Átökin magnast á Sri Lanka

Tala fallinna hækkar stöðugt á Sri Lanka en þar hafa átök aukist síðan stjórnvöld ákáðu að binda enda á vopnahléið í landinu. Tveir lögreglumenn féllu þegar sprengja sprakk í vegarkandi á norðurhluta eyjarinnar í morgun og alls létust um áttatíu manns í átökum helgarinnar.

Bjerregard í vanda

Borgarstjóri Kaupmannahafnar Ritt Bjerregard er í vandræðum en í nýrri Gallup könnun þar í landi kemur í ljós að flokkur hennar, jafnaðarmannaflokkurinn, hefur misst þriðjung fylgisins sem hann fékk í síðustu sveitarstjórnakosningum fyrir tveimur árum síðan.

Obama á sigurgöngu

Barack Obama fór með sigur af hólmi í forkosningum demókrata í maine ríki í Bandaríkjunum í nótt. Helgin var góð fyrir Obamama en á laugardag sigraði hann í Louisiana, Nebraska og Washington ríki.

Japanskir þingmenn vilja afnema dauðarefsingu

Hópur þingmanna á Japanska þinginu hefur unnið frumvarp sem miðar að því að banna dauðarefsingar í landinu næstu fjögur árin.Frumvarpið er sagt vera skref í þá átt að banna dauðarefsingar með öllu í landinu.

Chavez hótar að skrúfa fyrir olíuna

Forseti Venezúela, Hugo Chavez, hótaði því í gær að skrúfa fyrir olíuinnflutning til Bandaríkjanna láti þarlend stjórnvöld ekki af því sem Chavez kallar efnahagsstríð. Bandarískir og breskir dómstólar hafa fryst fé á reikningum ríkisolíufyrirtæksins í kjölfar málshöfðunar bandaríska olíurisans Exxon Mobil.

Nauðgari datt í lukkupottinn

Dæmdur kynferðisafbrotamaður í Massachussets datt í lukkupottinn þegar hann keypti vinningsmiðann í ríkislottóinu. Maðurinn vann hvorki meira né minna en 670 milljónir króna í sinn hlut en sigrinum fylgja nokkur vandræði því yfirvöld hafa viljað ná af honum tali síðustu árin.

Bræla kemur í veg fyrir loðnuveiðar

Umþaðbil fjörutíu norsk loðnuskip, sem eru að veiðum hér við land, hafa aðeins fengið fimm þúsund tonn af þeim tæplega 40 þúsund tonnum sem þau mega veiða í íslenskri lögsögu. Þrálátar brælur hafa komið í veg fyrir veiðarnar og hafa skipin hvað eftir annað legið inni á Austfjaðrahöfnum vegna óveðurs.

Rúður brotnar í bílum og par handtekið fyrir innbrot

Rúður voru brotnar í fimm bílum, sem stóðu á bílastæðinu við Háskólabíó seint í gærkvöldi. Einhverju smálegu var stolið úr þremur bílum en einskis er saknað úr tveimur. Eignaspjöll eru hinsvegar umtalsverð því nýjar rúður og vinna við að setja þær í, kosta tugi þúsunda króna. Spellvirkjarnir eru ófundnir.

Ramos-Horta haldið sofandi

Forseti Austur Tímor, Jose Ramos Horta var sýnt banatilræði í morgun á heimili sínu í höfuðborg landsins Dili. Horta var skotinn í magann og herma fregnir að honum sé haldið sofandi í öndunarvél. Liðhlaupi úr röðum stjórnarhersins sem hótað hefur ríkisstjórninni var drepinn á staðnum af öryggisvörðum forsetans.

Vilhjálmur verður áfram í borgarstjórn

Vilhjálmur Þ. Vilhjálmsson hefur ráðfært sig við Davíð Oddsson um pólitíska framtíð sína. Honum er ráðlagt að sitja af sér mestu orrahríðina vegna REI-málsins. Borgarstjórnarflokkur Sjálfstæðisflokksins fundar í Ráðhúsinu í dag.

Vilhjálmur situr sem fastast - í bili

Allt bendir til þess að Vilhjálmur Þ. Vilhjálmsson víki ekki til hliðar á næstunni sem oddviti sjálfstæðismanna í borginni. Ekki er þó víst að hann taki við borgarstjórastólnum að ári.

Félag gegn Pólverjum

Hátt í sjöhundruð manns, mikið til ungt fólk, hafa skráð sig í hóp á netinu sem kallar sig Félag gegn Pólverjum á Íslandi. Þar er farið niðrandi orðum um Pólverja sem búsettir eru hérlendis.

Greining á krabbameini í blöðruhálskirtli markaðsett

Íslensk erfðagreining birti í dag vísindagein í Nature genetics þar sem tveimur áður óþekktum erfðaþáttum blöðruhálskirtilskrabbameins er lýst.

Íslensks pilts enn leitað á Jótlandi

Danska lögreglan hefur um helgina kannað tvo staði á Jótlandi eftir að vísbendingar bárust um að 18 ára íslenskur piltur, Ívar Jörgensson, væri þar niðurkomin, en ekkert hefur spurst til hans í heila viku.

Olíuflutningabíll lenti utanvegar í Þrengslunum

Litlu mátti muna að illa færi er olíuflutningabíll lenti utanvegar í Þrengslunum við Hellisheiði fyrir nokkrum mínútum.

EES samningurinn opnað dyr

EES samningurinn hefur opnað dyrnar að mikilvægu samstarfi Íslands og Noregs og annarra Evrópuríkja i öryggismálum. Þetta sagði Jonas Gahr Støre, utanríkisráðherra Noregs, á ráðstefnu um Evrópumál sem haldin var í Ósló um helgina.

Þyrla LHG fengin til að smala hrossum

Hross voru í sjálfheldu við Þríhyrning um helgina og var þyrla LHG fengin til að smala hestunum af fjallinu. Það gekk vonum framar.

Sprengjuhótun á olíupalli talin vera gabb

Sprengjuhótun um borð í íbúðapalli olíustarfsmanna í Norðursjó er nú talin hafa verið gabb og hefur 23 ára gömul kona um borð verið handtekin.

Gallar í björgunarbúnaði ollu dauðaslysi í Hvalsnesstrandinu

Gallar í björgunarbúnaði ollu því að danski sjóliðinn Jan Nordskov Larsen, af varðskipinu Triton, drukknaði við björgunaraðgerðir þegar flutningaskipið Wilson Muuga strandaði við Hvalsnes í desember 2006.

Landeigendur vænta nýs útspils frá fjármálaráðherra

Landsamtök landeigenda vænta þess að fjármálaráðherra mæti til leiks með nýtt útspil af hálfu ríkisins í átt til samkomulags í deilunni við landeigendur, ekki síst í ljósi þess að núna fyrir lok febrúarmánaðar birtir ríkisvaldið þjóðlendukröfur sínar á vestanverðu Norðurlandi svokölluðu svæði 7.

Brattabrekka ófær sökum vonskuveðurs

Vonskuveður er á Bröttubrekku og er hún nú orðin ófær, samkvæmt tilkynningu Vegagerðarinnar, sem bendir fólki á að aka um Heydal, milli Skógarstrandar og Hnappadals.

Íbúðaverð í borginni hækkaði um 1,5% um áramótin

Íbúðaverð á höfuðborgarsvæðinu hækkaði um eitt og hálft prósent milli mánaðanna desember og janúar, samkvæmt vísitölu íbúðaverðs, sem Fasteignamat ríkisins birtir.

Vík í Mýrdal er að drukkna í sandi

Mikill fjörusandur hefur fokið yfir Vík í Mýrdal í óveðrinu sem geisað hefur á landinu undanfarið. Heimamenn segja að þorpið sé að drukkna í sandi en flæðarmálið færist nær þorpinu með hverju árinu.

Olíuborpallur á Norðursjó rýmdur vegna sprengjuhótunar

Verið er að rýma olíuborpall á Norðursjó vegna sprengjuhótunar. Alls eru 539 manns um borð á pallinum og eru 14 þyrlur nú að flytja mannskapinn yfir á aðra borpalla á svæðinu.

Góðar líkur á nýjum kjarasamningi í vikunni

Jákvæður tónn er í talsmönnum beggja samningsaðila á vinnumarkaðnum eftir fund í Karphúsinu síðdegis í gær og taldar góðar líkur á að skrifað verði undir nýja kjarasamninga þegar líður á vikuna. Bæði Alþýðusambandið og Samtök atvinnulífsins hyggjast þó fyrst banka upp á hjá ríkisstjórninni til að knýja á um framlag stjórnvalda.

Flugvél snérist í vindhviðu á Keflavíkurflugvelli

Flugvél JetX á leið frá Salzburg fyrir Primera Air sem lagt var á stæði við Leifsstöð um kl. 18.45 í gær snérist skyndilega um fjórðung úr hring í vindhviðu þegar aka átti landgöngubrú upp að henni. Óskað var eftir aðstoð þar sem afgreiðsluaðili treysti sér ekki til þess að snúa vélinni aftur vegna vinds.

Gunnar Birgisson pumpaði járn í turninum

Gunnar I. Birgisson bæjarstjóri Kópavogs opnaði nýja 700 fm heilsuræktarstöð World Class á 15. hæð í nýja turninum á Smáratorgi í gærdag. Við það tækifæri brá bæjarstjórinn sér í eina tækjasamstæðuna og pumpaði járn um stund.

Björguðu pari efst í Norðurárdal

Björgunarsveitarmenn björguðu pari í nótt sem sat fast í bíl sínum efst í Norðurárdalnum.

Tekinn ölvaður á stolinni dráttarvél

Lögreglan í Borgarnesi tók ölvaðann mann á stolinni dráttarvél í Hálsasveit ofarlega í Borgarbyggð í nótt.

Collie hundurinn enn í óskilum á nýjum stað

Eigandi Border-Collie hundsins sem var í óskilum í Blöndubakka í gærdag hefur enn ekki fundist. Hundurinn er því áfram í óskilum en nú kominn yfir á heimili við Jöfrabakkann.

Versti vetur í 75 ára sögu Icelandair

Mark Snowdown stöðvarstjóri Icelandair á Norðurlöndunum segir að óveðrið undanfarið geri það að verkum að félagið upplifi nú versta vetur í 75 ára sögu sinni. Á hann þar við tafir á flugi, aflýsingar og þau vandræði sem skapast hafa á Keflavíkurflugvelli undanfarna daga.

Illa slasaður eftir dýfu í sundlaugina á Flúðum

Karlmaður á þrítugsaldri slasaðist illa eftir að hann stakk sér til sunds í sundlauginni á Flúðum laust eftir klukkan sjö í gærkvöldi.

Gates vill meira frá NATO ríkjum í Afganistan

Robert Gates, varnarmálaráðherra Bandaríkjanna, segir nauðsynlegt að sannfæra Evrópubúa um að verkefni Atlantshafsbandalagsins í Afganistan sé mikilvægur liður í baráttunni gegn hryðjuverkum.

Tíu fórust í troðningi á rokktónleikum

Minnst tíu týndu lífi og fjölmargir slösuðust í troðningi á rokktónleikum á Indónesíu í gærkvöldi.

Vilhjálmur er að meta stöðu sína

Vilhjálmur Þ. Vilhjálmsson, oddviti borgarstjórnarflokks Sjálfstæðisflokksins, er að meta pólitíska stöðu sína, samkvæmt heimildum Fréttablaðsins.

Hald lagt á fíkniefni í sumarbústað í Ölfusi

Lögreglan á Selfossi lagði um klukkan hálf tólf í gærkvöldi hald fíkniefni í sumarbústað í Ölfusi. Um var að ræða tvö grömm af hassi eða amfetamíni og einhverjar töflur.

Fjórir nítján ára piltar í hrakningum á Esjunni

Björgunarsveitarmenn aðstoðuðu í gærkvöldi fjóra nítján ára pilta sem lent höfðu í hrakningum á Esjunni.

Mikill eldsvoði rústaði Camden markaðinum í London

Loka þurfti stórum hluta af hinum sögufræga Camden markaði í London í gærkvöldi eftir að mikill eldsvoði braust þar út.

Obama skoraði þrennu og Huckabee tvennu

Barak Obama skoraði þrennu í forkosningunum í Bandaríkjunum í gærkvöldi. Obama vann í öllum þremur ríkjunum sem kosið var í, Louisiana, Nebraska og Washington. Eftir gærkvöldið hefur Obama jafnmarga kjörmenn og Hillary Clinton.

Erilsamt hjá lögreglunni á Suðurnesjum

Erilsamt var hjá lögreglunni á Suðurnesjum í nótt. Tveir ökumenn voru kærðir grunaðir um akstur undir áhrifum fíkniefna og einn grunaður um ölvun við akstur.

Reykjanesbrautin aftur opin fyrir umferð

Reykjanesbrautin er nú aftur opin fyrir umferð. Fyrr í kvöld lokaðist brautin vegna umferðarslyss.

Vilja að Vilhjálmur víki

Upplausnarástand ríkir nú innan borgarstjórnarflokks sjálfstæðismanna og óvissa um framtíð Vilhjálms Þ. Vilhjálmssonar, oddvita flokksins. Þær raddir gerast háværari innan flokksins að Vilhjálmur víki til hliðar.

Farþegar komnir í Leifsstöð

Farþegar með vél á vegum Heimsferða eru nú komnir inn í Leifsstöð. Þeir sátu fastir í vélinni á Keflavíkurflugvelli í eina tvo tíma vegna veðurs.

Á fjallahjólum niður stiga Perlunnar

Það var frekar óvenjuleg sjón sem blasti við gestum í Perlunni í dag þar sem níu strákar hjóluðu niður tröppur hússins allt frá efstu hæð niður í kjallara.

Þurfum að sækja um aðild að ESB.

Ísland verður að sækja um aðild að Evrópusambandinu og taka upp evru sem gjaldmiðil til að losna við þá ofurbyrði sem hvílir á íslenskum heimilum og fyrirtækjum. Þetta sagði Árni Páll Árnason, varaformaður utanríkismálanefndar Alþingis, á ráðstefnu um Evrópumál sem haldin var í Ósló í dag.