Frambjóðendur í Norðvesturkjördæmi valdir með póstkosningu

Á aukakjördæmisþingi framsóknarmanna í Norðvesturkjördæmi sem haldið er í dag að Reykjum í Hrútafirði var samþykkt tillaga þess efnis að val í fjögur efstu sætin á framboðslista framsóknarmanna í kjördæminu vegna kosninga til Alþingis í vork skyldi fara fram með póstkosningu allra félagsmanna í kjördæminu.

Góð þátttaka á Vetrarhátíð

Safnanótt tókst með eindæmum vel og þátttaka hefur sennilega aldrei verið jafnmikil og lagði mikinn fjölda fólks leið sína á söfn borgarinnar og á sýningar og viðburði gærkvöldsins, samkvæmt Skúla Gautasyni hjá Höfuðborgarstofu.

Sjálfstæðisflokkurinn þarf tilfinningalegt svigrúm

,,Sjálfstæðisflokkurinn er í stjórnarandstöðu í fyrsta sinn í 18 ár og eðlilegt að hann þurfi tilfinningalegt svigrúm til að fóta sig í þeirri framandi stöðu," segir Skúla Helgason, framkvæmdastjóri Samfylkingarinnar, í pistli á heimasíðu flokksins.

Tíu greindust með HIV-smit í fyrra

Á árinu 2008 greindust tíu manns með HIV-smit á Íslandi, sjö karlar og þrjár konur. Enginn greindist með alnæmi, lokastig sjúkdómsins. Þetta kemur fram í Farsóttafréttum á vef Landlæknisembættisins.

Ósamið um áframhaldandi samstarf VG og Samfylkingar

Össur Skarphéðinsson, utanríkis- og iðnaðarráðherra, segir að forystumenn Vinstri grænna og Samfylkingar hafi ekki rætt áframhaldandi samstarf eftir kosningarnar í vor. Aftur á móti segir hann málið verði væntanlega rætt og kannað þegar nær dregur kosningum. Fjallað var um málið í hádegisfréttum Ríkisútvarpsins. Þar er fullyrt að áhrifamenn í VG lýsi yfir áhuga á áframhaldandi samstarfi ríkisstjórnarflokkanna eftir kosningar. Sumir hafa jafnvel haft á orði að flokkarnir ættu að mynda kosningabandalag svo kjósendur vissu að hverju þeir gengju.

Valgerður hættir í stjórnmálum

Á kjördæmisþingi framsóknarmanna í Norðausturkjördæmi, sem haldið er í Mývatnssveit í dag, lýsti Valgerður Sverrisdóttir, fyrrverandi formaður Framsóknarflokksins og ráðherra, því yfir að hún gæfi ekki kost á sér á framboðslista flokksins í kjördæminu fyrir alþingiskosningarnar í vor. ,,Lýk ég þar með störfum á vettvangi stjórnmálanna," segir Valgerður á vefsíðu sinni.

Guðni gefur kost á sér fyrir Framsókn

Guðni Ragnarsson, búfræðingur og kúabóndi á Guðnastöðum, hefur ákveðið að kefa kost á mér í 4. sæti á lista framsóknarmanna í Suðurkjördæmi fyrir komandi þingkosningar.

Runólfur hættir hjá Keili - Guðfinna orðuð við stöðuna

Runólfur Ágústsson framkvæmdastjóri Keilis ætlar að láta af störfum í mars. Runólfur staðfesti þetta í samtali við fréttastofu í gær en hann mun hafa tilkynnt samtarfsfólki um ákvörðun sína í síðustu viku. Hann hefur verið framkvæmdastjóri háskólasamfélagsins Keilis frá stofnun þess en ekki hefur verið gengið frá ráðningu eftirmanns. Guðfinna Bjarnadóttir hefur verið orðuð við stöðuna en hún sagðist ekki hafa heyrt af því í samtali við fréttastofu.

Þinglýstir kaupsamningar þrefalt færri en í fyrra

Fjöldi þinglýstra kaupsamninga á höfuðborgarsvæðinu í síðustu viku var 39, um þrefalt færri en á sama tíma í fyrra. Fasteignamarkaðurinn hefur verið svo til frosinn síðustu mánuði og náði sögulegu lágmarki í lok síðasta árs þegar gerðir voru 13 kaupsamningar á höfuðborgarsvæðinu vikuna fyrir áramót.

Skíðasvæðið í Tindastól opið

Skíðasvæðið í Skíðasvæðið í Tindastól opnaði klukkan 11 og verður opið til 17. Mínus tvær gráður er á svæðinu og heiðskýrt. ,,Það er algjörlega frábært rennsli hér í dag," segir Viggó Jónsson og bætir við að hægt sé að sjá sjálvirka veðurstöð og myndavél sem uppfærist á 15 mín fresti á tindasoll.is/skidi.

Framsóknarmenn funda um framboðsmál

Framsóknarmenn halda aukakjördæmaþing í öllum kjördæmum landsins í dag. Á þeim mun hvert kjördæmi fyrir sig taka ákvörðun um hvernig staðið verði að vali á framboðslista framsóknarmanna vegna kosninga til Alþingis í vor.

Íslendingur stoltur af störfum sínum í Simbabve - þar geysar kólerufaraldur

Alþjóðaheilbrigðisstofnunin áætlar að yfir 100.000 manns muni veikjast af kóleru í Simbabve áður en að tilfellum fari að fækka og að kóleran muni geysa að minnsta kosti í þrjá mánuði í viðbót. Horfur eru slæmar vegna regntímans og slæmrar salernis- og vatnsaðstöðu.

Tólf tilnefndir til Blaðamannaverðlaunanna

Dómnefnd Blaðamannaverðlaunanna hefur komið sér saman um þrjár tilnefningar í hverjum af hinum þremur flokkum verðlaunanna. Tólf eru tilnefndir til verðlaunanna í ár. Meðal þeirra eru Sigrún Davíðsdóttir, Erla Hlynsdóttir og Sigurjón M. Egilsson.

Sjálfstæðismenn á Selfossi vilja breytingar

Sjálfstæðisfélagið Óðinn á Selfossi skorar á nýja frambjóðendur til þess að gefa kost á sér í prófkjöri Sjálfstæðisflokksins. Forsvarsmenn flokksins í kjördæminu telja að mikilvægt sé að það verði endurnýjun í forystu flokksins og þingmannaliði. Ljóst sé að þær breytingar nái ekki fram að ganga, nema nýtt fólk gefi kost á sér.

Opið í Hlíðarfjalli og á Siglufirði - lokað í Bláfjöllum

Veður er með besta móti til skíða- og snjóbrettaiðkunar norðanlands í dag eða logn, tveggja gráðu frost og farið er að glitta í blessaða sólina. Opið er í Hlíðarfjalli á Akureyri frá 10 til 16 og á skíðasvæðinu á Siglufirði frá 11 til 17. Þar efnir Brettafélag Íslands til snjóbrettakeppni og fjöldi fólks er þar saman kominn.

Nítjándi mótmælafundur Radda fólksins

Raddir fólksins halda mótmælafund á Austurvelli klukkan 15 í dag. Yfirskrift fundarins er sem fyrr - Breiðfylking gegn ástandinu. Þetta er nítjandi mótmælafundurinn í röð og krafan er sú að stjórn Seðlabankans víki.

Ók ölvaður á vegrið í Svínahrauni

Lögreglan á Selfossi handtók mann á fjórða tímanum í nótt grunaðan um ölvunarakstur eftir að hann ók á vegrið í Svínahrauni. Maðurinn gistir fangageymslu og verður rætt við hann síðar í dag.

Brotist inn í apótek í Langarima

Brotist var inn í apótek í Langarima í nótt og talsverðu magni lyfja stolið. Ræningjarnir komust undan. Fimm voru teknir grunaðir um ölvunarakststur í umdæmi lögreglunnar á höfuðborgarsvæðinu. Að öðru leyti var nóttin róleg, að sögn lögreglu.

Ammóníakleki við Grandagarð

Slökkvilið höfuðborgarsvæðisins var kallað út rétt fyrir klukkan átta í morgun vegna ammóníkleka í skipinu Lundey sem lá við gömlu höfnina í Grandagarði. Svæðinu var lokað í rúmlega hálfa klukkustund og þurfti að auki að loka veitingastaðnum Grandakaffi. Engin slys urðu á mönnum.

Um 600 manns voru á Hótel Loftleiðum þegar eldur kom upp

Hótel Loftleiðir var rýmt nú undir kvöld þegar að eldur kom upp á einu salerninu þar. Að sögn Eiríks Becks, öryggisstjóra á Hótel Loftleiðum, voru um 600 manns á hótelinu. Þar af 350 gestir, 200 í ráðstefnusal og auk þess nokkrir í veislusal og sundlaug.

Tvísýnt um alla blaðaútgáfu

„Það er alveg ljóst að það er tvísýnt um alla blaðaútgáfu á Íslandi í dag," segir Ari Edwald, forstjóri 365 miðla. Hann segist þó ekki sjá annað fyrir sér en að 365 miðlar haldi áfram rekstri Fréttablaðsins.

Meintur hnífakastmaður neitar að hafa beitt börn sín ofbeldi

Maður sem ákærður hefur verið fyrir að beita börnin sín þrjú ofbeldi neitaði sök við þingfestingu málsins. Hann er meðal annars ákærður fyrir að hafa kastað hnífum að elsta barni sínu.

Björg biður um annað til þriðja sætið hjá framsóknarmönnum

Björg Reehaug Jensdóttir sækist eftir öðru til þriðja sæti á lista Framsóknarflokksins í norðvesturkjördæmi í komandi alþingiskosningum.

Eldur á salerni á Hótel Loftleiðum

Allt tiltækt lið slökkviliðsins var sent að Hótel Loftleiðum nú undir kvöld þegar eldur kviknaði á á salerni. Samkvæmt upplýsingum frá slökkviliðinu eru slökkviliðsmenn að ná tökum á eldinum.

Vonbrigði að boði um umsögn bankans var hafnað

Það olli sjálfstæðismönnum í viðskiptanefnd vonbrigðum að boði Evrópska seðlabankans um að veita umsögn um frumvarp forsætisráðherra um Seðlabanka Íslands skyldi hafa verið hafnað. Þetta segir Birgir Ármannsson nefndarmaður í tilkynningu sem hann sendi fjölmiðlum.

Tugmilljarða framkvæmdir að hefjast - of lítið, segja verktakar

Framkvæmdir fyrir tugmilljarða króna á þessu ári voru kynntar á útboðsþingi í Reykjavík í dag. Of lítið, segja verktakar.

Reynt að þoka samgöngumiðstöð áfram

Tillaga um helmingi minni samgöngumiðstöð á Reykjavíkurflugvelli en áður var áformað er nú til umræðu hjá flugmálayfirvöldum með það að markmiði að koma framkvæmdum í gang þegar í haust.

Samruni Fréttablaðsins og Morgunblaðsins ógiltur

Samkeppniseftirlitið ógilti í dag samruna Árvakurs hf., Fréttablaðsins ehf. og Pósthússins ehf.

Lýsa vonbrigðum vegna fyrirhugaðra hvalveiða Íslendinga

Sendiherrar sex vestrænna ríkja rituðu Steingrími J. Sigfússyni bréf í dag þar sem lýst er vonbrigðum vegna þeirrar ákvörðunar Einars K. Guðfinnssonar, fyrrverandi sjávarútvegsráðherra, að gefa út kvóta fyrir 150 langreyði og

Auður sækist eftir sæti á lista VG í Reykjavík

Auður Lilja Erlingsdóttir hefur ákveðið að sækjast eftir öðru til þriðja sæti í forvali Vinstrihreyfingarinnar – græns framboðs í Reykjavíkurkjördæmunum sem fer fram 7. mars næstkomandi.

Sveitastjóri hyggur á þingframboð

Unnur Brá Konráðsdóttir, sveitarstjóri í Rangárþingi eystra og varaþingmaður, gefur kost á sér í prófkjöri Sjálfstæðisflokksins í Suðurkjördæmi. Hún óskar eftir stuðningi í 2. sæti í prófkjörinu. Unnur Brá er 34 ára gömul og er lögfræðingur að mennt frá Háskóla Íslands en auk þess hefur hún stundað nám í opinberri stjórnsýslu (MPA).

Ólöf Nordal vill þingsæti í Reykjavíkurkjördæmi

Ólöf Nordal, þingmaður Sjálfstæðisflokksins í Norðausturkjördæmi, hefur ákveðið að taka þátt í prófkjöri Sjálfstæðisflokksins í Reykjavík fyrir komandi alþingiskosningar. Prófjörið fer fram 13. og 14. mars næstkomandi.

Húsasmiðjan sektuð fyrir útsölu

Neytendastofa hefur lagt 440 þúsund króna stjórnvaldssekt á Húsasmiðjuna hf. vegna útsölu félagsins.

Móðir níðings: Trúir á sakleysi sonar síns

„Alltaf gert það, hann er saklaus," svarar móðir tuttugu og fimm ára dæmds barnaníðings spurð hvort hún trúi því að sonur hennar sé saklaus af dómi sem hann hlaut í Héraðsdómi Reykjaness fyrr í vikunni. Þá var hann dæmdur í tveggja ára fangelsi fyrir að níðast á barnungri dóttur sinni. Amma barnsins var sjálf grunuð um að eiga hlutdeild í verknaðinn í upphafi en sá grunur var sleginn af þegar leið á rannsókn málsins, ekki reyndist fótur fyrir honum.

Rispaði afgreiðslumanninn á hendi

Vopnað rán var framið í söluturni í Lóuhólum í Breiðholti í morgun. Maður ruddist inn í verslunina um tíuleytið vopnaður eggvopni og rispaði hann afgreiðslumann á hendi að sögn lögreglu. Hann komst undan með ótilgreinda upphæð að sögn lögreglu og er hans nú leitað.

Fylgi Vinstri grænna dalar - Sjálfstæðisflokkur stærstur

Fylgi Vinstri grænna dalar og mælist nú 23,4% en var 28,5% í lok janúar. Það er MMR sem framkvæmir könnun á stuðningi við stjórmálaflokka í landinu. Fylgi Sjálfstæðisflokksins eykst um tæp 5 prósentustig frá í janúar úr 24,3% í 29% og mælist hann enn á ný stærsti stjórnmálaflokkurinn.

Lést í vinnuslysi

Maður lést í vinnuslysi við Bæjarhraun í Hafnarfirði í gær. Slysið varð með þeim hætti að verið var að þrýstiprófa síló þegar það sprakk. Hann hlaut höfuðáverka sem leiddu til dauða hans.

Óásættanleg mismunun felst í frumvarpi um greiðsluaðlögun

Bandalag háskólamanna hefur sent nefndasviði Alþingis umsögn um Frumvarp um breytingu á lögum um gjaldþrotaskipti, eða greiðsluaðlögun. „Um leið og stjórn BHM fagnar frumvarpinu, sem hún telur jákvætt innlegg í fjárhagsvanda heimilanna, eru gerðar alvarlegar athugasemdir við nokkur atriði,“ segir í tilkynningu frá BHM.

Varað við níðingnum fyrir tæpum tveimur árum

Barnaverndarstofa fékk viðvörun vegna mannsins sem dæmdur var í tveggja ára fangelsi fyrir að misnota barnunga dóttur sína ítrekað í vikunni. Maðurinn virðist hafa verið virkur í netsamfélagi og sendi stúlka frá Bandaríkjunum Barnaverndarstofu ábendingu í september árið 2007 þar sem hún efaðist um getu mannsins til þess að ala upp stúlkuna. Það var svívirðileg hegðun mannsins í netheimum sem fékk hana til þess að senda bréfið.

Háskólinn á Hólum verður ekki sjálfseignastofnun

Katrín Jakobsdóttir, menntamálaráðherra, hefur snúið við ákvörðun Þorgerðar Katrínar Gunnarsdóttir, fyrrum menntamálaráðherra um að gera Háskólann á Hólum að sjálfseignastofnun samkvæmt fréttavefnum Feykir.is. Þar kemur einnig fram að ekki hafi verið greint frá þessu opinberlega. Skólinn hefur verið rekinn með þó nokkrum halla og var tilsjónarmaður skipaður yfir skólann.

Þrír náðaðir á tveimur árum

Samkvæmt upplýsingum úr dóms- og kirkjumálaráðuneytinu þá hafa þrír menn fengið náðun undanfarin tvö ár en það er mjög sjaldgæft að því úrræði sé beitt. Ritari náðunarnefndar, lögfræðingurinn Skúli Þór Gunnsteinsson, segir að í slíkum tilvikum sé nær alltaf um alvarlega veika einstaklinga að ræða sem hafa hlotið vægar refsingar.

Grófst upp að höndum í Dagmálalág

Snjóflóð féll í Dagmálalág í Húsavíkurfjalli, rétt ofan við skíðasvæðið rétt eftir hádegi í dag. Tveir piltar lentu í flóðinu en þeir voru á göngu upp fjallið þegar flóðið féll. Annar þeirra grófst upp að höndum í flóðinu en að sögn lögreglu varð þeim ekki meint af.

Þak fauk af bílskúr í Grindavík

Björgunarsveitin Þorbjörn í Grindavík var kölluð út um klukkan 9:30 í morgun þegar þak fauk af bílskúr við Þórkötlustaði í Grindavík. Þegar björgunarsveitin kom á staðinn hafði hálft þakið fokið af í einu lagi og brakið dreifst um nærliggjandi tún. Farið var í að festa það sem eftir var af þakinu til að fyrirbyggja frekara fok og tína saman brakið.

Fjölskylda berst í bökkum

„Við erum með tvö börn á leikskóla, þetta gæti orðið til þess að við þurfum að taka þau af skólanum," segir fjölskyldumaðurinn og smiðurinn Matthías Arnberg Matthíasson, en hann hefur verið atvinnulaus síðan í desember síðastliðnum. Matthías, sem er fjörtíu og fjögurra ára gamall faglærður smiður, gagnrýnir ríkisstjórnina harðlega fyrir karp á þingi og rifrildi um Davíð Oddssons - á meðan standa fjölskyldur varnalausar í þeim efnahagslegu hörmungum sem dunið hafa á landanum. Nú er raunveruleg hætta á því að Matthías missi húsið.

Einar vill efsta sætið hjá Framsókn

Einar Skúlason skrifstofustjóri þingflokks Framsóknarflokksins ætlar að bjóða sig fram í fyrsta sæti í Reykjavík suður á lista flokksins í komandi kosningum til Alþingis.