Bresk stjórnvöld gefa ekki eftir

Jack Straw, utanríkisráðherra Bretlands, staðfesti í morgun að Bretar hyggðust hvorki greiða lausnargjald, né láta undan öðrum kröfum mannræningja Kenneth Bigleys til að fá hann lausan. Það yrði aðeins hvatning til mannræningja um að auka umsvif sín.

Samningamenn svartsýnir

Samningamenn kennara og samningamenn sveitarfélaganna virðast vera álíka svartsýnir á að nokkur árangur verði af samningafundi sem hófst klukkan níu hjá Ríkissáttasemjara eftir viku hlé á viðræðum. Hvorugur hefur boðað tilslakanir eða ný tilboð og sáttatillaga af hálfu Ríkissáttasemjara liggur ekki í loftinu.

St. Helen við það að gjósa?

Bandaríska eldfjallið St. Helen gæti gosið þá og þegar. Bandarískir vísindamenn hafa sent frá sér viðvörun um að eldfjallið, sem er nærri Seattle í Washington, sé líklegt til að gjósa á næstunni.

Leysti frá skjóðunni

Einn höfuðpauranna í höfundarréttarstuldinum, sem lögregla hóf víðtæka rannsókn á í fyrrakvöld, ákvað í gærkvöldi að leysa frá skjóðunni til að komast hjá því að verða úrskurðaður í gæsluvarðhald. Var hann þá kominn ásamt lögreglumönnum í húsakynni Héraðsdóms Reykjavíkur þar sem fjalla átti um kröfu lögreglunnar um gæsluvarðhald.

Börn gangi um sjálfala

Samtökin Heimili og skóli hafa áhyggjur af því að börn gangi um sjálfala meðan verkfall grunnskólakennara varir. Svo virðist sem kennarar séu einnig í hálfgerðu reiðileysi. 

Umbætur í Noregi í kjölfar árásar

Norska loftferðaeftirlitið hefur ákveðið að strax í dag skuli umbætur hafnar á þeim tuttugu og níu innanlandsflugvöllum af fjörutíu og sex þar sem ekkert öryggiseftirlit hefur verið til þessa. Þetta er gert í kjölfar þess að óður maður réðst á flugmenn með exi í innanlandsflugi í gær.

Lögregla leitar enn bílþjófa

Lögreglan á Akureyri leitar enn skemmdarvarga og þjófa sem brutust inn í sextán bíla í bænum í fyrrinótt í leit að peningum í þeim. Þeir brutu rúður í bílunum til að komast inn í þá og rótuðu í öllu lauslegu en stálu engum verðmætum, eins og hjómflutningstækjum.

Fyrstu kappræðurnar í kvöld

Fyrstu kappræðurnar milli forsetaframbjóðendanna George W. Bush og Johns Kerrys fara fram í kvöld. Í nýjustu könnunum hefur Bush haft allt að átta prósentum meira fylgi en Kerry. Kappræður milli forsetaframbjóðenda hafa í gegnum tíðina oft haft nokkur áhrif á fylgi þeirra.

Verðhækkanir koma niður á útgerð

Olíuverðshækkanirnar að undanförnu koma hart niður á útgerðinni og þá einkum á útgerð stórra frystitogara sem nota á annan tug tonna af olíu á sólarhring. Þeir eru bæði með aflmiklar aðalvélar, fiskvinnslubúnaðurinn um borð er knúinn áfram með olíu og loks knýr olía frystinguna sjálfa.

Þrjátíu létust í sprengingum

Allt að þrjátíu og þrír, bæði írakskir borgarar og bandarískir hermenn, létu lífið í tveimur sprengjutilræðum í suðurhluta Bagdads nú fyrir stundu. Sprengjurnar sprungu skammt frá bílalest bandarískra hermanna. Sú seinni sprakk þegar hermennirnir reyndu að aðstoða þá sem særðust í fyrstu sprengingunni.

Rússar staðfesta Kyoto-bókunina

Ríkisstjórn Rússlands staðfesti Kyoto-bókunina í morgun og þar með virðist sem þessi sjö ára gamli samningur muni loks hljóta fullgildingu sem alþjóðasáttmáli. Þessi staðfesting Rússa er gríðarlega mikilvægur áfangi í umhverfisvernd.

Fimmtán létust í Japan

Fimmtán létu lífið í Japan í flóðum og aurskriðum í kjölfar fellibyljarins Meari sem gekk yfir vesturhluta landsins í gær. Meari er áttundi fellibylurinn sem gengur á land í Japan á þessu ári en alls hafa um fimmtíu manns látið lífið í þessum óveðrum.

Úrskurðaður í gæsluvarðhald

Karlmaður um þrítugt var í gær úrskurðaður í tveggja vikna gæsluvarðhald í tengslum við umfangsmikið smygl á kókaíni, amfetamíni og LSD. Þar með sitja sjö í gæsluvarðhaldi vegna málsins, fimm hér á landi og tveir í Hollandi.

41 liggur í valnum

Fjörutíu og einn maður hið minnsta liggur í valnum eftir þrjú sprengjustilræði í Bagdad í Írak í morgun. Bandarískir hermenn í Írak verða að meðaltali fyrir um áttatíu árásum á degi hverjum. 

Fjöldaganga kennara og nema

Á annað þúsund kennarar og kennaranemar mættu við höfuðstöðvar Ríkissáttasemjara til að hvetja samningamenn sína þegar samningafundur var að hefjast þar í morgun. Síðan var haldið í fjöldagöngu niður í ráðhús þar sem Ólafur Loftsson, formaður Kennarafélags Reykjavíkur, las upp svohljóðandi orðsendingu til borgaryfirvalda:

Braut meginreglu stjórnsýslulaga

Stefán Már Stefánsson lagaprófessor, sem Hæstiréttur taldi annan af hæfustu umsækjendum um dómarastöðu við Hæstarétt, telur að settur dómsmálaráðherra hafi brotið meginreglu stjórnsýslulaga og jafnréttislög þegar hann skipaði Jón Steinar Gunnlaugsson hæstaréttardómara í gær.

Hringurinn þrengdur um þjóðarblóm

Sjö blóm hafa verið valin til úrslita í keppninni um sæmdarheitið ,,þjóðarblóm“ Íslendinga. Valið stendur á milli blágresis, blóðbergs, geldingarhnapps, gleym-mér-eyjar, holtasóleyjar, hrafnafífu og lambagrass, og fá landsmenn að kjósa um þau í skoðanakönnun næstu tvær vikur.

Umhverfisráðherra fagnar áfanganum

Ríkisstjórn Rússlands staðfesti Kyoto-bókunina í morgun og þar með virðist sem þessi sjö ára gamli samningur muni loks hljóta fullgildingu sem alþjóðasáttmáli. Umhverfisráðherra Íslands fagnar þessum áfanga og telur að þetta geti sett þrýsting á Bandaríkin um að láta af andstöðu sinni við samninginn.

150 barnaníðingar handteknir

Lögregla í Ástralíu hefur handtekið meira en 150 manns í stærstu lögregluaðgerð í sögu landsins gegn barnaklámi. Þeir eru allir grunaðir um framleiðslu, dreifingu og niðurhal á barnaklámi og einnig fyrir að hafa skipulagt ferðir fyrir barnaníðinga þar sem þeir gátu fengið útrás fyrir fýsnir sínar.

Árni skipaður á ný

Sigríður Anna Þórðardóttir umhverfisráðherra skipaði í gær dr. Árna Einarsson líffræðing til þess að gegna áfram stöðu forstöðumanns Náttúrurannsóknastöðvarinnar til næstu fimm ára. Árni hefur starfað sem forstöðumaður Náttúrurannsóknastöðvarinnar frá árinu 1996.

Munu hlusta á mannræningja

Talsmaður bresku ríkisstjórnarinnar segir að stjórnvöld séu viljug til að hlusta á kröfur mannræningja ef þeir snúa sér beint til þeirra, en að útilokað sé að greiða lausnargjald fyrir gísla líkt og talið er að ítölsk stjórnvöld hafi gert fyrir tvær ítalskar konur sem sleppt var úr haldi mannræningja í fyrradag.

Kynmök við dýr leyfileg

Dómsmálaráðherra Danmerkur vill ekki setja skilyrðislaust bann við af hafa kynmök við dýr. Þetta kemur fram í svari ráðherrans til Dýraverndunarsamtaka Danmerkur.

Helmingur allra karla ákærður

Réttarhöld yfir helmingi allra karla á Pitcairn-eyju hófust í dag. Mennirnir eru ákærðir fyrir nauðganir. Alls sitja sjö karlmenn á sakamannabekknum en íbúar á Pitcairn-eyju eru 47. Ákærurnar ná 40 ár aftur í tímann og átta konur bera vitni við réttarhöldin.

34 börn hafa látist í dag

Af þeim rúmlega fjörutíu sem látist hafa í sprengingum í Írak í dag eru þrjátíu og fjögur börn. Flest þeirra voru í námunda við bandaríska hermenn til að fá hjá þeim sælgæti. 139 særðust í tilræðunum, meirihlutinn börn. 

Bæjarstjórn mátti fresta fundi

Félagsmálaráðuneytið hefur hafnað kröfu minnihluta í bæjarstjórn Vestmannaeyja, um að frestun á fundi bæjarstjórnar þann 16.september verði gerð ógild.

Lyfjum stolið úr togara

Brotis var inn í togarann Sighvat Bjarnason VE í Vestmannaeyahöfn í nótt. Lögreglan í Eyjum fékk tilkynningu um þetta laust fyrir hádegi. Að sögn lögreglu braut þjófurinn upp lyfjakistu skipsins og hafði þaðan á brott pedidín sem er lyf skylt morfíni.

Lögreglan lýsir eftir dreng

Lögreglan í Reykjavík lýsir eftir Albert Þór Benediktssyni, 14 ára, sem síðast sást til í Faxafeni sunnudaginn 26. september síðastliðinn klukkan 17:50. Þeir sem hafa orðið hans varir, eða vita hvar hann er nú, eru beðnir að hafa samband við lögregluna í Reykjavík í síma við 444 1102.

Sameining sveitarfélaga í pípunum

Líklegt er að íbúar 80 sveitarfélaga gangi að kjörborðinu næsta vor til að greiða atkvæði um sameiningu við nágrannasveitarfélög. Það gerist ef tillögur um breytingar á sveitarfélagaskipan ná fram að ganga en þær verða kynntar á blaðamannafundi sem er nýhafinn á Hóteli Nordica.

Með tíu gísla í haldi

Íslamskur hópur sem kallar sig „Íslamskur her Íraks - herdeild vesturhéraðanna“ fullyrðir að hann hafi tíu gísla á valdi sínu. Sjónvarpsstöðin Al Jazeera sýndi myndband frá hópnum í dag en hópurinn segist hafa tvær indónesískar konur, tvo Líbani og sex Íraka í haldi.

Fækkun sveitarfélaga úr 103 í 39

Sveitarfélögum á Íslandi fækkar úr 103 í 39 samkvæmt tillögum nefndar um sameiningu sveitarfélaga sem kynntar voru á fundi á Hótel Nordica í dag. Á meðal tillagna nefndarinnar er að Suðurnes verði gerð að einu sveitarfélagi. Þar með yrði það eitt af stærstu sveitarfélögum landsins með tæplega 17 þúsund íbúa.

350 milljónir í nýja heilsugæslu

Framkvæmdir við stækkun Heilbrigðisstofnunar Siglufjarðar um þúsund fermetra og endurnýjun núverandi húsnæðis alveg frá grunni hefjast á næsta ári að sögn Konráðs Baldvinssonar, framkvæmdastjóra stofnunarinnar. Heildarkostnaðurinn er áætlaður um 350 milljónir króna.

Samningafundi slitið

Fundi samninganefnda Félags grunnskólakennara og Launanefndar sveitarfélaganna var slitið á fimmta tímanum og hefur nýr fundur verið boðaður klukkan eitt á morgun. Engin niðurstaða er komin í málið en reynt verður áfram á morgun.   

Siglfirðingar vongóðir um göng

Bæjaryfirvöld á Siglufirði hafa þegar hafið framkvæmdir sem tengjast gerð Héðinsfjarðarganga milli Siglufjarðar og Ólafsfjarðar. Verið er að byggja brú yfir Fjarðará sem tengist vegi sem liggur að gangamunnanum.

Íslandsmet í fésektum

Örn Garðarsson, fyrrverandi framkvæmdastjóri og stjórnarformaður Brasserie Borgar játaði, í Héraðsdómi Reykjavíkur í gær, rúmlega sextíu milljóna króna skattsvik. Á síðasta ári var hann dæmdur í þriggja mánaða skilorðbundið fangelsi fyrir fimmtán milljón króna skattsvik og til greiðslu þrjátíu milljón króna sektar.

Enn einn handtekinn

Einn enn hefur verið handtekinn og úrskurðaður í gæsluvarðhald í tengslum við eitt stærsta fíkniefnamál síðustu ára. Maðurinn sem er um þrítugt var handtekinn í fyrradag og úrskurðaður í tveggja vikna gæsluvarðhald síðar sama dag.

Lögbannið fellt úr gildi

Hæstiréttur hefur fellt úr gildi lögbann við að Siðanefnd Háskóla Íslands fjalli um vinnubrögð Hannesar Hólmsteins Gissurarsonar þegar hann reit fyrsta bindi ævisögu Halldórs Laxness í fyrra.

Morfíntengdum lyfjum stolið

Brotist var inn í Sighvat Bjarnason VE-81 í Vestmannaeyjahöfn í fyrrinótt. Lyfjakista skipsins var brotin upp og þaðan stolið lyfjum, meðal annars lyfinu Petidín sem er morfíntengt.

Krefst fjögurra ára fangelsis

Sækjandi í sakamáli gegn Stefáni Loga Sívarssyni krafðist þess í Héraðsdómi Reykjavíkur í gær að hann yrði dæmdur í fjögurra ára fangelsi fyrir þrjár líkamsárásir sem hann er sakaður um að hafa framið á tveimur dögum í apríl.

Tugir barna létu lífið

Fleiri börn féllu í sprengjuárás í Bagdad í gær en höfðu áður látist í einni árás frá því að innrásin í Írak hófst fyrir tæpu hálfu öðru ári síðan. Nær 50 manns létu lífið í þremur árásum í Bagdad. Flestir þeirra sem létust voru börn, 35 af þeim 46 sem létust. Að auki særðust rúmlega 200 manns, að sögn sjúkrahússtarfsfólks og hermálayfirvalda.

Semja ekki um lausn gíslanna

Bretar munu hvorki greiða lausnargjald né verða við kröfum um breytingar á stjórnarstefnu til að fá breska gíslinn Kenneth Bigley leystan úr haldi mannræningja í Írak. Jack Straw, utanríkisráðherra Bretlands, sagði stjórnina ákveðna í að gefa ekkert eftir gagnvart mannræningjunum.

Rússar staðfesta Kyotosáttmálann

Rússar hafa ákveðið að staðfesta Kyoto-sáttmálann um að draga úr útblæstri gróðurhúsalofttegunda. Þar með aukast líkurnar á því að sáttmálinn frá 1997 taki gildi en til þess þurfa minnst 55 ríki sem bera ábyrgð á a.m.k. 55 prósentum af útblæstri gróðurhúsalofttegunda að staðfesta sáttmálann.

Slapp með skrekkinn

Fulltrúar á flokksþingi Verkamannaflokksins í Brighton samþykktu ályktun þar sem stuðningi er lýst við að breskt herlið verði áfram í Írak með stuðningi Sameinuðu þjóðanna og samþykki íraskra stjórnvalda. Mikill meirihluti þingfulltrúa samþykkti tillöguna með lófaklappi.

Heimildir brjóta gegn stjórnarskrá

Í annað sinn á skömmum tíma hefur fallið dómur þar sem svokölluð þjóðræknislög, sem Bandaríkjaþing samþykkti eftir hryðjuverkaárásirnar 11. september 2001, eru sögð brjóta gegn stjórnarskránni. Lögin veita bandarískum lögreglustofnunum víðtækar leitar- og eftirlitsheimildir sem dómarar segja ganga of nærri persónuvernd einstaklinganna.

Vill berjast í Tsjetsjeníu

"Ég ætla til Tsjetsjeníu til að berjast fyrir múslima. Múslimar eru ofsóttir í Tsjetsjeníu og Rússarnir fremja hryðjuverk gegn þeim," sagði Slimane Hadj Abderrahmane í viðtali við dönsku útvarpsstöðina DR-1.

Sölu Símans frestað til 2008

Þingflokkur Vinstri-grænna hefur ákveðið hver verði tíu fyrstu mál þingflokksins á komandi þingi. Þau helstu eru frumvarp til laga um breytingu á lögum um sölu ríkissjóðs á hlutafé í Landssíma Íslands hf., breytingu á lögum um tekju- og eignaskatt og þingsályktunartillaga um gjaldfrjálsan leikskóla.