Brjóstabollur með kaffinu - brjóstanna vegna

Sala á svokölluðum brjóstabollum hófst í bakaríum Landssambands bakarameistara í dag. Brjóstabollurnar eru seldar til styrktar rannsóknum á brjóstakrabbameini. Þær verða seldar til og með komandi sunnudegi, sem er mæðradagurinn. Styrktarfélagið Göngum saman stendur að sölunni í samstarfið við bakarana. „Landsmenn eru hvattir til að bjóða upp á brjóstabollur með kaffinu alla mæðradagshelgina og láta þannig gott af sér leiða, brjóstanna vegna," segir í tilkynningu frá félaginu. Þá efnis styrktarfélagið til vorgöngu fyrir alla fjölskylduna í Laugardalnum í Reykjavík á mæðradaginn, sunnudaginn 8. maí. Lagt verður af stað frá Skautahöllinni klukkan ellefu og gengið um dalinn í um það bil klukkustund. Mæðradagsganga verður einnig frá Jónshúsi í Kaupmannahöfn klukkan eitt. Göngufólki gefst kostur á að styrkja rannsóknir á brjóstakrabbameini, annaðhvort með frjálsum framlögum eða með því að festa kaup á varningi Göngum saman. Styrktarfélagið Göngum saman styrkir grunnrannsóknir á brjóstakrabbameini og úthlutar styrkjum í október ár hvert. Félagið leggur áherslu á miklvægi hreyfingar til heilsueflingar og til að afla fjár í styrktarsjóð félagsins.

Fljótur að hugsa

Sautján ára piltur í Pittsburg í Bandaríkjunum var ekkert að tvínóna við hlutina þegar hann kom að manni sem hafði fengið hjartaáfall í bílnum sínum. Maðurinn hafði stoppað og lá meðvitundarlaus fram á stýrið.

Laun ríkisstarfsmanna stefna fimm milljarða fram úr áætlun

Launagreiðslur til ríkisstarfsmanna fóru 1.240 milljónir króna fram úr áætlun á fyrstu þremur mánuðum ársins og með sama áframhaldi fara þær fimm milljarða umfram fjárlög á árinu. Ráðamenn ríkisstjórnarinnar segjast fylgja stefnu um ítrasta aðhald og sparnað.

Verktakar frá sex löndum vilja Vaðlaheiðargöng

Íslenskir, norskir, danskir, svissneskir, færeyskir og tékkneskir verktakar hafa lýst yfir áhuga á að fá að gera tilboð í byggingu Vaðlaheiðarganga. Sex hópar taka þátt í forvalinu.

Vonast til að skrifa undir samninga í dag

Vonir standa til að hægt verði að skrifað verði undir nýja kjarasamninga á almennum vinnumarkaði í dag. Búið er að semja um öll veigamestu atriðin en verið er að ganga frá smærri málum.

Fimmtán hundruð hafa sótt um níu hundruð sumarstörf

Fimmtán hundruð námsmenn og atvinnuleitendur hafa sótt um þau níu hundruð sumarstörf sem auglýst voru af Velferðarráðuneytinu og Vinnumálastofnun um miðjan síðasta mánuð. Hart er slegist um þau störf sem eru í boði segir formaður stúdentaráðs.

RÚV óheimilt að sýna beint frá tónleikunum

RÚV var ekki heimilt að vera með sjónvarpsútsendingu frá fyrstu tónleikunum sem haldnir voru í Hörpu, en þeir fóru fram í gær þegar Sinfóníuhljómsveitin steig á svið. Þetta kemur fram í tilkynningu frá RÚV en mikil umræða hefur skapast um að RÚV sýndi beint frá íþróttaleik í gærkvöldi á sama tíma og þessir fyrstu tónleikar fóru fram í Hörpu. Hins vegar var útvarpað beint á Rás 1 frá tónleikunum. Sinfóníuhljómsveitin lék undir stjórn Vladimírs Ashkenazí og flutti verkið Velkomin Harpa eftir Þorkel Sigurbjörnsson, píanókonsert eftir Edvard Grieg og Níunda sinfónía Beethovens. "Hins vegar verða sömu tónleikar teknir upp í kvöld og verða á dagskrá sjónvarps með viðtölum sem Arndís Björk Ásgeirsdóttir tók við Vladimír Ashkenazí og Víking Heiðar Ólafsson á Hvítasunnudag, 12. júní nk. kl. 14.00. Þess má auk þess geta að formleg opnunarhátíð Hörpu fer fram kl. 18.00 föstudaginn 13. maí og verður útvarpað og sjónvarpað beint frá hátíðinni,“ segir í tilkynningu frá RÚV. Ekki er tekið fram í tilkynningunni hvaða ástæður eru fyrir því að RÚV var sjónvarpsútsending óheimil.

Lögregluembætti ekki sameinuðu á Vestfjörðum og Vesturlandi

Vikið hefur verið frá hugmyndum um sameiningu lögregluembætta á Vesturlandi og Vestfjörðum, en þess í stað verða embættin á Vesturlandi eingöngu sameinuð. Þetta kemur fram á fréttavefnum Skessuhorn.is.

Steingrímur í viðtali við Dow Jones: Krónan hefur þjónað okkur vel

Steingrímur J. Sigfússon fjármálaráðherra segir í viðtali við Dow Jones fréttaveituna, að Íslendingar séu betur settir utan Evrópusambandsins en innan þess vegna þess að aðild gæti meðal skaðað sjávarútveginn hér á landi.

Eygló hleypur gegn legslímuflakki

Eygló Harðardóttir, þingmaður Framsóknarflokksins, ætlar að hlaupa hálft maraþon í Reykjavíkurmaraþoninu til stuðnings Samtökum kvenna með endómetríósu, eða legslímuflakk. Eygló var fyrsti flutningsmaður þingsályktunartillögu þar sem lagt er til heilbrigðisráðherra beiti sér fyrir fræðsluátaki um legslímuflakk og að skoðaður verði möguleikinn á stofnun göngudeildar með legslímuflakk. Eygló var gestur Í Bítinu á Bylgjunni í morgun ásamt Erlu Kristinsdóttur, formanns Samtaka kvenna með endómetríósu. Erla greindist með legslímuflakk fyrir um fimm árum síðan. Hún hafði alla tíð verið með afar slæma túrverki og tók greiningin á sjúkdómnum um áratug. Hún þurfti loks að fara í stóra aðgerð þar sem skafið var úr báðum eggjastokkum, brennt úr kviðarholinu auk þess sem fleygur var tekinn úr þvagblöðrunni. "Það er ekki hægt að lækna þennan sjúkdóm,“ segir Erla. Hún segir að sér hafi alltaf verið talin trú um að hún væri einfaldlega bara óheppin að vera með svona slæma túrverki. Endómetríósa eða legslímuflakk er krónískur, sársaukafullur sjúkdómur sem orsakakast af því að frumur úr innra lagi legsins finnast á öðrum stöðum í kviðarholinu og valda þar bólgum og blöðrumyndun. Undir venjulegum kringumstæðum fara þessar frumur út úr líkamanum við blæðingar. Samkvæmt upplýsingum á heimasíðu Samtaka kvenna með endómetríósu þjást um 2–5% stúlkna og kvenna hér á landi af sjúkdómnum einhvern tímann á frjósemisskeiði og er því ljóst að um töluverðan fjölda er að ræða. Á 20 ára tímabili greindust um 1.400 konur með sjúkdóminn á Íslandi. Helstu einkenni legslímuflakks eru mikill sársauki við og fyrir blæðingar, miklar og/eða óreglulegar blæðingar, verkir í kviðarholi milli blæðinga, sársauki við egglos, samfarir og þvaglát. Legslímuflakk getur valdið ófrjósemi. Hlusta má viðtalið við Erlu og Eygló Í bítinu með því að smella á tengilinn hér að ofan.

Hálft tonn af ullarfötum til Japans

Rúmt hálft tonn af ullarfatnaði verður sent til Japans frá Íslandi á næstunni en það voru þrjár japanskar konur sem búsettar eru hér á landi sem hófu söfnun fyrir fórnarlömb hamfaranna í Japan. Þær Miyako Þórðarson, Yoko Arai og Yayoi Shimomura vildu gera eitthvað til að hjálpa löndum sínum í Japan og höfðu því samband við Póstinn um að aðstoða þær við að senda hlífðarfatnaðinn úr íslensku ulllinni til Japans.

E-töflumaður áfram í haldi

Héraðsdómur framlengdi í gær gæsluvarðhald yfir karlmanni á þrítugsaldri sem var handtekinn í Leifsstöð í mars með 36 þúsund e-töflur og 4.400 skammta af LSD í fórum sínm.

Hvor þeirra var eiginlega skotinn?

Ótrúlega margir bæði fréttamenn og álitsgjafar hafa ruglað saman þeim Barack Obama og Osama Bin Laden. CNN, Fox News, Sky News og Associated press eru meðal þeirra sem hafa ruglast í ríminu.

80 prósent vilja festa táknmál í lög

Í könnun sem fyrirtækið Miðlun ehf. gerði 17-28 mars síðastliðin fyrir Félag heyrnarlausra á viðhorfi almennings til táknmáls sem fyrsta máls, kemur í ljós að 80,8% aðspurðra eru frekar eða mjög sammála því að táknmál verði bundið í lögum sem fyrsta mál þeirra sem reiða sig á það til tjáningar og samskipta.

Nei takk

Bandarískir kjósendur virðast hafa frekar lítinn áhuga á hugsanlegum frambjóðendum republikana fyrir forsetakosningarnar á næsta ári.

Uppbygging í Garði: Nýtt íslenskt barnamauk

Þrjú ný störf hafa orðið til í Garði á Suðurnesjum vegna tilkomu fyrirtækisins Barnavagninn, sem framleiðir grænmetis- og ávaxtamauk fyrir ungbörn. Barnavagninn er rekið af sömu aðilum og eiga Ávaxtabílinn. Auk þess er Eignarhaldsfélag Suðurnesja hluthafi í fyrirtækinu og lagði því til stofnfé. Öll framleiðsla fer fram í Garði á Suðurnesjum.

Birta ekki myndir af dauða Osama bin Laden

Barack Obama banadríkjaforseti hefur ákveðið að myndir af dauða Osama bin Laden verði ekki gerðar opinberar.

Bretar halda þjóðaratkvæðagreiðslu í dag

Bretar ganga til þjóðaratkvæðagreiðslu í dag og kjósa um umbætur á kosningakerfi landsins. Umbæturnar eru málamiðlun milli einmenningskjördæmakerfisins sem ríkt hefur og hlutfallskosninga.

Sá síðasti sem barðist í fyrri heimsstyrjöldinni er látinn

Ákveðin tímamót urðu í veraldarsögunni í gærdag en þá lést síðasti hermaðurinn sem vitað er til að tók þátt í bardögum í fyrri heimsstyrjöldinni.

Kjaraviðræður halda áfram í dag

Samningamenn Alþýðusambandsins og Samtaka atvinnulífisins náðu ekki að ganga endanlega frá nýjum kjarasamningi í gærkvöldi og gerðu hlé á fundi sínum laust fyrir miðnætti. Ráðgert er að hefja viðræður aftur með morgninum.

Starfsmenn komast inn í kjarnorkuverið í Fukushima

Í fyrsta sinn síðan jarðskjálftinn reið yfir Japan í mars síðastliðnum hefur starfsmönnum kjarnorkuversins í Fukushima tekist að komast inn í eyðilagðar byggingar versins.

Dönsk herþyrla notuð til einkaleitar

Danski flugherinn notaði eina af þyrlum sínum í einkaleit að manni sem saknað var.

Eitrað andrúmsloft á Rigshospitalet í Kaupmannahöfn

Öryggisskoðun á Rigshospitalet í Kaupmannahöfn, stærsta spítala Danmerkur, leiddi í ljós að óvenjuhátt hlutfall er af eiturefninu PCB í andrúmsloftinu sem sjúklingar og starfsfólk anda að sér á spítalnum.

Bilun í þremur strandveiðibátum

Bilun varð í þremur strandveiðibátum úti á miðunum í gærkvöldi, en nálægir bátar komu þeim til aðstoðar og drógu þá í land. Veður var gott í öllum tilvikunum.

Sex ökumenn teknir úr umferð í nótt

Sex ökumenn voru stöðvaðir og teknir úr umferð á höfuðborgarsvæðinu í nótt og þar af tveir réttindalausir fyrir samskonar brot áður.Hinir fjórir voru sviftir ökuréttindum til bráðabirgða.

Föðuramma Obama að koma til Íslands

Sara Obama, stjúpamma Baracks Obama Bandaríkjaforseta í föðurætt, er á leið hingað til lands síðar í mánuðinum. Hún kemur á vegum Pauls Ramses Oduor og Rosemary Atieno og hjálparsamtaka þeirra.

Nýir eldsneytisgjafar nema hálfu prósenti

Af þeim 195.715 bifreiðum sem í umferð eru í dag gengur bara rétt rúmlega hálft prósent fyrir öðru eldsneyti en bensíni eða dísilolíu. Það eru 1.006 bílar. 73,4 prósent bílaflota landsins ganga fyrir bensíni og 26,1 prósent fyrir dísilolíu.

Taldir vera sekir um stríðsglæpi

Saksóknarar Alþjóðlega sakadómstólsins í Haag óska eftir því að handtökubeiðni verði gefin út á hendur þremur Líbíumönnum vegna glæpa gegn mannkyni.

Ætla múslimum lóð í Sogamýri

Samkvæmt tillögu embættis skipulagsstjóra Reykjavíkur gæti Félag múslima fengið byggingarlóð austast í Sogamýri. Skipulagsráð hefur sent tillögu um tilbeiðsluhús á lóðinni til umsagnar hjá hverfisráðinu, umhverfisráði og Skipulagsstofnun.

Óttast um líf níu í námunni

Fimm létust og níu er saknað eftir gassprengingu í kolanámu í Coahuila-héraði í Mexíkó á þriðjudag. Sprengingin var gríðarlega öflug og eru litlar líkur taldar á því að þeir níu sem enn er saknað finnist á lífi.

Kosið um nýtt kosningakerfi í Bretlandi

Kosið verður í Bretlandi í dag um breytingar á kosningakerfinu, sem notað er í þingkosningum. Samkvæmt skoðanakönnunum er vart von til þess að breytingarnar verði samþykktar.

Fullveldið er undirstaðan

Hugmyndir um þjóðina og fullveldi hafa einkennt íslenska stjórnmálaumræðu um áratugaskeið og eru í raun gegnumgangandi í flestöllum deilumálum um utanríkismál, allt frá inngöngunni í NATO árið 1949.

Stjórnvöld breyta sögu af drápi

Bandarísk stjórnvöld hafa leiðrétt lýsingar á vígi sérsveitarmanna á hryðjuverkaleiðtoganum Osama bin Laden á mánudag. Engin ákvörðun hefur verið tekin um hvort mynd af líki hans verði gerð opinber.

Yfirvöld fréttu fyrst af skólpinu árið 2006

Heilbrigðiseftirlit Reykjavíkur hefur ítrekað farið fram á lagfæringu lagna á Fluggörðum á Reykjavíkurflugvelli. Þetta kemur fram í bréfi Heilbrigðiseftirlitsins til Jóns Baldvins Pálssonar flugvallarstjóra, sem dagsett er 2. maí síðastliðinn.

Reuters birtir hrikalegar myndir frá árásinni á Bin Laden

Reuters fréttastofan hefur undir höndum myndir sem teknar eru við aðsetur Osama Bin Ladens í Abbottabad í Pakistan skömmu eftir að árásin var gerð þar á sunnudaginn. Myndirnar sína þrjá menn í blóði sínu. Bin Laden er ekki þeirra á meðal.

Birta ekki myndir af Osama Bin Laden látnum

Obama Bandaríkjaforseti hefur ákveðið að birta ekki myndir af líki Osama Bin Laden en Hvíta húsið staðfesti í dag að hann hefði verið óvopnaður þegar hann var drepinn aðfaranótt mánudags. Hópur stuðningsmanna hans safnaðist saman í dag og brenndi meðal annars bandaríska fánann.

Lægstu laun hækka strax um 20 þúsund

Lægstu laun á almennun vinnumarkaði hækka strax í rúmar hundrað og áttatíu þúsund krónur ef nýjir kjarasamningar verða að veruleika. Vonast er til að hægt verði að ganga frá þeim á næsta sólarhringnum.

Ísbjörn synti látlaust 700 km á 9 dögum

Bandarískir vísindamenn hafa staðfest ótrúlegt sundþrek ísbjarna en þeir fylgdust með birnu synda látlaust nærri sjöhundruð kílómetra á níu dögum án þess að nærast. Þetta sýnir að ísbirnir geta synt milli Íslands og Grænlands, fram og til baka, án þess að stoppa.

Tapar á hækkun tekjutengingar vaxtabóta

Reykvísk kona sem skuldar húsnæðislán segist hafa tapað á þeirri ákvörðun stjórnvalda að hækka tekjutengingu vaxtabóta - en bæta tímabundið við vaxtaniðurgreiðslu. Munurinn slagar upp í sólarlandaferð fyrir einn. Hún telur aðgerðina brjóta gegn eignarréttarákvæði stjórnarskrárinnar og hefur kvartað til Umboðsmanns Alþingis.

Öryrkjabandalag Íslands 50 ára á morgun

Öryrkjabandalag Íslands verður 50 ára á morgun. Af því tilefni verður frumsýnd heimildarmyndin „Eitt samfélag fyrir alla, Öryrkjabandalag Íslands í 50 ár." Rauður þráður myndarinnar er mannréttindabarátta, eftir því sem kemur fram í tilkynningu.

Samningum ekki lokið í dag

Það er afar ólíklegt að lokið verði við gerð kjarasamninga VR við viðsemjendur sína í dag, segir Stefán Einar Stefánsson, formaður VR. „Það eru ennþá lausir endar sem þarf að hnýta,“ segir Stefán Einar í samtali við Vísi. Hann tekur þó skýrt fram að það það sé vilji beggja aðila að vinna sameiginlega að lausn kjaradeilunnar. Samningafundir aðila vinnumarkaðarins hafa staðið yfir í Karphúsinu í allan dag og er búist við því að þeir standi áfram fram á kvöld.

1251 með meira en milljón á mánuði

1251 einstaklingur var árið 2009 með meira en eina milljón króna í laun á mánuði. Þetta kemur fram í svari fjármálaráðherra við fyrirspurn Einars K. Guðfinnssonar þingmanns sjálfstæðisflokksins.

Byrja að sekta fyrir nagladekkjanotkun á mánudag

Lögreglan á höfuðborgarsvæðinu beinir þeim tilmælum til bíleigenda sem enn eru á nagladekkjum að gera þar bragarbót á. Minnt er á að nú ber að greiða 5 þúsund krónur í sekt fyrir hvert nagladekk og því betra að taka þau undan hið fyrsta.

Eigandi Rottweilertíkar boðaður til yfirheyrslu

Eigandi Rottweilertíkarinnar Chrystel hefur verið kallaður til yfirheyrslu hjá lögreglunnar á Akureyri á morgun vegna hvarfs tíkarinnar úr vörslu lögreglunnar á Selfossi. Mæti eigandinn ekki til yfirheyrslu getur lögregla gripið til þess að óska eftir því hjá dómara að eigandinn verði færður til yfirheyrslu, og þar með handtekinn. Ekki er þó búist við að til þess þurfi að koma. "Við erum að rannsaka hver nam hana á brott," segir Þorgrímur Óli Sigurðsson, aðstoðaryfirlögregluþjónn á Selfossi um hvarf tíkarinnar. Hún hafði verið vistuð á hundahóteli síðustu vikur, að kröfu lögreglu, á meðan á Lögreglan á Selfossi óskaði eftir húsleitarheimild hjá eiganda, sem var búsettur í umdæmi lögreglunnar á Selfossi en er nú fluttur til Akureyrar. Dómari vildi ekki veita slíka heimild þar sem ekki hefðu komið fram sannanir um að eigandinn hefði rænt hundinum af hundahótelinu. Þorgrímur Óli staðfestir hins vegar að farið hafi verið fram á húsleitarheimildina vegna þess að eigandinn sé grunaður um einmitt það. Hann vill þó ekki gefa upp hvaða vísbendingar lögreglan hefur í þá veru. Þá segir Þorgrímur að fyrir dómi í gær hafi lögmaður eigandans staðfest að tíkin væri nú á heimili eigandans á Akureyri. Vegna þess hefur lögreglan á Akureyri nú boðað hann til yfirheyrslu á morgun. Lögreglan á Selfossi íhugar nú næstu skref í rannsókninni. Til greina kemur að úrskurði héraðsdóms frá í gær, þar sem beiðni um húsleitarheimild var synjað, verði áfrýjað til Hæstaréttar. Þá er einnig möguleiki að lögreglan fari fram á það við dómara að eigandanum verði hreinlega gert að afhenda hundinn, nú þegar ljóst er að hundurinn er í hans vörslu. "Við höfum áhyggjur af því að búið er að meta hundinn hættulegan, af fagfólki. Manni verður bara hugsað til þess ef börn eða fullorðnir verða á vegi hundsins. Hver ætlar að bera ábyrgð á því ef illa fer?" spyr Þorgrímur .

Gylfi bjartsýnn á að samningar náist í kvöld

Aðilar vinnumarkaðarins funda enn í karphúsinu um kjarasamninga og er nokkuð góður gangur í viðræðunum að sögn Gylfa Arnbjörnssonar forseta ASÍ. Deiluaðilar funduðu með ríkissáttasemjara fram á kvöld í gær og hófust fundir að nýju í morgun.