Bæjarstjórinn gefur lítið fyrir gagnrýni á Landeyjahöfn

„Þeir sem mest gagnrýna ættu kannski að láta það eftir sér að lesa sér aðeins til og skoða hvernig staðan er í raun og veru," segir Elliði Vignisson, bæjarstjóri í Vestmannaeyjum, um Landeyjahöfn en frá því að hún var tekin í notkun á síðasta ári hefur oft ekki verið hægt að sigla til og frá höfninni.

Ólína: Höfum fengið nóg af hótanapólitík Samtaka atvinnulífsins

Þingmaðurinn Ólína Þorvarðardóttir segir Samfylkingarfólk búið að fá meira en nóg af „hótanapólitík“ Samtaka atvinnulífsins og Landssambands íslenskra útvegsmanna. Það hafi komið skýrt fram á flokksstjórnarfundi Samfylkingarinnar í gær.

Stjórnlagaþingfulltrúar funda með ráðherra

Stjórnlagaþingsfulltrúarnir 25 funda með Ögmundi Jónassyni, innanríkisráðherra, í dag. Þar munu fulltrúarnir ræða við ráðherrann um þá stöðu sem upp er komin í kjölfar ákvörðunar Hæstaréttar um að ógilda kosningu þeirra.

Íslenskur kjötiðnaðarnemi Danmerkurmeistari

Íslendingurinn Dagný Björk Örlygsdóttir sigraði árlega keppni verk- og iðnnema í kjötiðn í Danmörku. Keppninni lauk í gærkvöld en hún var haldin í Óðinsvéum á Fjóni. Alls voru tíu kjötiðnaðarnemar sem kepptu í úrslitum.

Líkamsárás fyrir utan skemmtistað kærð

Eitt líkamsárásarmál kom upp í miðborg Reykjavíkavíkur í nótt þegar tveimur mönnum lenti saman fyrir utan skemmtistaðinn Prikið. Annar mannanna var fluttur á slysadeild til aðhlynningar en áverkar hans voru ekki alvarlegir, samkvæmt upplýsingum sem fengust hjá lögreglu. Árásin hefur verið kærð.

Ók á ofsahraða innanbæjar

Ungur karlmaður var stöðvaður á ofsahraða á Selfossi rétt fyrir miðnætti í gærkvöldi. Ökumaðurinn, sem samkvæmt lögreglu er tiltölulega nýkominn með bílpróf, ók á 114 km. hraða í götu þar sem hámarkshraði er 50 km. á klst. Hann verður sviptur ökuréttindum og gert að greiða háa sekt, að sögn lögreglu.

Myndaði fund milljarðamærings með íslenskum ráðherrum

Vinnuheiti nýrrar heimildarmyndar hinnar bandarísku Judith Ehrlich, þar sem þingkonan Birgitta Jónsdóttir kemur við sögu, er Iceland: The Mouse That Roared.

Lag Sigurjóns komst áfram

Lag Sigurjóns Brink, Aftur heim, komst í kvöld í úrslitaþáttinn í Söngvakeppni Sjónvarpsins. Það gerðu einnig lögin Ég trúi á betra líf eftir Hallgrím Óskarsson og Ég lofa eftir þá Vigni Snæ Vigfússon og Jógvan Hansen.

Vilja semja stjórnarskrá

Stjórnlagaþingsfulltrúar vilja að Alþingi veiti sér heimild til að koma saman og leggja drög að nýrri stjórnarskrá sem kosið yrði um í þjóðaratkvæðagreiðslu áður en Alþingi fjallaði um málið. Þetta kom fram á fundi stjórnlagaþingsfulltrúa í morgun.

Alþingi einfaldi ferlið

Héraðsdómslögmaður segir vinnslu umsókna til greiðsluaðlögunar vera of flókna. Hann vill að Alþingi einfaldi ferlið svo hægt sé að stytta biðlista hjá umboðsmanni skuldara.

Perlan verður seld

Orkuveita Reykjavíkur hyggst selja eignir á borð við Perluna, Elliðárvatnshúsin og jörð við Úlfljótsvatn í næsta mánuði. Ýmsar eignir sem til stendur að selja eru metnar á mörg hundruð milljónir. Stjórn Orkuveitunnar tekur ákvörðun um söluna á mánudag.

Einn með allar tölurnar réttar

Einn heppinn lottóspilari var með allar tölur réttar í lottóinu í kvöld og er hann rúmum 5 milljónum ríkari fyrir vikið. Vinningurinn kom á miða með tölunum 5, 11, 13, 19 og 31. Vinningshafinn var með tölurnar í áskrift.

Forsætisráðherra haldi ró sinni

Samtök atvinnulífsins telja brýnt að Jóhanna Sigurðardóttir, forsætisráðherra, haldi ró sinni. Hún hafi ráðist með fordæmalausum hætti á samtökin og eitt aðildarfélag þess, Landssamband íslenskra útvegsmanna, á flokksstjórnarfundi Samfylkingarinnar í dag. LÍÚ gagnrýnir rangfærslur í máli Jóhönnu.

Stjórnlagaþingmenn funduðu í dag: Útilokum ekki neitt fyrirfram

„Við áttum fyrst fund með undirbúningsnefndinni til þess að hún gæti fengið viðbrögð okkar við þessu ástandi," segir Ómar Ragnarsson sem var einn þeirra sem náði kjöri í stjórnlagaþingskosningunum í haust. 22 af 25 fulltrúum áttu fund í dag þar sem farið var yfir stöðuna sem upp er komin eftir að Hæstiréttur ógilti kosninguna.

Steinunn Valdís ráðin verkefnisstjóri hjá Samfylkingunni

Steinunn Valdís Óskarsdóttir, fyrrverandi borgarstjóri og þingmaður Samfylkingarinnar, hefur verið ráðin sem verkefnisstjóri hjá Samfylkingunni. Um að ræða tímabundið hlutastarf og er Steinunni ætlað að halda utan um vinnu málefnanefnda Samfylkingarinnar og skipuleggja vinnu þeirra framundan.

„Mjög mikilvægt skref í baráttunni“

„Ég er fullviss um að það sé til mikil vísindaleg þekking sem er vannýtt. Þetta er því mjög mikilvægt skref í baráttunni," segir Auður Guðjónsdóttir, formaður Mænuskaðastofnunar Íslands, um samþykkt velferðarnefndar Norðurlandaráðs, en nefndin samþykkti í vikunni tillögu Íslandsdeildar Norðurlandaráðs um samhæfðar upplýsingar á Norðurlöndum um mænuskaða.

Góð stemmning á Japanshátíð

Góð stemmning er á Japanshátíð sem fer fram á Háskólatorgi í dag. Fjölmargir hafa lagt leið sína á hátíðina en þar er gestum boðið að kynna sér japanskt líf og menningu í fjölbreyttum kynningum og fyrirlestrum.

Órólega deildin leikur sér að eldinum

Þeir stjórnarliðar sem líta á stjórnarsáttmálann sem plagg sem ekki þurfi að taka mark á eru að leika sér að eldinum, að mati Jóhannu Sigurðardóttur, forsætisráðherra. Hún segir óróleika innan VG hafa skaðað ríkisstjórnarsamstarfið og dregið úr trúverðugleika ríkisstjórnarinnar.

Afsögn forsætisráðherra væri eðlileg

Fyrrverandi forsætisráðherra segir viðbrögð ráðherra við ákvörðun Hæstaréttar að ógilda stjórnagalþingskosningarnnar meiri áfall en sjálf ógildingin. Afsögn forsætisráðherra væri ekki óeðlileg í þessu samhengi.

Kannabisræktun olli vatnsleka í fjölbýlishúsi

Lögreglumenn lögðu hald á kannabisplöntur á lokastigi ræktunar í fjölbýlishúsi í Hafnarfirði í morgun. Upp komst um málið þegar vatn fór að leka á stigagangi hússins. Líkt og fram kom á Vísi í morgun var í fyrstu talið að skemmdarvargar hefðu dregið brunaslöngu fram og skrúfað frá vatni. Lögreglan á höfuðborgarsvæðinu telur nú ljóst að vökvakerfi hafi gefið sig með fyrrnefndum afleiðingum.

Heiðra minningu Sjonna: Hann batt okkur alla saman

„Sjonni var mjög spenntur fyrir því að taka þátt, hann hafði lagt mikla vinnu í lagið sitt ásamt Vigni Snæ. Hann hlakkaði mikið til að keppa með það,“ segir Hreimur Örn Heimisson tónlistarmaður.

Rítalín of mikið notað

Notkun Íslendinga á rítalíni er að verða sú mesta í heiminum, Alþjóðafíkniefnaráð hefur varað við mikilli notkun hér á landi. Dæmi eru um að foreldrar selji lyf barna sinna á svörtum markaði.

Þingmenn sameinist um stjórnlagaþing

Jóhanna Sigurðardóttir, forsætisráðherra, segir eðlilegt að stjórnarþingmenn og þingmenn úr röðum stjórnarandstöðu sameinist um nýtt frumvarp til laga um stórnlagaþing eftir ákvörðun Hæstaréttar um ógildingu kosninganna.

Landsbyggðin fái fleiri fulltrúa

Stjórnlagaþingsfulltrúi telur að efna eigi til nýrra stjórnlagaþingskosninga. Þá eigi kosningin að vera að hluta landshlutabundin til að tryggja að landsbyggðin fái fleiri fulltrúa á þingið.

ESB græðir lítið á Íslandi

Jean-Claude Piris, fyrrum yfirmaður lögfræðideildar ráðherraráðs Evrópusambandsins, segir Evrópusambandið hafa lítið að græða á Íslandi. Piris segir ESB vel geta lifað án aðildarríkisins Íslands og aðild landsins myndi ekki breyta miklu fyrir ESB. Þá megi eins spyrja hvort ESB hleypi Íslandi inn. Þetta kemur fram í ítarlegu viðtali við hann í Fréttablaðinu í dag sem hægt er að lesa hér.

Ögmundur íhugi afsögn

Unnur Brá Konráðsdóttir, þingmaður Sjálfstæðisflokksins, segir að Ögmundur Jónasson, innanríkisráðherra, verði alvarlega að afsögn vegna ákvörðunar Hæstaréttar um ógildingu stjórnlagaþingskosninganna.

Yfirmenn reknir frá Sjálfsbjörg

Framkvæmdastjóra og skrifstofustjóra Sjálfsbjargar hefur verið sagt upp störfum. Ekki var farið fram á vinnuskyldu út uppsagnarfrestinn.

Jussanam: Vonbrigði

„Ég bjóst við bréfi í dag þannig að ég varð fyrir vonbrigðum. Ég held í vonina að bréfið hafi farið í póst í dag, en ef á að segja alveg eins og er þá held ég að málið sé enn í vinnslu,“ sagði Jussanam da Silva, brasilíska söngkonan sem bjóst við að fá í dag svar við umsókn um dvalarleyfi á Íslandi eins og fram kom í viðtali í Fréttablaðinu í gær.

Samfylkingarfólk fundar

Flokksstjórn Samfylkingarinnar kemur saman í Reykjavík í dag. Fundurinn hefst klukkan 13 með ræðu formanns flokksins, Jóhönnu Sigurðardóttur forsætisráðherra en á þriðjudaginn verða tvö ár frá því að hún tók við embætti forsætisráðherra fyrst kvenna.

Börnin njóta vafans hálfan skóladaginn

Sorpbrennsla á Kirkjubæjarklaustri fer enn fram á skólatíma en hefur verið seinkað um fjóra klukkutíma. Sveitarstjóri segir það á misskilningi byggt að alfarið yrði hætt að brenna sorp yfir skóladaginn. Fréttablaðið greindi frá því 14. janúar að sorpbrennslan á staðnum, íþróttahúsið, sundlaugin, og grunnskólinn stæðu vegg í vegg.

Vatnsleki í fjölbýlishúsi

Slökkvilið höfuðborgarsvæðisins var kallað út skömmu eftir klukkan sjö í morgun að fjölbýlishúsi í Hafnarfirði vegna vatnsleika, en kalt vatn hafði þá flætt um stigagang í húsinu. Ekki er vitað um skemmdir en slökkviliðsmenn eru enn á staðnum. Að sögn varðstjóra lítur út fyrir að skemmdarvargar hafi skrúfað frá brunaslöngu.

Frumvarp Árna og Sigmundar mjög óvenjulegt

„Þetta er mjög óvenjulegt,“ segir Róbert Marshall, formaður allsherjarnefndar Alþingis, um frumvarp sem sjálfstæðismaðurinn Árni Johnsen og Samfylkingar­maðurinn Sigmundur Ernir Rúnarsson hafa lagt fram um að veita rússneska rithöfundinum Madinu Salamovu íslenskan ríkisborgararétt.

Heilsudrykkir valda eyðingu glerungs

Ein af aðalástæðum fyrir eyðingu glerungs í tönnum Íslendinga er neysla súrra drykkja. Það eru drykkir með sýrustigi undir pH 5,5. Hólmfríður Guðmundsdóttir, tannlæknir hjá Lýðheilsustöð, og Alís G. Heiðar, nemi við Tannlæknadeild Háskóla Íslands, hafa rannsakað innihald ýmissa drykkja sem eru á markaðnum hér á landi og þá sérstaklega bragðbættra vatnsdrykkja sem innihalda sítrónusýru, sem og kóladrykkja.

Laxveiðin hefst með lúðraþyt í Skotlandi

Laxveiði ársins 2011 er hafin í ánni Helmsdale í Skotlandi. Þar byrjuðu heimamenn og gestir veiðarnir fyrir rúmum tveimur vikum með mikilli viðhöfn.

Þúsund börn heimsótt 365 miðla

Meira en eitt þúsund tólf ára börn hafa heimsótt 365 miðla með bekknum sínum síðan í október. Í gegnum tíðina hefur fjöldi beiðna borist einstökum fjölmiðlum innan 365 miðla um heimsóknir skólabarna.

Niðurdrepandi að lifa á ölmusu

Síðustu mánuðir hafa verið erfiðir fyrir Jussanam Da Silva. Í marga mánuði hefur hún beðið eftir því að fá svar um atvinnu- og dvalarleyfi á Íslandi og hefur því þurft að framfleyta sér með aðstoð velgjörðarmanna. Hún sagði Sigríði Björgu Tómasdóttur frá lífinu á Íslandi, draumavinnunni á frístundaheimilinu Hlíðaskjóli og tónlistaráhuganum.

Hreyfingin skorar á ríkisstjórnina

Hreyfing skorar á Jóhönnu Sigurðardóttur og ríkisstjórnina að krefjast þess að stjórnvöld í Egyptalandi hlusti á kröfur almennings auk þess að fordæma harðlega ritskoðun, glæpsamlegt harðræði og frelsisskreðingu Hosni Mubaraks. Þetta kemur fram í tilkynningu frá flokknum.

Halldór og Eiki stofna snjóbrettafyrirtæki

Halldór Helgason keppir á X Games í annað sinn um helgina. Snjóbrettaíþróttin er hans aðalstarf en hann og Eiríkur bróðir hans hafa stofnað fyrirtækið Lobster og hanna snjóbretti undir því nafni.

„Björgunarliðið stóð sig frábærlega“

„Auðvitað er ég ánægður því nóttin var ekki sérlega þægileg," segir fimmtugur Þjóðverji sem björgunarsveitir leituðu að á Eyjafjallajökli í alla nótt og fundu undir morgun, hann segir að björgunarlið hafa sýnt mikla fagmennsku í aðgerðum sínum. Hann óttaðist aldrei um líf sitt og stefnir á að fara upp á Vatnajökul við fyrsta tækifæri.

Kísilver í Helguvík frestast

Fulltrúar frá bandarísku fyrirtæki, sem vill reisa kísilver í Helguvík, héldu heim í dag án þess að samningar kláruðust en búist hafði verið við undirskrift í þessari viku. Vonir eru bundnar við að málið komist í höfn í febrúar.

Sérstakur saksóknari fær gögnin frá Lúxemborg

Hæstiréttur Lúxemborgar hefur úrskurðað að lögregluyfirvöld afhendi sérstökum saksóknara á Íslandi öll gögn úr Banque Havilland bankanum í Lúxemborg. Gögnin eru talin hafa verulega þýðingu fyrir rannsókn á Kaupþingi.

Ekki tilefni til afsagnar

„Það er mín persónulega skoðun að ekki hafi verið tilefni til afsagnar, hvorki af hálfu landskjörstjórnar né af hálfu annarra aðila sem önnuðust framkvæmd þessarar kosningar," segir Ögmundur Jónasson innanríkisráðherra. Hann segir þó að um sé að ræða sjálfstæða stjórn sem taki eigin ákvarðanir á eigin forsendum. „Fyrst þetta er þeirra mat þá bera að virða það,“ segir Ögmundur.

Landskjörstjórn segir af sér

Landskjörstjórn hefur sagt af sér, þetta kemur fram í tilkynningu sem send hefur verið fjölmiðlum.

Ungmenni játuðu innbrot í Reykjavík

Lögreglan á höfuðborgarsvæðinu hefur upplýst tvö innbrot sem voru framin í Reykjavík í nótt. Við sögu komu fjögur ungmenni á aldrinum 17 til 19 ára og voru tvö þeirra vistuð í fangageymslu fram eftir degi. Hinum stolnu munum hefur verið komið aftur í réttar hendur, segir í tilkynningu frá lögreglunni á höfuðborgarsvæðinu.

Gillz er opinn fyrir nýrri þáttaröð

„Það rigndi inn sms-um í gær og það er alltaf jákvætt. Ef þú ert að byrja með nýjan þátt og færð engin sms að þá er það ekki jákvætt," segir Egill „Gillzenegger" Einarsson um nýja þáttinn sinn sem fór í loftið á Stöð 2 í gær. Þátturinn heitir Mannasiðir Gillz og byggir á bók sem Egill skrifaði.