Síðustu styrkjunum úr Þjóðhátíðarsjóði úthlutað

Seðlabanki Íslands úthlutaði styrkjum úr Þjóðhátíðarsjóði við hátíðlega athöfn í Þjóðmenningarhúsinu í gær. Þetta var síðasta almenna úthlutun sjóðsins.

Stjórnlagaþing kostar allt að 700 milljónum

Kostnaður við stjórnlagaþingið, sem til stendur að hefjist í febrúar, gæti orðið á bilinu 564 til 704 milljónir miðað við núverandi áætlanir. Í þessari tölu er meðtalinn kostnaður vegna kosninganna sem fram fóru á laugardaginn, stjórnlaganefnd, þjóðfund og stjórnlagaþingið sjálft.

Beitti sambýliskonu sína ítrekað ofbeldi

Héraðsdómur Reykjavíkur dæmdi í fyrradag ungan karlmann í sex mánaða fangelsi fyrir ítrekað ofbeldi gagnvart þáverandi sambýliskonu sinni. Maðurinn var dæmdur fyrir að hafa fjórum sinnum á tímabilinu desember 2007 - maí 2008 ráðist á konuna á heimili þeirra í Breiðholti. Í eitt skipti beit hann konuna í kinnina, en í hin skiptin beitti hann hana margvíslegu öðru líkamlegu ofbeldi.

Gekk yfir á rauðu ljósi og varð fyrir bíl

Ekið var á gangandi vegfaranda á gatnamótum Miklubrautar og Kringlumýrarbrautar undir kvöld í gær en samkvæmt upplýsingum lögreglu virðist sem viðkomandi hafi gengið á rauðu ljósi í veg fyrir bifreið sem ekið var á grænu ljósi á beygju akrein af Miklubraut inn á Kringlumýrarbraut. Að sögn sjónarvotta dróst vegfarandinn nokkra leið með bílnum.

Gatwick lokaður, Iceland Express flýgur til Stansted

Vél Iceland Express, sem fara átti til London Gatwick í morgun, mun fljúga til London Stansted í staðinn vegna veðurs.

Stjórnlagaþing: Upplýsingafulltrúinn ráðinn áfram

Berghildur Erla Bernharðsdóttir, starfandi upplýsingafulltrúi stjórnlagaþings, hefur verið ráðin áfram sem upplýsingafulltrúi stjórnlagaþings. Alls sóttu tuttugu og tveir um stöðuna og var öðrum umsækjendum tilkynnt um ráðninguna síðdegis í gær með bréfi þar sem segir:

Alvarlegt umferðarslys

Gangandi vegfarandi slasaðist alvarlega þegar hann varð fyrir bíl á mótum Miklubrautar og Kringlumýrarbrautar á áttunda tímanum í gærkvöldi.

Einn slasaðist í bílveltu

Einn maður slasaðist þegar bíll með fjórum um borð valt út af Grindavíkurveginum í gærkvöldi, vegna mikillar hálku.

Tveir dópaðir ökumenn teknir

Tveir ökumenn voru teknir úr umferð á höfuðborgarsvæðinu í nótt, fyrir að hafa ekið undir áhrifum fíkniefna og reyndi annar þeirra að stinga lögregluna af.

Innbrot í tvo sumarbústaði við Flúðir

Brotist var inn í tvo sumarbústaði við Flúðir í gærkvöldi og flatskjá meðal annars stolið úr öðrum þeirra. Þjófarnir unnu líka nokkrar skemmdir við að komast inn í bústaðina.

Réðst á konu með hnúajárni

Ríkissaksóknari hefur ákært tæplega þrítugan karlmann fyrir Héraðsdómi Suðurlands fyrir að ráðast á konu, misþyrma henni og hrinda í baðkar. Þá er maðurinn ákærður fyrir vopnalagabrot og fleira.

Gnýr og slysahætta af hraðakstri í þjóðgarði

„Eftir að nýi Lyngdalsheiðarvegurinn milli Þingvalla og Laugarvatns var opnaður hefur hraði og hávaði frá umferð aukist mikið í þjóðgarðinum og um leið slysahætta,“ segir Ólafur Örn Haraldsson, þjóðgarðsvörður á Þingvöllum.

Fylgi stjórnarinnar 36 prósent

Könnun Ríkisstjórnin nýtur stuðnings 36 prósenta þjóðarinnar samkvæmt nýjum þjóðarpúlsi Gallup. Það er 6 prósentustigum meiri stuðningur við ríkisstjórnina en mældist í sambærilegri mælingu í október. Þetta kom fram í fréttum Ríkisútvarpsins í gær.

Segir rangt að ráðuneyti neiti vinnu

Upplýsingafulltrúi sjávarútvegs- og landbúnaðarráðuneytisins segir alrangt að ráðuneytið hafi neitað að vinna að aðildarviðræðum stjórnvalda við ESB. Það er í mótsögn við ummæli formanns Bændasamtakanna.

Ráðuneytið vissi af skorti á markaðnum

Leifur Þórsson, framkvæmdastjóri Ferskra kjötvara ehf., hafði samband við sjávarútvegs- og landbúnaðarráðuneytið í sumar sökum fyrirsjáanlegs skorts á kjúklingi á markaðnum vegna salmonellusýkingar hjá framleiðendum.

Leikskólagjöld hækka mest

Kostnaður vegna leikskóla og grunnskóla hjá reykvískri fjölskyldu með þrjú börn, gæti hækkað um nær 100 þúsund krónur á ári samkvæmt útreikningum borgarstjórnarflokks Sjálfstæðismanna.

Öll framleiðslan á að vera vistvæn

Prentsmiðjan Svansprent í Kópavogi má nota norræna umhverfismerkið Svaninn, þekktustu umhverfisviðurkenningu Norðurlanda.

Makrílviðræður skiluðu engu

Lokatilraun strandríkja sem aðild eiga að makrílveiðum í NA-Atlantshafi til að komast að samkomulagi um hlutdeild Íslands í makrílveiðum næsta árs skilaði engum árangri. Fundað var í Ósló dagana 25.-26. nóvember með þátttöku ESB, Noregs, Færeyja og Íslands en Rússland átti þar áheyrnarfulltrúa.

Níu húsleitir vegna gruns um stórfellt ólöglegt niðurhal

Lögreglan á höfuðborgarsvæðinu hefur í dag framkvæmt níu húsleitir, sjö á Akureyri og í nágrenni og tvær á höfuðborgarsvæðinu, í þágu rannsóknar á stórfelldu, ólöglegu niðurhali.

Lífverðir fylgdu hljómsveit Jónsa eftir í Suður-Kóreu

„Það var engin lögreglufylgd en það voru öryggisverðir sem pössuðu upp á okkur,“ segir Þorvaldur Þór Þorvaldsson, trommari í hljómsveit Jónsa úr Sigur Rós.

Ekið á ungan pilt - Miklabraut opnuð á ný

Búið er að opna Miklubrautina á ný eftir að ekið var á gangandi vegfaranda. Samkvæmt upplýsingum frá lögreglunni var ekið á ungan mann á tvítugsaldrinum. Sjúkrabíll og slökkviliðsbíll komu á vettvang.

Jón Gnarr: Sker niður í sátt við sína samvisku

„Þessi fjárhagsáætlun er í sátt við mína samvisku,“ sagði Jón Gnarr, borgarstjóri Reykjavíkur, í Kastljósinu í kvöld þar sem hann mætti oddvita borgarstjórnarflokks Sjálfstæðisflokksins, Hönnu Birnu Kristjánsdóttur.

Hvítárbrú fagnað með gulrótum og tómötum

Árnesingar fögnuðu opnun nýju brúarinnar yfir Hvítá við Flúðir í dag. Garðyrkjubændur gáfu skólabörnum beggja megin ár grænmeti fram að jólum í tilefni dagsins.

Hlúð að vegfaranda sem ekið var á

Lögreglan er enn að störfum á gatnamótum Kringlumýrabrautar og Miklubrautar en þar var ekið á gangandi vegfaranda um klukkan hálf átta í kvöld.

Ekið á gangandi vegfaranda

Umferðarslys varð fyrir stundu á gatnamótum Kringlumýrabrautar og Miklubrautar. Ekið var á gangandi vegafaranda.

Fiskvinnsla ekki með í greiningu á verðmæti skapandi greina

Fullyrt er að svokallaðar skapandi greinar velti meiru en landbúnaður og fiskveiðar samanlagt í niðurstöðum rannsóknar sem fimm ráðuneyti kynntu í dag.

Fyrir þá sem ætla að skemmta sér um jólin

Nú þegar jólin eru að ganga í garð minnir lögreglan á reglur um skemmtanahald. Sömuleiðis er rétt að undirstrika að áfengisveitingar eru háðar tímamörkum í leyfum borgarstjórnar eða bæjarstjórna eftir því sem við á. Lesa má nánar um opnunartíma og áfengisveitingar hér að neðan.

Tilnefningar til íslensku bókmenntaverðlaunanna kynntar

Þessa stundina er verið að tilkynna um tilnefningar til Íslensku bókmenntaverðlaunanna við hátíðlega athöfn í Listasafni Íslands. Tilnefnd verða fimm verk í tveimur flokkum frumsaminna skáldverka annars vegar og fræðirita og rita almenns efnis hins vegar.

Þorvarður sá svart - ætlaði ekki að bana föður sínum

Hæstiréttur Íslands staðfesti í dag gæsluvarðhald yfir Þorvarði Davíð Ólafssyni, sem réðist á föður sinn, Ólaf Þórðarson tónlistarmann.

Leiðin milli Flúða og Reykholts styttist um 26 kílómetra

Í dag var ný brú yfir Hvítá við Bræðratungu opnuð fyrir almennri umferð. Brúin styttir vegkaflann á milli Flúða og Reykholts um 26 kílómetra og verður hann nú rétt rúmir 20 kílómetrar. Stytting vegkaflans skiptir miklu máli fyrir íbúa svæðisins og alla sem eiga þar leið um. Grænmetisbændur sitt hvorum megin við ána ákváðu að gefa grunnskólum hvors annars ferskt grænmeti í desembermánuði til að halda upp á samgöngubótina.

Lottókona í Hörpuna

Elva Dögg Melsteð hefur verið ráðin til starfa sem skipulagsritari í Hörpu. Elva Dögg er tónlistarmenntuð, með BA í íslensku og er við meistaranám í verkefnastjórnun í HÍ. Elva Dögg hefur unnið við fjölmiðlun meðal annars á RÚV, verið formaður Mótettukórs Hallgrímskirkju og var framkvæmdarstjóri Magg ehf, að því er kemur fram í tilkynningu frá Hörpu. Elva Dögg er Íslendingum að góðu kunn sem kynnir úr Lottó.

Atli Gíslason sest á þing að nýju

Atli Gíslason, þingmaður Vinstri grænna, tekur sæti á Alþingi í dag. Hann hefur veirð í leyfi frá þingstörfum í bráðum átta vikur. Eins og fréttastofa greindi frá á dögunum hefur enginn núverandi þingmanna tekið sér eins oft og lengi frí frá þingstörfum og Atli. Hann tók sér leyfi frá þingstörfum hinn 1. október, í þriðja sinn frá kosningum. Atli þáði ekki laun frá Alþingi í fjarveru sinni.

Mikilvægt að koma fram við sprautufíkla eins og sjúklinga

Alþjóða Rauði krossinn telur að hægt sé að draga verulega úr útbreiðslu alnæmis ef sprautufíklar væru meðhöndlaðir sem sjúklingar frekar en afbrotamenn. Í skýrslu sem gefin er út af tilefni alþjóðlega alnæmisdagsins, sem er í dag, kemur fram að meðan dregið hefur úr nýmsitun alnæmis í Afríku hefur hún aukist mikið meðal sprautufíkla um allan heim.

Sigurjón verst líka riftun og segist gjaldþrota gangi hún eftir

Sigurjón Þ. Árnason, fyrrverandi bankastjóri Landsbankans, segir að gangi 300 milljóna króna riftunarmál sem slitastjórn Landsbankans hefur höfðað á hendur honum vegna launauppgjörs verði hann gjaldþrota. Lögmaður hans segist ekki skilja hvers vegna slitastjórn sé að krefja hann um 37 milljarða þar sem hann hafi að mestu verið atvinnulaus frá 8. október 2008.

Afbrotum í Vesturbæ fækkar

Afbrotum í Vesturbæ hefur fækkað á milli ára. Þetta kom fram á fundi lögreglunnar með lykilfólki í hverfinu sem haldinn var á mánudag.

Ítarlegt viðtal við Þorvald Gylfason

Þorvaldur Gylfason, prófessor í hagfræði sem náði afgerandi besta kjöri á stjórnlagaþing, segir að mikilvægt að stjórnlagaþing gangi þannig frá tillögum sínum að Alþingi finni sig knúið til að senda þær óbreyttar í dóm þjóðarinnar til afgreiðslu. Þorvaldur segir að ný stjórnarskrá og uppgjör hrunsins séu náskyld mál.

Gyrðir og Ísak tilnefndir til Bókmenntaverðlauna Norðurlandaráðs

Gyrðir Elíasson og Ísak Harðarsson eru tilnefndir til Bókmenntaverðlauna Norðurlandaráðs 2011. Gyrður er tilefndur fyrir smásagnasafnið Milli trjánna en Ísak fyrir ljóðabokina Rennur upp nótt. Uppheimar gáfu báðar bækurnar út á síðasta ári.

Efnahagsaðgerðir: Reynt til þrautar að ná samkomulagi

Ríkisstjórnin reynir nú til þrautar að ná samkomulagi um efnahagsaðgerðir sem hægt verði að kynna í dag. Mikil fundahöld hafa verið í stjórnarráðinu í morgun. Nú fyrir hádegi komu fulltrúar opinberra starfsmanna, Alþýðusambandsins og Hagsmunasamtaka heimilanna til fundar við Jóhönnu Sigurðardóttur, forsætisrðaherra, Steingrím J. Sigfússon, fjármálaráðherra, Guðbjart Hannesson, félags- og heilbrigðisráðherra og Árna Pál Árnason, viðskiptaráðherra. Steingrímur sagði í viðtali við fréttastofu seinni partinn í gær að niðurstaða yrði að nást á næstu klukkustundum, helst í dag eða á morgun.

Makríll: Kvótinn gæti orðið 147 þúsund tonn

Makrílkvóti íslenskra skipa gæti orðið 147 þúsund tonn á næsta ári, eða 17 þúsund tonnum meiri en á þessu ári, og þar með meiri en nokkru sinni fyrr. Það helgast af því að Alþjóðahafrannsóknaráðið telur óhætt að auka heildarkvótann úr stofninum á næsta ári og Jón Bjarnason Sjávarútvegsráðherra ákvað í gær að hlutdeild Íslands í heildarkvótanum yrði sú sama á næsta ári og hún var í ár, eða um 16 prósent.

Sögufrægt skrifpúlt afhent á Bessastöðum

Afkomendur og ættingjar Ragnars Ásgeirssonar afhentu skrifpúlt Sveinbjarnar Egilssonar á Bessastöðum. Sveinbjörn var kennari í Bessastaðaskóla fyrir um 200 árum, á fyrstu áratugum 19. aldar og einn helsti áhrifamaður um endurreisn íslenskrar tungu. Skrifpúltið eignuðust síðar Benedikt Gröndal sonur Sveinbjarnar og svo Einar Benediktsson skáld.

Fréttablaðið fjallar oftast um Jón Ásgeir

Fréttablaðið hefur birt mun fleiri fréttir um Jón Ásgeir Jóhannesson en fjóra aðra viðskiptamenn sem voru í forystu fjármálafyrirtækja í aðdraganda bankahrunsins á sex mánaða tímabili. Þetta kemur fram í samantekt sem Creditinfo vann fyrir Björgólf Thor Björgólfsson.

1250 lítrar af landa í bílskúr í Kópavogi

Rannsóknarlögreglumenn fóru í húsleit í gærkvöldi í vesturbæ Kópavogs og uppgötvuðu þar umfangsmikla landabruggverksmiðju í bílskúr. Í skúrnum reyndust vera 400 lítrar af áfengi auk 850 lítra af gambra.

Brotist inn í bílasölu

Brotist var inn í bílasölu við Breiðhöfða í nótt. Grunur leikur á að bíllyklar hafi verið teknir þaðan en engum bíl hefur verið stolið enn sem komið er. Lögreglan á höfuðborgarsvæðinu fékk tilkynningu um innbrotið um klukkan tvö í nótt. Ekki er vitað hverjir þarna voru að verki en lögreglan rannsakar málið.

Metfjöldi barnabóka gefinn út

Öll met hafa nú verið slegin hvað varðar útgáfu íslenskra barnabóka á árinu, samkvæmt upplýsingum frá bókaverslun Eymundssonar. Verslunin hefur tekið á móti 317 nýjum titlum í flokki barnabóka það sem af er árinu. Það er rétt tæplega 60% aukning frá því í fyrra og 16,5% fleiri titlar en árið 2007. Í sumum tilfellum er um að ræða endurútgáfur á eldri bókum.

Þingmaður misskildi úrslit kosninganna

„Frambjóðendurnir raðast nánast eftir stafrófsröð sem segir það kannski að þeir sem eru aftarlega í stafrófinu hafa lítinn sjens í persónukjöri," sagði Vigdís Hauksdóttir, þingmaður Framsóknarflokksins, skömmu eftir að frumúrslit kosninga til stjórnlagaþings voru kynnt í gær. Þorgeir Ástvaldsson og Kristófer Helgason ræddu við Vigdísi í þættinum Reykjavík síðdegis á Bylgjunni þar sem þeir leituðu viðbragða ýmissa aðila við úrslitum kosninganna.