Hlemmur skreyttur hátt og lágt

Hlemmur var skreyttur á laugardaginn í anda kvikmyndarinnar Christmas Vacation. Stemning níunda áratugarins svífur yfir vötnum og meðal annars hefur verið settur upp sýningargluggi inn í fortíðina þar sem fótanuddtæki og aðrar lífsnauðsynjar fyrri tíma fá að njóta sín, segir í frétt á vef Reykjavíkurborgar.

Jón þarf að endurgreiða hálfan milljarð

Vatnskónginum Jóni Ólafssyni hefur verið gert að endurgreiða tæplega hálfan milljarð sem félagið Jervistone Ltd fékk árið 2006 en Jón gekkst í sjálfsskuldaábyrgð fyrir fyrirtækið sem var staðsett á Bresku jómfrúareyjunum.

Sviku dósir út úr bæjarbúum

Tveir ungir menn fóru um Ísafjörð og söfnuðu dósum á föstudag "fyrir Glímudeild Harðar“ að eigin sögn. Af því tilefni vill glímudeildin tilkynna að engin dósasöfnun hefur verið í gangi og hafa þessir óprúttnu aðilar því verið að safna dósum undir fölsku flaggi en það er vefrit Bæjarins besta sem greinir frá.

Vildu vita hvernig ákvörðun var tekin um risa peningamarkaðslán

Símon Sigvaldason og Skúli Magnússon, dóimarar við Héraðsdóm Reykjavíkur, hafa ítrekað spurt vitnii í dag um formhlið lánasamninganna sem gerðir voru vegna 10 milljarða króna láns sem Milestone fékk frá Glitni. Lánið kom í gegnum fyrirtækið Vafning og líka í gegnum Svartháf.

Græjuglæponar á Suðurnesjum

Lögreglunni á Suðurnesjum var um helgina tilkynnt um þjófnað úr gámi á gámasvæði í Grindavík. Búið var að brjóta upp hengilás á gámnum og stela úr honum veltisög og tveimur borvélum.

Mátti áframsenda kvörtun vegna Góða hirðisins

Sorpu bs. var heimilt að áframsenda kvörtun sem þeim barst síðasta sumar frá manni sem var ósáttur við framkomu starfsfólks nytjamarkaðarins Góða hirðisins samkvæmt úrskurði Persónuverndar sem birtur á heimasíðu stofnunarinnar í dag.

Jólavargar komnir til Ísafjarðar - stálu og eyðilögðu jólaljós

Jólaljósin, sem tendruð voru á jólatrénu á Silfurtorgi á Ísafirði síðastliðin laugardag, fengu ekki að lifa lengi.

Guðlaugur Þór um nauðasamningana: Það vantar eftirlit með eftirlitinu

Þótt Seðlabankinn, sem hefur eftirlit með gjaldeyrishöftunum, lofi góðu samstarfi við þingið varðandi nauðasamninga bankanna, þá er bankinn lögum samkvæmt einvaldur. Þetta segir Guðlaugur Þór Þórðarson, þingmaður Sjálfstæðisflokksins og fulltrúi í efnahags- og viðskiptanefnd Alþingis.

Keyptu snjóruðningstæki fyrir 160 milljónir

Reykjavíkurborg hefur snúið vörn í vörn í sókn gagnvart veturkonungi en borgin keypti sjö nýjar dráttarvélar með búnaði til snjóhreinsunar og hafa þær þegar verið teknar í gagnið hjá Reykjavíkurborg.

Handteknar með 300 grömm af kóki innvortis

Tollverðir í Flugstöð Leifs Eiríkssonar handtóku tvær íslenskar stúlkur um tvítugt sem voru að koma frá London þann 20. nóvember síðastliðinn. Þær reyndust hafa kókaín innvortis, samtals tæplega 300 grömm. Stúlkurnar voru úrskurðaðar í gæsluvarðhald til 2. desember, en hafa verið látnar lausar. Rannsókn lögreglunnar á Suðurnesjum er á lokastigi, samkvæmt tilkynningu og ekki hafa fleiri verið handteknir vegna málsins.

Ríkisolíufélagið Petoro tekur þátt í olíuleit á íslenska Drekasvæðinu

Orkustofnun hefur ákveðið að veita félögunum Faroe Petroleum Norge AS og Íslensku Kolvetni ehf. annars vegar og Valiant Petroleum ehf. og Kolvetni ehf. hins vegar, sérleyfi fyrir rannsóknir og vinnslu kolvetnis (olíu og gass) á Drekasvæðinu. Þetta kemur fram í tilkynningu frá atvinnuvega- og nýsköpunarráðuneytinu.

Fíkniefnasalar handteknir á Suðurnesjum

Lögreglan á Suðurnesjum handtók karlmann á þrítugsaldri, sem reyndist vera með nokkrar pakkningar sem innihéldu kannabis í vasanum.

Pósturinn minnir á sig

Síðasti öruggi dagurinn til að skila B pósti sem á að fara til landa utan Evrópu er í dag.

Rúmlega tvær milljónir söfnuðust á uppboði fyrir Ingó

Það söfnuðust rúmlega tvær milljónir króna sem renna óskipt til Ingólfs Júlíussonar, ljósmyndara, eftir uppboð honum til styrktar sem haldið var á Hótel Borg 25. nóvember síðastliðinn.

Harmageddon fer í loftið með nýjum stjórnendum

"Þetta er gríðarlega stórt skarð til þess að fylla upp í, enda eru þeir talsmenn heillar kynslóðar," segir Atli Fannar Bjarkason, framkvæmdastjóri Bjartrar framtíðar sem, ásamt Hauki Viðari Alfreðssyni, munu taka sæti umsjónarmanna útvarpsþáttarins Harmageddon á X-977 í dag.

Guðmundur neitar ásökunum: Segir málið hafa haft mikil áhrif á fjölskylduna

Guðmundur Hjaltason, fyrrverandi framkvæmdastjóri Glitnis, hafnaði öllum ákæruatriðum þegar hann gaf skýrslu í Vafningsmálinu fyrir Héraðsdómi Reykjavíkur. Hann ásamt Lárusi Welding, fyrrverandi forstjóra Glitnis, eru ákærðir fyrir umboðssvik með lánveitingum til Milestone í gegnum félagið Vafning. Guðmundur sagði fyrir dómi að málið hefði verið unnið eftir hefðundnum leiðum hjá Glitni, og skjalagerðin verið framkvæmd á nokkrum dögum.

Mesta heimilisofbeldið á Suðurnesjum

Samkvæmt rannsókn velferðarráðuneytisins svara yfir 23% einstaklinga á Suðurnesjum eldri en 18 ára því að þeir hafi orðið fyrir ofbeldi á heimilum. Samkvæmt sömu rannsókn hafa 3,6% orðið fyrir heimilisofbeldi á síðustu 12 mánuðum. Heimilisofbeldi er því hæst á Suðurnesjum að sögn Hjördísar Árnadóttur, félagsmálastjóra Reykjanesbæjar, sem Víkurfréttir ræddu við.

Að greiða niður gervivísindi er eins að ráða stjörnuspeking til þess að kanna himinhvolfið

"Gervivísindi og kukl mega aldrei verða hluti af því sem ríkið og heilbrigðistryggingakerfið greiða niður því að það væri það sama og að ráða talnaspeking til að reikna út burðarþol brúarstöpla hjá Vegagerðinni eða stjörnuspeking til að kanna himinhvolfið vísindalega og greiða þeim eins og um byggingarverkfræðing eða stjarneðlisfræðing væri að ræða.“

Lárus segist ekki hafa ákveðið lánin til Milestone

Lárus Welding, fyrrverandi forstjóri Glitnis banka, segir að ákvarðanir um lánveitingar til Milestone hafi verið teknar að sér fjarstöddum. Þetta sagði hann í skýrslutöku fyrir Héraðsdómi Reykjavíkur þegar Vafningsmálið hófst í morgun.

Bjarni á vitnalista í Vafningsmáli

Bjarni Benediktsson, formaður Sjálfstæðisflokksins, er á meðal þeirra sem eru á vitnalista í svokölluðu Vafningsmáli sérstaks saksóknara. Aðalmeðferð í málinu hefst í dag og gert er ráð fyrir að hún taki að minnsta kosti þrjá daga.

Vopnaði ræninginn gengur enn laus

Lögreglan á höfuðborgarsvæðinu hefur ekki enn fundið ræningjann, sem rændi 30 þúsund krónum úr söluturni við Grundarstíg í Reykjavík á föstudagskvöldið, ef marka má skeyti frá lögreglunni í morgun.

Aðstoðuðu bílstjóra í vandræðum í nótt

Björgunarsveit var kölluð út í nótt til að aðstoða bílstjóra, sem lenti í vandræðum á Breiðdalsheiði á Austfjörðum.

Hjúkrunarfræðingar efna til mótmæla við Landspítalann

Aðgerðarhópur hjúkrunarfræðinga við Landspítalann ætlar að efna til mótmæla þegar fulltrúar þeirra mæta á fund með forstjóra spítalans og velferðarráðherra í dag, en fundarstaðnum hefur verið haldið leyndum til þessa, að því er segir í tilkynningu frá hjúkrunarfræðingum.

Sömdu innbyrðis um hlutfall makrílkvóta til Íslands og Færeyja

Norðmenn og Evrópusambandið hafa samið innbyrðis um hve hátt hlutfall makrílkvóta síns þessir aðilar gefa eftir í samningum við Ísland og Færeyjar ef samningar nást.

Bruggið hellist yfir landann

Minna eytt en áætlað var og tekjur hærri

Ríkissjóður eyddi 35 milljörðum króna meira en hann aflaði á fyrstu tíu mánuðum ársins. Það er þó umtalsvert betri staða en reiknað hafði verið með, eða sem nemur 19,1 milljarði króna. Þetta kemur fram í mánaðarhlutauppgjöri A-hluta ríkissjóðs í október.

Breið sátt um minni álögur

Fjárhagsáætlun Kópavogs fyrir árið 2013 var samþykkt í bæjarstjórn í síðustu viku. Meirihluti Sjálfstæðisflokks, Lista Kópavogsbúa og Framsóknarflokks segir aðhald í rekstri einkenna fjárhagsáætlunina en á sama tíma sé haldið uppi öflugu þjónustustigi með hag barnafjölskyldna að leiðarljósi. Fulltrúar Samfylkingar og VG segja álögur á fjölskyldufólk í bænum hækka.

Nýr Landspítali verði í ríkisframkvæmd

Lagt er til að bygging nýs Landspítala við Hringbraut verði hefðbundin opinber ríkisframkvæmd og horfið verði frá svokallaðri leiguleið sem fyrirhugað var að fara, að því er fram kemur í minnisblaði sem Katrín Júlíusdóttir, fjármála- og efnahagsráðherra, og Guðbjartur Hannesson velferðarráðherra lögðu fram á ríkisstjórnarfundi á föstudag.

Fannfergið tekur í budduna

Fannfergi er víða norðanlands og þá ekki síst í Fjallabyggð; á Siglufirði og Ólafsfirði þarf að leita nokkuð langt aftur til að finna jafnmikinn snjó. Sigurður Valur Ásbjarnarson, bæjarstjóri í Fjallabyggð, segir að haustið hafi verið um margt sérstakt. Skemmst sé að minnast jarðskjálftahrinu norðanlands sem var leyst af með hörkuvetri. Hins vegar gangi daglegt líf sinn vanagang.

Tugir smábáta vilja á makríl

Landssambandi smábátaeigenda (LS) hafa borist yfir 70 tilkynningar frá útgerðarmönnum smábáta um að þeir stefni á makrílveiðar í sumar komanda. Í sumar sem leið stunduðu 17 bátar makrílveiðar með handfærum og veiddu samtals 1.100 tonn.

Klæddust flotgöllum til öryggis

Um 30 gráða slagsíða kom á Þórunni Sveinsdóttur VE þegar verið var að hífa veiðarfæri skipsins úr festu út af Vestfjörðum. Lítil hætta er talin hafa verið á ferðum en talsverð bræla var á miðunum þegar atvikið átti sér stað. Skipverjar höfðu þó varann á og klæddust flotgöllum til öryggis, eins og Slysavarnaskóli sjómanna leggur áherslu á að sé gert.

Ívar byggir gistihús í Stöðvarfirði

Ívar Ingimarsson, fyrrverandi atvinnumaður í knattspyrnu, hefur ákveðið að snúa sér að ferðaþjónustu á Austfjörðum og er að hefja smíði gistihúss í botni Stöðvarfjarðar.

Um allt land: Stöðvarfjörður sóttur heim

Kristján Már Unnarsson og Friðrik Þór Halldórsson, kvikmyndatökumaður, fóru á Austfirði og hittu þar fyrir kunnan knattspyrnukappa og fleira áhugavert fólk.

Stofna samtök fyrir foreldra sem misst hafa barn með skyndilegum hætti

Það er gríðarlegt áfall að missa barn með skyndilegum hætti segir faðir sem þekkir sorgina. Hann kemur nú að stofnun samtaka fyrir foreldra í sömu sporum og segir mikilvægt að ræða málin enda sé það gott fyrir sálina.

Óttaðist um líf sitt

Ungur maður sem var ógnað af ræningja með byssu í söluturni í fyrrakvöld segist hafa óttast um líf sitt. Hann hélt í fyrstu að um grín væri að ræða. Lögregla leitar ræningjans ennþá.

Guðmundur Kristjánsson í Klinkinu

Forstjóri Brims óttast annað efnahagshrun nái hugmyndir ríkisstjórnarinnar um að gjörbylta sjávarútvegi fram að ganga. ann segist upplifa ástandið eins og árið 2007

Ljós tendruð á Óslóartré

Ljós voru tendruð á Óslóartrénu á Austurvelli á fimmta tímanum í dag. Það var sex ára gamall norsk-íslenskur piltur, Jörundur Ísak Stefánsson, sem fékk þann heiður að tendra ljósin.

Öryggismál hjá Samskipun í endurskoðun

Öryggismál hjá Samskipum eru í endurskoðun eftir að tveimur ungum hælisleitendum tókst að laumast um borð í flutningaskipið Helgafell og sigla til Englands. Ekki er ljóst hvort Samskip verði sektað af yfirvöldum þar ytra.

Styður Guðbjart í formannsslagnum

„Guðbjartur og Árni Páll eru báðir frambærilegir í alla staði. En ég vel þann sem ég tel líklegri til að geta sameinað jafnaðarmenn, og það er Guðbjartur.“

Elva Brá er fundin

Elva Brá Þorsteinsdóttir, sem lögreglan lýsti eftir fyrir helgi, er fundin.

Eldur laus í leikskóla í Langagerði

Töluverðar skemmdir urðu vegna eldsvoða í leikskóla í Langagerði í Reykjavík fyrr í dag.

Flughált á fjallvegum

Búist er við því að flughált verið á fjallvegum vestan- og norðvestantil, samkvæmt upplýsingum frá Vegagerðinni. Þar hefur hlánað í dag og með bleytu ofan í snjó sem fyrir er má reikna með að staðbundið verði flughált og varasamt í hvössum vindinum. Þá er gert ráð fyrir vaxandi hríðarveðri á fjallvegum á Austfjörðum með kvöldinu og vindhviðum í Öræfasveit frá því seint í kvöld.

Hjúkrunarfræðingar fengu ekki fund með forsætisráðherra

"Þetta eru ekki einhverjar skipulagðar hópuppsagnir,“ segir Ragnheiður Gunnarsdóttir, varaformaður Félags íslenskra hjúkrunarfræðinga. RÚV greindi frá því í hádegisfréttum sínum að tugir hjúkrunarfræðinga hefðu sagt upp störfum á Landspítalanum á föstudaginn. Ragnheiður segir að þessar uppsagnir hafi ekki verið gerðar í samráði við félagið og því viti hún ekki hversu margir hafi sagt upp.

Konan í Kaupmannahöfn útskrifuð af sjúkrahúsi

Íslenska konan sem féll í Peblingevatnið á Nörrebro í Kaupmannahöfn aðfararnótt laugardagsins hefur verið útskrifuð frá Rigshospitalet. Lögreglan í Kaupmannahöfn hefur tilkynnt fjölskyldu hennar um það.

Ríkið samþykkir níu milljarða lán fyrir Vaðlaheiðargöngum

Katrín Júlíusdóttir, fjármála- og efnahagsráðherra undirritaði í dag fyrir hönd ríkisins lánasamning við Vaðlaheiðargöng hf. vegna framkvæmdar við jarðgöng undir Vaðlaheiði.