Rafmagnslaust í Kópavogi

Rafmagnslaust varð í vesturhluta Kópavogs rétt fyrir klukkan átta í kvöld. Bilun varð í háspennulínu og gert er ráð fyrir að um klukkutíma taki að gera við bilunina.

Sagnfræðingur: Ólafur Ragnar hefur breytt forsetaembættinu

Þeir sem gegna embætti forseta Íslands í framtíðinni geta ekki vænst þess að sitja þar á friðarstóli að mati Guðna Th. Jóhannessonar, sagnfræðings. Hann segir að Ólafur Ragnar hafi breytt embættinu til frambúðar.

Eldur í fokheldri íbúð í Hafnarfirði

Eldur kom upp í íbúðarhúsnæði við Norðurhellu í Hafnarfirði um klukkan fimm í dag. Vel gekk að slökkva eldinn sem minniháttar. Íbúðin er fokheld.

Málið byggt á misskilningi - Bubbi getur sofið rólega

"Það stóð aldrei til að fara í meiðyrðamál við hann," segir Birgir Tjörvi Pétursson, lögmaður Heiðars Más Guðjónssonar fjárfestis, um afsökunarbeiðni Bubba Morthens sem hann birti í pistli á pressunni í morgun.

Biskupamyndin valin fréttaljósmynd ársins

Mynd Gunnars V. Andréssonar, ljósmyndara Fréttablaðsins og Vísis, af Karli Sigurbjörnssyni og Geir Waage var valin Fréttaljósmynd ársins á sýningunni Myndir ársins, sem opnaði í Gerðarsafni í dag.

Fréttastofurnar verðlaunaðar sameiginlega fyrir bestu umfjöllun

Fréttastofa Stöðvar 2, Fréttastofa RÚV og Ritstjórn Morgunblaðsins hlutu blaðamannaverðlaun ársins 2010 fyrir bestu umfjöllun í Gerðarsafni í Kópavogi rétt í þessu.

Jón Gnarr í opinberri heimsókn í Dyflinni

Jón Gnarr borgarstjóri í Reykjavík er ásamt fylgdarliði í opinberri heimsókn í Dyflinni þessa dagana í boði Gerry Breen borgarstjóra Dyflinnar.

Særði blygðunarsemi nágranna sinna

Sextíu og sjö ára karlmaður var dæmdur í fjögurra mánaða skilorðsbundið fangelsi í Héraðsdómi Reykjavíkur í gær fyrir kynferðisbrot með því að hafa sært blygðunarsemi nágranna sinna er hann stóð fyrir framan glugga á heimili sínu í fráhnepptri skyrtu og strauk á sér getnaðarliminn.

Bubbi á nærbuxunum biður Heiðar Má afsökunar

Tónlistarmaðurinn Bubbi Morthens hefur beðið fjárfestinn Heiðar Má Guðjónsson opinberlega afsökunar á pistli sem hann skrifaði á pressuna fyrir nokkru síðan. Pistillinn bar yfirskriftina "Krónuníðingar" en þar fjallaði Bubbi um meinta stöðutöku Heiðars gegn krónunni og vitnaði þar í blaðið DV.

Hálka víða á landinu

Það er hálka á Hellisheiði og í Þrengslum, og hálkublettir víðast hvar á Suðurlandi. Éljagangur er á Suðurnesjum og hálkublettir.

Jamie Cullum spilar í Hörpunni í júní

Breski tónlistarmaðurinn Jamie Cullum kemur fram á tónleikum í Hörpunni 23. júní næstkomandi. Cullum verður þar með fyrsta erlenda poppstjarnan sem kemur fram í tónlistarhúsinu við höfnina.

Útilokar ekki að höfða skaðabótamál

Steingrímur J. Sigfússon, fjármálaráðherra, útilokar ekki að ríkið muni höfða skaðabótamál á hendur fyrrverandi eigendum og stjórnendum Landsbankans vegna Icesave. Ekkert bendir þó til þess að fjármunir af Icesave reikningunum hafi verið notaðir í ólögmætum tilgangi samkvæmt rannsókn Deloite í Lundúnum.

Bæjarbúar hafðir að leiksoppum

Formaður íbúasamtaka Önundarfjarðar furðar sig á vinnubrögðum Byggðastofnunar en stjórn Byggðastofnunar ákvað í gær að rifta samningum við Lotnu. Hann segir ákvörðun byggðastofnunar ljótan leik, bæjarbúar á Flateyri hafi verið hafðir að leiksoppum.

Strætó hættir akstri klukkutíma fyrr

Frá og með morgundeginum munu strætisvagnar á höfuðborgarsvæðinu hætta akstri klukkutíma fyrr öll kvöld vegna niðurskurðar á fjárframlögum sveitarfélaganna til Strætó bs.

Tveir teknir ölvaðir undir stýri

Tveir ökumenn voru teknir grunaður um ölvun við akstur í gærkvöldi og nótt, annar á höfuðborgarsvæðinu og hinn í Vestmannaeyjum. Nóttin var heldur róleg hjá lögregluembættum landsins. Skemmtanahald í miðborg Reykjavíkur fór vel fram en fremur kalt var í veðri.

Brautskráning frá Háskóla Íslands í dag

Brautskráning frá Háskóla Íslands fer fram í Háskólabíói í dag og hefst hún klukkan eitt. 458 kandídatar verða brautskráðið fráskólanum með 460 próf.

Sigríður Dagbjört er ungfrú Reykjavík

Sigríður Dagbjört Ásgeirsdóttir, tvítug Kópavogsmær, var kosin ungfrú Reykjavík í gærkvöldi. Hún stundar nám við Verzlunarskóla Íslands og er á lokaári sínu þar. Keppnin var sýnd í beinni útsendingu á Skjá einum í gærkvöldi.

Um 430 viðskiptavinir eiga farminn

Talið er að um 20 prósent af farmi Goðafoss séu ótryggð. Verið er að safna saman gögnum frá öllum viðskiptavinum sem voru með vörur um borð í skipinu til að meta heildarvirði farmsins. Fjöldi viðskiptavina er svipaður og fjöldi gáma um borð, eða um 430 talsins.

Um fjörutíu þúsund Íslendingar búa úti

Alls búa 38.083 Íslendingar erlendis. Flestir búa á Norðurlöndunum, rúmur fjórðungur þeirra í Danmörku, eða 10.115 manns. Þeir Íslendingar sem búa í Noregi eru 6.970 talsins, 6.656 í Svíþjóð og 206 í Finnlandi. Þetta eru upplýsingar fengnar úr Þjóðskrá Íslands.

Ótímabært að leyfa staðgöngumæðrun

Siðferðilegum, lagalegum og læknisfræðilegum spurningum varðandi staðgöngumæðrun hefur ekki verið svarað nægilega vel. Þær þarf að leiða til lykta með gagnrýninni og opinni umræðu á sem flestum sviðum samfélagsins.

Leyfa átti skil á útboðslóð

Innanríkisráðuneytið segir Reykjavíkurborg hafa brotið jafnræðisreglu stjórnsýslulaga með því að synja manni einum um að fá að skila útboðslóðum við Lautarveg í Fossvogi.

Ekki hróflað við áfengiskaupaaldri

Í bígerð er að breyta lögum um verslun með áfengi og tóbak og leggja fram nýja áfengisstefnu stjórnvalda. Undirbúningur er á lokastigi.

Fríar klippingar á mánudögum

Fjölskylduhjálp Íslands hefur nú ákveðið að bjóða á ný upp á ókeypis klippingar. Boðið var upp á hárklippingar fyrir skjólstæðinga Fjölskylduhjálpar Íslands í Reykjavík í nóvember og desember á síðasta ári.

Einkarekstrarformið dautt í bili segir BVS

„Ég held að í ljósi þessarar skýrslu þá sé þetta einkarekstrarform dautt í bili,“ segir Bragi Guðbrandsson, forstjóri Barnaverndarstofu, um harðorða skýrslu Ríkisendurskoðunar frá því á fimmtudag.

Fiskiskipum fjölgar um 51

Fjöldi skipa á skrá hjá Siglingastofnun (SÍ) í árslok 2010 var 1.625 skip, að því er kemur fram í tilkynningu frá Hagstofunni. Þilfaraskip, sem skiptast í vélskip og togara, voru 807, 761 vélskip og 57 togarar. Fækkar vélskipum um sjö og togurum um einn.

Grameðlan er ofmetið rándýr

Grameðlan, Tyrannosaurus Rex, var mögulega ekki ógnvænlegt rándýr sem veiddi aðeins stærstu dýr síns tíma, eins og hingað til hefur verið talið.

Liðsmenn meirihlutaflokka ekki einhuga

Ekki er alger einhugur í flokkunum fjórum sem stóðu að áliti meirihluta nefndar um að 25 einstaklingar sem efstir urðu í ógildu kjöri til stjórnlagaþings verði skipaðir í sérstakt stjórnlagaráð.

Hrina smáskjálfta í Krýsuvík

Jarðskjálftahrina er nú í gangi í Krýsuvík og hafa yfir fimmtíu skjálftar mælst þar síðustu tvo sólarhringa, samkvæmt skjálftavef Veðurstofunnar. Jarðskálftarnir eru allir litlir, - þeir stærstu tæp tvö stig, og eiga flestir upptök á litlu svæði suðvestan Kleifarvatns á þriggja til fimm kílómetra dýpi.

Icelandair sakfellt fyrir samkeppnisbrot en sleppur við sekt

Héraðsdómur staðfesti í dag þá niðurstöðu áfrýjunarnefndar samkeppnismála að Icelandair hafi verið í markaðsráðandi stöðu og misnotað hana með kynningu á svokölluðum Netsmellum á árinu 2004.

Heiðar ítrekaði kröfu um afsökunarbeiðni

Krafa Heiðars Más Guðjónssonar fjárfestis um að ummæli í DV verði dregin til baka var ítrekuð þegar meiðyrðamál gegn ritstjórum og fréttastjóra DV var tekið fyrir í Héraðsdómi Reykjavíkur í dag.

Fá ekki lán fyrir kaupum í Eyrarodda

Eignarhaldsfélagið Lotna á ekki kost á því að kaupa í Eyrarodda á Flateyri. Ástæðan er sú að vegna fyrri viðskiptasögu eigenda Lotnu geta þeir ekki yfirtekið lán sem fyrri eigendur Eyrarodda höfðu fengið hjá Byggðarstofnun. Þetta staðfestir Anna Kristín Gunnarsdóttir, stjórnarformaður Byggðastofnunar, í samtali við vísi. Ríkisútvarpið fullyrti í gær að slóð gjaldþrota fyrirtækja lægi eftir þá Sigurð Aðalssteinsson og Kristján Sigurð Kristjánsson, eigenda Lotnu.

Hugnast ekki hugmyndin um stjórnlagaráð

Birki Jóni Jónssyni, varaformanni Framsóknarflokksins hugnast ekki hugmynd um að skipa sérstakt stjórnlagaráð til að endurskoða stjórnarskrána. Hann segir margvíslegar ástæður vera fyrir afstöðu sinni.

Breytingar hjá Strætó - vagnar hætta akstri klukkutíma fyrr

Breytingar verða gerðar á akstri Strætó þann 27. febrúar eða á sunnudaginn kemur. Strætó mun frá þeim tíma ljúka akstri klukkutíma fyrr öll kvöld og hefja akstur tveimur klukkustundum síðar á laugardögum. Jafnframt hætta leiðir 2 og 5 að aka á kvöldin og um helgar. Ástæður þessara almennu breytinga er samdráttur á framlögum sveitarfélaganna á höfuðborgarsvæðinu til Strætó bs. Breytingar verða einnig gerðar á leiðum 16, 18, 19, 28, 35 og 36.

Eigendur farmsins greiða fyrir tjónið

Eigendur allra verðmæta sem í húfi voru þegar Goðafoss strandaði greiða sameiginlega þann kostnað sem af atvikinu hlýst. Þeir sem eru með farmtryggingu verða ekki fyrir tjóni. Þetta kemur fram í tilkynningu sem Eimskip sendi frá sér í dag.

Ögmundur skipar nefnd vegna skipunar ríkissaksóknara

Innanríkisráðherra hefur skipað hæfnisnefnd vegna undirbúnings skipunar í embætti ríkissaksóknara. Hæfnisnefndin á að vera ráðherra til aðstoðar við undirbúning skipunar í embætti ríkissaksóknara og skila honum rökstuddu og skriflegu mati á hæfni umsækjenda. Umsóknarfrestur um embætti ríkissaksóknara rennur út þann 28. febrúar næstkomandi.

Jóhanna: Þingmenn flytja frumvarp um stjórnlagaráð

Jóhanna Sigurðardóttir forsætisráðherra segir að þingsályktunartillaga um skipun 25 manna í stjórnlagaráð verði flutt af þingmönnum á Alþingi en ekki sem frumvarp ríkisstjórnarinnar. Það hafi aldrei staðið til. Ögmundur Jónasson innanríkisráðherra lýsti því yfir í morgun að hann væri andvígur þessari leið. Jóhanna segir að Ögmundur muni þó ekki greiða atkvæði gegn tillögunni.

Lóa sást i Heimaey

Heiðlóa fannst á Heimaey í gær. Þetta er mögulega fyrsta heiðlóan sem kemur til landsins í ár, eftir því sem fram kemur á vefnum Fuglar.is. Þar segir að einungis hafi verið tilkynnt um eina heiðlóu á árinu en það var 4. febrúar og þykir nokkuð öruggt að það hafi verið fugl frá því í haust.

Stöðvuðu fimmtíu stefnuljósaskussa

Lögreglan á höfuðborgarsvæðinu fylgist sérstaklega með stefnuljósanotkun ökumanna þessa dagana, líkt og áður hefur komið fram. "Enn eru margir sem nota ekki stefnuljós, eins og kveðið er á um í umferðarlögum, og því er greinilega full þörf á eftirliti af þessu tagi,“ segir í tilkynningu.

Mikið um hraðakstur í borginni

Að sögn lögreglu ber nokkuð á hraðakstri á höfuðborgarsvæðinu um þessar mundir. „Tuttugu ökumenn voru teknir fyrir hraðakstur á Reykjanesbraut í Garðabæ í gær og í fyrradag voru höfð afskipti af allnokkrum ökumönnum sem fóru heldur greitt um Ártúnsbrekku,“ segir í tilkynningu en á báðum stöðum er 80 km hámarkshraði. „Allir fyrrgreindir ökumenn óku á 100 km hraða eða meira,“ segir ennfremur.

Innbrot í bíla - stálu radarvara og skólatösku

Brotist var inn í þrjá bíla í Reykjavík í gærkvöld. Úr þeim var m.a. stolið radarvara, bakpoka og skólatösku. Sem fyrr ítrekar lögreglan að verðmæti séu ekki skilin eftir í bílum. Sé það óumflýjanlegt er mikilvægt að slíkir hlutir séu ekki í augsýn.

Samstaða um sameiningu embætta

Samstaða er hjá ríkislögreglustjóra, sérstökum saksóknara og ríkissaksóknara um að sameina efnahagsbrotadeild og embætti sérstaks saksóknara.

Ögmundur vill ekki stjórnlagaráð

Ögmundur Jónasson innanríkisráðherra fellst ekki á hugmyndir þingmannanefndar um að þeir 25 sem kjörnir voru á stjórnlagaþing í lok nóvember verði skipaðir í svo kallað stjórnlagaráð eins og nefndin leggur til.

Kosið um Icesave 9. apríl

Þjóðaratkvæðagreiðsla um Icesave frumvarpið verður 9. apríl samkvæmt tillögu sem Ögmundur Jónasson innanríkisráðherra lagði fram á ríkisstjórnarfundi í morgun. Eins og kunnugt er vísaði Ólafur Ragnar Grímsson Icesave í dóm þjóðarinnar á grundvelli 26. greinar stjórnarskrárinnar síðastliðinn sunnudag.

Hjólamenn hittast á Lækjartorgi

Áhugamenn um hjólreiðar og hjólamenningu ætla að hittast á Lækjartorgi klukkan hálf sex í dag undir merkjum Critical Mass. Þessi atburður mun vera iðkaður í fleiri en 300 borgum um allan heim en þá kemur fólk saman síðasta föstudag hvers mánaðar til að „endurheimta göturnar fyrir heilbrigðari ferðamáta.“

Háhyrningarnir enn í Breiðafirði

Háhyrningarnir sem eltu síldina næstum alveg upp í fjöru í Grundarfirði á sunnudaginn hafa fært sig um set. "Þeir eru aðeins hérna fyrir utan. Þeir eru að elta loðnu sem er hérna á Breiðafirði," segir Tómar Freyr Kristjánsson, skrifstofumaður og sjúkraflutningamaður, sem náði hreint stórkostlegum myndum af háhyrningunum við Grundarfjörð á sunnudaginn.