Innlent

Kjaravaktin: Ögur­stund rennur upp

Árni Sæberg, Lovísa Arnardóttir og Oddur Ævar Gunnarsson skrifa
Halla Gunnarsdóttir ræddi við fjölmiðla að loknum fundi með Kristrúnu Frostadóttur forsætisráðherra.
Halla Gunnarsdóttir ræddi við fjölmiðla að loknum fundi með Kristrúnu Frostadóttur forsætisráðherra. Vísir/Anton Brink

Frestur til að segja upp kjarasamningum vegna forsendubrests rennur út klukkan 16 í dag. VR hyggst að óbreyttu slíta kjarasamningum en fundahöld standa þó yfir. Vísir fylgist með þróun mála í fréttavakt og beinni útsendingu eftir því sem tilefni er til.

Forsenduákvæði kjarasamninganna brast í ágúst eftir að verðbólgan mældist 5,6 prósent. Þeir sem komu að samningunum fengu þá heimild til klukkan fjögur í dag til að segja upp kjarasamningunum.

Hvort náist að semja fyrir það er óljóst en Halla Gunnarsdóttir formaður VR sagði í viðtali við Vísi í morgun að Samtök atvinnulífsins hefðu ekki „fært sig eina litla tommu“ til að koma til móts við VR, Fagfélögin og LÍV. Breiðfylking stéttarfélaga hefur þegar samið við SA um framlengingu samninga. Slíti VR samningum geta opinberu stéttarfélögin gert slíkt hið sama í kjölfarið.

Fylgst verður með þróun mála í vaktinni hér að neðan. Ráð er að endurhlaða síðunni ef vaktin birtist ekki strax:

Kjaramál Stéttarfélög Atvinnurekendur Vinnumarkaður Efnahagsmál Kjaraviðræður 2023-25

Mest lesið


Fleiri fréttir

Sjá meira
×

Mest lesið