Íslenskt fyrirtæki stjórnar orkusparnaði í Evrópu

Íslendingar eru þekktari fyrir að sóa en spara. Þrátt fyrir það stjórnar íslenskt fyrirtæki orkusparnaði víða í Evrópu frá húsakynnum sínum í Mosfellsbæ. Fyrirtækið DomesticSoft í Mosfellsbæ sérhæfir sig í orkusparnaði og sér meðal annars um götulýsingu og orkunotkun á nokkrum stöðum í Evrópu.

Geir telur fráleitt að Sturla segi af sér

Forsætisráðherra telur fráleitt að Sturla Böðvarsson segi af sér sem forseti Alþingis vegna Grímseyjarferjumálsins. Hann segir eftirliti með framkvæmdinni hafa verið ábótavant en sérhæfð stofnun ætti að sjá um skiparekstur ríkisins.

Næringarskortur vaxandi vandamál í Darfur

Næringarskortur er vaxandi vandamál í héraðinu Darfur í Súdan á sama tíma og erfitt hefur reynst fyrir hjálparstarfsmenn að aðstoða þá sem hvað verst hafa orðið úti.

Landsvirkjun segir öll leyfi vegna Gjástykkis löngu komin

Landsvirkjun hefur sent frá sér tilkynningu þar sem segir að fyrirtækið harmi að Landvernd og Samtök um náttúruvernd á Norðurlandi skuli hafa beðið um opinbera rannsókn á rannnsóknarleyfisveitingu á Gjástykkissvæðinu. Öll leyfi, og umsagnir, vegna þessa hafi fyrir löngu verið komin fram.

Fellibylurinn Felix í uppsiglingu á Karabíska hafinu

Gefin hefur verið út aðvörun vegna hitabeltisstormsins Felix sem er í uppsiglingu á Karabíska hafinu. Er þetta sjötti stormurinn sem hlotið hefur nafn á fellibyljatímabilinu í ár. Að sögn Fellibylsmiðstöðvarinnar í Bandaríkjunum er Felix nú staddur um 130 km vestnorðvestur af Granada og færist í vesturátt á um 30 km hraða á klukkustund.

Brunnurinn við Brunnstíg vígður í morgun

Árni Sigfússon bæjarstjóri vígði í morgun endurgerð brunnsins við Brunnstíg við upphaf sögugöngu um Reykjanesbæ. Á brunnin er nú komin á ný dæla sem Árni notaði til þess að dæla vatni ofan í þyrsta göngufara en Árni gat þess í ræðu sinni við þetta tækifæri að skortur á neysluvatni hafi lengi verið mikill vandi á Suðurnesjum.

SGS kynnir róttækar breytingar á veikinda- og slysakerfi

Á fundi Starfsgreinasambandsins þann 11. september munu verða kynnt róttæk uppstokkun á núvernadi kerfi starfsendurhæfingar, þar sem hlutverk og aðkoma aðila vinnumarkaðarins mun skipta sköpum, m.a. í samskiptum við stjórn- og heilbrigðisyfirvöld. Verður nýju kerfi Veikinda- slysa- og örorkuréttinda komið á laggirnar.

Gjaldtökur bankanna eru komnar framúr öllu hófi

Jóhannes Gunnarsson formaður Neytendasamtakanna fagnar þeirri ákvörðun viðskiptaráðherra að mynda nefnd um gjaldtökur bankanna af viðskiptavinum sínum. "Þessar gjaldtökur eru komnar framúr öllu hófi að okkar mati og því tímabært að reyna að koma böndum á þær," segir Jóhannes.

Borgarstjóra gefinn skjöldur af Íslending

Borgarstjóri Vilhjálmur Vilhjálmsson sótti Reykjanesbæ heim í gær til þess að afhjúpa verk eftir Ásmund Sveinsson sem er gjöf frá Reykjavíkurborg og er nú við Reykjavíkurtorg. Í leiðinni heimsótti hann skipið Íslending og fékk þar sköld af skipinu að gjöf.

Geir telur fráleitt að Sturla segi af sér vegna Grímseyjarferjumálsins

Geir H. Haarde forsætisráðherra sagði í hádegisviðtalinu á Stöð 2 að hann teldi fráleitt að Sturla Böðvarsson fyrrum samgönguráðherra segði af sér sem forseti alþingis vegna Grímseyjarferjumálsins. Geir sagði að Sturla hefði treyst Vegagerðinni og ekki gefið nein fyrirmæli sem leiddu til þeirrar stöðu sem er á málinu nú.

Um 10 þúsund aðkomumenn á Ljósanótt

Ljósanótt í Reykjanesbæ hefur farið friðsamlega fram að sögn lögreglu, fyrir utan nokkur ölvunartilfelli og minniháttar líkamsárás. Hótel í bænum eru yfirfull og svæði fyrir hjólhýsi og húsbíla hefur verið sjöfaldað. Búist er við að mannfjöldinn verði yfir 40 þúsund í kvöld en tæplega 10 þúsund manns hafa komið í bæinn vegna hátíðarinnar.

Talibanar segjast hafa fengið yfir milljarð kr. fyrir gíslana

Háttsettur meðlimur Talibana segir í samtali við Reuters í dag að þeir hafi fengið 20 milljónir dollara, eða um 1,2 milljarða kr. fyrir suðurkóreansku gíslana sem þeir létu lausa í vikunni. Jafnframt fylgir með í fréttinni að þetta fé ætli Talibanar að nota til vopnakaupa. Talsmaður forsetaembættis Suður-Kóreu segir þetta vera rangt og að ekkert fé hafi verið borgað fyrir gíslana.

Hvað kostar heilbrigðisþjónusta eftir einkavæðingu?

Vinstri grænir vilja að rannsakað verði hvaða afleiðingar markaðsvæðing heilbrigðisþjónustu hefur haft á þjónustuna sjálfa og kostnaðinn. Þetta var samþykkt á flokksráðsfundi á Flúðum í gær. Hingað til hafa afleiðingar þessara breytinga ekki verið skoðaðar hér á landi.

VG vill afdráttarlaust að Orkuveitan sé almenningseign

Á flokksráðfundi VG sem nú stendur yfir var samþykkt ályktun sem kveður á um að VG vill afdráttarlaust að Orkuveita Reykjavíkur sé áfram í almenningseign. "Það er afdráttarlaus afstaða Vinstrihreyfingarinnar - græns framboðs að samfélagsþjónustan, þar með talin Orkuveita Reykjavíkur, eigi að vera í eigu almennings. Af því verður ekki gefinn afsláttur undir nokkrum kringumstæðum." segir m.a. í ályktunni.

Ekki hægt að misnota áframtengingu úr læstum síma

Síminn hefur sent frá sér tilkynningu vegna fréttar Sjónvarpsins þess efnis að hringt hefði verði í 118 úr síma sem var með læsingu á símtöl í farsíma til þess að fá áframtengingu við farsímanúmer. Segir m.a. í henni að ekki sé hægt að misnota þjónustu 118 á þennan hátt.

Íþróttahöllin við Vallakór tekið í notkun í dag

Nýja íþróttahöllin við Vallakór í Vatnsendahverfi verður tekið í notkun við hátíðlega athöfn kl. 14 í dag með ávarpi Gunnars Birgissonar bæjarstjóra. Jafnfram verður greint frá úrslitum í samkeppni um nafn á höllina.

Góður vöxtur á trjágróðri

Góður vöxtur hefur verið á trjágróðri í sumar um allt land þrátt fyrir ótta manna um að þurrkar gætu haft alvarleg áhrif á vöxtinn. Í einstaka tilfellum hefur þurrkur þó hægt á vexti, sérstaklega þar sem jarðvegur er gljúpur og þurrsækinn. Þetta kemur fram á fréttavefnum Skessuhorni.

Dýrar eignir renna út í Danmörku

Dýrustu íbúðarvillurnar í Danmörku selja sig næstum sjálfar. Fréttavefur Jyllands Posten greinir frá því að íbúðarhús sem seld eru á nærri þrjú hundruð milljónir íslenskra króna í Danmörku renni út á meðan mun hægar gangi að selja helmingi ódýrari eignir.

Veðmálavefir geta auglýst í sjónvarpi í Bretlandi

Lögum sem lúta að veðmöngurum og spilavítum í Bretlandi hefur verið breytt en frá og með deginum í dag geta slíkir aðilar auglýst bæði í sjónvarpi og útvarpi. Það sama á við um vefsíður sem bjóða upp á veðmál en þær má nú í fyrsta skipti hýsa í Bretlandi.

Chavez gerist sáttasemjari

Hugo Chavez forseti Venesúela hefur ákveðið að taka að sér hlutverk sáttasemjara milli kólumbískra uppreisnarmanna og stjórnvalda þar í landi. Samið verður um lausn gísla sem uppreisnarmenn hafa undir höndum. Chavez tilkynnti áformin eftir samræður við Alvaro Uribe, forseta Kólumbíu.

Tanni kóngur dró 300 tonna járnbrautarlest

Malasíumaður sem ber viðurnefnið Tanni kóngur náði að draga sjö vagna járnbrautarlest í vikunni með stálvír sem hann beit saman í munni sínum. Þetta mun vera mesta þyngd sem maður hefur dregið með tönnunum einum saman.

Hannes efstur á Íslandsmeistaramótinu í skák

Stórmeistarinn Hannes Hlífar Stefánsson hélt áfram sigurgöngu sinni á Íslandsmeistaramótinu í skák en hann vann Davíð Kjartansson í fjórðu umferð, sem fram fór í gærkvöldi og hefur 3,5 vinning, vinningi meira en næstu menn. Í 2.-3. sæti koma Þröstur Þórhallsson og Stefán Kristjánsson.

Ljósanóttin friðsæl það sem af er helginni

Ljósanóttin í Reykjanesbæ hefur farið fram á friðsælan hátt það sem af er helginni. Samkvæmt upplýsingum lögreglunnar gisti aðeins einn maður fangageymslur hennar í nótt vegna ölvunnar og einn var tekinn vegna ölvunaraksturs.

Ríkisskattstjóri boðar róttækar breytingar á skattframtali

Stefnt er að því að sem flestir einstaklingar sleppi við að skila skattframtali og skattyfirvöld telji fram fyrir þá. Ríkisskattstjóri hyggst skera upp herör gegn því að fólk og fyrirtæki skili ekki skattframtali sínu.

Nýr búðaklasi mun rísa á Laugavegi

Arkitektar munu fyrir lok þessa mánaðar skila hugmyndum að hönnun nýbyggingar við Laugaveg 17 til 21 og reitnum þar fyrir aftan að Smiðjustíg.

Þjóðverjanna ákaft saknað

Ættingjar Þjóðverjanna tveggja sem týndust á Svínafellsjökli vilja koma á framfæri þakklæti sínu til leitarfólks. Annar þeirra hefði orðið 25 ára í dag.

Sögulegar sættir á íslenskum bókamarkaði

„Já, þú mátt alveg kalla það sögulegar sættir. Ég myndi kannski ekki hafa orðið „sögulegt“ um þetta en þetta er merkilegt og vonandi farsælt skref,“ segir Halldór Guðmundsson, væntanlegur stjórnar­formaður Forlagsins, nýrrar bókaútgáfu.

Stefnt í lífshættu af sambýlismönnum

Þrjár konur sem leitað hafa aðstoðar Áfallamiðstöðvar eru taldar í stöðugri lífshættu vegna ofbeldis sambýlismanns. Fjórðungur kvenna hefur orðið fyrir ofbeldi. Gerandi ofbeldis gagnvart konum er oftast einhver nákominn þeim.

Lífsglöð, örlát og besta móðir í heimi

Bretar og fjölmargir aðdáendur Díönu prinsessu víða um heim minntust þess í gær að tíu ár voru liðin frá andláti hennar í umferðarslysi í París. Konungsfjölskyldan í Bretlandi minntist hennar með minningar­athöfn í Kensingtonhöll í London.