Fleiri fréttir

Leggur blessun yfir samráð um úrlausn skuldavanda fyrirtækja

Samkeppniseftirlitið hefur í dag birt ákvörðun þar sem heimilað er samstarf vegna samkomulags um úrvinnslu skuldamála lítilla og meðalstórra fyrirtækja, en samkomulagið var undirritað í gær. Samningsaðilar eru fjármálafyrirtæki og hagsmunasamtök atvinnulífsins, auk fjármálaráðuneytis og efnahags- og viðskiptaráðuneytis.

Seinheppinn þjófur líklega fótbrotinn eftir innbrot

Þjófur sem reyndi að brjótast inn í fyrirtæki í austurborginni í nótt var heldur seinheppinn. Þjófurinn, karl um þrítugt, hafði brotið rúðu í útidyrahurð og var á leið inn i húsið þegar til hans sást. Maðurinn tók þá til fótanna en komst ekki langt því hann datt og lá óvígur eftir. Hinn óprúttni aðili var enn sárþjáður þegar lögreglan kom á vettvang en talið var að hann hefði fótbrotnað. Manninum, sem hefur áður komið við sögu hjá lögreglu, var því ekki ekið í fangageymslu heldur strax komið undir læknishendur.

Rusl í Reykjavík sótt á 10 daga fresti í stað vikulega

Borgarráð samþykkti á fundi sínum í morgun breytingar á sorphirðu í Reykjavík. Meðal breytinga er að á næsta ári verður hafin söfnun á flokkuðu sorpi við heimili í Reykjavík. Tvenns konar tunnur verða við hvert heimili, ílát fyrir sorp til endurvinnslu auk núverandi íláts fyrir blandað sorp.

Þúsundir erlendra ferðamanna á Íslandi yfir hátíðirnar

Nú þegar eru bókaðir um það bil 1200 ferðamenn um jólin á hótelum og gistiheimilum í Reykjavík. Það er það svipaður fjöldi og hefur verið síðustu tvö árin, samkvæmt upplýsingum frá Ernu Hauksdóttur, framkvæmdastjóra Samtaka ferðaþjónustunnar.

Tugir Garpa synda á Þorláksmessu

Þorláksmessu verður væntanlega slegið þátttökumet í 1500 metra sundi hjá Görpum í Sunddeild Breiðabliks. Nú er þetta sund orðið að 20 ára hefð og sífellt fjölgar þátttakendum.

Fjárlagafrumvarpið samþykkt

Þrjátíu og tveir þingmenn greiddu fjárlagafrumvarpinu atkvæði sitt, en atkvæðagreiðslu lauk laust eftir klukkan eitt í dag. Lilja Mósesdóttir, þingmaður VG, hafði fyrirfram gert grein fyrir því að hún og samflokksmenn hennar, Atli Gíslason og Ásmundur Einar Daðason, myndu ekki greiða frumvarpinu atkvæði sitt. 31 þingmaður sat hjá við atkvæðagreiðsluna en enginn greiddi atkvæði gegn frumvarpinu.

Árni Johnsen bauð uppá konfekt

Árni Johnsen, þingmaður Sjálfstæðisflokksins, bauð samstarfsfélögum sínum á Alþingi upp á dýrindis konfekt við upphaf þingfundar í dag. Eftir því sem fréttastofa Stöðvar 2 og Vísis kemst næst er um að ræða Nóa Síríus konfekt. Árni segir að um sé að ræða hefð sem hafi myndast. Hann bjóði alltaf upp á konfekt að lokinni atkvæðagreiðslu um fjárlagafrumvarpið. Slíkar atkvæðagreiðslur séu yfirleitt mjög langar. „Ég er búinn að gera þetta í yfir 20 ár núna held ég,“ segir Árni.

Skuldar þrjár milljónir í leikskólagjöld með 560 þúsund á mánuði

Einstæð fimm barna móðir sem er öryrki er með rúmar 560 þúsund krónur í samanlagðar tekjur á mánuði en skuldar engu að síður 4,6 milljónir í húsaleigu og leikskólagjöld. Hæstiréttur staðfesti í gær úrskurð héraðsdóms þess efnis að börn hennar yrðu vistuð annarsstaðar tímabundið vegna vanrækslu og líkamlegs ofbeldis.

Þrír þingmenn VG styðja ekki fjárlagafrumvarpið

Þrír þingmenn Vinstri hreyfingarinnar - græns framboðs munu ekki styðja fjárlagafrumvarpið fyrir næsta ár. Atkvæðagreiðsla um frumvarpið hófst laust eftir klukkan ellefu í morgun. Þingmennirnir sem telja sig ekki geta stutt frumvarpið eru Lilja Mósesdóttir, Atli Gíslason og Ásmundur Einar Daðason.

Andri Snær á vinsælasta pistil ársins á Vísi

Vísir hefur tekið saman þá pistla og greinar sem mestra vinsælda hafa notið á síðunni á árinu. Grein Andra Snæs Magnasonar, „Í landi hinna klikkuðu karlmanna“, var mest lesin af öllum þeim sem birtust á umræðusíðu Vísis. Afsökunarbeiðni Björgólfs Thors Björgólfssonar, „Ég bið ykkur afsökunar“, var næstmest lesin og Jón Gnarr, þáverandi formaður Besta flokksins og núverandi borgarstjóri Reykjavíkur situr í þriðja sæti með framboðsgrein sína „Kæri Reykvíkingur“.

Furðuljós á himni

Fjöldi manns hefur séð torkennileg ljós á lofti á vesturhimninum í morgun og hringt í lögreglu, stjórnstöð Landhelgisgæslunnar og Vaktstöð siglinga til að tilkynna um hugsanleg neyðarblys á lofti.

Nokkuð snarpur skjálfti við Grímsey

Jarðskjálfti upp á 3,9 á Richter mældist um 18 kílómetrum norður af Grímsey um klukkan níu í morgun. Steinunn Jakobsdóttir, sérfræðingur hjá Veðurstofu Íslands, segir að jarðskjálftahrina hafi verið þarna í gangi síðustu vikuna. Fylgst verði áfram með svæðinu, en þetta þurfi ekki að vera fyrirboði um neinar frekari jarðhræringar.

Verðkönnun ASÍ: Algengasti munur 25-50%

Töluverður munur reyndist vera á nýjum jólabókum þegar verðlagseftirlit ASÍ kannaði verð í 12 verslunum víðsvegar um landið í árlegri jólabókakönnun sinni síðastliðinn þriðjudag. Könnunin tók til verðs á 43 algengum bókatitlum og algengast var að fjórðungs til helmings munur væri á milli verslana.

Minna selt af kjöti

Sala á kjöti hefur dregist saman um ríflega 2% á síðustu tólf mánuðum. Í nóvember dróst salan saman um 2,7% og vegur þar þyngst 22,4% samdráttur í sölu lambakjöts og 4,2% samdráttur í sölu alifuglakjöts. Nær engar birgðir eru nú til af alifuglakjöti en þurft hefur að slátra stórum hópum kjúklinga vegna salmonellusýkinga. Fyrir aðeins tólf mánuðum voru til 350 tonna birgðir af alifuglakjöti.

Jóhanna Guðrún snýr aftur í Eurovision

Jóhanna Guðrún Jónsdóttir snýr aftur í Eurovision þegar hún syngur lag Maríu Bjarkar Sverrisdóttur í Söngvakeppni Sjónvarpsins. Jóhanna er öllum hnútum kunn í Söngvakeppninni, vann hana 2008 og fór með lagið Is It True? alla leið í annað sætið í Moskvu, sællar minningar.

Sérstakur saksóknari: Enginn vill leka upplýsingum

Ólafur Þór Hauksson, sérstakur saksóknari, er líklega eini Íslendingurinn sem hefur það í starfstitli að vera sérstakur. Spurður af blaðamanni Skessuhorns hvort hann sé í raun svolítið sérstakur segir Ólafur: „Lögin segja að svo sé en ég held að þess utan sé ég nú frekar venjulegur." Stefnt er að því að þessu verkefni hans verði lokið árið 2014 og því verði hann ekki sérstakur eftir það.

Þrjú loðnuskip lönduðu 3.300 tonnum

Loðnuskipin Faxi, Börkur og Ingunn, lönduðu í gær samtals þrjú þúsund og þrjú hundruð tonnum , ýmist á Vopnafirði eða í Neskaupstað.

Þríþætt átak þarf til rafbílavæðingar

Írar eru langt komnir í rafbílavæðingu. Paul Mulvaney, framkvæmdastjóri ESB ecars á Írlandi, segir að til þurfi samstarf hins opinbera, bílaframleiðenda og orkufyrirtækja. Framfarir í þróun rafhlaðna ýta undir væntingar um stóraukna notkun rafbíla.

Neyðarútgangurinn skrúfaður fastur

„Svona umbúnaður öryggismála á samkomustað flokkast hreinlega undir glæpsamlegt athæfi,“ segir Þorbjörn Haraldsson, slökkviliðsstjóri á Akureyri, um það hvernig allar flóttaleiðir á skemmtistaðnum Sjallanum voru ófærar þegar húsinu var lokað fyrr á þessu ári.

Fáir flokkar hafa skilað ársreikningi

Fæstir stjórnmálaflokkanna hafa skilað Ríkisendur­skoðun ársreikningum vegna ársins 2009 en skilafrestur þeirra var til 1. október í ár. Í ársreikningum kemur fram hvaða fyrirtæki hafa styrkt flokkana, hversu miklum fjármunum þeir hafa úr að spila og svo framvegis. Lárus Ögmundsson hjá Ríkis­endur­skoðun segir að flokkarnir eigi yfirleitt erfitt með að skila á réttum tíma.

Ábyrgar þorskveiðar við Ísland vottaðar

Veiðar Íslendinga á þorski í íslenskri fiskveiðilögsögu hafa hlotið vottun sem byggist á ströngustu kröfum sem settar eru á alþjóðavettvangi. Vottunin staðfestir ábyrga fiskveiðistjórnun og góða umgengni um auðlindir sjávar.

Borða níu milljónir mandarína um jólin

Íslendingar borða um níu milljónir mandarína í kringum hátíðarnar. Á tímabilinu frá lokum nóvember og fram til áramóta verða flutt um 800 tonn af mandarínum inn til landsins og er það töluvert meira en í fyrra.

Aukið eftirlit verður með gjafasendingum

Starfsmenn tollstjóra munu hafa aukið eftirlit með póstsendingum til landsins sem sagðar eru innihalda gjafir, og tilkynna erlendum tollayfirvöldum vakni grunur um að Íslendingar erlendis sendi vörur til landsins og merki ranglega sem gjafir.

Allt stefnir í ofveiði

Noregur og Evrópusambandið (ESB) hafa tilkynnt að Norðmenn ætli að taka sér 183 þúsund tonn af makríl á næsta ári en að ESB taki sér 401 þúsund tonn. Samtals eru þetta 584 þúsund tonn en ráðgjöf Alþjóðahafrannsóknaráðsins (ICES) hljóðar upp á 646 þúsund tonn.

Bætur vegna frelsissviptingar

Héraðsdómur Reykjavíkur hefur dæmt íslenska ríkið til að greiða manni skaðabætur að upphæð 100 þúsund krónur vegna ólögmætrar frelsissviptingar.

Ætla að ráða fleiri forritara

„Þetta er stórkostlegt og gefur okkur færi á að ráða einn forritara og halda áfram með það sem við gerum,“ segir Steinunn Anna Gunnlaugsdóttir, framleiðandi hjá tölvuleikjafyrirtækinu Locatify.

Baráttan um tímann dregst á langinn

Ofmælt væri að segja að hörð átök geisi milli þriggja hópa um það hvernig klukkan er stillt miðað við sólarganginn á Íslandi. Engu að síður hafa umræður um hvort breyta eigi klukkunni ítrekað sprottið upp, og takast þar á þrjár fylkingar sem ekki gefa neitt eftir.

Danir furða sig á vinsældum Franks og Caspers á Íslandi

Klovn: The Movie verður frumsýnd í Danmörku í kvöld og það ríkir mikil eftirvænting meðal Baunverja hvernig þeim Frank og Casper reiðir af á hvíta tjaldinu. Dreifingaraðili myndarinnar telur Klovn vera nýjustu útflutningsvöru Danmerkur.

Íbúasamtök styðja Kitty von Sometime

Stjórn Íbúasamtaka miðborgar lýsir yfir ánægju með framtak listakonunnar Kitty von Sometime og veitingastaðarins Bakkusar að reyna að bæta dansmenningu miðborgarinnar með því að efna til dansleiks sem lýkur um miðnætti. Kitty sendi frá sér tilkynningu þar sem fólk er hvatt til þess að mæta á Bakkus þann 16.september næstkomandi en dansleikurinn hefst klukkan átta og lýkur klukkan eitt eftir miðnætti.

Tvær nýjar ríkisstofnanir í stað gamalla

Ögmundur Jónasson samgönguráðherra lagði fram frumvörp á Alþingi í dag um stofnun tveggja ríkisstofnana. Önnur þeirra mun heita Farsýslan og hin mun heita Vegargerðin.

Tóku 117 lítra af smygluðum vodka

Umtalsvert magn af smyglvarningi fannst við leit tollgæslu í skipi sem var að koma frá Ameríku í gær. Alls voru 117 lítrar af vodka og bílavarahlutir teknir við leit tollvarða í skipinu. Málið telst upplýst, að því er fram kemur á vef Tollstjórans í Reykjavík.

Íbúar fá að búa áfram að Sólheimum

Íbúum Sólheima í Grímsnesi verður tryggð þar áframhaldandi þjónusta þótt forsvarsmenn Sólheima dragi sig út úr rekstrinum. Í sameiginegri yfirlýsingu frá félagsmálaráðherra, sveitarfélaginu Árborg og þingmönnum Suðurkjördæmis segir að samkomulag um flutning málefna fatlaðra til sveitarfélaganna tryggi óbreytt rekstrarfé til Sólheima líkt og annarra sjálfseignarstofnana á næsta ári.

Tæpar 400 þúsund krónur nægja ekki fyrir framfærslunni

Öryrki og einstæð móðir með nærri fjögur hundruð þúsund krónur í tekjur frá Tryggingastofnun kveðst ekki hafa efni á jólunum. Að minnsta kosti 75 prósent vinnandi fólks í landinu er með minna á milli handanna eftir skatta.

Þrír kannabisræktendur handteknir

Lögreglan á höfuðborgarsvæðinu handtók þrjá karlmenn í gær vegna gruns um að þeir hafi staðið að kannabisræktun í fjölbýlishúsi í Breiðholti. Við húsleit á áðurnefndum stað fundust 10 kannabisplöntur. Þremenningarnir voru þá í óða önn að klippa niður afraksturinn og voru þeir komnir með 350 grömm af marijúana þegar að var komið.

Hryðjuverkaógn tefur póstsendingar til Bandaríkjanna

Bandarísk stjórnvöld hafa hert öryggiskröfur vegna pósts sem sendur er til Bandaríkjanna. Í tilkynningu frá Póstinum segir að ástæðan fyrir þessu sé bréfasprengja sem send var frá Jemen fyrr á árinu. „Þessar auknu kröfur leiða til tafa á bréfum og pökkum þyngri en 500 gr. sem koma frá Evrópu, þar á meðal Íslandi, til Bandaríkjanna.“

Ráðherra gerir ráð fyrir óbreyttum rekstri Sólheima

„Ég skil ekki þessa nálgun þeirra,“ segir Guðbjartur Hannesson félagsmálaráðherra um þá ákvörðun fulltrúaráðs Sólheima að heimila framkvæmdastjórn heimilisins að segja upp þjónustu við fatlaða.

Hangikjötið vinsælast á jóladag - hamborgarhryggur á aðfangadag

Tæp 73% Íslendinga ætla að borða hangikjöt á jóladag og tæp 53% borða hamborgarhrygg á aðfangadag. Þetta leiðir ný könnun markaðsrannsóknafyrirtækisins MMR í ljós en fyrirtækið kannaði hvað Íslendingar ætluðu að borða sem aðalrétt jólin 2010.

Segir forráðamenn Sólheima á hálum ís

„Þetta er ótrúleg framkoma við fólk – við skjólstæðinga,“ skrifar Ólína Þorvarðardóttir, þingmaður Samfylkingarinnar, á bloggsvæði sitt á Eyjunni.

Tollverðir fundu 500 skammta af LSD

Lögreglan á höfuðborgarsvæðinu, í samvinnu við lögregluna á Suðurnesjum og tollgæsluna, rannsakar nú innflutning á 500 skömmtum af LSD sem voru haldlagðir af tollvörðum í síðustu viku. Í tilkynningu frá lögreglu segir að nokkrar skýrslutökur hafi farið fram í þágu rannsóknarinnar en ekki er hægt að veita frekari upplýsingar um gang hennar.

Rekstri Sólheima hætt - áfallateymi hjálpar íbúum

Fulltrúaráð Sólheima í Grímsnesi tilkynnti á blaðamannafundi í Iðu fyrir stundu að ráðið hefði samþykkt að að heimila framkvæmdastjórn heimilsins að ssegja upp þjónustu við fatlaða.

Sjá næstu 50 fréttir

Mest lesið