Nýtt afl og Frjálslyndir sameinast

Forystumenn Nýs afls og Frjálslynda flokksins hafa komist að samkomulagi um að sameina flokkana. Hefur forysta Nýs afls ákveðið að samtökunum verði breytt úr stjórnmálaflokki og hvetur stjórnin félagsmenn í Nýju afli til að ganga í Frjálslynda flokkinn.

Gefur kost á sér í sjötta sæti í prófkjöri sjálfstæðismanna

Kolbrún Baldursdóttir sálfræðingur hefur ákveðið að gefa kost á sér í sjötta sæti í prófkjöri sjálfstæðismanna í Reykjavík. Kolbrún var í níunda sæti á framboðslista sjálfstæðismanna í Reykjavíkurkjördæmi suður fyrir síðustu alþingiskosningar.

Krefjast þess að kjör verði í samræmi við nýja samninga

Trúnaðarmenn sjúkraliða við Landspítalann- háskólasjúkrahús krefjast þess að gerður verði nýr stofnanasamningur við sjúkraliða LSH. Trúnaðarmennirnir funduðu í gær og krefjast þess jafnframt að kjör sjúkraliða hjá LSH verði í samræmi við nýja samninga við aðrar starfsgreinar í félags- og heilbrigðisgeiranum.

Skaut kött nágrannans

Karlmaður á Egilsstöðum hefur verið kærður til lögreglu fyrir að skjóta heimiliskött nágranna síns í bakgarði eigandans í vor.

Búið að finna silfurberg til að húða Þjóðleikhúsið að utan

Búið er að finna silfurberg til að húða Þjóðleikhúsið að utan en viðgerðir hafa staðið yfir á leikhúsinu um skeið. Bergtegundin var notuð þegar húsið var byggt en vegna þess hversu vandfundin hún er, var jafnvel talið að notast þyrfti við önnur úrræði. Samningar hafa tekist um kaup á fimm tonnum af silfurbergi af Braga Björnssyni, landeigand en silfurbergið verður sótt í Suðurfjall í Breiðdalnum. Það verður ekki átakalaust að ná silfurbergið því það er í talsverðri hæð og flytja þarf vélar upp í fjallið svo hægt sé að ná silfurberginu úr námunni.

Ekið á unga stúlku

Ekið var á unga stúlku á Háaleitisbraut nálægt Fellsmúla um klukkan átta í morgun. Lögregla og sjúkrabíll eru komin á staðinn. Ekki er vitað um meiðsl stúlkunnar að svo stöddu en hún er með meðvitund.

Refsivert að auglýsa vændi

Refsing fyrir að stunda vændi fellur niður en í staðinn gert refsivert að auglýsa vændi. Þá verður refsing fyrir samræði og önnur kynferðismök við barn yngra en fjórtán ára þyngd, samkvæmt frumvarpi dómsmálaráðherra.

Hjólhýsi snéri jeppling í hálf hring

Ökumaður jepplings lenti í vandræðum á Þrengslavegi seint í nótt þegar hjólhýsi, sem hann dró, fór að slást til beggja hliða og sveiflan óx þar til hún snéri jepplingnum í hálf hring á veginum. Í sama mund bar að fólksbíl á móti, en ökumanni hans tókst ekki að koma í veg fyrir árekstur, þótt hann beindi bílnum í ofboði út af veginum. Skullu bílanrir haraklega saman og stór skemmdust, en ökumennirnir sluppu ómeiddir. Að sögn lögreglu eru fordæmi fyrir því að svona skjálftar, eða sveiflur komi á hjólhýsi og leiði til vandræða.

Sjónmengun af völdum háspennulína

Náttúruvaktin mótmælir harðlega þeim áætlunum Landsnets að leggja háspennulínur frá Hellisheiðarvirkjun vegna þeirrar gríðarlegu sjónmengunar sem þær munu valda.

Lundinn og Laxness vinsælir hjá túristum

Nú er ferðamannastraumurinn farinn að minnka en um 170 þúsund erlendir ferðamenn lögðu leið sína til landsins í sumar. Samkvæmt könnunum eyða þeir hér um 10-15 prósentum í verslun. Hvað skyldu nú þessir gjaldeyrisskapandi farfuglar hafa keypt og tekið með sér heim frá landinu bláa?

Verðbólgan niður á næsta ári

Geir H. Haarde forsætis­ráðherra er bjartsýnn á að tímabundin niðursveifla efnahagslífsins snúist við von bráðar.

Þremur ungmennur sleppt úr ítarlegum yfirheyrslum

Þremur ungmennum, sem lögreglan á Selfossi handtók snemma í gærmorgun eftir þjófnað í félagsheimilinu Árnesi í fyrrinótt, var sleppt seint í gærkvöldi eftir ítarlegar yfirheyrslur. Andvirði þýfisins úr Árnesi er hátt í milljón króna, fyrir utan tjón, sem fólkið vann á innréttingum og húsbúnaði. Þá reyndist fólkið hafa ýmis afbrot víða um land á samviskunni, og var það meðal annars á bíl, sem það hafði stolið á Húsavík nýverið, þegar það fór ránshendi um bæinn.

Kennarar krafnir um endurgreiðslu launa

Fimmtán grunnskólakennurum í Reykjavík er gert að endurgreiða ofgreidd laun frá árinu 2004. Mannlegum mistökum starfsmanns borgarinnar er um að kenna. Upphæðirnar nema frá tugum þúsunda en þeir sem verst verða úti þurfa að greiða á annað hundrað þúsund króna.

Viðræðurnar þróast í takt við vonir Geirs

Geir Haarde forsætisráðherra væntir þess að niðurstöður í viðræðum Íslendinga og Bandaríkjamanna um varnir Íslands og viðskilnað Bandaríkjahers liggi fyrir í þessari viku. Hann segir leyndina yfir viðræðunum hafa verið nauðsynlega.

Útlit fyrir að lífeyrir öryrkja verði skertur

Búist er við vaxandi átökum milli Öryrkjabandalagsins og lífeyrissjóðanna vegna skerðingar á lífeyrisgreiðslum til öryrkja. Fundað verður um málið í dag. Formaður Starfsgreinasambandsins býst við að málið fari dómstólaleiðina.

Ný þjónusta styttir leiðina

Meðferðarteymi barna við heilsugæsluna í Grafarvogi léttir á sérfræðiþjónustu Barna- og unglingageðdeildar. Þar er hægt að sinna börnum áður en vandamál þeirra verða mjög alvarleg.

Meirihluti ungt fólk

Meirihluti starfsmanna matvöruverslana, veitingastaða og kráa er yngri en 25 ára. Þetta leiða nýjar tölur frá Hagstofu Íslands í ljós en þeirra er getið í vefriti fjármálaráðuneytisins. Í október á síðasta ári voru 46 prósent þeirra sem störfuðu í matvöruverslunum tvítugt fólk eða yngra og sextíu prósent allra sem þar störfuðu höfðu ekki náð 25 ára aldri.

Vinstri grænir velja á lista 11. nóvember

Vinstri grænir í Reykjavík samþykktu á félagsfundi sínum í gærkvöldi að halda sameiginlegt forval með Suðvesturkjördæmi. Það verður haldið 11. nóvember og voru reglur þar að lutandi samþykktar á fundinum. Listinn verður svonefndur fléttulisti þar sem konur og karlar skiptast á eftir sætum og hver þátttakandi á að velja þrjá í fjögur efstu sætin.

Pólsk menning kynnt í Reykjavík

Pólsk menningarhátíð verður haldin dagana 28. september - 1. október næstkomandi. Hátíðin hefur verið tvö ár í undirbúningi og með henni verður ýtt úr vör stærstu kynningu á pólskri menningu sem fram hefur farið hér á landi.

Diddú og Megas gagnrýna stjórn Skálholts harkalega

Diddú og Megas, sem hafa reglulega haldið tónleika í Skálholtskirkju, segja tónlistarlífið í Skálholti í uppnámi vegna uppsagnar dómorganistans. Biskup Íslands fundar í dag með kirkjuráði Skálholtskirkju.

370 fötluð börn líða fyrir deilu ríkis og sveitarfélaga

Fötluð börn á aldrinum 10-16 ára fá enga aðstoð eftir að skóla lýkur. Foreldrar þeirra verða þá að sækja þau og geta þeir því ekki unnið fullan vinnudag. Málið er í kyrrstöðu í kerfinu.

Vill sjötta sætið í prófkjöri xD

Kolbrún Baldursdóttir sálfræðingur hefur ákveðið að gefa kost á sér í sjötta sæti í prófkjöri sjálfstæðismanna í Reykjavík. Kolbrún var í níunda sæti á framboðslista sjálfstæðismanna í Reykjavíkurkjördæmi suður fyrir síðustu alþingiskosningar. Nái hún sjötta sætinu hækkar hún sig töluvert: upp í þriðja sætið í öðru hvoru Reykjavíkurkjördæminu.

Athugun á gjaldfríum grunnskóla vísað til menntaráðs

Borgarstjórn Reykjavíkur samþykkti í dag tillögu borgarfulltrúa vinstri grænna um skoðun möguleika á gjaldfríum grunnskóla verði vísað til menntaráðs. Flestir þeir sem tjáðu sig um málið í borgarstjórn í dag töldu hugmyndina ekki enn tímabæra en vildu samt umræðu um málið.

Krefjast nýs samnings við sjúkraliða

Trúnaðarmenn sjúkraliða við Landspítalann Háskólasjúkrahús krefjast þess að gerður verði nýr stofnanasamningur við sjúkraliða LSH. Trúnaðarmennirnir funduðu í dag og krefjast þess jafnframt að kjör sjúkraliða hjá LSH verði í samræmi við nýja samninga við aðrar starfsgreinar í félags- og heilbrigðisgeiranum.

Sólveig Pétursdóttir gefur ekki kost á sér

Sjálfstæðismenn í Reykjavík ákváðu fyrir stundu að halda sameiginlegt prófkjör í Reykjavíkurkjördæmunum báðum í lok október. Sólveig Pétursdóttir, forseti Alþingis og fyrrum dómsmálaráðherra, ætlar ekki að gefa kost á sér.

Dæmdur fyrir að stinga föður sinn

Nítján ára piltur var, í Héraðsdómi Reykjavíkur í dag, dæmdur í tólf mánaða fangelsi fyrir að hafa stungið föður sinn með hnífi þannig að hann hlaut lífshættulega áverka. Níu mánuðir af refsingunni eru skilorðsbundnir.

Þurfa ekki meiri orku

Íslenska járnblendifélagið hyggst ekki blanda sér í samkeppni álveranna um meiri raforku, fari svo að móðurfélagið Elkem flytji starfsemi verksmiðjunnar í Ålvik í Noregi, til Grundartanga. Forstjóri fyrirtækisins telur allar forsendur fyrir því að taka við starfseminni án þess að nota meiri orku.

Stutt síðan Samfylkingin beitti sér fyrir nýrri stóriðjuuppbyggingu

Aðeins eru þrír mánuðir liðnir frá því að Samfylkingin beitti sér fyrir því innan Reykjavíkurborgar að Orkuveitan kæmi að frekari stóriðjuuppbyggingu. Í síðustu viku boðaði sami flokkur stóriðjustopp. Frambjóðendur flokksins í væntanlegum álversbyggðarlögum freista þess nú að útskýra hvernig barátta fyrir nýjum álverum samræmist hinni nýju stóriðjustefnu flokksins.

Unnið að fjölskyldustefnu hjá Reykjavíkurborg

Samþykkt var á fundi borgarastjórnar Reykjavíkur í dag að hefja vinnu við fjölskyldustefnu í Reykjavík. Markmiðið með henni er að tryggja að gætt sé að hagsmunum barna, unglinga og fjölskylnda við alla stefnumótun og áætlanagerð á vegum Reykjavíkurborgar.

Stjórnsýslukæra á hendur Skattstjóranum í Reykjavík

Stjórnsýslukæru hefur verið lögð fram á hendur Skattstjóranum í Reykjavík fyrir að afhenda skattframtöl örorkulífeyrisþega án leyfis. Skattstjóri segir að umboð hafi verið til staðar fyrir afhendingu framtalanna.

Ekki ólíklegt að Katrín Jakobsdóttir fari fram

Varaformaður Vinstri grænna segir ekki ólíklegt að hún fari fram í prófkjöri flokksins í Reykjavík fyrir þinkosningarnar næsta vor. Bæði Ögmundur Jónasson og Kolbrún Halldórsdóttir ætla að bjóða sig fram.

Mikil umferðarteppa vegna slyss í Ártúnsbrekku

Mikil umferðarteppa myndaðist í Reykjavík í dag í kjölfar umferðarslyss sem varð skömmu fyrir hádegi í Ártúnsbrekkunni. Vörubíll með tengivagn sem var að flytja rúðu gler valt með þeim afleiðingum að glerið dreifðist um götuna og því var ákveðið að loka Miklubraut frá Grensásvegi til austurs og upp í Ártúnsbrekku.

Önundur S. Björnsson sækist eftir 2.-3. sæti í Suðurkjördæmi

Önunundur S. Björnsson hyggst sækjast eftir öðru til þriðja sæti í prófkjöri Samfylkingarinnar í Suðurkjördæmi sem haldið verður 4. nóvember næstkomandi vegna komandi þingkosninga.

Enginn handtekinn fyrr en tölvurnar hafa verið rannsakaðar

Lögreglumenn í Reykjavík, Kópavogi, á Selfossi og Ísafirði gerðu í morgun samhæfðar húsleitir vegna gruns um að niðurhal á barnaklámi af netinu. Aðgerðirnar voru skipulagðar eftir vísbendingu frá Interpol. Enginn verður handtekinn fyrr en tölvurnar hafa verið rannsakaðar af tæknideildum á hverjum stað fyrir sig.

Nýr fastafulltrúi Íslands hjá Evrópuráðinu

Stefán Lárus Stefánsson hefur afhent Terry Davis, aðalframkvæmdastjóra Evrópuráðsins í Strassborg, trúnaðarbréf sitt sem fastafulltrúi Íslands hjá Evrópuráðinu með aðsetur í Strassborg.

Penninn kaupir þriðjung í Te og kaffi

Penninn hefur keypt þriðjungshlut í fyrirtækinu Te og kaffi og mun framvegis annast dreifingu og þjónustu til fyrirtækja á vörum frá Te og kaffi. Þetta kemur fram í tilkynningu frá félögunum.

Mætti með loftbyssu í skólann

Lögreglan í Reykjavík hafði nýverið afskipti af grunnskólanema sem kom með loftbyssu í skólann. Fram kemur á vef lögreglunnar að sá hafði skotið á tvo skólafélaga sína og marðist annar þeirra.

Allri gjaldtöku verði hætt í grunnskólum

Borgarfulltrúar Vinstri - grænan hyggjast leggja fram tillögu á borgarstjórnarfundi sem nú er hafinn um að allri gjaldtöku af nemendum í grunnskólum borgarinnar verði hætt haustið 2007, þar með talið gjaldtöku fyrir hádegismat og frístundaheimili.

Hámarksrefsing verði 16 ár í stað 6 ára

Dómsmálaráðherra leggur til að skilgreining almennra hegningarlaga á nauðgun verði víkkuð þannig að önnur kynferðisnauðung og misnotkun á bágu andlegu ástandi falli innan refsiramma fyrir nauðgun. Þetta er töluverð refsiþynging þar sem hámarks refsing fyrir slík brot er 6 ár en verður 16 ár ef frumvarpið nær fram að ganga.

Húsleit á nokkrum stöðum vegna barnakláms

Lögreglan á Selfossi, á Ísafirði, í Reykjavík og í Kópavogi gerðu í morgun húsleit á nokkrum heimilum vegna ábendingar frá Interpol um að í gegnum tölvubúnað þessara heimila hefði verið hlaðið niður efni sem innihélt barnaklám.

Ein mest sótta íslenska heimildarmynd frá upphafi

Allt stefnir í að myndin um Jón Pál Sigmarsson verði ein best sótta íslenska heimildamyndin frá upphafi. Myndin var frumsýnd á Íslensku kvikmyndahátíðinni og er nú komin í almennar sýningar.

Ártúnsbrekka opnuð aftur eftir slys

Miklabraut frá Grensásvegi til austurs og upp í Ártúnsbrekku verður opnuð innan stundar eftir umferðarslys sem varð þar fyrir hádegi.

Eins árs fangelsi fyrir að stinga föður sinn

Héraðsdómur Reykjavíkur dæmdi morgun átján ára pilt í eins árs fangelsi, þar af níu mánuði skilorðsbundna, fyrir að hafa stungið föður sinn á veitingastað í Reykjavík þann 17. júní í sumar.

Segist ekki bjóða sig fram gegn Birni

Guðlaugur Þór Þórðarson, sem sækist eftir öðru sæti á lista Sjálfstæðismanna í Reykjavík, eins og Björn Bjarnason dómsmálaráðherra gerir, segist ekki vera að bjóða sig fram gegn Birni.

Vinna að því að flytja starfsemi frá Noregi til Íslands

Forsvarsmenn Íslenska járnblendifélagsins vinna nú að því fá til sín stóran hluta starfsemi verksmiðju móðurfélagsins Elkem í Ålvik í Noregi. Ekki er þó þörf á meiri orku því framleiðslunni yrði breytt og hún gerð flóknari og fjölbreytilegri að sögn Ingimundar Birnis, forstjóra Járnblendifélagsins.