Steinunn Valdís segir ummæli Kristins H. Gunnarsonar spaugileg

Kristinn H. Gunnarsson, þingmaður framsóknarflokks krefst afsagnar borgarstjóra vegna nýgerðra samninga borgarinnar. Hann segir samningana vera óábyrgan leik í kosningaslag.

Enn á gjörgæslu eftir bruna en á góðum batavegi

Annar drengjanna sem brenndust illa þegar þeir voru að fikta með eldfiman vökva í Grafarvogi fyrir um þremur vikum er enn á gjörgæslu en á góðum batavegi að sögn vakthafandi læknis.

Grjót féll á veginn um Óshlíð

Óshlíðin lokaðist fyrir fáeinum mínútum þegar grjót féll á veginn þar um. Að sögn lögreglunnar á Ísafirði eru menn Vegagerðarinnar að meta aðstæður og kemur þá í ljós hversu langur tími líður áður en hægt verður að opna veginn aftur fyrir umferð.

Ekið á barn

Ökumenn virðast ekki hafa gætt nægilega vel að sér í umferðinni í dag því óvenju mikið hefur verið um umferðaróhöpp þrátt fyrir að aðstæður til aksturs væru góðar. Sex umferðaróhöpp og eitt umferðarslys voru tilkynnt til lögreglu milli klukkan þrjú og sex. Ekið var á ellefu ára barn á gatnamótum Sæbrautar og Dalbrautar en meiðsl þess voru lítilsháttar.

Fékk þrjú 400 kílóa fiskikör á sig

Kalrmaður slasaðist þegar hann fékk þrjú fiskikör ofan á sig í vinnuslysi í Grindavík um miðjan dag í dag. Hvert fiskikaranna vegur um 300 kíló og því talsverður þungi sem maðurinn fékk á sig. Maðurinn kramdist en slapp við beinbrot og að sögn lögreglu er merkilegt hversu vel hann slapp.

Féll á höfuðið í vinnuslysi

Maður slasaðist á höfði þegar hann féll tvo og hálfan til þrjá metra af millilofti í nýbyggingu í Hveragerði þar sem hann var við vinnu skömmu fyrir klukkan fimm.

Játar á sig heimabankarán

Tæplega þrítugur karlmaður hefur gengist við því í yfirheyrslum hjá lögreglu að hafa stolið um tveimur milljónum króna úr heimabönkum í nokkrum færslum. Hann hefur hins vegar ekki viljað segja hvað hann gerði við peningana og lögregla hefur ekki haft upp á þeim.

Tólf í framboði í Garðabæ

Tólf taka þátt í prófkjöri Sjálfstæðisflokksins í Garðabæ þar sem valið verður í efstu sæti á lista flokksins við bæjarstjórnarkosningar næsta vor.

Kosningin hefur gengið vel fyrir sig

Fyrri degi atkvæðagreiðslu félaga í Eflingu um nýjan kjarasamning við Reykjavíkurborg er nú að ljúka. Ekki liggur fyrir hversu margir tóku þátt í atkvæðagreiðslunni í dag en Þórir Guðjónsson hjá Eflingu segir að kosningin hafi gengið ágætlega fyrir sig.

Gunnlaugur verður forseti Hæstaréttar

Gunnlaugur Claessen verður forseti Hæstaréttar á næsti ári og árið 2007 og Hrafn Bragason verður varaforseti réttarins. Þetta var niðurstaðan af fundi dómara við Hæstarétt í dag þar sem þeir kusu dómstólnum forseta og varaforseta.

Leggja út fé fyrir fíkniefnaleitarhund

KEA og Sparisjóður Norðlendinga ætla að leggja til tvær milljónir króna svo hægt sé að kaupa fíkniefnaleitarhund sem lögreglumenn á Norðurlandi geta notað við fíkniefnaleit á fjölmennum stöðum á borð við skemmtistaði og útisamkomur.

Markús Örn afhenti trúnaðarbréf sitt

Markús Örn Antonsson hefur afhent Michaëlle Jean, landstjóra í Kanada, trúnaðarbréf sitt sem sendiherra Íslands í Kanada. Markús Örn og Jean lýstu bæði eindregnum áhuga á auknum samskiptum landanna, einkum á sviði lista og menningar, að því er fram kemur í fréttatilkynningu frá utanríkisráðuneytinu.

Ófært á Dynjandisheiði

Ófært er á Dynjandisheiði og Hrafnseyrarheiði er þungfær samkvæmt upplýsingum frá Vegagerðinni. Víða er hálka á heiðum og hálsum. Flughált er á Lágheiði en þó er búið að opna hana fyrir umferð. Hált, og jafnvel flughált, er á Mývatnsöræfum, Jökuldal og ofan Vopnafjarðar.

Betri og nákvæmari veðurspá í framtíðinni

Ekki er hægt að lofa því að veðrið muni batna á Íslandi í framtíðinni en veðurspáin mun alla vega gera það. Samstarfssamningur við Veðurtunglastofnun Evrópu, sem undirritaður var í dag, gerir að verkum hægt verður að spá fyrir um veður hér á landi með meiri nákvæmni en áður.

Lögregla rannsakar tildrög banaslyss

Lögreglan á Akureyri vinnur nú að rannsókn banaslyss sem varð þegar bíll valt út af Svalbarðsstrandarvegi við Eyjafjörð snemma í morgun og varð alelda. Lögreglan hefur yfirgefið vettvang slyssins og vinnur að því að ræða við þá sem komu fyrst á slysstað. Enn liggja tildrög slyssins ekki fyrir.

Flensuyf til fyrir þriðjung þjóðarinnar

Í landinu eru til 89 þúsund skammtar af Tamiflú og Relensa inflúensulyfjum sem gripið verður til komi til heimsfaraldurs inflúensu og duga skammtarnir fyrir um þriðjung þjóðarinnar.

Þorskstofninn gefur eftir milli ára

Stofnvísitala þorsks er lægri í haustmælingu Hafrannsóknastofnunar í ár en í fyrra og er það í fyrsta sinn frá árinu 2001 sem stofnvísitala þorsksins hækkar ekki á milli ára.

Tólf milljónir til viðbótar vegna hamfara í Pakistan

Íslenska ríkið hefur ákveðið að auka framlag sitt til hjálparstarfs vegna jarðskjálftans í Pakistan í október síðastliðnum. Áætlað er að 12 milljónum verði varið til fjármögnunar á flutningi Atlantshafsbandalagsins á hjálpargögnum til nauðstaddra í norðurhluta landsins.

Verðbólgan 4,1% síðasta árið

Vísitala neysluverðs hefur hækkað um 0,36 prósent á milli mánaða og stendur nú í desember í 248,9 stigum. Síðastliðið ár hefur því vísitalan hækkað um 4,1 prósent en ef húsnæðisliði vísitölunnar er sleppt hefur hún einungis hækkað um 0,7 prósent.

Villandi samanburður

Formaður Landssambands Eldri borgara sakar fjármálaráðuneytið um villandi samanburð í frétt sem birtist í vefriti fjármálaráðuneytisins, þar sem fullyrt var að ráðstöfunartekjur aldraðra væru hæstar á Íslandi af öllum Norðurlöndunum.

Pólverjar rannsaka leynifangelsi

Pólsk stjórnvöld hafa ákveðið að hefja formlega rannsókn á því hvort leynifangelsi á vegum CIA hafi verið rekin í landinu. Stjórnvöld í Póllandi hafa alltaf harðneitað sögusögnum um leynifangelsin, en segja að málið verði að rannsaka, því annars gæti það skaðað orðstýr landsins.

Þingmaður myrtur

Líbanskur þingmaður var ráðinn af dögum í Beirút í morgun. Aðrir þingmenn ásaka Sýrlendinga um að bera ábyrgð á morðinu. Þingmaðurinn Gebran tueni lést ásamt þrem öðrum þegar bílsprengja sprakk nærri bifreið hans. Tíu manns slösuðust í sprengingunni, sem var mjög öflug og skemmdi nærliggjandi byggingar töluvert.

Jón Páll í mestum metum

Aflraunagarpurinn Jón Páll Sigmarsson er í mestum metum yfir afreksíþróttamenn hér á landi, samkvæmt skoðanakönnun sem Gallup gerði fyrir Visa Europe og Morgunblaðið britir í dag. Jón Páll, sem lést fyrir um þrettán árum, hefur nokkra yfirburði í könnuninni.

Innbrotsþjófar handsamaðir í Breiðholti

Húsráðendur í einbýlishúsi í Breiðholti vöknuðu við þann vonda draum í nótt að einhverjir ókunnugir voru í húsinu. Styggð kom á innbrotsþjófana, sem voru tveir, þegar þeir urðu húsráðenda varir. Þeir lögðu á flótta en lögreglumenn gripu þá glóðvolga skömmu síðar.

Sjö fíkniefnamál í Hafnarfirði

Sjö fíkniefnamál komu til kasta lögreglunnar í Hafnarfirði um helgina sem er óvenju mikið. Flest málanna komu upp við venjulegt umferðareftirlit.

Banaslys á Svalbarðsstrandarvegi í morgun

Banaslys varð þegar bíll valt út af Svalbarðsstrandarvegi við Eyjafjörð upp úr klukkan fimm í morgun og varð alelda. Vegfarandi tilkynnti um slysið og voru lögregla og slökkvilið þegar send á vettvang en þá var maðurinn, sem var einn í bílnum, látinn. Lögreglan á Akureyri rannsakar tildrög slyssins.

Meðalverð íbúðarhúsnæðis lækkaði

Meðalverð íbúðarhúsnæðis á höfuðborgarsvæðinu og víðast hvar annars staðar í þéttbýli lækkaði í síðustu viku í samanburði við meðalverð síðastliðinna tólf vikna. Samkvæmt þinglýstum kaupsamningum lækkaði það um þréttán hundruð þúsund á höfuðborgarsvæðinu, um fjórar milljónir á Akureyri og um þrjár og hálfa milljón á Árborgarsvæðinu.

Fann sprautur á bílastæði

Hún var heldur ófögur sjónin sem blasti við Daða Hreinssyni þegar hann lagði bílnum sínum á bílastæði við húsnæði sem eitt sinn hýsti veitingastaðinn Glóðina í Keflavík um tvö leytið á föstudaginn. Sprautur og áhöld, sem notuð eru við fíkniefnaneyslu, smokkar og sleipiefni lágu þar fyrir allra augum.

Maður og barn sluppu ómeidd

Bílvelta varð norðan við vegasjoppuna Baulu rétt fyrir klukkan þrjú í gær. Ökumann og barn sem var í bílnum sakaði ekki en bifreiðin er talin vera ónýt. Vegurinn á þessum slóðum er mjög illa farinn og þá var einnig mikil hálka þegar slysið varð.

Hraðahindrun flutt úr stað

Hann var nokkuð ­bí­ræfinn­ náunginn sem stal hraðahindrun í Búðardal aðfaranótt laugardags en henni var síðan raðað upp á graskant fyrir framan stjórnsýsluhús bæjarins.

Skuldir aukist um 30 milljarða

Skuldir sveitarfélaganna í landinu fyrir skuldbindingar hafa aukist um tæpa 30 milljarða króna frá árinu 1997 samkvæmt tölum Sambands íslenskra sveitarfélaga. Hluti vandans felst í að margar stofnanir sveitarfélaga sem eiga sjálfar að standa undir skuldum sínum með gjöldum eða öðrum tekjum gera það ekki og verða því mörg sveitarfélög sjálf að axla þá bagga og nota til þess skattfé.

Stjórnvöld höfðu ekki lagaheimildir

Umboðsmaður alþingis telur að íslenska ríkið hafi ekki haft lagalega heimild til þess að setja komubann á iðkendur Falung Gong sumarið 2002. Hann segir það íslenskra dómstóla að skera úr um hvort ríkið hafi bakað sér skaðabótaskyldu.

Húnavatnshreppur orðinn til

Nýju sveitar­félagi í Austur-Húnavatnssýslu á að gefa nafnið Húnavatnshreppur, sam­kvæmt niðurstöðu sveitar­stjórnar­kosninga sem fram fóru á laugar­dag, en þá var kos­ið um nýtt nafn á hrepp­inn.

Afurðir virðast meiri en í fyrra

Fyrstu tölur benda til að afurðir sláturtíðarinnar í haust séu talsvert meiri en í fyrra. Fyrstu yfirlitstöflur um niðurstöður úr fjárræktar­fél­ög­un­um haustið 2005 eru nú að­gengi­leg­ar á vef Bænda­sam­tak­anna, www.bondi.is. Þar kemur fram að upp­gjöri sé lokið fyrir rúmlega 66 þúsund ær frá haustinu.

Landi og þjóð til sóma

Þegar ljós urðu úrslit í keppninni Ungfrú heimur sendu forsetahjónin Ólafur Ragnar Grímsson og Dorrit Moussaieff nýkrýndri fegurðardrottingu eftirfarandi heillaóskir: "Ungfrú heimur, Unnur Birna Vilhjálmsdóttir, Sanya, Kína. Við óskum þér til hamingju með glæsilegan árangur. Þú ert landi og þjóð til sóma. Heillaóskir til fjölskyldunnar."

Stunda sjóböð á hverjum sunnudagsmorgni

Tilhugsunin um að stinga sér til sunds við strendur Íslands gefur mörgum hroll. Því er þó ekki svo farið með meðlimi í sjósundsfélaginu "Skítkalt" sem mæta stundvíslega klukkan ellefu á hverjum sunnudagsmorgni til að stinga sér til sunds við Gróttu.

Steingrímur talar mest

Þrátt fyrir að þing sé nú einungis hálfnað hefur sá þingmanna sem lengst hefur staðið í ræðustól, talað í rúman hálfan sólarhring. Það kemur ef til vill fáum á óvart að formaður Vinstri Grænna, Steingrímur J Sigfússon, skuli fara þar fremstur í flokki. Birgir Ármannsson, þingmaður Sjálfstæðisflokksins, talaði hins vegar minnst.

Hálka á Hellisheiði

Opið í Hlíðarfjalli í dag

Hlíðarfjall er opið í dag og skíða- og brettafæri er mjög gott. Það voru margir sem mættu snemma til að nýta sér færið þrátt fyrir óspennandi veðurspá. Allar helstu lyftur eru í gangi og opið verður í Hlíðarfjalli til klukkan fimm í dag.

Róleg nótt hjá lögreglu víða um land

Nóttin var tíðindalítil hjá lögreglunni víða um land. Brotist var inn í bensínstöðina í Garðinum og nokkrum sígarettupökkum stolið. Lögreglan hafði afskipti af tveimur unglingspiltum síðar um nóttina sem viðurkenndu að hafa brotist inn ásamt þremur öðrum strákum.

Kemur af fjöllum

Oddur Friðriksson er yfirtrúnaðarmaður verkalýðsfélaganna á Kárahnjúkum og ber þann stóra titil með sóma. Maðurinn ber það með sér að vera fastur fyrir og fylginn sér; þreklega vaxinn og snöfurmannlegur í framkomu. Hann er ljós yfirlitum og útitekinn, enda kemur maðurinn af fjöllum.

Munar allt að 400 þúsundum á ári

"Það eru ansi margir í mínu félagi sem hrista hausinn yfir þessu og skilja hvorki upp né niður," segir Björg Bjarnadóttir, formaður Félags leikskóla­kennara. Nýafstaðnir samningar Reykja­­víkurborgar við Eflingu og Starfs­mannafélag borgarinnar þýða að ófaglærðir deildarstjórar á leikskólum hafa mun hærri mánaðarlaun en faglært fólk innan Félags leikskólakennara.

Kemur heim með kórónu í farteskinu

Unnur Birna Vilhjálmsdóttir er ungfrú heimur. Hún átti alls ekki von á að ná svo langt í keppninni. Hún hafði skrifað á netið að hún kæmi ekki með kórónuna heim. Heiðar Jónsson snyrtir segist hafa verið viss um að hún ynni.

Klippa þurfti farþega út úr bíl

Alvarlegur árekstur varð á Suðurlandsvegi í gær þegar þrír jeppar lentu saman og þurfti að loka veginum í hátt á þriðja tíma. Áreksturinn varð klukkan 15.30 til móts við Þórustaði í Ölfusi. Klippa þurfti ökumann einnar bifreiðarinnar út úr bílnum. Fimm manns þurfti að flytja á sjúkrahús, þar af tvo alvarlega slasaða.

Eins og að fylgjast með bikarleik

"Ég er bara ekki alveg búinn að átta mig á þessu," sagði Vilhjálmur Skúlason, faðir Unnar Birnu, eftir að hún hafði verið krýnd Ungfrú heimur. "Ég fylltist auðvitað gríðarlegu stolti yfir þessu öllu saman en þó eru tilfinningarnar blendnar. Ég var búinn að hlakka til að fara út á flugvöll á mánudaginn og sækja hana en nú verður ekkert af því og allt er óvíst með heimkomuna," segir Vilhjámur sem fylgdist spenntur með keppninni ásamt syni sínum.