Óttast að vettvangsferðir leggist af

Fræðslustjóri óttast að vettvangsferðir grunnskólanna leggist af ef grunnskólum verði gert að greiða fyrir þær. Dæmi eru um að slíkar ferðir kosti nemendur allt að 16 þúsund krónur.

Leita að manni sem féll í Sogið

Björgunarsveitir Slysavarnafélagsins Landsbjargar á Suðurlandi leita nú manns er féll í Sogið, við Bildsfell rétt eftir klukkan 17:00 í dag. Ekkert hefur sést til mannsins síðan hann fór í ánna. Þyrla Landhelgisgæslunnar hefur verið kölluð út.

72 fjölskyldur borga bíl útvarpsstjóra

Afnotagjöld 72 fjölskyldna í hverjum mánuði duga rétt til að borga af mánaðarlegri rekstrarleigu RÚV á glæsibifreið þeirri sem stofnunin greiðir undir Pál Magnússon útvarpsstjóra. Þetta jafngildir því að afnotagjöld allra íbúða á Reynimel 72 til 84 renni í bílasjóð Páls. Einn íbúi á Reynimel 74 segir kostnað við bíl Páls algjörlega út í hött.

Stálu hársnyrtivörum og sokkum

Nokkuð var um innbrot í höfuðborginni í gær. Meðal annars var brotist inn í þrjá bíla og þaðan stolið radarvara, veski og rafgeymi. Þá var brotist inn í fyrirtæki í austurborginni og þar teknar hársnyrtivörur, sokkar og smáræði af skiptimynt.

Kompásmál: Eðlilegt að endurskoða lög

Það er óheppileg staða sem nú er uppi að lögmaður sem sætir ákæru vegna kynferðisbrota, geti verið verjandi manna, sem ákærðir eru fyrir svipuð brot. Þetta segir Birgir Ármannsson, formaður allsherjarnefndar Alþingis. Lög um meðferð opinberra mála verða endurskoðuð á komandi þingi og Birgir segir eðlilegt að þetta mál verði skoðað í því samhengi.

Ákærður fyrir tvær líkamsárásir

Tæplega tvítugur piltur hefur verið ákærður fyrir tvær líkamsárásir en báðar árásirnar áttu sér stað síðastliðið vor. Málið var dómtekið fyrir Héraðsdómi Vestfjarða í morgun.

Kompáslögmaður tjáir sig ekki

Vísir hafði í dag samband við lögmanninn sem var til umfjöllunar í fréttaskýringaþættinum Kompás í gærkvöldi og gaf honum færi á því að tjá sig um umfjöllun þáttarins. Lögmaðurinn vildi ekki tjá sig um málið. Hann sagði að það væri vegna skipunar dómarans í málinu sem hann er sakborningur í. Lögmaðurinn kvaðst ekki hafa séð umræddann Kompásþátt. Hann er nú staddur erlendis ásamt fjölskyldu sinni.

Kjósa græn svæði frekar en geðfatlaða

Svandís Svavarsdóttir fulltrúi VG í skipulagsráði Reykjavíkurborgar segir mikla þörf fyrir sambýli fyrir geðfatlaða. Hún kaus hins vegar gegn byggingu slíks heimilis í Laugardalnum á fundi skipulagsráðs í morgun.

Kemur á óvart að verjandi Kompáslögmannsins tjái sig

Ritstjórn Kompás segir að það komi verulega á óvart að verjandi lögmannsins sem var til umfjöllunar í Kompás í gær hafi sent frá sér yfirlýsingu vegna þáttarins. Í yfirlýsingunni tjái hann sig um efnisatriði sakamáls sem nú er fyrir Héraðsdómi Reykjavíkur.

Tveir dæmdir fyrir fíkniefnalagabrot á Sauðárkróki

Kona á fimmtugsaldri var í Héraðsdómi Norðurlands vestra í dag dæmd í 30 daga skilorðsbundið fangelsi fyrir fíkniefnalagabrot. Við húsleit á heimili konunnar í síðastliðnum aprílmánuði fann lögreglan kannabisefni, hass og amfetamín. Þá var tæplega tvítugur karlmaður einnig fundinn sekur fyrir brot á fíkniefnalögum.

Vill að Lögmannafélagið taki upp mál Kompáslögmanns

Atli Gíslason, alþingismaður og lögmaður segir að næg næg úrræði séu fyrir hendi hjá Lögmannafélagi Íslands til að grípa inn í mál lögfræðings sem ákærður hefur verið fyrir kynferðisbrot. Í Kompás í gær kom fram að maðurinn sé verjandi annara meintra kynferðisbrotamanna þrátt fyrir að mál hans sjálfs sé í vinnslu.

Dæmdur í fimm mánaða skilorðsbundið fangelsi

Karlmaður á þrítugsaldri var í Héraðsdómi Norðurlands vestra í dag dæmdur í fimm mánaða skilorðsbundið fangelsi fyrir líkamsárás. Maðurinn játaði brot sitt fyrir dómi en hann hefur fimm sinnum áður fengið dóm vegna annarra brota.

Aron Pálmi fer ekki á Reykjalund

Aron Pálmi Ágústsson fer ekki á Reykjalund eins áætlanir stóðu til. Eins og áður hefur verið greint frá var búið var að sækja um fyrir Aron en hann mun sjálfur hafa beðist undan vistinni. Einar S. Einarsson, talsmaður RJF hópsins, sem unnið hefur í þágu Arons upp á síðkastið, staðfesti þetta við Vísi. Aron mun í staðinn á næstunni einbeita sér að þriggja mánaða íslenskunámi sem hann hefur skráð sig í. Vonir standa svo til að hann geti hafið nám við Háskóla Íslands um áramótin.

VG vilja ekki sambýli fyrir geðfatlaða

Fulltrúar Vinstri-Grænna í skipulagsráði Reykjavíkurborgar greiddu atkvæði gegn byggingu sambýlis fyrir sex geðfatlaða einstaklinga við Holtaveg í morgun.

Veitingamenn funda á eftir

Veitingamenn í miðborginni munu hittast klukkan 15:00 í dag á Ölstofu Kormáks og Skjaldar og stofna hagsmunasamtök. Veitingamenn eru margir hverjir orðnir langþreyttir á ummælum lögregluyfirvalda og stjórnmálamanna um ástandið í miðborginni og fyrirhugaðar breytingar á skemmtanalöggjöfinni. Þeir ætla á fundinum að stilla saman strengi sína, velja sér talsmann og hafja samstillta baráttu gegn skerðingu á atvinnufrelsi sínu að sögn heimildarmanns Vísis sem mun sækja fundinn á eftir.

Lést í bílslysi í Reykhólasveit

Ökumaðurinn sem slasaðist alvarlega í umferðarslysinu sem átti sér stað á mánudaginn var við bæinn Klukkufell í Reykhólasveit er látinn. Hinn látni var tvítugur karlmaður af erlendu bergi brotinn. Lögreglan á Vestfjörðum rannsakar tildrög slyssins.

Ráðuneytin fara fram úr fjárhagsáætlun

Á fundi fjárlaganefndar Alþingis í morgun var tekin fyrir framkvæmd fjárlaga fyrstu sex mánuði ársins. Þar kom fram að 134 liðir af 434 eru komnir fram úr áætlun. Gunnar Svavarsson, formaður nefndarinnar, segir þetta aukningu frá því í fyrra þegar 106 liðir voru komnir fram úr á sama tíma.

Fleiri láta fjarlægja tattoo

Fjöldi þeirra sem láta fjarlægja húðflúr hér á landi hefur aukist töluvert síðustu ár og er búist við frekari aukningu á næstu árum. Yfirleitt er laser aðferðum beitt en þær geta verið bæði sársaukafullar, kostnaðarsamar og tímafrekar. Þetta er svipuð þróun og Í Bandaríkjunum þar sem aukningin hefur orðið gífurleg.

Segir Kompás þátt ósmekklegan

Einar Gautur Steingrímsson, lögmaður mannsins sem Kompás fjallaði um í þætti sínum í gær, segir að umbjóðandi sinn kannist ekki við tvær þeirra stúlkna sem fjallað var um í þættinum.

Lífetanólstöðin ekki opin almenningi strax

Lífetanólstöðin sem opnuð var fyrir tveimur dögum verður ekki opin almenningi fyrr en eftir nokkrar vikur. Forstjóri Brimborgar segir að um tilraunaverkefni sé að ræða og eftir eigi að að kanna, tollafyrirkomulag á tvíorkubílum og etanóli, áhuga almennings og ekki síður áhuga olíufélaganna.

Töf á skráningu hlutafjár Straums í evrum

Töf verður á fyrirhugaðri skráningu hlutafjár Straums í evrum vegna lögfræðilega athugasemda sem Seðlabankinn gerði um framkvæmdina. Forsvarsmenn Straums vísa því alfarið á bug að Seðlabankinn reyni að setja félaginu hömlur í þessum efnum.

Mótvægisaðgerðirnar brandari

Mótvægisaðgerðir ríkistjórnarinnar eru brandari, segir þingmaður Sjálfstæðisflokksins, Árni Johnsen. Hann segir ekki samræmi í aðgerðunum og óeðlilegt að taka Vestfirði fram yfir aðrar sjávarbyggðir.

Breyttu hóruhúsi í bænahús

Í Ármúla 23 eru nú reglulega haldnar fjölmennar samkomur fólks sem hefur frelsast til guðstrúar. Flestir eiga safnaðarmeðlimirnir það sameiginlegt að hafa lent upp á kant við lögin fyrr á lífsleiðinni. Húsnæðið sem hýsir bænahúsið var mikið í fréttum fyrir nokkru þegar því var slegið upp að þar væri rekið vændishús.

Vilja reka Friðarstofnun Reykjavíkur

Samtök hernaðarandstæðinga ætla að bjóða fulltrúum borgarstjórnar til formlegra viðræðna á næstu dögum, með það að markmiði að samtökin taki að sér að reka Friðarstofnun Reykjavíkur.

25.000 fm miðborgarkjarni í bígerð

Á morgunverðarfundi í morgun um fyrirhugaðann miðborgarkjarna á Barónsreit kom fram að gert er ráð fyrir um 25.000 fermetra rými undir verslanir og þjónustu þar sem m.a. verður stór matvöruverslun, alþjóðlegar verslanir með þekktum vörumerkjum, kvikmyndahús og veitingastaðir. Þá er gert ráð fyrir bílakjallara á fjórum hæðum.

Varað við íslensku leiðinni

Framkvæmdastjóri samtaka veiðimanna á Grænlandi (KNAPK) varar í viðtali við grænlenska útvarpið sterklega við fyrirhuguðum breytingum á fiskveiðistjórnunarkerfi landsins. Það muni leiða til ástands eins og á Íslandi þar sem nokkrir barónar eigi allan kvótann.

GSM allan Hringveginn

Stöðugt bætast við nýir sendar fyrir GSM-farsímaþjónustuna á Hringveginum. Samgönguráðuneytið áætlar að í árslok verði boðið uppá GSM-þjónustu á öllum Hringveginum.

Ristu upp blaðaböggla

Margir borgarbúar fengu ekki dagblöðin sín í morgun því einhverjir spellvirkjar tóku sig til í nótt, fóru víða um borgina og ristu upp blaðaböggla, sem biðu blaðburðarfólksins.

Bifhjólamaður á gjörgæslu

Bifhjólamaður slasaðist á Fáskrúðsfirði í dag þegar hann féll af hjóli sínu á Skólavegi laust fyrir klukkan fimm í dag. Maðurinn, sem er um þrítugt, var fluttur með sjúkrabíl til Egilsstaða og þaðan með sjúkraflugi á Landspítalann í Fossvogi. Hann er nú á gjörgæslu en er ekki talinn alvarlega slasaður.

Kristjana sigraði í Veðravon

Um fimm þúsund Íslendingar tóku þátt Veðravon, veðurleik veðurstofu Stöðvar 2 og Vísis. Sigurvegarinn í leiknum var Kristjana Margrét Harðardóttir, Reykjavík, en hún reyndist ötulasti veðurathugunarmaðurinn enda gerði hún 93 veðurathuganir af 93 mögulegum.

Ver barnaníðinga en sætir ákæru sjálfur um kynferðisafbrot

Lögmaður sem er ákærður um kynferðisafbrot gegn fjórum unglingsstúlkum hefur tekið að sér að verja meinta barnaníðinga þótt hann sæti sjálfur rannsókn vegna meintra kynferðisafbrota.

Íslendingar sitja lengi á skólabekk

Ástralir og Íslendingar sitja lengst allra á skólabekk og engin þjóð ver jafn miklu af þjóðartekjum í að koma börnunum í gegnum grunn- og framhaldsskóla en Íslendingar.

Vilja hætta við smíði Grímseyjarferju

Vaxandi stuðningur er innan samgöngunefndar alþingis við að smíði fyrirhugaðrar Grímseyjarferju verði hætt. Grímseyingar segja skipið ekki henta vegna veðurs og ónógrar burðargetu.

Vanhæfur?

Bæjarstjórn Kópavogs hefur falið bæjarlögmanni að kanna hvort eðlilega hafi verið staðið að ráðningu aðstoðarskólastjóra í bænum.

Brú selur Nokia allt hlutafé í Enpocket

Nokia er að kaupa allt hlutafé í Enpocket, en Brú, dótturfyrirtæki Straums-Burðaráss er einn stærsti hluthafinn þar. Um það bil fimmtíu Íslendingar eiga hlut í félaginu.

Hlíðaskóli fyrirmynd á Norðurlöndum í kennslu fyrir heyrnarskerta

Hlíðaskóli hefur unnið markvisst frumkvöðlastarf í skólamálum á Íslandi á þann veg að heyrnarskert, heyrnarlaus og daufblind börn taka þátt í kennslustundum með heyrandi og sjáandi nemendum skólans.

Ákært í fjórum líkamsárásarmálum í Reykjanesbæ

Fjórar ákærur vegna líkamsárása voru þingfestar í Héraðsdómi Reykjaness í dag. Allar árásirnar áttu sér stað í Reykjanesbæ. Nokkra athygli vekur að rúm þrjú ár eru liðin frá einni árásinni.

Ekið á barn við Lönguhlíð

Ekið var á barn á mótum Lönguhlíðar og Mávahlíðar laust fyrir klukkan fimm í dag. Í fyrstu var óttast að barnið hefði slasast alvarlega.

Fáfnisfauti týndur

Jón Trausti Lúthersson, sem kenndur er við bifhjólasamtökin Fáfni, átti að mæta fyrir Héraðsdómi Reykjaness í dag. Samkvæmt heimildum Vísis er hann ákærður fyrir tvær líkamsárásir sem áttu sér stað í Keflavík.

Opna Schengen fyrir ríki Austur-Evrópu

Stefnt er að því að aðildarríki Evrópusambandsins í Austur-Evrópu fái fullan aðgang að Schengen-samstarfinu á næsta ári. Þetta var meðal annars sem kom fram á ráðherrafundi um Schengen málefni í Brussel í dag. Björn Bjarnason, dómsmálaráðherra, sat fundinn fyrir hönd Íslands.

Jónas: Borga ekki fyrr en ég hef lokið afplánun

Jónas Garðarsson, sem Hæstiréttur hefur dæmt í þriggja ára fangelsi og til að greiða 10 milljónir í skaðabætur fyrir að vera valdur að dauða Matthildar Viktoríu Harðardóttur og Friðriks Hermannsonar þegar skemmtibáturinn Harpa sökk í Viðeyjarsundi, segist ekki ætla að greiða krónu í skaðabætur fyrr en hann hafi lokið afplánun sinni.

Tölvupóstar frá svikahröppum sífellt grófari

Mörg þúsund tilkynningar hafa borist ríkislögreglustjóra það sem af er þessu ári vegna tölvupósta þar sem reynt er að hafa af fólki fé. Bréfin verða sífellt grófari að sögn aðstoðarríkislögreglustjóra og í þeim nýjustu er fólki hótað lífláti.

Reyna að forðast reynslulausn barnaníðings

Brynjar Níelsson, skipaður verjandi Ágústs Magnússonar, segir að lögreglan á höfuðborgarsvæðinu dragi að gefa út kæru á hendur Ágústi, dæmdum barnaníðingi, til að koma í veg fyrir að hann fái reynslulausn úr fangelsi.

Lögreglan varar við svikapóstum

Ríkislögreglustjóri hefur gefið út viðvörun vegna tölvupósta frá svikahröppum sem innihalda morðhótanir. Í póstunum er fólki hótað lífláti greiði það ekki háa upphæð inn á bankareikning erlendis. Nokkuð hefur borið á því að Íslendingar hafi fengið slíkar hótanir í gegnum tölvupóst að sögn lögreglu. Fólk er hvatt til að svara ekki þessum bréfum.

Ekkert spurst til brottrekna Rússans

Ekkert hefur spurst til rússneska mannsins sem rekinn var úr landi í síðustu viku. Eiginkona hans óttast að hann verði settur í fangelsi í Rússlandi þar sem hann er frá Tjeténíu. Lögreglan meinaði henni að kveðja hann á Leifsstöð.