann Utah Jazz í leik þar sem sóknarleikurinn var í fyrirrúmi, en Suns sigraði 136-128. Amare Stoudemire skoraði 42 stig fyrir Phoenix og Steve Nash átti 18 stoðsendingar auk þess sem hann skoraði 19 stig. Phoenix hefur unnið 41 leik en tapað 12.

Nýr eigandi Vikings

Viðskiptajöfur í Arizona, Reggie Fowler að nafni, ætlar að kaupa ameríska fótboltaliðið Minnesota Vikings. Fowler verður þar með fyrsti blökkumaðurinn sem eignast fótboltalið sem spilar í NFL-deildinni. Fowler þarf að reiða fram tæpa 39 milljarða íslenskra króna.

Eiður sektaður um sjö milljónir

Breska knattspyrnufélagið Chelsea hefur sektað Eið Smára Guðjohnsen um 60 þúsund pund, rúmar sjö milljónir íslenskra króna, meðan beðið er niðurstöðu úr blóðprufu sem tekin var í gær þegar hann var stöðvaður fyrir ölvunarakstur.

Leik frestað í handboltanum

Leik ÍBV og Víkings í DHL deild kvenna í handbolta sem fara átti fram í kvöld hefur verið frestað til morguns og fer því fram í Vestmannaeyjum á morgun kl.18:00. Jafnframt þessu hefur leik ÍBV og Þórs í DHL deild karla sem fer fram á morgun verið seinkað til kl.20:00. Tveir leikir fara fram í kvöld í 1. deild karla í handbolta og þrír hjá stúlkunum.

Máli Eiðs Smára lokið hjá Chelsea

Búið er að afgreiða mál Eiðs Smára Guðjohnsens hjá Chelsea. Faðir hans segir Eið Smára ekki þurfa að greiða sekt til félagsins og lögreglan hafi stöðvað hann snemma nætur en ekki undir morgun eins og breskir fjölmiðlar héldu fram.

Roland í 18 daga bann

Íslenski landsliðsmarkvörðurinn Roland Valur Eradze, leikmaður ÍBV í handbolta karla var í dag úrskurðaður í 18 daga leikbann vegna óíþróttamannslegrar framkomu í bikarleik ÍR og ÍBV sl. laugardag. Aganefnd handknattleikssambandsins kom saman í dag og úrskurðaði nokkra leikmenn í bönn en enginn fær að finna eins fyrir því og Roland Valur.

Owen ekki ósáttur hjá Real

Enski framherjinn Michael Owen þvertekur fyrir það að hann vilji segja skilið við spænska stórliðið Real Madrid.

Málinu lokið af hálfu Chelsea

Hagir Eiðs Smára Guðjohnsen hjá Celsea standa óhaggaðir þrátt fyrir að hann hafi verið staðinn að verki við meintan ölvunarakstur aðfaranótt sunnudags.

Vill ekki að Cech bæti metið

"Ég hef átt þetta met í mörg ár. Ég er mjög stoltur af því og mig dauðlangar að halda því," segir Abel Resino, fyrrverandi markvörður Atletico Madrid og sá markvörður sem flestar mínútur hefur leikið án þess að fá á sig mark.

Eradze segist heppinn

Roland Valur Eradze var dæmdur í tímabundið leikbann vegna óíþróttamannslegrar hegðunar í leik ÍBV og ÍR. Það kemur verulega á óvart að Roland segir bannið of vægt og að hann sé í raun heppinn að sleppa svona vel. </font /></b />

Naumur sigur Gróttu/KR

Grótta/KR sigraði Val 20-19 í DHL deild kvenna í handbolta í kvöld en þá hófst 17. umferð með tveimur leikjum. Grótta/KR sem hefur tryggt sér sæti í úrslitum bikarkeppni HSÍ á dögunum er með 10 stig í 6. sæti, sex stigum á eftir næsta liði, FH sem lögðu Fram í Safamýri, 32-25.

Selfoss sigraði Fram

Tveir leikir fóru fram í 1.deild karla í handknattleik í kvöld. Selfyssingar gerðu góða ferð í höfuðborgina og sigruðu Framara með 27 mörkum gegn 25. Þá sigraði Grótta/KR Stjörnuna 28-24.

Valur og FH í úrslit

Valur og FH leika til úrslita á Reykjavíkurmótinu í knattspyrnu. Það er því ljóst að Valsmenn eru Reykjavíkurmeistarar karla en FH er gestalið í keppninni. Valur lagði KR að velli 6-4 eftir vítaspyrnukeppni. Grétar Sigfinnur Sigurðarson kom Val yfir en Grétar Ólafur Hjartarson jafnaði metin. Sigurbjörn Hreiðarsson brenndi af vítaspyrnu fyrir Val í framlengingu.

Annar sigur Mickelsons í röð

Bandaríkjamaðurinn Phil Mickelson hrósaði sigri á Pebble Beach mótinu í bandarísku mótaröðinni í gær. Þetta var annar sigur hans í röð á mótaröðinni. Mickelson hafði forystu alla fjóra keppnisdagana og lék samtals á 19 höggum undir pari. Kanadamaðurinn Mike Weir varð annar, þremur höggum á Mickelson, og Englendingurinn Greg Owen þriðji á 13 höggum undir pari.

AC Milan fylgir Juventus eftir

AC Milan lagði Reggina að velli, 1-0, á útivelli í ítalska boltanum í gærkvöldi. Eina mark leiksins var sjálfsmark. AC Milan er tveimur stigum á eftir efsta liðinu Juventus en Juve lagði Udinese að velli 2-1 í gær.

Ajax sigraði Breda

Ajax bar sigurorð af NAC Breda 2-1 í hollensku úrvalsdeildinni í knattspyrnu í gær. Toppliðin PSV og AZ Alkmaar gerðu markalaust jafntefli. Þá burstaði Feyenoord Willem frá Tilburg 7-0. PSV er á toppnum með 52 stig, Alkmaar er í öðru sæti með 50, Ajax í þriðja með 44 og Feyenoord í fjórða með 38 stig.

Karl Malone hættur

Körfuknattleiksmaðurinn Karl Malone lagði í gær skóna á hilluna. Hann lék í 18 ár með Utah Jazz en náði aldrei að vinna NBA-titilinn. Malone, sem er 41 árs, lék með Los Angeles Lakers á síðustu leiktíð, en hann er annar stigahæsti leikmaður sögunnar í NBA-deildinni. Malone skoraði 36.928 stig og var 1460 stigum frá því að bæta met Kareems Abduls Jabbars.

Bryant aftur með Lakers

Kobe Bryant lék að nýju með Los Angeles Lakers eftir meiðsli. Bryant skoraði 26 stig en það dugði ekki til gegn Cleveland því Lakers tapaði 103-89. Þá vann Chicago Bulls Minnesota 87-83. Kevin McHale stjórnaði Minnesota en Flip Saunders þjálfari var rekinn á laugardag.