Magasin var rýmt vegna brunaboðs

Það varð uppi fótur og fit í Magasin á Store Torv í Kaupmannahöfn þegar brunaviðvörunarkerfi fór í gang þar seinni partinn í dag. Atvikið varð um hálfsex að staðartíma. Rýma þurfti húsið og viðskiptavinir þurftu að dúsa úti á götu á meðan að aðstæður voru kannaðar. En einungis fimmtán mínútum seinna var þeim hleypt inn í verslunina að nýju. Fram kemur á vef Danmarks Radio að brunavarnarkerfið hafi farið í gang vegna þess að það kviknaði í örbylgjuofni.

Hundrað ökumenn fá sekt vegna hraðaksturs

Um hundrað ökumenn, sem keyrðu of hratt á Hafnarfjarðarvegi í gær, voru myndaðir og eiga von á sekt frá lögreglunni. Sá sem hraðast ók var á 107 kílómetra hraða en 9 prósent ökumanna sem óku leiðina á einni klukkustund keyrðu of hratt.

Nýstofnuðum fyrirtækjum fækkað um helming frá 2007

Nýstofnuðum fyrirtækjum í landinu hefur fækkað um meira en helming frá góðærisárinu 2007. Samlags- og sameignarfélögum hefur hins vegar fjölgað mikið á árinu vegna breytinga á skattkerfinu.

Meirihlutinn fallinn og fylgið hrynur af Besta

Meirihlutinn í borginni er fallinn og Sjálfstæðisflokkurinn yrði á ný stærsti flokkurinn í borginni ef gengið yrði til kosninga nú samkvæmt nýrri könnun. Fylgi Besta flokksins dalar en hann fengi fjóra menn kjörna.

Vilja að bæjarbúar borgi reikninginn

Meirihluti bæjarráðs í Kópavogi vill að bæjarsjóður greiði sex hundruð þúsund króna lögfræðikostnað þriggja bæjarfulltrúa vegna meiðyrðamáls sem Frjáls miðlun höfðaði gegn þeim. Einn bæjarfulltrúanna segir eðlilegt að bærinn greiði kostnaðinn, því hann komi til vegna starfa þeirra fyrir Kópavog.

Landsdómur úrskurðar um aðgang saksóknara að gögnum

Landsdómur eins hann leggur sig þarf að taka afstöðu til kröfu um afhendingu gagna en Þjóðskjalasafnið hefur synjað saksóknara Alþingis um aðgang að skýrslutökum og tölvupóstum Geirs H. Haarde.

Sýslumaðurinn Sunnlendingur ársins

Kjartan Þorkelsson, sýslumaður Rangæinga, var kosinn Sunnlendingur ársins 2010 af lesendum Sunnlenska fréttablaðsins og sunnlenska.is.

Sjósund á nýju ári

Fyrir þá sem vilja skella sér í nýárssund í ísköldum sjó í upphafi árs, þá verður Ylströndin í Nauthólsvík opin frá klukkan 11 til 14 á Nýársdag.

Jón Sigurðsson merktur á nýju ári

Afmælisár Jóns Sigurðssonar forseta rennur upp á nýársdag, en hann fæddist á Hrafnseyri við Arnarfjörð 17. júní 1811. Afmælisins verður minnst með margvíslegum hætti allt árið en merking styttu Jóns Sigurðssonar á Austurvelli markar upphaf afmælishaldsins.

Tilurð falska kúnnalistans kemur rithöfundi ekki á óvart

„Það er nefnilega svo að helstu andstæðingar nafn- og myndbirtingastefnu fjölmiðla eru Gróurnar," segir Jakob Bjarnar Grétarsson, blaðamaður og annar höfundur ævisögu Catalinu Ncogo, Hið svarta man, um falska kúnnalistann, sem birtist á netinu á dögunum.

Vill að Eiður Smári leggi fram sönnunargögn

Ingi Freyr Vilhjálmsson, blaðamaður á DV, skorar á Eið Smára Guðjohnsen, knattspyrnumann, að leggja fram skrifleg sönnunargögn sem sanni að fréttaflutningur af fjármálum hans sé rangur.

Ríkisráð kemur saman á gamlársdag

Venju samkvæmt hefur ríkisráð Íslands verið kvatt saman á Bessastöðum á gamlársdag. Fundurinn hefst klukkan hálftíu. Samkvæmt stjórnarskránni eru það forseti lýðveldisins og ráðherrar sem skipa ríkisráð, og hefur forseti þar forsæti. Þar eru lög og mikilvægar stjórnarráðstafanir bornar upp fyrir forseta.

Yngri en 18 ára mega ekki fara í ljósabekki

Fólki yngra en 18 ára verður óheimil notkun sólarlampa, í öðrum tilgangi en læknisfræðilegum, á sólbaðsstöðum og öðrum sambærilegum stöðum um næstu áramót.

Stálu yfir 20 þúsund sígarettum

Sígarettum að verðmæti á aðra milljón króna var stolið úr söluskálanum Björkinni á Hvolsvelli í nótt. Þjófarnir brutu rúðu og komust þannig inn, að því er fram kemur á vefnum Sunnlenska. Þar kemur líka fram að þjófarnir virðast hafa gengið hreint til verks og stolið ákveðnum sígarettutegundum en látið aðrar vera.

Tólf mánaða fangelsi fyrir árás á lögreglumann

Karlmaður sem réðst á lögregumann í sumar hefur verið dæmdur í 12 mánaða fangelsi. Maðurinn kýldi lögregluvarðstjóra í andlitið þegar að hann var við skyldustörf aðfaranótt fimmtudagsins áttunda júlí síðastliðinn. Maðurinn játaði brot sitt. Hann hafði áður hlotið skilorðsbundinn fangelsisdóm vegna líkamsárásar og rauf því skilorð með árásinni á lögreglumanninn.

Maður ársins útnefndur - kosning hér

Maður ársins verður útnefndur í þættinum Reykjavík Árdegis á Bylgjunni að morgni gamlársdags.

Samið við lækna fyrir áramót

Samningur sjálfstætt starfandi heilsugæslulækna við Sjúkratryggingar Íslands rennur út um áramótin. Samningnum var sagt upp í sumar þegar Álfheiður Ingadóttir var heilbrigðisráðherra. Steingrímur Ari Arason segir að verið sé að vinna að því að gera nýjan samning og á von á að takist.

Dóttirin fær ekki svínaflensusprautu

„Við erum búin að hringja og hafa samband við fimm eða sex heilsugæslustöðvar og fáum alltaf sama svarið. Hún fær ekki svínaflensusprautu,“ segir Víkingur Birgisson. Hann er afar ósáttur við að tvítug dóttir hans fær ekki bólusetningu gegn svínainflúensu á heilsgæslustöð á höfuðborgarsvæðinu þar sem hún er búsett á landsbyggðinni. Dóttir Víkings stundar nám í Reykjavík.

Töluverðar seinkanir hjá Iceland Express

Töluverðar seinkanir hafa verið á flugi Iceland Express í þessari viku. Framkvæmdastjóri félagsins segir aðstæður hafa verið óviðráðanlegar.

Steingrímur segir ekkert hæft í sögu um samstarf við Framsókn

Steingrímur J. Sigfússon, fjármálaráðherra, segir ekkert hæft í þeim sögusögnum að viðræður séu hafnar við Framsókn um að ganga inn í stjórnarsamstarfið og segir undarlegt að menn séu að kjafta um slíkt. Þá kallar formaður Framsóknar fréttirnar „spuna."

Allir fimmtán í landsdómi þurfa að taka afstöðu til kröfu Sigríðar

Að óbreyttum lögum þurfa allir fimmtán dómendur í landsdómi að taka afstöðu til þeirrar kröfu saksóknara Alþingis að fá aðgang að gögnum rannsóknarnefndar Alþingis, en þjóðskjalavörður hefur neitað um aðgang að nauðsynlegum gögnum, eins og yfirheyrslum rannsóknarnefndar og tölvupóstum Geirs H. Haarde.

Ekki svigrúm til að fækka kennurum þrátt fyrir fjölgun

Grunnskólakennurum fjölgaði um 43% á tíu ára tímabili, en á sama tíma fjölgaði nemendum aðeins um tæp 3%. Formaður Kennarasambandsins segir þetta ekki þýða að svigrúm sé til að fækka kennurum.

Falskur kúnnalisti Catalinu kærður til lögreglunnar

„Ég veit að einn skjólstæðingur minn hefur leitað til lögreglu vegna málsins og ætlar að kæra þetta,“ segir Sveinn Andri Sveinsson, lögmaður, en til hans hafa leitað nokkrir einstaklingar vegna þess að þeir eru nefndir á nafn á fölskum kúnnalista Catalinu Ncogo.

Bandarískur sælgætisforstjóri reynir að bjarga Íslandi

Sælgætisforstjórinn Michael Dee frá New Jersey í Bandaríkjunum, skipulagði 100 manna ferð til Íslands í október til þess að fara á hokkímót hér á landi, en hann er einlægur áhugamaður um íþróttina.

Furðustrandir mest seld í Eymundsson

Furðustrandir, bók Arnaldar Indriðasonar, var mest selda bókin í Eymundsson á þessu ári, samkvæmt nýjustu tölum. Á eftir Arnaldi kemur bókin „Ég man þig“ eftir Yrsu Sigurðardóttur og því næst Svar við bréfi Helgu eftir Bergsvein Birgisson. Mest selda fræðibókin var bókin

Hærra frístundagjald

Hækkanir verða á gjaldskrá frístundaheimila og frístundaklúbba Reykjavíkur á næsta ári. Við breytinguna hækkar frístundagjaldið um 20% og gjald á síðdegishressingu um 35%. Þetta þýðir að fyrir fólk með eitt barn í 5 daga vistun með síðdegishressingu hækkar gjaldið úr 10.515 krónum á mánuði í 12.940 krónur á mánuði.

„Einhverjir alveg að missa sig í spunanum“

Sigmundur Davíð Gunnlaugsson, formaður Framsóknarflokksins, segist hafa séð nokkrar furðufréttir að undanförnu. Í gær spurðist af þreifingum um mögulega aðild Framsóknarflokksins að ríkisstjórninnni. Sigmundur gefur lítið fyrir það á samskiptavefnum Facebook. „Nú eru einhverjir alveg að missa sig í spunanum. Búinn að sjá nokkrar furðufréttir,“ skrifar formaðurinn.

Varað við hálku

Lögreglan á höfuðborgarsvæðinu varar ökumenn við hálku í efri byggðum og á fáförnum götum, en búið er að salta aðal umferðaræðar. Einn ökumaður missti stjórn á bíl sínum í óvæntri hálku laust fyrir miðnætti og hafnaði á ljósastaur, en maðurinn slapp ómeiddur.

Gómuðu þjófa

Lögreglumenn handtóku tvo þjófa þegar þeir voru að brjótast inn í bíl við Hjaltabakka í Reykjavík í nótt. Síðan var brotist inn í gám við Malarhöfða og einhverjum verðmætum stolið, og loks var tilkynnt um innbrot í bústað við Hafravatnsveg en ekki er ljóst hverju var stolið þar. Þjófanna er leitað og sömuleiðis ræningjans, sem rændi peningum og tóbaki úr verslun 10-11 við Melabraut í Hafnarfirði í gærmorgun. Sá huldi andlit sitt með klúti og þekkist því ekki á upptökum úr eftirlitsmyndavélum.

Björgunarsveitir leituðu manns í vondu skapi

Björgunarsveitir á Suðurlandi fundu á sjöunda tímanum í morgun, mann sem saknað var í Grímsnesi í nótt. Björgunarmenn voru kallaðir út um klukkan hálf fjögur í nótt til að leita að honum eftir að hann hafði yfirgefið samferðafólk sitt í fússi í sumarbústað í Grímsnesi. Það leitaði hans í fyrstu en kallaði svo eftir aðstoð. Maðurinn fannst á gangi, kaldur og þreyttur á veginum við bæinn Laugabakka, skammt frá Selfossi. Honum var ekið til síns heima, eftir viðkomu á lögreglustöðinni, þar sem honum rann endanlega reiðin út í samferðafólkið.

Eldur í íbúðarhúsi á Egilsstöðum

Eldur kviknaði í íbúðarhúsi á Egilsstöðum seint í gærkvöldi. Þegar slökkvilið kom á vettvang var eldur laus í þvottahúsi og gekk slökkvistarf vel. Engan íbúanna sakaði og reykræsti slökkviliðið húsið. Eldsupptök eru ókunn.

Hrikalegt áfall segir nemandi

Fimm nemendur sem til stóð að útskrifuðust af útstillingabraut Iðnskólans í Hafnarfirði hafa óskað eftir fundi með menntamálaráðherra til að ræða þá ákvörðun stjórnenda skólans að leggja námið niður án fyrirvara frá áramótum.

Ólíklegt að breyting verði á samstarfinu - fréttaskýring

Ríkisstjórnin veiktist mjög við hjásetu þriggja þingmanna VG við afgreiðslu fjárlaga og enn eftir að Lilja Mósesdóttir upplýsti í Fréttablaðinu í gær að hún væri að íhuga að segja sig úr þingflokki VG.

Kennurum fjölgaði um 43 prósent en nemum um 2,6

Á árunum 1998 til 2008 fjölgaði stöðugildum kennara við grunnskóla um 43 prósent og annarra starfsmanna um 63 prósent. Á sama tíma fjölgaði nemendum grunnskólanna um 2,6 prósent.

Gunnar vanhæfur en neitaði samt að víkja

Bæjarráð Kópavogs hefur óskað eftir áliti bæjar­lögmanns á því hvort bæjarfulltrúi sem lýsi sig vanhæfan í máli og taki ekki þátt í afgreiðslu þess geti samt tekið þátt í umræðu um málið.

Nauðganir og ofbeldi á jólum

Tvö nauðgunarmál og þrjú heimilisofbeldismál eru nú til rannsóknar hjá lögreglunni á höfuðborgarsvæðinu. Öll atvikin áttu sér stað yfir jólahátíðina.

Hærra og lægra en meðaltal OECD í margvíslegum samanburði

Heildarkostnaður við rekstur grunnskólastigsins er mestur á Íslandi í samanburði OECD. Er hann 54% hærri en meðaltalið.

Saksóknara Alþingis neitað um brýn gögn

Útlit er fyrir að Sigríður Friðjónsdóttir, saksóknari Alþingis, þurfi að leita til dómstóla til að freista þess að fá aðgang að 61 skýrslu sem tekin var af fólki hjá rannsóknarnefnd Alþingis og tölvupóstsamskiptum Geirs H. Haarde, fyrrverandi forsætisráðherra.

Samið um rekstur Sólheima út janúar

Rekstur Sólheima í Grímsnesi verður með óbreyttu sniði út janúar hið minnsta samkvæmt bráðabirgðasamkomulagi sem stjórnendur Sólheima og bæjaryfirvöld í Árborg náðu í gær. Nota á janúarmánuð til að reyna til þrautar að semja um framhaldið.

Rændi 10-11 með hulið andlit

Lögreglan á höfuð­borgar­svæðinu leitaði í gær manns sem rændi 10-11 verslun á Melabraut í Hafnarfirði í gærmorgun.

Lánastofnanir fá sextíu daga

Lánastofnanir hafa 60 daga frest til útreikninga á ólögmætum gengisbundnum bíla- og fasteignaveðlánum eftir að frumvarp um gengisbundin lán varð að lögum í gær. Samkvæmt lögunum skal uppgjör fara fram innan 90 daga frá gildistöku þeirra.

Fatlaðir studdir á vinnumarkaði

Vinnumálastofnun og Reykjavíkurborg hafa undir­ritað samkomulag um vinnumarkaðsaðgerðir fyrir fatlað fólk og samstarf varðandi þjónustu og vinnumarkaðsúrræði fyrir atvinnuleitendur sem njóta félagsþjónustu hjá Reykjavíkurborg.

Sjávarútvegsfyrirtæki fá MSC-vottun

Vottunarstofan Tún hefur staðfest að fyrirtækin Sjóvík ehf. og Fram Foods Ísland hf. uppfylli kröfur Marine Stewardship Council (MSC) um rekjanleika sjávarafurða sem upprunnar eru úr MSC-vottuðum sjálfbærum fiskveiðum.

Vilja auka ýsukvóta án tafar

Stjórn Landssambands smábátaeigenda skorar á Jón Bjarnason sjávarútvegsráðherra að bæta nú þegar 20 þúsund tonnum við áður útgefinn heildarafla í ýsu.

Fyrirskipaði fjölda morða

Igor Izmestjev, fyrrverandi öldungadeildarþingmaður í Rússlandi, var í gær dæmdur í lífstíðarfangelsi fyrir að hafa fyrirskipað fjölda morða.