Segir andstöðu AGS þurrka millistéttina út

Andstaða Alþjóðagjaldeyrissjóðsins við almenna niðurfærslu skulda mun þurrka út millistéttina á Íslandi að mati Birgittu Jónsdóttur, þingmanns Hreyfingarinnar. Sjóðurinn vill einungis færa niður skuldir þeirra sem þegar eru komnir í þrot.

Langflestir telja að niðurstöðurnar muni gagnast stjórnlagaþingi

Þjóðfundur um stjórnarskrá tókst afar vel að mati þátttakenda, en 950 manns sátu fundinn. Í fundarlok voru þátttakendur allir inntir álits á framkvæmd og áhrifum fundarins. 93% þeirra telja að niðurstöður fundarins muni gagnast stjórnlagaþingi við vinnu þess að nýrri stjórnarskrá, að því er fram kemur í fréttatilkynningu.

Bjarni: Engin töfralausn í boði

„Vandamálið er það að það er stanslaust verið að gefa í skyn að það sé einhver töfralausn handan við hornið,“ segir Bjarni Benediktsson, formaður Sjálfstæðisflokksins. Það sé engin töfralausn í boði þegar kemur að skuldamálum heimilanna.

Skrímsladeildir virkjaðar

Þór Saari, þingmaður Hreyfingarinnar, segir að svo virðist sem skrímsladeildir Samfylkingarinnar og Vinstri grænna hafa verið virkjaðar til gera fólkið að baki mótmælunum á Austurvelli tortryggilegt. Þetta sé ein af ástæðunum fyrri dræmri þáttöku á fimmtudaginn. „Ekki einu sinni sjálfstæðismenn töluðu svona um mótmælin í janúar 2009," segir Þór og bætir við að talað hafi verið um mótmælendur af lítilsvirðingu.

Reyndu að ræna formúlukappa

Heimsmeistarinn í Formúlu 1 kappakstrinum, Englendingurinn Jenson Button, slapp úr klóm glæpamanna í Sao Paulo í Brasilíu í gær. Sex vopnaðir menn gerðu tilraun til að stöðva bifreið Buttons þegar hann var á leið heim á hótel eftir æfingu fyrir Brasilíukappaksturinn. Formúlukappinn var í lögreglufylgd og komst óskaddaður heim á hótel.

Meintur byssumaður í Malmö handtekinn

Lögreglan í Malmö í Svíþjóð hefur handtekið mann sem grunaður um að að bera ábyrgð á allt að 19 skotárásum að undanförnu. Þetta kemur fram á fréttavef TV 2 í Danmörku. Lögreglan verst allra frétta en boðað hefur verið blaðamannfundar síðar í dag. Byssumaðurinn hefur valdið miklum ótta meðal innflytjenda í Malmö en fram kemur á fréttavef Aftonbladet í Svíþjóð að maðurinn sé 38 ára.

Indland semji um frið við Pakistan

Barack Obama, Bandaríkjaforseti, sem er í opinberri heimsókn á Indlandi þessa dagana lagði á það áherslu í gær að Indverjar næðu friðarsamkomulagi við Pakistan, ríki sem hann sagði að væri ekki að gera nóg til að uppræta hryðjuverkahópa innan landamæra sinna. Obama er snúinni stöðu, því hann er að reyna að efla tengslin við Indland en efnahagslegt mikilvægi ríkisins hefur aukist, á sama tíma og Bandaríkin styðja Pakistan með milljörðum dollara, meðal annars með það fyrir augum að tryggja frið í Afganistan.

Niðurstöðurnar kynntar síðdegis

Niðurstöður Þjóðfundarins sem fram fór í Laugardalshöllinni í gær, verða kynntar á sérstökum blaðamannafundi klukkan fjögur í dag. Stjórnlaganefnd mun svo vinna úr niðurstöðum fundarins og leggja þær fyrir stjórnlagaþing þegar það kemur saman í febrúar 2011, ásamt eigin hugmyndum. Kosið verður til stjórnlagaþingsins þann 27. nóvember næstkomandi.

Jólabasar Hringsins í dag

Hinn árlegi jólabasar kvenfélagsins Hringsins verður haldinn á Grand Hótel í dag. Jólabasarinn er afrakstur ársvinnu félagsins því Hringskonur hefja ávallt undirbúning í janúar og hittast svo vikulega allt árið til að föndra, sauma og próna muni til að selja en ágóðinn rennur í góðgerðarstarf. Basarini hefst klukkan 13 en þar verða til sölu hannyrðavörur, jólakort og kökur að hætti Hringskvenna.

Boða til tunnumótmæla á þriðjudaginn

Forsvarsmenn tunnumótmælanna svokölluðu hafa boðað til enn einna mótmælanna eftir helgi. Tilefnið er boðaður fundur samráðsnefndar ráðherra og forystumanna stjórnarandstöðuflokkanna sem hefst kl. 18 í Stjórnarráðshúsinu á þriðjudaginn, að því er fram kemur í tilkynningu.

Ók ölvaður á ljósastaur

Karlmaður rétt innan við tvítugt var handtekinn skömmu fyrir klukkan tvö í nótt á Akureyri. Hann hafði þá ekið á ljósastaur við Skógarlund og þegar lögreglumenn komu á vettvang kom í ljós að hann var ölvaður. Maðurinn var í framhaldinu færður á lögreglustöð.

Ríkir sjóræningjar

Talið er að sómalskir sjóræningjar hafi fengið greiddar 12,3 milljónir dollara eða rúma 1,4 milljarða króna í lausnargjald fyrir tvö flutningaskip. Um er ræða skip frá Suður-Kóreu og Singapúr. Fram kemur á vef breska ríkisútvarpsins að aldrei áður hafi sjóræningjar fengið svo háa upphæð greidda í lausnargjald.

Harðræði hefur hert þorskinn

Með erfðafræði- og vistfræðilegum aðferðum er reynt að meta hversu vel þorskur getur staðið af sér loftslagsbreytingar. Mikilvægi hans fyrir efnahag fjölda þjóða er gríðarlegt og svo hefur það verið um aldir og eru engar fréttir fyrir Íslendinga. Þorskurinn leikur stórt hlutverk í sögu og menningu þeirra þjóða sem hann hafa nýtt.

Enginn með allar tölur réttar

Enginn var með fimm lottótölur réttar í kvöld og verður fyrsti vinningur, sem nam rúmum 17 milljónum, því fjórfaldur næst. Einn var með fjórar tölur auk bónustölunnar réttar. Hann fær um 300 þúsund krónur í sinn hlut.

Almenningur verði á varðbergi

Alþjóðalögreglan Interpol hefur gefið út viðvörun vegna sprengjubúnaðar líkt og komið var nýverið fyrir í fraktflugvélum sem voru á leið til Bandaríkjanna. Interpol hvetur almenning til að vera á varðbergi gagnvart hugsanlegri ógn.

Vill endurskoða bótakerfið

Formaður velferðarráðs Reykjavíkurborgar segir það vera óréttlátt að fólk á lágmarkslaunum fái lægri bætur vegna barna heldur en bótaþegar og vill endurskoða kerfið. Í mörgum tilvikum eru tekjur þessa fólks þær sömu.

Hægt að skapa fleiri störf á Suðurnesjum

Hægt væri að skapa mun fleiri störf á Suðurnesjum með því að falla frá hugmyndum um álver í Helguvík og nota orkuna til að reisa kísilmálm og efnaverksmiðjur. Þetta kom fram á málfundi Græna netsins í dag. Fjórir aðilar hafa sýnt áhuga á að reisa slíkar verksmiðjur á Suðurnesjum.

Gengu í skrokk á rússneskum blaðamanni

Rússneskur blaðamaður liggur þungt haldinn eftir fólskulega árás, sem talin er tengjast störfum hans. Tveir svartklæddir menn sátu fyrir Oleg Kashin, blaðamanni á Kommersant dagblaðinu, þegar hann kom heim til sín í Moskvu upp úr miðnætti í nótt. Þeir gengu í skrokk á honum og skildu hann síðan eftir illa brotinn í blóði sínu.

Vatnsleki í íbúðarhúsi

Slökkvilið höfuðborgarsvæðisins var kallað út á fimmta tímanum í dag að íbúðarhúsi við Skólavörðustíg í vegna vatnsleika, en vatn hafði þá flætt um gólf í húsinu. Ekki er vitað um skemmdir.

Varð alræmdur í bransanum

„Skemmtilegast fannst mér að heyra hversu margir urðu hissa á því hvað myndin væri löng þegar þeir komu út úr bíó. Það er mjög góðs viti. Sjálfur hef ég oft haft þessa tilfinningu fyrir kvikmyndum, til dæmis Scorcese-myndinni Goodfellas sem ég sá með mömmu í Austurbæjarbíói þegar ég var fimmtán ára."

Marinó Njálsson: Ekki verða allir sáttir

„Það er ljóst að það verður engin ein leið sem hentar öllum,“ segir Marinó G. Njálsson, talsmaður og stjórnarmaður í Hagsmunasamtökum heimilanna. Ekki verði allir sáttir við niðurstöðu sérfræðingahóps á vegum ríkisstjórnarinnar.

Örvæntingarfullt herútkall Jóhönnu

„Það var ágætis tilraun hjá Jóhönnu til þess að rugla umræðuna," segir Sigurður Kári Kristjánsson, þingmaður Sjálfstæðisflokksins.

Elsta konan og yngsti karlinn sitja saman

Vinnan á Þjóðfundinum í Laugardalshöll er í fullum gangi en þar situr nú fólk á öllum aldri við að leggja upp það sem því finnst mikilvægast fyrir sáttmála hins nýja Íslands, stjórnarskrána sem stjórnlagaþingið á að setja saman.

Rafmagnslaust í Keflavík

Rafmagnslaust hefur verið í víða Keflavík í dag vegna bruna í háspennustreng í dreifistöð um 13:30. Rafmagn er víðast hvar komið á en það ekki á við það svæði sem tengist fyrrnefndri dreifistöð. Viðgerð stendur yfir og er vonast til að rafmagn verði komið á fyrir klukkan 20 í kvöld.

Illugi: Óvissunni hefur ekki verið eytt

Illugi Gunnarsson, þingmaður Sjálfstæðisflokksins, veit ekki hvort rannsókn yfirvalda á peningamarkaðssjóðum gömlu bankanna sé lokið. Hann veit því ekki hvenær hann snýr aftur til starfa á Alþingi.

Lily Allen fékk blóðeitrun

Breska söngkonan Lily Allen hefur verið flutt á sjúkrahús til meðferðar vegna blóðeitrunar. Nokkrir dagar eru síðan hún missti fóstur. Í fréttatilkynningu frá fjölmiðlafulltrúa hennar kemur fram að líðan söngkonunnar sé eftir atvikum góð.

Ströng öryggisgæsla vegna heimsóknar páfa

Spænska lögreglan er með mikinn viðbúnað vegna heimsóknar Benedikts 16. páfa til landsins. Tveggja daga opinber heimsókn hans á Spáni hófst í morgun þegar hann heimsótti miðaldadómkirkjuna í Santiago de Compostela. Þetta er í annað sinn sem Benedikt páfi heimsækir Spán.

Góð stemning á Þjóðfundi | Myndir

Tæplega þúsund Íslendingar sem valdir voru með slembiúrtaki komu saman í Laugardalshöll í morgun til Þjóðfundar. Viðmælendur fréttastofu segja gott andrúmsloft vera á fundinum. Pjetur Sigurðsson, ljósmyndari Fréttablaðsins og Vísis, var á staðnum fyrr í dag og myndaði fundinn.

Einkafyrirtæki yrðu góð viðbót

Andstaða við aðkomu erlendra fyrirtækja að íslenskum orkuiðnaði er misráðin að mati Michaels Porter, prófessors við Harvard háskóla í Bandaríkjunum. Porter er meðal virtustu fræðimanna heims á sviði rannsókna á samkeppnishæfni þjóða og höfundur kenninga um klasamyndun í þekkingargeirum og iðnaði og áhrif hennar á velsæld þjóða. Porter sótti landið síðast heim árið 2006 þegar hann kynnti rannsókn á samkeppnishæfni landsins, hélt fyrirlestur og tók við heiðursdoktorsnafnbót við viðskipta- og hagfræðideild Háskólans. Síðan þá hefur áhugi hans á Íslandi enn vaxið og sér í lagi klasamyndun í íslenskum jarðvarmaiðnaði. Í byrjun vikunnar kynnti Porter rannsókn sína á stöðu íslenska jarðvarmaklasans.

Hemmi á Þjóðfundi: Förum að haga okkur eins og fólk

„Ég held að allir komi með fínum ásetningi um að leggja sitt á vogskálarnar,“ segir dagskrárgerðarmaðurinn Hermann Gunnarsson, betur þekktur sem Hemmi Gunn. Hann er einn þjóðfundargesta. „Þetta er þverskurður af þjóðinni.“

Brýnt að endurskoða bótakerfið

Nauðsynlegt er að hækka lágmarkslaun og endurskoða bótakerfið til að fólk hafi hvata af því að fara út á vinnumarkaðinn. Þetta segir lektor við félagsráðgjafardeild Háskóla Íslands.

Þjóðfundurinn gengur „glimrandi vel“

„Langfelstir sem ég hef rætt við í kaffipásum telja að þessi fundur muni gagnast stjórnalagaþinginu þegar það kemur saman í febrúar,“ segir Berghildur Erla Bernharðsdóttir, upplýsingafulltrúi Þjóðfundar, sem nú fer fram í Laugardagshöll þar sem um þúsund þátttakendur af landinu öllu eru mættir til að tjá hugmyndir sínar og skoðanir um stjórnskipan landsins og stjórnarskrá. Berghildur segir fundinn ganga glimrandi vel.

Stjórnin keypti sér frið

Fyrrverandi ríkissáttasemjari og forseti ASÍ segir ríkisstjórnina hafa keypt sér frið um stundarsakir með undirritun stöðugleikasáttmálans um mitt síðasta ár. Ekki hafi staðið til að leysa úr neinu.

Rannsókn á stuðningi við innrásina í Írak

29 þingmenn Vinstri grænna, Framsóknarflokks, Samfylkingarinnar og Hreyfingarinnar hafa lagt fram tillögu á Alþingi um að kosin sérstök verði rannsóknarnefnd um aðdraganda ákvörðunar um stuðning Íslands við innrásina í Írak árið 2003 án samráðs við Alþingi.

Þáttaskil í samgöngumálum Norðausturlands

Þáttaskil verða í samgöngumálum Norðausturlands nú klukkan ellefu þegar þeir Ögmundur Jónasson, samgönguráðherra, og Hreinn Haraldsson, vegamálastjóri, opna formlega Hófaskarðsleið og Raufarhafnarveg með því að klippa á borða í Hófaskarði. Öllum íbúum verður síðan boðið til kaffisamsætis í félagsheimilinu á Raufarhöfn.

Kanna hvort Bandaríkjamenn hafi njósnað um íslenska þegna

Geir vildi að Björgvin bæri ábyrgð á neyðarlögunum

Geir H. Haarde, þáverandi forsætisráðherra, vildi að Björgvin G. Sigurðsson, þáverandi viðskiptaráðherra, flytti frumvarp til hinna umdeildu neyðarlaga hinn 6. október 2008, en því var harðlega andmælt af öðrum ráðherrum, þ.á.m Össur Skarphéðinssyni. Össur taldi fráleitt að ungur fagráðherra tæki slíka pólitíska sprengju að sér og úr varð að Geir flutti frumvarpið en ávarpaði þjóðina fyrst. Þetta kemur fram í nýrri bók Björgvins G. Sigurðssonar.

Fjölmenningarþing haldið í dag

Fyrsta fjölmenningarþing Reykjavíkurborgar verður haldið í dag en markmiðið með því að er að bæta þjónustu borgarinnar við innflytjendur. Á annað hundrað innflytjendur hafa boðað komu sína á þingið en umræður farar fram á fjölmörgum tungumálum, meðal annars litháísku, pólsku og tælensku.

Lögreglumenn særðir eftir sprengjuárás í Belfast

Þrír lögreglumenn slösuðust í sprengjuárás á Norður Írlandi í nótt. Lögregla var kölluð út vegna innbrots hjá veðmangara í vesturhluta höfuðborgarinnar Belfast en þegar lögreglumennirnir komu á vettvang var sprengju kastað að þeim. Þeir voru í framhaldinu fluttir á sjúkrahús og er einn mannanna talsvert særður. Hann undirgengst skurðaðgerð síðar í dag.

Þjóðfundur hafinn

Um eitt þúsund manns komu saman til Þjóðfundar klukkan níu í morgun en fundurinn er haldinn í Laugardagshöllinni. Markmið hans er að kalla fram viðhorf þjóðarinnar til stjórnarskrárinnar og móta hugmyndir fyrir væntanlegt stjórnlagaþing. Fundað verður eftir samskonar fyrirkomulagi og á þjófundinum sem grasrótarhreyfingin Mauraþúfan stóð fyrir í fyrra en frumniðurstöður hans verða svo kynntar á blaðamannafundi á morgun.

Fjórir látnir á Haítí

Að minnsta kosti fjórir eru látnir eftir að fellibylurinn Tómas reið yfir Haítí í gær. Björgunarfólk á vegum Sameinuðu þjóðanna og hjálparsamtaka óttuðust mjög að fellibylurinn myndi valda íbúum Haítí enn meiri vandræðum og auka á kólerufaraldurinn sem þar hefur geysað að undanförnu. Eyðileggingin varð aftur á móti minni en margir áttu von á. Rúm ein milljón íbúa landsins eru enn án húsnæðis eftir jarðskjáltann í janúar.

Víða hálka

Á Norður- og Austurlandi er hálka eða hálkublettir á flestum leiðum. Þæfingsfærð er á Þverárfjalli en verið er að moka. Hálka og skafrenningur er við ströndina, samkvæmt tilkynningu frá Vegagerðinni.

Stútar stöðvaðir

Lögreglan á Suðurnesjum stöðvaði fjóra ökumenn í nótt vegna gruns um að aka undir áhrifum áfengis og/eða fíkniefna. Ökumennirnir voru allt ungir karlmenn.

Mikið tjón vegna vatnsleka á Akureyri

Mikill vatnsleki varð í Slippnum á Akureyri í morgun þegar að heitavatnsrör fór í sundur. Þegar slökkviliðs- og lögreglumenn komu á staðinn á sjöunda tímanum var ökkladjúpt vatn yfir stóru rými á tveimur hæðum og töluverð gufa. Að sögn lögreglu er um mikið tjón að ræða en skemmdir urðu meðal annars á trésmíðaverkstæði, skrifstofu og kaffistofu. Samkvæmt upplýsingum lögreglu gekk hreinsunarstarf vel.

Ísland hefur fjölmargt að bjóða ESB

Aðild Íslands að Evrópu­sambandinu (ESB) gæti komið sér vel fyrir sambandið, sérstaklega hvað varðar aðkomu að norðurheimskautssvæðinu. Þetta verður meðal þess sem mun koma fram í árlegri áfangaskýrslu framkvæmdastjórnar ESB sem kemur út í næstu viku, en kaflar úr henni hafa þegar lekið í fjölmiðla.